OrampOkiyAr

20. marutam
aiya! kuRumakaT kaNTikum: vaiki,
makizn'an mArpil tujci, aviz iNart
tEm pAy marAam kamazum kUn'tal
tuLagkuiyal acaivara, kaligkam tuyalvara,
5
ceRitoTi teLirppa vIci, maRukil,
pUp pOl uNkaN peyarppa n'Okki,
cenRanaL-vAziya, maTan'tai!-n'uN pal
cuNagku aNivuRRa viLagku pUNaL;
mArpuRu muyakkiTai jemirn'ta cOr kuzai,
10
pazam piNi vaikiya tOL iNaik
kuzain'ta kOtai, koTi muyagkalaLE.

parattaiyiRpirin'tu van'ta talaimakan, 'yAraiyum aRiyEn' enRARkut talaivi colliyatu; vAyilAkap pukka tOzitalaivikkuc colliyatUum Am.-OrampOkiyAr

360. marutam
muzavu mukam pularn'tu muRaiyin ATiya
vizavu ozi kaLatta pAvai pOla,
n'erun'aip puNarn'tOr putu n'alam vauvi,
inRu taru makaLir men tOL peRIiyar,
5
cenRI-peruma!-ciRakka, n'in parattai!
pallOr pazittal n'ANi, vallE
kAzin kuttik kacin'tavar alaippa,
kaiiTai vaittatu meyyiTait timirum
muniyuTaik kavaLam pOla, n'ani peritu
10
uRRa n'in vizumam uvappen;
maRRum kUTum, manai maTi tuyilE.

parattaiyiR pirin'ta talaimakanait tOzi, talaimakaL kuRippaRin'tu, vAyil maRuttatu; talaimakaL UTic colliyatUum Am.-OrampOkiyAr