55

	ஓங்கு மலைப் பெரு வில் பாம்பு ஞாண் கொளீஇ,
	ஒரு கணை கொண்டு மூஎயில் உடற்றி,
	பெரு விறல் அமரர்க்கு வென்றி தந்த
	கறை மிடற்று அண்ணல் காமர் சென்னிப்
5	பிறை நுதல் விளங்கும் ஒரு கண் போல,
	வேந்து மேம்பட்ட பூந் தார் மாற!
	கடுஞ் சினத்த கொல் களிறும்; கதழ் பரிய கலி மாவும்,
	நெடுங் கொடிய நிமிர் தேரும், நெஞ்சு உடைய புகல் மறவரும், என
	நான்குடன் மாண்டதுஆயினும், மாண்ட
10	அற நெறி முதற்றே, அரசின் கொற்றம்;
	அதனால், 'நமர்' எனக் கோல் கோடாது,
	'பிறர்' எனக் குணம் கொல்லாது,
	ஞாயிற்று அன்ன வெந் திறல் ஆண்மையும்,
	திங்கள் அன்ன தண் பெருஞ் சாயலும்,
15	வானத்து அன்ன வண்மையும், மூன்றும்,
	உடையை ஆகி, இல்லோர் கையற,
	நீ நீடு வாழிய நெடுந்தகை! தாழ் நீர்
	வெண் தலைப் புணரி அலைக்கும் செந்தில்
	நெடு வேள் நிலைஇய காமர் வியன் துறை,
20	கடு வளி தொகுப்ப ஈண்டிய
	வடு ஆழ் எக்கர் மணலினும் பலவே!

349

	நுதி வேல் கொண்டு நுதல் வியர் துடையா,
	கடிய கூறும், வேந்தே; தந்தையும்,
	நெடிய அல்லது, பணிந்து மொழியலனே;
	இஃது இவர் படிவம்: ஆயின், வை எயிற்று,
5	அரி மதர் மழைக் கண், அம் மா அரிவை,
	மரம் படு சிறு தீப் போல,
	அணங்கு ஆயினள், தான் பிறந்த ஊர்க்கே.