paraNar

6. kuRijci

n'Ir vaLar AmpaR tUmpuTaittiraL kAl

n'Ar urittanna matan il mAmai,

kuvaLai anna En'tu ezil mazaik kaN,

titalai alkul, perun' tOL, kuRumakaTku

5

eytac cenRu ceppun'arp peRinE,

'ivar yAr?' enkuvaL allaL; munAatu,

attak kumizin koTu mUkku viLai kani

eRi maTa mARku valci Akum

val vil Ori kAnam n'ARi,

10

irum pal olivarum kUn'tal

perum pEtuRuvaL, yAm van'tanam enavE.

iravukkuRippARpaTTu ARRAnAya talaivan, tOzi kETpa, tann'ejciRkuc colliyatu.-paraNar

100. marutam

uLLutoRum n'akuvEn-tOzi!-vaL ukir

mArik kokkin kUral anna

kuNTu n'Ir Ampal taN tuRai Uran

tEm kamaz aimpAl paRRi, en vayin

5

vAn kOl el vaLai vauviya pUcal

cinaviya mukattu, 'cinavAtu cenRu, n'in

manaiyOTku uraippal' enRalin, munai Urp

pal A n'eTu n'irai villin oyyum

tEr vaN malaiyan mun'tai, pEr icaip

10

pulam puri vayiriyar n'alam puri muzavin

maN Ar kaNNin atirum,

n'annar ALan n'aTugku ajar n'ilaiyE.

parattai, talaivikkuppAgkAyinAr kETpa, viRalikku uTampaTaccolliyatu.-paraNar

201.kuRijci

'malai uRai kuRavan kAtal maTa makaL,

peRal arugkuraiyaL, arug kaTik kAppinaL;

col etir koLLAL; iLaiyaL; anaiyOL

uLLal kUTAtu' enROy! maRRum,

5

cev vErp palavin payam kezu kollit

teyvam kAkkum tItu tIr n'eTug kOTTu,

av veL aruvik kuTa varaiyakattu,

kAl porutu iTippinum, kataz uRai kaTukinum,

urum uTanRu eRiyinum, URu pala tOnRinum,

10

peru n'ilam kiLarinum, tiru n'ala uruvin

mAyA iyaRkaip pAvaiyin,

pOtal ollAL en n'ejcattAnE.

kazaRiya pAgkaRkut talaimakan colliyatu.-paraNar

247. kuRijci

tonRu paTu tuppoTu muraN mikac cinaiik

konRa yAnaic ceg kOTu kazAa,

azi tuLi pozin'ta in kural ezili,

eHkuRu pajciRRu Aki, vaikaRaik

5

kOTu uyar n'eTu varai ATum n'ATa! n'I

n'alkAy Ayinum, n'ayan ila ceyyinum,

n'in vazippaTUum en tOzi n'al n'utal

virun'tu iRaikUTiya pacalaikku

marun'tu piRitu inmai n'anku aRin'tanai cenmE!

'n'ITTiyAmai varai' enat tOzi colliyatu.-paraNar

260. marutam

kazun'Ir mEyn'ta karun' tAL erumai

pazanat tAmaraip panimalar muNaii,

taNTu cEr maLLarin iyali, ayalatu

kunRu cEr veN maNal tujcum Ura!

5

veyyai pOla muyagkuti: munai ezat

tevvart tEytta cev vEl vayavan

mali punal vAyil iruppai anna, en

oli pal kUn'tal n'alam peRap punain'ta

mukai aviz kOtai vATTiya

10

pakaivanman? yAn maRan'tu amaikalanE!

UTal maRutta talaimakaL colliyatu.-paraNar

265. kuRijci

iRuku punam mEyn'ta aRu kOTTu muRRal

aLLal ATiya puLLi varik kalai

vILai ampin villOr perumakan,

pUn' tOL yAppin mijili, kAkkum

5

pArattu anna-Ara mArpin

ciRu kOR cenni ArERRanna-

mAri vaN makiz Ori kollik

kali mayil kalAvattu anna, ivaL

oli men kUn'tal n'am vayinAnE.

pinninRa talaimakan n'ejciRku uraittatu.- paraNar

270. n'eytal

taTan' tAL tAzaik kuTampai, n'OnAt

taNTalai kamazum vaNTu paTu n'ARRattu

iruL purai kUn'tal pogku tukaL ATi,

uruL poRi pOla em munai varutal,

5

aNit takai allatu piNittal tERRAp

perun' tOT celvattu ivaLinum-ellA!-

eR peritu aLittanai, n'IyE; poRpuTai

viri uLaip polin'ta pariyuTai n'an mAn

vEn'tar OTTiya En'tu vEl n'annan

10

kUn'tal muraRciyin koTitE;

maRappal mAtO, n'in viRal takaimaiyE.

tOzi vAyil n'ErkinRAL talaimakanai n'erugkic colli, vAyil etirkoNTatu,uTanilaik kiLavi vakaiyAl.-paraNar

280. marutam

'kokkinukku ozin'ta tIm pazam, kokkin

kUmpu n'ilai anna mukaiya Ampal

tUgku n'Irk kuTTattu, tuTumena vIzum

taN tuRai Uran taNTAp parattamai

5

pulavAy' enRi-tOzi!-pulavEn-

pazana yAmaip pAcaTaip puRattu,

kazani kAvalar curi n'an'tu uTaikkum,

tonRu mutir vELir, kunRUr anna en

n'al manai n'ani virun'tu ayarum

10

kaitUvu inmaiyin eytAmARE.

vAyil vENTic cenRa tOzikkut talaimakaL maRuttu mozin'tatu; talaimakanai ERRukkoNTu vazipaTTALaip pukazn'tu pukka tOzikkut talaimakaL colliyatUum Am.- paraNar

300. marutam

cuTart toTik kOmakaL cinan'tena, atan etir

maTat takai Ayam kaitozutAagku,

uRu kAl oRRa olki, Ampal

tAmaraikku iRaijcum taN tuRai Uran-

5

ciRu vaLai vilai enap perun' tEr paNNi, em

mun kaTai n'iRIic cenRicinOnE!

n'Iyum, tEroTu van'tu pErtal cellAtu,

n'ey vArn'tanna tuy aTagku n'arampin

irum pAN okkal talaivan! perum puN

10

Eer tazumpan UNUr AgkaN,

piccai cUz perug kaLiRu pOla, em

aTTil Olai toTTanai n'inmE.

vAyil maRuttatu; varaivu kaTAyatUum Am, mARROr n'otumalALar varaivin mEliTTu. marutattuk kaLavu - paraNar

310. marutam

viLakkin anna cuTar viTu tAmarai,

kaLiRRuc cevi anna pAcaTai tayagka,

uNtuRai makaLir iriya, kuNTu n'Ir

vALai piRazum UraRku, n'ALai

5

makaT koTai etirn'ta maTam kezu peNTE!

tolain'ta n'Avin ulain'ta kuRu mozi

uTanpaTTu, OrAt tAyaroTu ozipuTan

collalaikollO n'IyE-vallai,

kaLiRu peRu valcip pANan kaiyatai

10

vaL uyirt taNNumai pOla,

uL yAtum illatu Or pOrvaiam collE?

vAyilAkap pukka viRaliyait tOzi colliyatu; viRaliyai etirppaTTa parattai colliyatUum Am.-paraNar

350. marutam

veNNel arin'ar taNNumai verIi,

pazanap pal puL iriya, kazani

vAgku cinai marutat tUgkutuNar utirum

tEr vaN virAan iruppai anna, en

5

tol kavin tolaiyinum tolaika! cAra

viTEen: viTukkuven Ayin, kaTaiik

kavavuk kai tAgkum matukaiya kuvavu mulai

cATiya cAn'tinai; vATiya kOtaiyai;

Acu il kalam tazIiyaRRu;

10

vAral; vAziya, kavaii n'inROLE!

talaimakaL UTal maRuttAL colliyatu.-paraNar

356. kuRijci

n'ilam tAz marugkin teN kaTal mEyn'ta

vilagku men tUvic ceg kAl annam,

pon paTu n'eTug kOTTu imayattu ucci

vAn aramakaLirkku mEval Akum

5

vaLarAp pArppiRku alku irai oyyum

acaivu il n'On paRai pOla, cela vara

varun'tinai-vAzi, en uLLam!-oru n'AL

kAtali uzaiyaLAka,

kuNakkut tOnRu veLLiyin, emakkumAr varumE?

varaivu maRukkappaTTu ARRAnAkiya talaimakan tan n'ejciRkuc colliyatu.- paraNar

	n'Ir vaLar AmpaR tUmpuTaittiraL kAl
	n'Ar urittanna matan il mAmai,
	kuvaLai anna En'tu ezil mazaik kaN,
	titalai alkul, perun' tOL, kuRumakaTku
5	eytac cenRu ceppun'arp peRinE,
	'ivar yAr?' enkuvaL allaL; munAatu,
	attak kumizin koTu mUkku viLai kani
	eRi maTa mARku valci Akum
	val vil Ori kAnam n'ARi,
10	irum pal olivarum kUn'tal
	perum pEtuRuvaL, yAm van'tanam enavE.

	uLLutoRum n'akuvEn-tOzi!-vaL ukir
	mArik kokkin kUral anna
	kuNTu n'Ir Ampal taN tuRai Uran
	tEm kamaz aimpAl paRRi, en vayin
5	vAn kOl el vaLai vauviya pUcal
	cinaviya mukattu, 'cinavAtu cenRu, n'in
	manaiyOTku uraippal' enRalin, munai Urp
	pal A n'eTu n'irai villin oyyum
	tEr vaN malaiyan mun'tai, pEr icaip
10	pulam puri vayiriyar n'alam puri muzavin
	maN Ar kaNNin atirum,
	n'annar ALan n'aTugku ajar n'ilaiyE.

	'malai uRai kuRavan kAtal maTa makaL,
	peRal arugkuraiyaL, arug kaTik kAppinaL;
	col etir koLLAL; iLaiyaL; anaiyOL
	uLLal kUTAtu' enROy! maRRum,
5	cev vErp palavin payam kezu kollit
	teyvam kAkkum tItu tIr n'eTug kOTTu,
	av veL aruvik kuTa varaiyakattu,
	kAl porutu iTippinum, kataz uRai kaTukinum,
	urum uTanRu eRiyinum, URu pala tOnRinum,
10	peru n'ilam kiLarinum, tiru n'ala uruvin
	mAyA iyaRkaip pAvaiyin,
	pOtal ollAL en n'ejcattAnE.

	tonRu paTu tuppoTu muraN mikac cinaiik
	konRa yAnaic ceg kOTu kazAa,
	azi tuLi pozin'ta in kural ezili,
	eHkuRu pajciRRu Aki, vaikaRaik
5	kOTu uyar n'eTu varai ATum n'ATa! n'I
	n'alkAy Ayinum, n'ayan ila ceyyinum,
	n'in vazippaTUum en tOzi n'al n'utal
	virun'tu iRaikUTiya pacalaikku
	marun'tu piRitu inmai n'anku aRin'tanai cenmE!

	kazun'Ir mEyn'ta karun' tAL erumai
	pazanat tAmaraip panimalar muNaii,
	taNTu cEr maLLarin iyali, ayalatu
	kunRu cEr veN maNal tujcum Ura!
5	veyyai pOla muyagkuti: munai ezat
	tevvart tEytta cev vEl vayavan
	mali punal vAyil iruppai anna, en
	oli pal kUn'tal n'alam peRap punain'ta
	mukai aviz kOtai vATTiya
10	pakaivanman? yAn maRan'tu amaikalanE!

	iRuku punam mEyn'ta aRu kOTTu muRRal
	aLLal ATiya puLLi varik kalai
	vILai ampin villOr perumakan,
	pUn' tOL yAppin mijili, kAkkum
5	pArattu anna-Ara mArpin
	ciRu kOR cenni ArERRanna-
	mAri vaN makiz Ori kollik
	kali mayil kalAvattu anna, ivaL
	oli men kUn'tal n'am vayinAnE.

	taTan' tAL tAzaik kuTampai, n'OnAt
	taNTalai kamazum vaNTu paTu n'ARRattu
	iruL purai kUn'tal pogku tukaL ATi,
	uruL poRi pOla em munai varutal,
5	aNit takai allatu piNittal tERRAp
	perun' tOT celvattu ivaLinum-ellA!-
	eR peritu aLittanai, n'IyE; poRpuTai
	viri uLaip polin'ta pariyuTai n'an mAn
	vEn'tar OTTiya En'tu vEl n'annan
10	kUn'tal muraRciyin koTitE;
	maRappal mAtO, n'in viRal takaimaiyE.

	'kokkinukku ozin'ta tIm pazam, kokkin
	kUmpu n'ilai anna mukaiya Ampal
	tUgku n'Irk kuTTattu, tuTumena vIzum
	taN tuRai Uran taNTAp parattamai
5	pulavAy' enRi-tOzi!-pulavEn-
	pazana yAmaip pAcaTaip puRattu,
	kazani kAvalar curi n'an'tu uTaikkum,
	tonRu mutir vELir, kunRUr anna en
	n'al manai n'ani virun'tu ayarum
10	kaitUvu inmaiyin eytAmARE.

	cuTart toTik kOmakaL cinan'tena, atan etir
	maTat takai Ayam kaitozutAagku,
	uRu kAl oRRa olki, Ampal
	tAmaraikku iRaijcum taN tuRai Uran-
5	ciRu vaLai vilai enap perun' tEr paNNi, em
	mun kaTai n'iRIic cenRicinOnE!
	n'Iyum, tEroTu van'tu pErtal cellAtu,
	n'ey vArn'tanna tuy aTagku n'arampin
	irum pAN okkal talaivan! perum puN
10	Eer tazumpan UNUr AgkaN,
	piccai cUz perug kaLiRu pOla, em
	aTTil Olai toTTanai n'inmE.

	viLakkin anna cuTar viTu tAmarai,
	kaLiRRuc cevi anna pAcaTai tayagka,
	uNtuRai makaLir iriya, kuNTu n'Ir
	vALai piRazum UraRku, n'ALai
5	makaT koTai etirn'ta maTam kezu peNTE!
	tolain'ta n'Avin ulain'ta kuRu mozi
	uTanpaTTu, OrAt tAyaroTu ozipuTan
	collalaikollO n'IyE-vallai,
	kaLiRu peRu valcip pANan kaiyatai
10	vaL uyirt taNNumai pOla,
	uL yAtum illatu Or pOrvaiam collE?

	veNNel arin'ar taNNumai verIi,
	pazanap pal puL iriya, kazani
	vAgku cinai marutat tUgkutuNar utirum
	tEr vaN virAan iruppai anna, en
5	tol kavin tolaiyinum tolaika! cAra
	viTEen: viTukkuven Ayin, kaTaiik
	kavavuk kai tAgkum matukaiya kuvavu mulai
	cATiya cAn'tinai; vATiya kOtaiyai;
	Acu il kalam tazIiyaRRu;
10	vAral; vAziya, kavaii n'inROLE!

	n'ilam tAz marugkin teN kaTal mEyn'ta
	vilagku men tUvic ceg kAl annam,
	pon paTu n'eTug kOTTu imayattu ucci
	vAn aramakaLirkku mEval Akum
5	vaLarAp pArppiRku alku irai oyyum
	acaivu il n'On paRai pOla, cela vara
	varun'tinai-vAzi, en uLLam!-oru n'AL
	kAtali uzaiyaLAka,
	kuNakkut tOnRu veLLiyin, emakkumAr varumE?