பாபம் செய்தவர்க்குப் புகலிடம்  நரகமல்லது வேறு இல்லை யென்றாரென்க.

 ‘உயிர்ப்பொருள் வடிவுகோறல் உயிர்க்கொலைபோலும்‘என்று மேலே கூறியிருப்பது (38) காண்க.  உவந்தனர், முற்றெச்சம்.  ஈங்கு உவத்தல் - (கொலைத்தொழிலில்)  ஆனந்தம்: ரௌத்ரத்யானத்தின் பிரிவாகிய ஹிம்ஸாநந்தம். யசோ.147. உரை காண்க.  (26)  

(இ-ள்.) அவன் இனைய கூற - அகம்பன முனிவர்இவற்றைக்கூற, மனம் நனிகலங்கி வாடி - (தளவரன்)  மனம்மிகக் கலங்கிச் சோர்ந்து, செற்றமும் சினமும் நீக்கி -(அறம் மேற்கொள்ளும் முறைப்படி) செற்றத்தையும், சினத்தையும் விலக்கி, திரு அறம் தெளிவு காதல் பற்றினன் - திருவறத்தின் உண்மையில் அன்புகொண்டு,  முன்னம்பகர்ந்தன - (அவரால்) முன் கூறப்பட்டனவாகிய, வதங்கள்அனைத்தும் - விரதங்களையெல்லாம்,  கொண்டு   - (அம்முனிவரிடமே) கைக்கொண்டு,  அடிகள் - அடிகளே !  நும்மால் - தங்களால், பெரும் பயன்பெற்றனன் - மிக்க நன்மையைஅடைந்தேன், என்று போந்தான் - என்று விடைபெற்றுமீண்டான்.  (எ-று.)

தளவரன், நற்காட்சியுடன் விரதங்களையும் ஏற்றுச் சென்றானென்க.

தன் இழிதொழிலின் பொல்லாங்கைக் கருதி,   மனங்கலங்கி உடல்மெலிவடைந்தன னாதலின்,  ‘மனநனி கலங்கிவாடி‘  என்றார்.  பிறவி முதலியவற்றால் தாழ்ந்த ஜாதியினரென்று கூறப்படும் எத்தகையோரும் இறைவனருளியநற்காட்சி முதலியன மேற்கொள்ளலா மாதலின்,  ‘செற்றமும்... கொண்டு‘ என்றார்.  ‘பறையன் மகனெனினுங்