99

	அமரர்ப் பேணியும், ஆவுதி அருத்தியும்,
	அரும் பெறல் மரபின் கரும்பு இவண் தந்தும்,
	நீர் அக இருக்கை ஆழி சூட்டிய
	தொல் நிலை மரபின் நின் முன்னோர் போல,
5	ஈகை அம் கழல் கால், இரும் பனம் புடையல்,
	பூ ஆர் காவின், புனிற்றுப் புலால் நெடு வேல்,
	எழு பொறி நாட்டத்து எழாஅத் தாயம்
	வழு இன்று எய்தியும் அமையாய், செரு வேட்டு,
	இமிழ் குரல் முரசின் எழுவரொடு முரணிச்
10	சென்று, அமர் கடந்து, நின் ஆற்றல் தோற்றிய
	அன்றும், பாடுநர்க்கு அரியை; இன்றும்
	பரணன் பாடினன் மற்கொல் மற்று நீ
	முரண் மிகு கோவலூர் நூறி, நின்
	அரண் அடு திகிரி ஏந்திய தோளே!