AlagkuTi vagkanAr

230. marutam

muyap piTic ceviyin anna pAcaTai,

kayak kaNak kokkin anna kUmpu mukai,

kaNaik kAl, Ampal amiztu n'ARu taN pOtu,

kuNakkut tOnRu veLLiyin, iruL keTa viriyum

5

kayaRkaNam kalitta poykai Ura!

munivu il parattaiyai eR tuRan'tu aruLAy;

n'ani pulampu alaitta ellai n'Igka,

putuvaRamkUrn'ta ceRuvil taNNena

mali punal parattan'tAagku,

10

initE teyya, n'in kANugkAlE.

tOzi vAyil maRuttatu.-AlagkuTi vagkanAr

330. marutam

taTa maruppu erumaip piNarc cuval irum pOttu,

maTa n'aTai n'Araip pal inam iriya,

n'eTu n'Irt taN kayam tuTumenap pAyn'tu,

n'AT tozil varuttam vITa, cEN cinai

5

iruL punai marutin in n'izal vatiyum

yANar Ura! n'in mAN izai makaLirai

em manait tan'tu n'I tazIiyinum, avartam

pun manattu uNmaiyO aritE: avarum,

pain' toTi makaLiroTu ciRuvarp payan'tu,

10

n'anRi cAnRa kaRpoTu

em pATu Atal ataninum aritE.

tOzi, talaimakanai vAyil maRuttatu.-AlagkuTi vagkanAr

400. marutam

vAzai men tOTu vArpuuRupu Ukkum

n'el viLai kazani n'Er kaN ceRuvin,

arivanar iTTa cUTTu ayal, periya

iruj cuval vALai piRazum Ura!

5

n'ininRu amaikuven Ayin, ivaN n'inRu,

innA n'OkkamoTu evan pizaippu uNTO?

maRam kezu cOzar uRan'tai avaiyattu,

aRam keTa aRiyAtAgku, ciRan'ta

kENmaiyoTu aLaii, n'IyE

10

keTu aRiyAy en n'ejcattAnE.

parattai talaivanaip pukazn'tatu. munpu n'inRu yAtO pukazn'tavARu enin, 'n'in inRu amaiyAm' enRu connamaiyAn enpatu.-AlagkuTi vagkanAr

	muyap piTic ceviyin anna pAcaTai,
	kayak kaNak kokkin anna kUmpu mukai,
	kaNaik kAl, Ampal amiztu n'ARu taN pOtu,
	kuNakkut tOnRu veLLiyin, iruL keTa viriyum
5	kayaRkaNam kalitta poykai Ura!
	munivu il parattaiyai eR tuRan'tu aruLAy;
	n'ani pulampu alaitta ellai n'Igka,
	putuvaRamkUrn'ta ceRuvil taNNena
	mali punal parattan'tAagku,
10	initE teyya, n'in kANugkAlE.

	taTa maruppu erumaip piNarc cuval irum pOttu,
	maTa n'aTai n'Araip pal inam iriya,
	n'eTu n'Irt taN kayam tuTumenap pAyn'tu,
	n'AT tozil varuttam vITa, cEN cinai
5	iruL punai marutin in n'izal vatiyum
	yANar Ura! n'in mAN izai makaLirai
	em manait tan'tu n'I tazIiyinum, avartam
	pun manattu uNmaiyO aritE: avarum,
	pain' toTi makaLiroTu ciRuvarp payan'tu,
10	n'anRi cAnRa kaRpoTu
	em pATu Atal ataninum aritE.

	vAzai men tOTu vArpuuRupu Ukkum
	n'el viLai kazani n'Er kaN ceRuvin,
	arivanar iTTa cUTTu ayal, periya
	iruj cuval vALai piRazum Ura!
5	n'ininRu amaikuven Ayin, ivaN n'inRu,
	innA n'OkkamoTu evan pizaippu uNTO?
	maRam kezu cOzar uRan'tai avaiyattu,
	aRam keTa aRiyAtAgku, ciRan'ta
	kENmaiyoTu aLaii, n'IyE
10	keTu aRiyAy en n'ejcattAnE.