iLagkIranAr |
3. pAlai |
In parun'tu uyavum vAn poru n'eTuj cinaip |
|
pori arai vEmpin puLLi n'Izal, |
|
kaTTaLai anna vaTTu aragku izaittu, |
|
kallAc ciRAar n'elli vaTTu ATum |
|
5 |
vil Er uzavar vem munaic cIRUrc |
curanmutal van'ta uran mAy mAlai |
|
uLLinen allenO, yAnE-uLLiya |
|
vinai muTittanna iniyOL |
|
manai mAN cuTaroTu paTar pozutu enavE? |
|
mun oru kAlattup poruLvayiR pirin'ta talaimakan pinnum poruL kaTaik kUTTiya n'ejciRkuc colliyatu.-iLagkIranAr |
62. pAlai |
vEr piNi vetirattuk kAl poru n'aral icai |
|
kan'tu piNi yAnai ayar uyirttanna |
|
enRUz n'ITiya vEy payil azuvattu, |
|
kunRu Ur matiyam n'Okki, n'inRu, n'inain'tu, |
|
5 |
uLLinen allenO yAnE-'muL eyiRRu, |
tilakam taiiya tEm kamaz tiru n'utal, |
|
ematum uNTu, Or matin'AT tigkaL, |
|
uraRu kural vev vaLi eTuppa, n'izal tapa |
|
ulavai Akiya maratta |
|
10 |
kal piRagku uyar malai umparaHtu' enavE? |
mun oru kAlattupporuLvayiR pirin'tu van'ta talaivan, pinnum poruLvalikkappaTTa n'ejciRkuc celavu azugkuvittatu.-iLagkIranAr |
113. pAlai |
uzai aNan'tu uNTa iRai vAgku uyarcinaip |
|
pul arai irattip potip puRap pacug kAy |
|
kal cEr ciRu n'eRi malkat tAam |
|
perug kATu iRan'tum, eyta van'tanavAl- |
|
5 |
'aruj ceyal poruT piNi munni, yAmE |
cERum, maTan'tai!' enRalin, tAn tan |
|
n'eytal uNkaN paital kUra, |
|
pin irug kUn'talin maRaiyinaL, peritu azin'tu, |
|
utiyan maNTiya oli talai jATpin |
|
10 |
immen perug kaLattu iyavar Utum |
Ampal am kuzalin Egki, |
|
kalagku ajar uRuvOL pulampu koL n'OkkE! |
|
iTaic curattu ARRAnAya talaivan colliyatu.-iLagkIranAr |
266. mullai |
kollaik kOvalar kuRumpunam cErn'ta |
|
kuRug kAR kuravin kuvi iNar vAn pU |
|
ATuTai iTaimakan cUTap pUkkum |
|
akaluL AgkaN cIRUrEmE; |
|
5 |
atuvE cAlum kAmam; anRiyum, |
em viTTu akaRir Ayin, kon onRu |
|
kURuval-vAziyar, aiya!-vERupaTTu |
|
irIiya kAlai iriyin, |
|
periya allavO, periyavar n'ilaiyE? |
|
talaimakanaic celavuTanpaTTatu; kaTin'akar varaippil kaNTu makizn'ta talaimakaRkut tOzi 'n'ummAlE AyiRRu' enRu colliyatUum Am.-kaccippETTu iLan'taccanAr |
308. pAlai |
cela viraivuRRa aravam pORRi, |
|
malar Er uNkaN pani vara, Ayizai- |
|
yAm taR karaiyavum, n'ANinaL varuvOL, |
|
vENTAmaiyin menmela van'tu, |
|
5 |
vinavalum takaittalum cellAL Aki, |
veRi kamaz tuRu muTi tayagka, n'al vinaip |
|
poRi azi pAvaiyin kalagki, n'eTitu n'inain'tu, |
|
Akam aTaitan'tOLE: atu kaNTu, |
|
Ir maN ceykai n'Ir paTu pacug kalam |
|
10 |
peru mazaip peyaRku ERRAgku, em |
poruL mali n'ejcam puNarn'tu uvan'tanRE. |
|
n'ejcinAl poruL valikkappaTTa talaimakan, talaimakaLai eyti ARRAnAy, n'ejcinaic collic celavu azugkiyatu.-eyinan'tai makan iLagkIranAr |
346. pAlai |
kuNa kaTal mukan'tu, kuTakku Erpu iruLi, |
|
taN kAr talaiiya n'ilam taNi kAlai, |
|
aracu pakai n'uvalum aru munai iyavin, |
|
azin'ta vEli am kuTic cIRUr |
|
5 |
AL il manRattu, alku vaLi ATTa, |
tAL vali Akiya vankaN irukkai, |
|
inRu, n'akkanaiman pOlA-enRum |
|
n'iRaiyuRu matiyin ilagkum poRaiyan |
|
perun' taN kollic ciRu pacug kuLavik |
|
10 |
kaTi patam kamazum kUn'tal |
maTa mA arivai taTa men tOLE? |
|
poruLvayiR pirin'ta talaimakan ARRAnAyt tan n'ejciRkuc colliyatu.-eyinan'tai makan iLagkIranAr |