முகப்பு

309

	இரும்பு முகம் சிதைய நூறி, ஒன்னார்
	இருஞ் சமம் கடத்தல் ஏனோர்க்கும் எளிதே;
	நல் அரா உறையும் புற்றம் போலவும்,
	கொல் ஏறு திரிதரு மன்றம் போலவும்,
5	மாற்று அருந் துப்பின் மாற்றோர், 'பாசறை
	உளன்' என வெரூஉம் ஓர் ஒளி
	வலன் உயர் நெடு வேல் என்னைகண்ணதுவே.

310

	பால் கொண்டு மடுப்பவும் உண்ணான் ஆகலின்,
	செறாஅது ஓச்சிய சிறு கோல் அஞ்சியொடு,
	உயவொடு வருந்தும் மன்னே! இனியே
	புகர் நிறம் கொண்ட களிறு அட்டு ஆனான்,
5	முன்நாள் வீழ்ந்த உரவோர் மகனே,
	உன்னிலன் என்னும், புண் ஒன்று அம்பு
	மான் உளை அன்ன குடுமித்
	தோல் மிசைக் கிடந்த புல் அணலோனே.