184

	காய் நெல் அறுத்துக் கவளம் கொளினே,
	மா நிறைவு இல்லதும், பல் நாட்கு ஆகும்;
	நூறு செறு ஆயினும், தமித்துப் புக்கு உணினே,
	வாய் புகுவதனினும் கால் பெரிது கெடுக்கும்;
5	அறிவுடை வேந்தன் நெறி அறிந்து கொளினே,
	கோடி யாத்து, நாடு பெரிது நந்தும்;
	மெல்லியன் கிழவன் ஆகி, வைகலும்
	வரிசை அறியாக் கல்லென் சுற்றமொடு,
	பரிவு தப எடுக்கும் பிண்டம் நச்சின்,
10	யானை புக்க புலம் போல,
	தானும் உண்ணான், உலகமும் கெடுமே.