385

	வெள்ளி தோன்ற, புள்ளுக் குரல் இயம்ப,
	புலரி விடியல் பகடு பல வாழ்த்தி,
	தன் கடைத் தோன்றினும் இலனே; பிறன் கடை,
	அகன்கண் தடாரிப் பாடு கேட்டருளி,
5	வறன் யான் நீங்கல் வேண்டி, என் அரை
	நீல் நிறச் சிதாஅர் களைந்து,
	வெளியது உடீஇ, என் பசி களைந்தோனே;
	காவிரி அணையும் தாழ் நீர்ப் படப்பை
	நெல் விளை கழனி அம்பர் கிழவோன்,
10	நல் அருவந்தை, வாழியர்! புல்லிய
	வேங்கட விறல் வரைப் பட்ட
	ஓங்கல் வானத்து உறையினும் பலவே!