10

	வழிபடுவோரை வல் அறிதீயே;
	பிறர் பழி கூறுவோர் மொழி தேறலையே;
	நீ மெய் கண்ட தீமை காணின்;
	ஒப்ப நாடி, அத் தக ஒறுத்தி;
5	வந்து, அடி பொருந்தி, முந்தை நிற்பின்,
	தண்டமும் தணிதி, நீ பண்டையின் பெரிதே
	அமிழ்து அட்டு ஆனாக் கமழ் குய் அடிசில்
	வருநர்க்கு வரையா வசை இல் வாழ்க்கை
	மகளிர் மலைத்தல் அல்லது, மள்ளர்
10	மலைத்தல் போகிய, சிலைத் தார் மார்ப!
	செய்து இரங்கா வினை, சேண் விளங்கும் புகழ்,
	நெய்தலங்கானல் நெடியோய்!
	எய்த வந்தனம் யாம்; ஏத்துகம் பலவே!