205

	முற்றிய திருவின் மூவர் ஆயினும்,
	பெட்பின்று ஈதல் யாம் வேண்டலமே;
	விறல் சினம் தணிந்த விரை பரிப் புரவி
	உறுவர் செல் சார்வு ஆகி, செறுவர்
5	தாள் உளம் தபுத்த வாள் மிகு தானை,
	வெள் வீ வேலிக் கோடைப் பொருந!
	சிறியவும் பெரியவும் புழை கெட விலங்கிய
	மான் கணம் தொலைச்சிய கடு விசைக் கத நாய்,
	நோன் சிலை, வேட்டுவ! நோய் இலையாகுக!
10	ஆர் கலி யாணர்த் தரீஇய, கால் வீழ்த்து,
	கடல்வயின் குழீஇய அண்ணல் அம் கொண்மூ
	நீர் இன்று பெயராவாங்கு, தேரொடு
	ஒளிறு மருப்பு ஏந்திய செம்மல்
	களிறு இன்று பெயரல, பரிசிலர் கடும்பே.