243

	இனி நினைந்து இரக்கம் ஆகின்று: திணி மணல்
	செய்வுறு பாவைக்குக் கொய் பூத் தைஇ,
	தண் கயம் ஆடும் மகளிரொடு கை பிணைந்து,
	தழுவுவழித் தழீஇ, தூங்குவழித் தூங்கி,
5	மறை எனல் அறியா மாயம் இல் ஆயமொடு
	உயர் சினை மருதத் துறை உறத் தாழ்ந்து,
	நீர் நணிப் படி கோடு ஏறி, சீர் மிக,
	கரையவர் மருள, திரைஅகம் பிதிர,
	நெடு நீர்க் குட்டத்துத் துடுமெனப் பாய்ந்து,
10	குளித்து மணல் கொண்ட கல்லா இளமை
	அளிதோதானே! யாண்டு உண்டு கொல்லோ
	தொடித் தலை விழுத் தண்டு ஊன்றி, நடுக்குற்று,
	இரும் இடை மிடைந்த சில சொல்
	பெரு மூதாளரேம் ஆகிய எமக்கே?