9

	'ஆவும், ஆன் இயற் பார்ப்பன மாக்களும்,
	பெண்டிரும், பிணியுடையீரும், பேணித்
	தென் புல வாழ்நர்க்கு அருங் கடன் இறுக்கும்
	பொன் போல் புதல்வர்ப் பெறாஅதீரும்,
5	எம் அம்பு கடி விடுதும், நும் அரண் சேர்மின்' என,
	அறத்து ஆறு நுவலும் பூட்கை, மறத்தின்
	கொல் களிற்று மீமிசைக் கொடி விசும்பு நிழற்றும்
	எம் கோ, வாழிய, குடுமி தம் கோச்
	செந் நீர்ப் பசும் பொன் வயிரியர்க்கு ஈத்த,
10	முந்நீர் விழவின், நெடியோன்
	நல் நீர்ப் பஃறுளி மணலினும் பலவே!

114

	ஈண்டு நின்றோர்க்கும் தோன்றும்; சிறு வரை
	சென்று நின்றோர்க்கும் தோன்றும், மன்ற
	களிறு மென்று இட்ட கவளம் போல,
	நறவுப் பிழிந்து இட்ட கோதுடைச் சிதறல்
5	வார் அசும்பு ஒழுகும் முன்றில்,
	தேர் வீசு இருக்கை, நெடியோன் குன்றே.

241

	'திண் தேர் இரவலர்க்கு, ஈத்த, தண் தார்,
	அண்டிரன் வரூஉம்' என்ன, ஒண் தொடி
	வச்சிரத் தடக் கை நெடியோன் கோயிலுள்,
	போர்ப்புறு முரசம் கறங்க,
5	ஆர்ப்பு எழுந்தன்றால், விசும்பினானே.