n'ampikuTTuvanAr

145. n'eytal
irug kazi poruta Ira veN maNal
mAk koTi aTumpin mA itaz alari
kUn'tal makaLir kOtaik kUTTum
kAmar koNkan, n'Am veg kENmai
5
aitu Eyn'tillA Ugkum, n'ammoTu
puNarn'tanan pOla uNarak kURi,
'tAn yAgku?' ennum aRan il annai;
yAn ezil aRitalum uriyaL n'Iyum; n'am
parAraip punnaic cEri, mella,
10
n'aLLen kagkulum, varumarO-
amma vAzi!-tOzi avar tEr maNik kuralE!

iravukkuRi van'tu talaimakan ciRaippuRattAnAka, tOzi varaivukaTAyatu.-n'ampi kuTTuvan

236. kuRijci
n'Oyum kaimmikap peritE; meyyum
tI umiz teRalin veytAkinRE-
oyyenac ciRitu Agku uyiriyar, 'paiyena
munRil koLinE n'an'tuvaL peritu' ena,
5
n'iraiya n'ejcattu annaikku uyttu ANTu
urai, ini-vAzi, tOzi!-purai il
n'uN n'Er el vaLai n'ekizttOn kunRattu
aNNal n'eTu varai ATi, taNNena
viyal aRai mUzkiya vaLi en
10
payalai Akam tINTiya, ciRitE.

talaimakan ciRaippuRamAka, vaRpuRukkum tOzikkut talaimakaL colliyatu.-n'ampi kuTTuvan

345. n'eytal
kAnaR kaNTal kazanRu uku paig kAy
n'Il n'iRa irug kazi uTpaTa vIzn'tena,
uRu kAl tUkka, tUgki Ampal,
ciRu veN kAkkai Avittanna,
5
veLiya viriyum tuRaiva! enRum,
aLiya periya kENmai n'um pOl,
cAlpu etirkoNTa cemmaiyOrum
tERA n'ejcam kaiyaRupu vATa,
n'ITinRu virumpAr Ayin,
10
vAztal maRRu evanO? tEykamA teLivE!

teLiviTai vilagkiyatu.-n'ampi kuTTuvanAr