முகப்பு

80

	இன் கடுங் கள்ளின் ஆமூர் ஆங்கண்,
	மைந்துடை மல்லன் மத வலி முருக்கி,
	ஒரு கால் மார்பு ஒதுங்கின்றே; ஒரு கால்
	வரு தார் தாங்கிப் பின் ஒதுங்கின்றே
5	நல்கினும் நல்கான் ஆயினும், வெல் போர்ப்
	பொரல் அருந் தித்தன் காண்கதில் அம்ம
	பசித்துப் பணை முயலும் யானை போல,
	இரு தலை ஒசிய எற்றி,
	களம் புகு மல்லற் கடந்து அடு நிலையே.

274

	நீலக் கச்சை, பூ ஆர் ஆடை,
	பீலிக் கண்ணிப் பெருந்தகை மறவன்
	மேல் வருங் களிற்றொடு வேல் துரந்து, இனியே,
	தன்னும் துரக்குவன் போலும் ஒன்னலர்
5	எஃகுடை வலத்தர் மாவொடு பரத்தர,
	கையின் வாங்கி, தழீஇ,
	மொய்ம்பின் ஊக்கி, மெய்க் கொண்டனனே!

275

	கோட்டங் கண்ணியும், கொடுந்திரை ஆடையும்,
	வேட்டது சொல்லி வேந்தனைத் தொடுத்தலும்,
	ஒத்தன்று மாதோ, இவற்கே; செற்றிய
	திணி நிலை அலறக் கூவை போழ்ந்து, தன்
5	வடி மாண் எஃகம் கடிமுகத்து ஏந்தி,
	'ஓம்புமின், ஓம்புமின், இவண்!' என, ஓம்பாது,
	தொடர் கொள் யானையின் குடர் கால் தட்ப,
	கன்று அமர் கறவை மான,
	முன் சமத்து எதிர்ந்த தன் தோழற்கு வருமே.