Muva vurai

திருவள்ளுவமாலை
கடுகைத் துளைத்துஏழ் கடலைப் புகட்டிக் குறுகத் தறித்த குறள்	- இடைக்காடர்
அணுவைத் துளைத்துஏழ் கடலைப் புகட்டிக் குறுகத் தறித்த குறள்	- ஒளவையார்
தானே முழுதுணர்ந்து தண்தமிழின் வெண்குறளால் ஆனா அறமுதலா அந்நான்கும் - ஏனோருக்(கு) ஊழின் உரைத்தாற்கும் ஒண்ணீர் முகிலுக்கும் வாழிஉலகு என்ஆற்று மற்று	- நக்கீரனார்
பரந்த பொருளெல்லாம் பாரறிய வேறு தெரிந்து திறந்தொறும் சேரச் - சுருங்கிய சொல்லால் விரித்துப் பொருள்விளங்கச் சொல்லுதல் வல்லார்ஆர் வள்ளுவரல் லால்.	- அரிசில் கிழார்
ஆயிரத்து முந்நூற்று முப்பது அருங்குறளும் பாயிரத்தி னோடு பகர்ந்ததன்பின் - போயொருத்தர் வாய்க்கேட்க நூலுளவோ மன்னு தமிழ்ப்புலவ ராய்க்கேட்க வீற்றிருக்க லாம்.	- நத்தத்தனார்
உள்ளுதல் உள்ளி உரைத்தல் உரைத்ததனைத் தெள்ளுத லன்றே செயற்பால - வள்ளுவனார் முப்பாலின் மிக்க மொழியுண் டெனப்பகர்வார் எப்பா வலரினும் இல்.	- முகையலூர்ச் சிறுகருந்தும்பியார்
ஓதற்கு எளிதாய் உணர்தற்கு அரிதாகி வேதப் பொருளாய் மிகவிளங்கித் தீதற்றோர் உள்ளுதொ றுள்ளுதொறு உள்ளம் உருக்குமே வள்ளுவர் வாய்மொழி மாண்பு.	- மாங்குடி மருதனார்
எல்லாப் பொருளும் இதன்பால் உளஇதன்பால் இல்லாத எப்பொருளும் இல்லையால் - சொல்லால் பரந்தபா வால்என் பயன்வள் ளுவனார் சுரந்தபா வையத் துணை.	- மதுரைத் தமிழ்நாகனார்
புலவர் திருவள் ளுவர்அன்றிப் பூமேல் சிலவர் புலவர்எனச் செப்பல் - நிலவு பிறங்கொளிமா லைக்கும் பெயர்மாலை மற்றும் கறங்குஇருள்மா லைக்கும் பெயர்.	- மதுரைத் தமிழாசிரியர் செங்குன்றூர் கிழார்