251

	ஓவத்து அன்ன இடனுடை வரைப்பில்,
	பாவை அன்ன குறுந் தொடி மகளிர்
	இழை நிலை நெகிழ்த்த மள்ளன் கண்டிகும்
	கழைக் கண் நெடு வரை அருவி ஆடி,
5	கான யானை தந்த விறகின்
	கடுந் தெறல் செந் தீ வேட்டு,
	புறம் தாழ் புரி சடை புலர்த்துவோனே!

252

	கறங்கு வெள் அருவி ஏற்றலின், நிறம் பெயர்ந்து,
	தில்லை அன்ன புல்லென் சடையோடு,
	அள் இலைத் தாளி கொய்யுமோனே
	இல் வழங்கு மட மயில் பிணிக்கும்
5	சொல் வலை வேட்டுவன் ஆயினன், முன்னே!