2. pAlai

	azun'tupaTa vIzn'ta perun' taN kunRattu,
	oli val In'tin ulavaiam kATTu,
	ARu cel mAkkaL cenni eRin'ta
	cem maRut talaiya, n'eyttOr vAya,
5	valliyap perun' talaik kuruLai, mAlai,
	mAn n'Okku iNTu ivar Igkaiya curanE;
	vai eyiRRu aiyaL maTan'taimun uRRu
	elliTai n'Igkum iLaiyOn uLLam,
	kAloTu paTTa mAri
10	mAl varai miLirkkum uruminum koTitE!

3. pAlai

	In parun'tu uyavum vAn poru n'eTuj cinaip
	pori arai vEmpin puLLi n'Izal,
	kaTTaLai anna vaTTu aragku izaittu,
	kallAc ciRAar n'elli vaTTu ATum
5	vil Er uzavar vem munaic cIRUrc
	curanmutal van'ta uran mAy mAlai
	uLLinen allenO, yAnE-uLLiya
	vinai muTittanna iniyOL
	manai mAN cuTaroTu paTar pozutu enavE?

7. pAlai

	cUruTai n'anan' talaic cunai n'Ir malka,
	peru varai aTukkattu aruvi Arppa,
	kal alaittu izitarum kaTu varaR kAn yARRuk
	kazai mAy n'Ittam kATu alai Arppa,
5	tazagku kural ERoTu muzagki, vAnam
	innE peyya minnumAl-tOzi!
	veNNel arun'tiya vari n'utal yAnai
	taN n'aRuj cilampil tujcum
	ciRiyilaic can'tina vATu perug kATTE.

9. pAlai

	azivilar muyalum Arva mAkkaL
	vazipaTu teyvam kaN kaNTAagku,
	alamaral varuttam tIra, yAza n'in
	n'ala men paNait tOL eytinam; Akalin,
5	porip pUm punkin azaR takai oN muRi
	cuNagku aNi vana mulai aNagku koLat timiri,
	n'izal kANtORum n'eTiya vaiki,
	maNal kANtORum vaNTal taii,
	varun'tAtu Ekumati-vAl eyiRROyE!
10	mA n'anai kozuti makiz kuyil Alum
	n'aRun' taN pozila, kAnam;
	kuRum pal Ura, yAm cellum ARE.

10. pAlai

	aNNAn'tu En'tiya vana mulai taLarinum,
	pon n'Er mEni maNiyin tAzn'ta
	n'al n'eTug kUn'tal n'araiyoTu muTippinum,
	n'Ittal Ompumati-pUk kEz Ura!
5	in kaTug kaLLin izai aNi n'eTun' tErk
	koRRac cOzar kogkarp paNIiyar,
	veN kOTTu yAnaip pOor kizavOn
	pazaiyan vEl vAyttanna n'in
	pizaiyA n'al mozi tERiya ivaTkE.

12. pAlai

	viLampazam kamazum kamajcURkuzicip
	pAcam tinRa tEy kAl mattam
	n'ey teri iyakkam veLilmutal muzagkum
	vaiku pular viTiyal mey karan'tu, tan kAl
5	ari amai cilampu kazIi, pal mAN
	vari punai pan'toTu vaiiya celvOL,
	'ivai kANtORum n'OvarmAtO;
	aLiyarO aLiyar en AyattOr!' ena
	n'ummoTu varavu tAn ayaravum,
10	tan varaittu anRiyum kaluzn'tana kaNNE.

14. pAlai

	tol kavin tolaiya, tOL n'alamcAaya,
	n'alkAr n'Ittanar Ayinum, n'alkuvar;
	n'aTTanar, vAzi!-tOzi!-kuTTuvan
	akappA aziya n'URi, cempiyan
5	pakal tI vETTa jATpinum mikap peritu
	alar ezac cenRanar Ayinum-malar kavizn'tu
	mA maTal avizn'ta kAn'taL am cAral,
	inam cAl vayak kaLiRu pAn'taT paTTena,
	tujcAt tuyarattu ajcu piTip pUcal
10	n'eTu varai viTarakattu iyampum
	kaTu mAn pulliya kATu iRan'tOrE.

16. pAlai

	puNarin puNarAtu poruLE; poruLvayiR
	piriyin puNarAtu puNarvE; AyiTaic
	cellinum, cellAy Ayinum, n'allataRku
	uriyai-vAzi, en n'ejcE!-poruLE,
5	vATAp pUvin poykai n'AppaN
	OTu mIn vaziyin keTuva; yAnE,
	vizun'Ir viyalakam tUNiAka
	ezu mAN aLakkum vizu n'eti peRinum,
	kanagkuzaikku amartta cEyari mazaik kaN
10	amarn'tu initu n'OkkamoTu cekuttanen;
	enaiya Akuka! vAziya poruLE!

18. pAlai

	paruvaral n'ejcamoTu pal paTar akala
	varuvar vAzi-tOzi!-mUvan
	muzu vali muL eyiRu azuttiya katavin,
	kAnal am toNTip porun'an, ven vEl
5	teRal arun' tAnaip poRaiyan, pAcaRai,
	n'ejcam n'aTukkuRUum tujcA maRavar
	tirai tapu kaTalin initu kaN paTuppa,
	kaTAam kazIiya katan aTagku yAnait
	taTAa n'ilai oru kOTTanna,
10	onRu ilagku aruviya kunRu iRan'tOrE.

24. pAlai

	'pAr paka vIzn'ta vEruTai vizukkOTTu
	uTumpu aTain'tanna n'eTum pori viLavin,
	ATTu ozi pan'tin, kOTTu mUkku iRupu,
	kampalattanna paim payirt tAam
5	veLLil valci vERRu n'ATTu Ar iTaic
	cERum, n'Am' enac colla-cEyizai!-
	'n'anRu' enap purin'tOy; n'anRu ceytanaiyE;
	ceyalpaTu manattar ceyporuTku
	akalvar, ATavar; atu atan paNpE.

28. pAlai

	en kaik koNTu tan kaN oRRiyum,
	tan kaik koNTu en n'al n'utal n'Iviyum.
	annai pOla iniya kURiyum,
	kaLvar pOlak koTiyanmAtO-
5	maNi ena izitarum aruvi, pon ena
	vEgkai tAya Ogku malai aTukkattu,
	ATu kazai n'ivan'ta paig kaN mUgkil
	OTu mazai kizikkum cenni,
	kOTu uyar piRagkal, malaikizavOnE!

29. pAlai

	n'inRa vEnil ulan'ta kAn'taL
	azal avir n'IL iTai, n'izaliTam peRAatu,
	InRu kAn maTin'ta piNavup paci kUrn'tena,
	mAnRa mAlai, vazagkun'arc cekIiya,
5	puli pArttu uRaiyum pul atarc ciRu n'eRi
	yAgku vallun'aLkoltAnE-yAn, 'tan
	vanain'tu En'tu iLa mulai n'Ovakol!' ena
	n'inain'tu, kain'n'ekizn'ta anaittaRkut tAn tan
	pEr amar mazaik kaN Iriya kaluza,
10	veyya uyirkkum cAyal,
	mai Ir Oti, peru maTattakaiyE?

33. pAlai

	'paTu cuTar aTain'ta paku vAy n'eTu varai,
	murampu cEr ciRukuTi, paran'ta mAlai,
	pulampu kUTTuNNum pullen manRattu,
	kalluTaip paTuvil kaluzi tan'tu,
5	n'iRai peyal aRiyAk kuRaittu UN allil,
	tuvarcey ATaic cen' toTai maRavar
	atar pArttu alkum ajcuvaru n'eRiyiTai,
	iRappa eNNuvar avar enin, maRuttal
	valluvamkollO, melliyal! n'Am?' ena
10	vimmuRu kiLaviyaL en mukam n'Okki,
	n'al aka vana mulaik karai cErpu
	malku punal paran'ta malar Er kaNNE.

37. pAlai

	piNagku aril vATiya paza viRaln'anan' talai,
	uNagkuUN Ayattu Or An teL maNi
	paipaya icaikkum attam, vai eyiRRu
	ivaLoTum celinO n'anRE; kuvaLai
5	n'Ir cUz mA malar anna kaN aza,
	kalai ozi piNaiyin kalagki, mARi
	anpilir akaRir Ayin, en param
	Akuvatu anRu, ivaL avalam-n'Akattu
	aNagkuTai arun' talai uTali, valan Erpu,
10	Arkali n'al ERu tiritarum
	kAr cey mAlai varUum pOztE.

41. pAlai

	paig kaN yAnaip parUut tAL utaitta
	veN puRak kaLari viTu n'IRu ATi,
	curan mutal varun'tiya varuttam paipayap
	pAar mali ciRu kUvalin taNiyum
5	n'eTuj cEN cenRu varun'tuvar mAtO-
	elli van'ta n'al icai virun'tiRku,
	kiLar izai arivai! n'ey tuzan'tu aTTa
	viLar Un am pukai eRin'ta n'eRRi,
	ciRu n'uN pal viyar poRitta
10	kuRu n'aTaik kUTTam vENTuvOrE.

43. pAlai

	tukil virittanna veyil avir uruppin
	enRUz n'ITiya kunRattuk kavAan,
	Oypacic cen'n'Ay uyagkumarai tolaicci
	Arn'tana ozin'ta miccil cEy n'ATTu
5	aruj curam celvOrkku valci Akum
	vemmai Ar iTai iRattal n'umakkE
	meym mali uvakai AkinRu; ivaTkE,
	ajcal enRa iRai kaiviTTena,
	paig kaN yAnai vEn'tu puRattu iRuttalin,
10	kaLaiyun'ark kANAtu kalagkiya uTai matil
	Or eyin mannan pOla,
	azivu van'tanRAl, ozital kETTE.

46. pAlai

	vaikaltORum inpamum iLamaiyum
	ey kaNai n'izalin kaziyum, iv ulakattu;
	kANIr enRalO aritE; atu n'ani
	pENIr Akuvir-aiya! en tOzi
5	pUN aNi Akam pulampa, pANar
	ayirppuk koNTanna konRai am tIm kani,
	paRai aRai kaTippin, aRai aRaiyAt tuyalvara,
	vev vaLi vazagkum vEy payil azuvattu,
	evvam mikUum aruj curam iRan'tu,
10	n'an vAy allA vAzkkai
	mannAp poruT piNip piritum yAm enavE.

48. pAlai

	anRai anaiya Aki, inRum, em
	kaN uLapOlac cuzalummAtO-
	pul itazk kOgkin mel itazk kuTaip pU
	vaikuRu mInin n'inaiyat tOnRi,
5	puRavu aNi koNTa pU n'ARu kaTattiTai,
	kiTin ena iTikkum kOl toTi maRavar
	vaTi n'avil ampin vinaiyar ajcAtu
	amariTai uRutara, n'Ikki, n'Ir
	emariTai uRutara oLitta kATE.

52. pAlai

	mAk koTi atiraR pUvoTu pAtirit
	tUt takaTTu etir malar vEyn'ta kUn'tal
	maNam kamaz n'ARRam marIi, yAm ivaL
	cuNagku aNi Akam aTaiya muyagki,
5	vIgku uvark kavavin n'IgkalcellEm;
	n'IyE, ALvinai ciRappa eNNi, n'ALum
	pirin'tu uRai vAzkkai purin'tu amaiyalaiyE;
	anpu ilai; vAzi, en n'ejcE! vem pOr
	mazavar peru makan mA vaL Ori
10	kai vaLam iyaivatu Ayinum,
	aitu Eku amma, iyain'tu cey poruLE.

56. pAlai

	kuRu n'ilaik kuravin ciRu n'anai n'aRu vI
	vaNTu taru n'ARRam vaLi kalan'tu Iya,
	kaN kaLi peRUum kavin peRu kAlai,
	el vaLai jekizttOrkku allal uRIic
5	cenRa n'ejcam ceyvinaikku acAvA,
	orugku varal n'acaiyoTu, varun'tumkollO
	aruLAn Atalin, azin'tu ivaN van'tu,
	tol n'alan izan'ta en pon n'iRam n'Okki,
	'EtilATTi ivaL' enap
10	pOyinRu kollO, n'Oy talaimaNan'tE

62. pAlai

	vEr piNi vetirattuk kAl poru n'aral icai
	kan'tu piNi yAnai ayar uyirttanna
	enRUz n'ITiya vEy payil azuvattu,
	kunRu Ur matiyam n'Okki, n'inRu, n'inain'tu,
5	uLLinen allenO yAnE-'muL eyiRRu,
	tilakam taiiya tEm kamaz tiru n'utal,
	ematum uNTu, Or matin'AT tigkaL,
	uraRu kural vev vaLi eTuppa, n'izal tapa
	ulavai Akiya maratta
10	kal piRagku uyar malai umparaHtu' enavE?

66. pAlai

	miLaku peytanaiya cuvaiya pun kAy
	ulaRu talai ukAayc citar citarn'tu uNTa
	pulampu koL n'eTuj cinai ERi, n'inain'tu, tan
	poRi kiLar eruttam veRi paTa maRuki,
5	pun puRA uyavum ven' tukaL iyavin,
	n'ayan'ta kAtalaR puNarn'tanaL Ayinum,
	civan'tu oLi mazugki amarttanakollO-
	kOtai mayagkinum, kuRun' toTi n'ekizinum,
	kAz peyal alkul kAcu muRai tiriyinum,
10	mAN n'alam kaiyaRak kaluzum en
	mAyak kuRumakaL malar Er kaNNE?

71. pAlai

	mannAp poruT piNi munni, 'innatai
	vaLai aNi munkai n'in ikuLaikku uNarttu' enap
	pal mAN irattir Ayin, 'cenm' ena,
	viTun'aL Atalum uriyaL; viTinE,
5	kaNNum n'utalum n'Ivi, mun n'inRu,
	pirital vallirO-aiya! celvar
	vakai amar n'al il aka iRai uRaiyum
	vaNNap puRavin ceg kAR cEval
	vIz tuNaip payirum kaiyaRu mural kural
10	n'um ilaL pulampak kETToRum
	pommal Oti peru vituppuRavE?

73. pAlai

	vEnil murukkin viLai tuNar anna
	mANA virala val vAyp pEey
	mallal mUtUr malarp pali uNIiya,
	manRam pOzum punkaN mAlai,
5	tammoTum ajcum n'am ivaN oziyac
	celpa enpa tAmE-cev ari
	mayir n'iraittanna vAr kOl vAgku katirc
	cen'n'el am ceRuvin annam tujcum
	pUk kezu paTappaic cAykkATTu anna en
10	n'utaR kavin azikkum pacalaiyum,
	ayalOr tURRum ampalum aLittE.

76. pAlai

	varumazai karan'ta vAl n'iRa vicumpin
	n'uN tuLi mARiya ulavai am kATTu
	Ala n'Izal acaivu n'Ikki,
	ajcuvazi ajcAtu, acaivazi acaii,
5	varun'tAtu Ekumati-vAl izaik kuRumakaL!-
	immen pEr alar n'um Urp punnai
	vI malar utirn'ta tEn n'ARu pulavin
	kAnal vAr maNal marIi,
	kal uRac civan'ta n'in mel aTi uyaRkE!

79. pAlai

	'ciRai n'AL Igkai uRai n'ani tiraLvI,
	kUrai n'al manaik kuRun' toTi makaLir
	maNal ATu kazagkin, aRai micait tAam
	Er taraluRRa iyakku arug kavalaip
5	pirin'tOr van'tu, n'appuNarap puNarn'tOr
	pirital cUztalin, ariyatum uNTO?'
	enRu n'Am kURik kAmam cepputum;
	ceppAtu viTinE, uyiroTum van'tanRu-
	amma! vAzi, tOzi!-
10	yAtanin tavirkkuvam, kAtalar celavE?

84. pAlai

	kaNNum, tOLum, taN n'aRugkatuppum,
	titalai alkulum pala pArATTi,
	n'erun'alum ivaNar mannE! inRE,
	peru n'Ir oppin pEey veN tEr
5	maran il n'IL iTai mAn n'acaiyuRUum,
	cuTumaN tacumpin mattam tinRa
	piRavA veNNey uruppu iTan'tanna
	uvar ezu kaLari Omai am kATTu,
	veyil vIRRirun'ta vempu alai aruj curam
10	Ekuvar enpa, tAmE-tamvayin
	iran'tOr mARRal ARRA
	illin vAzkkai vallAtOrE.

86. pAlai

	aRavar, vAzi-tOzi! maRavar
	vEl ena virin'ta katuppin tOla
	pANTil oppin pakanRai malarum
	kaTum pani aRciram, n'aTugka, kANtakak
5	kai val vinaivan taiyupu corin'ta
	curitaka uruvina Akip periya
	kOgkam kuvi mukai aviza, Igkai
	n'al taLir n'ayavara n'uTagkum
	muRRA vEnil munni van'tOrE!

92. pAlai

	uLLArkollO-tOzi!-tuNaiyoTu
	vEnil Oti pATu n'aTai vazalai
	vari maral n'ukumpin vATi, avaNa
	vaRan porun'tu kunRattu ucci kavAan
5	vETTac cIRUr akan kaN kENip
	paya n'iraikku eTutta maNi n'Irp pattar,
	pun talai maTap piTi kanROTu Ara,
	vil kaTin'tu UTTina peyarum
	kol kaLiRRu oruttal curan iRan'tOrE!

103. pAlai

	onRu terin'tu uraitticin-n'ejcE! pun kAl
	ciRiyilai vEmpin periya konRu,
	kaTAam cerukkiya kaTuj cina munpin
	kaLiRu n'inRu iRan'ta n'Ir al Irattu,
5	pAl avi tOl mulai akaTu n'ilam cErttip
	paci aTa muTagkiya paig kaT cen'n'Ay
	mAyA vETTam pOkiya kaNavan
	poyyA marapin piNavu n'inain'tu iragkum
	virun'tin veg kATTu varun'tutum yAmE;
10	ALvinaikku akalvAm eninum,
	mILvAm eninum, n'I tuNin'tatuvE.

105. pAlai

	muLi koTi valan'ta muL arai ilavattu
	oLir cinai atira vIci, viLipaTa
	vev vaLi vazagkum vEy payil marugkil,
	kaTu n'aTai yAnai kanRoTu varun'ta,
5	n'eTu n'Ir aRRa n'izal il AgkaN
	aruj curak kavalaiya ennAy; n'eTuj cEN
	paTTanai, vAziya-n'ejcE!-kuTTuvan
	kuTa varaic cunaiya mA itazk kuvaLai
	vaNTu paTu vAn pOtu kamazum
10	am cil Oti arum paTar uRavE.

107. pAlai

	uLLutoRum n'akuvEn-tOzi!-vaL ukirp
	piTi piLan'tiTTa n'Ar il veN kOTTuk
	koTiRu pOl kAya vAl iNarp pAlai,
	cel vaLi tUkkalin, ilai tIr n'eRRam
5	kal izi aruviyin ollena olikkum,
	pul ilai Omaiya, puli vazagku attam
	cenRa kAtalarvazi vazippaTTa
	n'ejcE n'alvinaippARRE; INTu ozin'tu,
	AnAk kauvai malain'ta
10	yAnE, tOzi! n'OyppAlEnE.

109. pAlai

	'onRutum' enRa tonRu paTu n'aTpin
	kAtalar akanRena, kalagkip pEtuRRu,
	'annavO, in' n'annutal n'ilai?' ena,
	vinaval AnAp punaiyizai! kEL, ini
5	uraikkal AkA evvam; immena
	iraikkum vATai iruL kUr pozutil,
	tuLiyuTait tozuvin tuNital aRRattu,
	uccik kaTTiya kUzai Avin
	n'ilai ena, oruvEn Aki
10	ulamara, kaziyum, ip pakal maTi pozutE!

110. pAlai

	piracam kalan'ta veN cuvait tImpAl
	viri katirp poRkalattu oru kai En'ti,
	puTaippin cuRRum pUn' talaic ciRu kOl,
	'uN' enRu Okkupu pizaippa, teN n'Ir
5	muttu arip poRcilampu olippat tattuRRu,
	ari n'araik kUn'taR cem mutu ceviliyar
	pari melin'tu oziya, pan'tar OTi,
	Eval maRukkum ciRu viLaiyATTi
	aRivum ozukkamum yANTu uNarn'tanaLkol?
10	koNTa kozun'an kuTi vaRan uRRena,
	koTutta tan'tai kozuj cORu uLLAL,
	ozuku n'Ir n'uNagku aRal pOla,
	pozutu maRuttu uNNum ciRu matukaiyaLE!

113. pAlai

	uzai aNan'tu uNTa iRai vAgku uyarcinaip
	pul arai irattip potip puRap pacug kAy
	kal cEr ciRu n'eRi malkat tAam
	perug kATu iRan'tum, eyta van'tanavAl-
5	'aruj ceyal poruT piNi munni, yAmE
	cERum, maTan'tai!' enRalin, tAn tan
	n'eytal uNkaN paital kUra,
	pin irug kUn'talin maRaiyinaL, peritu azin'tu,
	utiyan maNTiya oli talai jATpin
10	immen perug kaLattu iyavar Utum
	Ampal am kuzalin Egki,
	kalagku ajar uRuvOL pulampu koL n'OkkE!

115. mullai

	malarn'ta poykaip pUk kuRRu azugka
	ayarn'ta Ayam kaN initu paTIiyar,
	annaiyum ciRitu taNin'tu uyirinaL; 'in n'Irt
	taTag kaTal vAyil uNTu, cil n'Ir' ena,
5	mayil aTi ilaiya mAk kural n'occi
	manai n'aTu mauvaloTu Uz mukai aviza,
	kAr etirn'tanRAl, kAlai; kAtalar
	tavac cEy n'ATTar Ayinum, mikap pEr
	anpinar-vAzi, tOzi!-n'an pukaz
10	ulappu inRu peRinum taviralar;
	kETTicin allenO, vicumpin takavE?

118. pAlai

	aTaikarai mAattu alagku cinai poliyat
	taLir kavin eytiya taN n'aRum potumpil,
	cEvaloTu kezIiya ceg kaN irug kuyil
	pukanRu etir Alum pU mali kAlaiyum,
5	'akanROrmanRa n'am maRan'ticinOr' ena,
	iNar uRupu, uTaivatantalaiyum puNarvinai
	Ova mAkkaL oL arakku UTTiya
	tukilikai anna, tuyt talaip pAtiri
	vAl itaz alari vaNTu paTa En'ti,
10	putu malar teruvutoRu n'uvalum
	n'otumalATTikku n'Om, en n'ejcE!

126. pAlai

	paig kAy n'al iTam orIiya cegkAyk
	karug kaLi In'tin veN puRak kaLari
	iTu n'IRu ATiya kaTu n'aTai oruttal
	AL peRal n'acaii, n'AL curam vilagki,
5	tunaitarum vampalark kANAtu, ac cinam
	panaik kAnRu ARum pAz n'ATTu attam,
	iRan'tu cey poruLum inpam tarum enin,
	iLamaiyin ciRan'ta vaLamaiyum illai;
	iLamai kazin'ta pinRai, vaLamai
10	kAmam tarutalum inRE; atanAl,
	n'illAp poruT piNic cERi;
	vallE-n'ejcam!-vAykka n'in vinaiyE!

137. pAlai

	taNNiya kamazum tAz irug kUn'tal,
	taTa men paNait tOL, maTa n'allOLvayin
	piriyac cUzn'tanai Ayin, ariyatu onRu
	eytinai, vAziya-n'ejcE!-cev varai
5	aruvi AnRa n'Ir il n'IL iTai,
	kayan' talai maTap piTi uyagku paci kaLaiiyar,
	perug kaLiRu tolaitta muTat tAL Omai
	aruj curam celvOrkku alkun'izal' Akum
	kunRa vaippin kAnam
10	cenRu, cEN akaRal valliya n'IyE!

141. pAlai

	iruj cERu ATiya koTug kavuL, kaya vAy,
	mAri yAnaiyin marugkul tINTi,
	pori arai jemirn'ta puzaR kAyk konRai,
	n'ITiya caTaiyOTu ATA mEnik
5	kunRu uRai tavaciyar pOla, pala uTan
	enRUz n'IL iTaip poRpat tOnRum
	aruj curam eLiyaman, n'inakkE; parun'tu paTa,
	pANTiloTu poruta pal piNart taTak kai
	En'tu kOTTu yAnai icai veg kiLLi
10	vampu aNi uyar koTi ampar cUzn'ta
	aricil am taN aRal anna, ivaL
	viri oli kUn'tal viTTu amaikalanE.

143. pAlai

	aitE kamma yAnE; oyyena,
	taru maNal jemiriya tiru n'akar muRRattu,
	Orai Ayamum n'occiyum kANtoRum,
	n'Ir vAr kaNNEn kaluzum enninum,
5	kiLLaiyum, 'kiLai' enak kUum; iLaiyOL
	vazu ilaL amma, tAnE; kuzIi,
	ampal mUtUr alar vAyp peNTir
	innA in urai kETTa cil n'AL
	aRiyEn pOla uyirEn;
10	'n'aRiya n'ARum n'in katuppu' enREnE.

148. pAlai

	vaNNam n'Okkiyum, men mozi kURiyum,
	'n'I avaN varutal ARRAy' enat tAm
	toTagki ALvinaip pirin'tOr, inRE,
	n'eTug kayam purin'ta n'Ir il n'IL iTai,
5	ceg kAl marAattu am puTaip porun'ti,
	vAgku cilai maRavar vIgku n'ilai ajcAtu,
	kal aLaic ceRin'ta vaL ukirp piNavin
	in puniRRu iTumpai tIra, cinam ciRan'tu,
	ceg kaN irum pulik kOL val ERRai
10	uyar maruppu oruttal pukar mukam pAyum
	aruj curam iRappa enpa;
	varun'tEn-tOzi!-vAykka, avar celavE!

153. pAlai

	kuNa kaTal mukan'tu, kuTakku Erpu iruLi,
	maN tiNi jAlam viLagka, kammiyar
	cempu cori pAnaiyin minni, ev vAyum
	tan tozil vAytta in kural ezili
5	tenpula marugkil cenRu aRRAgku,
	n'ejcam avarvayin cenRena, INTu ozin'tu,
	uNTal aLittu en uTampE-viRal pOr
	vej cina vEn'tan pakai alaik kalagki,
	vAzvOr pOkiya pEr Urp
10	pAz kAttirun'ta tani makan pOnRE.

157. pAlai

	irug kaN jAlattu INTu tozil utavip
	perum peyal pozin'ta vazi n'AL amaiyattu,
	pal poRi aravin cel puRam kaTuppa
	yARRu aRal n'uNagkiya n'AT pata vEnil,
5	iNar tutai mAatta puNar kuyil viLittoRum,
	n'amvayin n'inaiyum n'ejcamoTu, kaimmikak
	kETToRum kaluzumAl peritE-kATTa
	kuRum poRai ayala n'eTun' tAL vEgkai
	am pUn' tAtu ukkanna
10	n'uN pal titti mAayOLE.

162. pAlai

	'manai uRai puRavin ceg kAR pETaik
	kAmar tuNaiyoTu cEval cEra,
	pulampinRu ezutaru punkaN mAlait
	taniyE iruttal ARREn' enRu, n'in
5	pani vAr uNkaN paitala kaluza,
	'n'ummoTu varuval' enRi; emmoTu-
	perum peyart tan'tai n'ITu pukaz n'eTu n'akar
	yAyoTu n'ani mika maTavai!-munAatu
	vEnil iRRit tOyA n'eTu vIz,
10	vazi n'Ar Ucalin, kOTai tUkkutoRum,
	tujcu piTi varuTum attam
	vallai Akutal ollumO, n'inakkE?

164. pAlai

	'uRai tuRan'tirun'ta puRavil, tanAtu
	ceg katirc celvan teRutalin, maN paka,
	ulaku mika varun'ti uyAvuRukAlaic
	cenRanar Ayinum, n'anRu ceytanar' enac
5	collin teLippavum, teLital cellAy-
	cegkOl vALik koTu vil ATavar
	vampa mAkkaL uyirt tiRam peyarttena,
	veg kaTaRRu aTai mutal paTu muTai tazIi,
	uRu pacik kuRu n'ari kuRukal cellAtu
10	mARu puRakkoTukkum attam,
	URu ilarAkutal uLLAmARE.

166. pAlai

	ponnum maNiyum pOlum, yAza n'in
	n'annar mEniyum n'ARu irug katuppum;
	pOtum paNaiyum pOlum, yAza n'in
	mAtar uNkaNum vanappin tOLum:
5	ivai kANtORum akam malin'tu, yAnum
	aRam n'ilaipeRROr anaiyEn; atantalai,
	polan'toTip putalvanum poytal kaRRanan;
	vinaiyum vERu pulattu ilenE; n'inaiyin,
	yAtanin pirikO?-maTan'tai!-
10	kAtal tAnum kaTalinum peritE!

171. pAlai

	n'Ir n'acaikku Ukkiya uyaval yAnai
	vEniR kunRattu vev varaik kavAan
	n'ilam cela, cellAk kayan' talaik kuzavi
	cEri am peNTir n'ejcattu eRiya
5	Ur AnkanRoTu pukutum n'ATan
	pan malai aruj curam iRappin, n'am viTTu,
	yAgku vallun'a maRRE-jAgka
	vinaip pUN teN maNi vIzn'tana n'ikarppak
	kazutu kAlkoLLum pozutu koL pAnAL,
10	Arva n'ejcamoTu aLaii,
	mArpu uRap paTuttal marIiya kaNNE?

174. pAlai

	'kaRRai In'tin muRRuk kulai anna
	AL il attat tAL am pOn'taik
	kOLuTai n'eTuj cinai AN kural viLippin,
	puli etir vazagkum vaLi vazagku Ar iTaic
5	cenRa kAtalar van'tu, initu muyagki,
	piriyAtu oru vazi uRaiyinum, peritu azin'tu
	uyagkinai, maTan'tai!' enRi-tOzi!-
	aRRum Akum, aHtu aRiyAtOrkkE;
	vIzAk koLkai vIzn'ta koNTi
10	mallal mArpu maTuttanan
	pullu maRRu evanO anpu ilagkaTaiyE?

177. pAlai

	paran'tu paTu kUr eri kAnam n'aippa,
	maram tIyuRRa makiz talaiam kATTu
	otukku arum vej curam iRan'tanar maRRavar;
	kuRippin kaNTicin yAnE; n'eRip paTa,
5	vElum ilagku ilai tuTaippa; palakaiyum
	pIli cUTTi maNi aNipavvE;
	paNTinum n'ani pala aLippa; iniyE
	van'tanRu pOlum-tOzi!-n'on'tu n'on'tu,
	ezutu ezil uNkaN pAvai
10	azitaru veLLam n'In'tum n'ALE.

179. pAlai

	il ezu vayalai IRRu A tinRena,
	pan'tu n'ilattu eRin'tu, pAvai n'Ikki,
	av vayiRu alaitta en cey vinaik kuRumakaL
	mAn amarppanna maiyal n'OkkamoTu,
5	yAnum tAyum maTuppa, tEnoTu
	tIm pAl uNNAL vIgkuvanaL vimmi,
	n'erun'alum anaiyaLmannE; inRE,
	mai aNaR kALai poy pukalAka,
	aruj curam iRan'tanaL enpa-tan
10	murun'tu Er veN pal mukiz n'akai tiRan'tE.

184. pAlai

	oru makaL uTaiyEn mannE; avaLum
	ceru miku moympin kUrvER kALaiyoTu
	peru malai aruj curam n'erun'al cenRanaL;
	'iniyE, tAgku n'in avalam' enRir; atu maRRu
5	yAgganam ollumO? aRivuTaiyIrE!
	uLLin uLLam vEmE-uNkaN
	maNi vAz pAvai n'aTai kaRRanna en
	aNi iyaR kuRumakaL ATiya
	maNi Er n'occiyum teRRiyum kaNTE.

186. pAlai

	kal URRu INTala kayan aRa, vAgki,
	irum piNart taTak kai n'ITTi, n'Ir n'oNTu,
	perug kai yAnai piTi etir OTum
	kAnam vempiya vaRam kUr kaTattiTai,
5	vEnil Oti n'iRam peyar mutu pOttu,
	pAN yAz kaTaiya, vAgki, pAgkar
	n'eTu n'ilai yAam ERum tozila-
	piRarkku ena muyalum pEr aruL n'ejcamoTu
	kAmar poruT piNi pOkiya
10	n'Am veg kAtalar cenRa ARE.

189. pAlai

	tam alatu illA n'am n'ayan'tu aruLi
	innum vArAr; Ayinum, cenniyar,
	teRal arug kaTavuL munnar, cIRiyAz
	n'arampu icaittanna in kuraR kurukin
5	kagkai vagkam pOkuvarkollO-
	ev vinai ceyvarkol tAmE?-vev vinaik
	kolai val vETTuvan valai parin'tu pOkiya
	kAnap puRavin cEval vAy n'Ul
	cilampi am cinai verUum,
10	alagkal ulavai am kATu iRan'tOrE?

193. pAlai

	aTTarakku uruvin vaTTu mukai Igkait
	tuyt talaip putu malart tuLi talaik kalAva,
	n'iRai n'Irp puniRRup pulam tuzaii, AnAy,
	irum puRam tazUum perun' taN vATai!
5	n'inakkut tItu aRin'tanRO ilamE;
	paNait tOL el vaLai jekiztta em kAtalar
	aruj ceyal poruT piNip pirin'tanarAka,
	yArum il oru ciRai irun'tu,
	pEr ajar uRuviyai varuttAtImE!

197. pAlai

	'tOLE toTi n'ekizn'tanavE; n'utalE
	pIr ivar malarin pacappu Urn'tanRE;
	kaNNum taN pani vaikina; annO!
	teLin'tanam manRa; tEyar en uyir' ena,
5	Azal, vAzi-tOzi!-n'I; n'in
	tAzn'tu oli katuppin vIzn'ta kAloTu,
	vaNTu paTu putu malar uNtuRait tarIiya,
	peru maTa makaLir munkaic ciRu kOl
	polan' toTi pOla minni, kaNag koL
10	in icai muracin iragki, mannar
	eyil Ur pal tOl pOlac
	cel mazai tavazum, avar n'al malai n'ATTE.

198. pAlai

	cEyin varUum matavali! yA uyarn'tu
	Omai n'ITiya kAn iTai attam,
	munn'AL umpark kazin'ta en makaL
	kaNpaTa, n'Ir Azn'tanRE; tan'tai
5	tan Ur iTavayin tozuvEn; n'uN pal
	kOTu En'tu alkul arumpiya titalai,
	vArn'tu ilagku vAl eyiRRu, polin'ta tAar,
	cil vaLai, pal kUn'talaLE, avaLE;
	mai aNal eruttin munpin taTak kai
10	val vil ampin eyyA vaN makizt
	tan'taitan Ur ituvE;
	InREn yAnE; polika, n'um peyarE!

202. pAlai

	puli porac civan'ta pulAl am ceg kOTTu
	oli pal muttam Arppa, vali ciRan'tu,
	van cuval parArai murukki, kanRoTu
	maTap piTi tazIiya taTak kai vEzam,
5	tEn cey perug kiLai iriya, vEgkaip
	pon purai kavaLam puRan'tarupu UTTum
	mA malai viTarakam kavaii, kANvara,
	kaNTicin-vAziyO, kuRumakaL!-n'un'tai,
	aRumIn payan'ta aRam cey tigkaL
10	cel cuTar n'eTug koTi pOla,
	pal pUg kOgkam aNin'ta kATE.

205. pAlai

	aruvi Arkkum peru varai aTukkattu,
	ALi n'an mAn, vETTu ezu kOL ukirp
	pUm poRi uzuvai tolaicciya, vain' n'uti
	En'tu veN kOTTu, vayak kaLiRu izukkum
5	tun arug kAnam ennAy, n'IyE
	kuvaLai uNkaN ivaL INTu oziya,
	ALvinaikku akaRiAyin, inRoTu
	pOyinRukollO tAnE-paTappaik
	koTu muL Igkai n'eTu mA am taLir
10	n'Ir mali kataz peyal talaiiya
	Ay n'iRam puraiyum ivaL mAmaik kavinE!

208. pAlai

	viRal cAl viLagku izai n'ekiza, vimmi,
	aRal pOl teL maNi iTai mulai n'anaippa,
	viLivu ila kaluzum kaNNoTu, peritu azin'tu,
	evan inaipu vATuti?-cuTar n'utaR kuRumakaL!-
5	celvAr allar n'am kAtalar; celinum,
	n'OnmAr allar, n'OyE; maRRu avar
	konnum n'ampug kuraiyar tAmE;
	ciRan'ta anpinar; cAyalum uriyar;
	pirin'ta n'amminum iragki, arum poruL
10	muTiyAtuAyinum varuvar; atantalai,
	in tuNaip pirin'tOr n'ATit
	taruvatu pOlum, ip peru mazaik kuralE?

212. pAlai

	pArvai vETTuvan paTu valai verIi,
	n'eTug kAl kaNan'tuL am pulampu koL teL viLi
	curam cel kOTiyar katumena icaikkum
	n'arampoTu koLLum attattu AgkaN
5	kaTug kuraR pampaik kata n'Ay vaTukar
	n'eTum perug kunRam n'In'ti, n'am vayin
	van'tanar; vAzi-tOzi!-kaiyatai
	cem pon kazaltoTi n'Okki, mA makan
	kavavuk koL in kural kETToRum,
10	avavuk koL manattEm Akiya n'amakkE.

224. pAlai

	anpinar, mannum periyar; atantalai,
	'pinpani amaiyam varum' ena, munpanik
	kozun'tu mun'tuRIik kuravu arumpinavE;
	'puNarn'tIr puNarminO' enna, iNarmicaic
5	ceg kaN irug kuyil etir kural payiRRum
	inpa vEnilum van'tanRu; n'amvayin
	'piriyalam' enRu, teLittOr tEettu,
	ini evan mozikO, yAnE-kayan aRak
	kaN azin'tu ulaRiya pal mara n'eTu n'eRi
10	vil mUcu kavalai vilagkiya
	vem munai aruj curam munniyOrkkE?

226. pAlai

	maram cA marun'tum koLLAr, mAn'tar;
	uram cAc ceyyAr, uyartavam; vaLam keTap
	ponnum koLLAr, mannar-n'annutal!-
	n'Am tam uNmaiyin uLamE; atanAl
5	tAm ceyporuL aLavu aRiyAr; tAm kacin'tu,
	enRUz n'iRuppa, n'IL iTai oziya,
	cenROrmanRa n'am kAtalar; enRum
	inna n'ilaimaittu enpa;
	ennOrum aRipa, iv ulakattAnE.

229. pAlai

	'cERum, cERum' enRalin, pala pulan'tu,
	'cenmin' enRal yAn ajcuvalE;
	'cellAtIm' enac ceppin, pallOr
	n'iRattu eRi pun colintiRattu ajcuvalE;
5	atanAl, cenmin; cenRu vinai muTimin; cenRAgku,
	avaN n'ITAtal Ompumin; yAmattu,
	izai aNi Akam vaTuk koLa muyagki,
	uzaiyIrAkavum panippOL tamiyE
	kuzaivAn, kaNNiTattu INTit taNNena,
10	ATiya iLa mazaip pinRai,
	vATaiyum kaNTirO, van'tu n'inRatuvE?

237. pAlai

	n'ani mikap pacan'tu, tOLum cAay,
	pani mali kaNNum paNTu pOlA;
	in uyir anna pirivu arug kAtalar
	n'Ittu n'ITinar ennum pulavi
5	uTkoNTu UTinRum ilaiyO?-maTan'tai!-
	uvakkAN tOnRuva, Ogki-viyappuTai
	iravalar varUum aLavai, aNTiran
	puravu etirn'tu tokutta yAnai pOla,
	ulakam uvappa, Otu arum
10	vERu pal uruvin, Ertarum mazaiyE!

240. pAlai

	aitE kamma, iv ulaku paTaittOnE-
	vai Er vAl eyiRRu oL n'utaR kuRumakaL
	kai kavar muyakkam mey uRat tiruki,
	Egku uyirppaTTa vIgku mulai Akam
5	tuyil iTaippaTUum tanmaiyatuAyinum,
	veyil veytuRRa paral aval otukkil,
	kaNicciyil kuzitta kUval n'aNNi,
	An vazip paTun'ar tONTiya pattal
	yAnai ina n'irai vauvum
10	kAnam tiNNiya malai pOnRicinE.

241. pAlai

	uLLArkollO-tOzi!-koTuj ciRaip
	puL aTi poRitta variyuTait talaiya
	n'Ir azi marugkin Ir ayir tOnRa,
	vaLarA vATai uLarpu n'ani tINTalin,
5	vEza veN pU virivana palavuTan,
	vEn'tu vIcu kavariyin, pUm putal aNiya,
	mazai kazi vicumpin mARi jAyiRu
	vizittu imaippatu pOl viLagkupu maRaiya,
	ellai pOkiya pozutin el uRa,
10	panikkAl koNTa paiyuL yAmattu,
	pal itaz uNkaN kaluza,
	n'illAp poruTpiNip pirin'ticinOrE?

243. pAlai

	tEm paTu cilampil teL aRal tazIiya
	tuRukal ayala tU maNal aTaikarai,
	alagku cinai potuLiya n'aRu vaTi mAattup
	potumputORu alkum pUg kaN irug kuyil,
5	'kavaRu peyarttanna n'illA vAzkkai iTTu
	akaRal Ompumin, aRivuTaiyIr!' ena,
	kaiyaRat tuRappOrk kazaRuva pOla,
	mey uRa irun'tu mEvara n'uvala,
	innAtu Akiya kAlai, poruLvayiR
10	piriyal ATavarkku iyalpu enin,
	aritu manRamma, aRattinum poruLE?

246. pAlai

	iTUu UgkaN iniya paTUum;
	n'eTuj cuvarp palliyum pAgkil tERRum;
	manai mA n'occi mImicai mAc cinai,
	vinai mAN irug kuyil payiRRalum payiRRum;
5	uram puri uLLamoTu curam pala n'In'ti,
	ceyporuTku akanRanarAyinum poyyalar,
	varuvar vAzi-tOzi!-puRavin
	pon vIk konRaiyoTu piTavut taLai aviza,
	in icai vAnam iragkum; avar,
10	'varutum' enRa paruvamO ituvE?

252. pAlai

	'ulavai Omai olku n'ilai oTugki,
	ciLvITu kaRagkum cEy n'ATTu attam,
	tiRam puri koLkaiyoTu iRan'tu ceyina allatu,
	arum poruT kUTTam irun'tOrkku il' ena,
5	valiyA n'ejcam valippa, cUzn'ta
	vinai iTai vilagkala pOlum-punai cuvarp
	pAvai anna pazitIr kATci,
	aitu Eyn'tu akanRa alkul, mai kUrn'tu
	malar piNaittanna mA itaz mazaik kaN,
10	muyal vETTu ezun'ta muTuku vicaik kata n'Ay
	n'al n'Ap puraiyum cIRaTi,
	pommal Oti, punaiizai kuNanE!

256. pAlai

	n'IyE, pATal cAnRa pazi tapu cIRaTi,
	alku peru n'alattu, amartta kaNNai;
	kATE, n'izal kavin izan'ta azal kavar maratta,
	pulampu vIRRirun'tu n'alam citain'tanavE;
5	in' n'ilai tavirn'tanam celavE: vain' n'utik
	kaLavuTan kamaza, piTavut taLai aviza,
	kAr peyal ceyta kAmar kAlai,
	maTap piNai tazIiya mA eruttu iralai
	kAz koL vElattu Az cinai payan'ta
10	kaN kavar vari n'izal vatiyum
	taN paTu kAnamum tavirn'tanam celavE.

262. pAlai

	taN punak karuviLaik kaN pOl mA malar,
	ATu mayiR pIliyin vATaiyoTu tuyalvara,
	uRai mayakkuRRa Ur tujcu yAmattu,
	n'aTugku piNi n'aliya n'al ezil cAay,
5	tuni kUr manattaL, muni paTar uzakkum
	paNait tOL, arumpiya cuNagkin, kaNaik kAl,
	kuvaLai n'ARum kUn'tal, tEmozi
	ivaLin tIrn'tum, ALvinai valippa,
	'pirival' n'ejcu, ennum Ayin,
10	aritu manRamma, inmaiyatu iLivE.

264. pAlai

	pAmpu aLaic ceRiya muzagki, valan Erpu,
	vAn taLi pozin'ta kANpu in kAlai,
	aNi kiLar kalAvam aitu virittu iyalum
	maNi purai eruttin majjai pOla, n'in
5	vI pey kUn'tal vIcu vaLi uLara
	Ekuti-maTan'tai!-ellinRu pozutE:
	vEy payil iRumpil kOvalar yAtta
	A pUN teN maNi iyampum,
	IkAN tOnRum, em ciRu n'al UrE.

269. pAlai

	kurumpai maNip pUN peruj ceg kiNkiNip
	pAl Ar tuvar vAyp paim pUT putalvan,
	mAlaik kaTTil, mArpu Urpu iziya,
	av eyiRu ozukiya av vAy mAN n'akaic
5	ceyir tIr koLkai n'am uyir veg kAtali
	tirumukattu alamarum kaN iNain'tu alkalum,
	peruma! vaLLiyin piNikkum ennAr,
	ciRu pal kunRam iRappOr;
	aRivAr yAr, avar munniyavvE?

271. pAlai

	irum puniRRu erumaip peruj cevik kuzavi
	pain' tAtu eruvin vaiku tuyil maTiyum
	cezun' taN manaiyOTu em ivaN oziya,
	cel perug kALai poym maruNTu, cEy n'ATTuc
5	cuvaik kAy n'ellip pOkku arum pogkar
	vIz kaTait tiraL kAy orugkuTan tinRu,
	vI cunaic ciRu n'Ir kuTiyinaL, kazin'ta
	kuvaLai uNkaN en makaL Oranna,
	cey pOz veTTiya poytal Ayam,
10	mAlai viri n'ilavil peyarpu puRagkANTaRku,
	mA irun' tAzi kavippa,
	tA inRu kazika, eR koLLAk kURRE.

274. pAlai

	n'eTu vAn minni, kuRun' tuLi talaii,
	paTu mazai pozin'ta pakuvAyk kunRattu,
	uzai paTu mAn piNai tINTalin, izai makaL
	pon cey kAcin, oN pazam tAam
5	kumiz talaimayagkiya kuRum pal attam,
	'emmoTu varutiyO, pommal Oti?' enak
	kURinRum uTaiyarO maRRE-vERupaTTu
	irum puli vazagkum cOlai,
	perug kal vaippin curan iRan'tOrE?

277. pAlai

	koTiyai; vAzi-tumpi!- in' n'Oy
	paTukatil amma, yAn n'inakku uraittena;
	meyyE karumai anRiyum, cevvan
	aRivum karitO-aRanilOy!-n'inakkE?
5	manai uRak kAkkum mAN perug kiTakkai
	n'uN muL vElit tAtoTu potuLiya
	tARu paTu pIram Uti, vERupaTa
	n'ARRam inmaiyin, pacalai UtAy:
	ciRu kuRum paRavaikku OTi, viraivuTan
10	n'ejcu n'ekiz ceytatan payanO? anpu ilar,
	vem malai aruj curam iRan'tOrkku
	en n'ilai uraiyAy, cenRu, avaN varavE.

279. pAlai

	vEmpin oN pazam muNaii, iruppait
	tEm pAl ceRRa tIm pazam n'acaii,
	vaiku pani uzan'ta vAval, cinaitoRum,
	n'ey tOy tiriyin taN citar uRaippa,
5	n'AT curam uzan'ta vAL kEz ERRaiyoTu
	poruta yAnaip puT tAL Eyppa,
	pacip piTi utaitta Omaic cev varai
	veyil kAy amaiyattu imaikkum attattu,
	atar uzan'tu acaiyinakollO-tatarvAyc
10	cilampu kazIiya celvam
	piRaruzaik kazin'ta en Ayizai aTiyE?

281. pAlai

	mAcu il maratta pali uN kAkkai
	vaLi poru n'eTuj cinai taLiyoTu tUgki,
	vel pOrc cOzar kazAark koLLum
	n'al vakai miku palik koTaiyOTu ukukkum
5	aTagkAc conRi, am pal yANar
	viTakkuTaip peruj cORu, uLLuvana iruppa,
	mazai amain'tu uRRa mAl iruL n'aTu n'AL,
	tAm n'am uzaiyarAkavum, n'Am n'am
	panik kaTumaiyin, n'ani peritu azugki,
10	tujcAm Akalum aRivOr
	anpilar-tOzi!-n'am kAtalOrE.

284. pAlai

	'puRam tAzpu iruNTa kUn'tal, pOtin
	n'iRam peRum Ir itazp polin'ta uNkaN,
	uLLam piNikkoNTOLvayin', n'ejcam,
	'cellal tIrkam; celvAm' ennum:
5	'ceyvinai muTiyAtu evvam ceytal
	eyyAmaiyOTu iLivu talaittarum' ena,
	uRuti tUkkAt tUgki, aRivE,
	'ciRitu n'ani viraiyal' ennum: AyiTai,
	oLiRu En'tu maruppin kaLiRu mARu paRRiya
10	tEypurip pazag kayiRu pOla,
	vIvatukol en varun'tiya uTampE?

286. pAlai

	'Ucal oN kuzai uTai vAyttanna,
	attak kumizin Ay itaz alari
	kal aRai varikkum pullen kunRam
	cenROrmanRa; celIiyar en uyir' ena,
5	punai izai n'ekiza vimmi, n'on'tu n'on'tu
	inaital AnRicin-Ayizai!-n'inaiyin
	n'aTTOr Akkam vENTiyum, oTTiya
	n'in tOL aNi peRa varaRkum
	anRO-tOzi!-avar cenRa tiRamE?

293. pAlai

	maNik kural n'occit teriyal cUTi,
	palik kaL Ar kaip pAr mutu kuyavan
	iTu pali n'uvalum akantalai manRattu,
	vizavut talaikkoNTa paza viRal mUtUrp
5	pUg kaN Ayam kANtoRum, empOl,
	peru vituppuRukamAtO-em iR
	pommal Otiyait tan mozik koLIi,
	koNTu uTan pOka valitta
	vankaN kALaiyai InRa tAyE.

296. pAlai

	en Avatukol? tOzi!-mannar
	vinai val yAnaip pukar mukattu aNin'ta
	pon cey OTaip punai n'alam kaTuppa,
	puzaR kAyk konRaik kOTu aNi koTi iNar
5	E kal mImicai mEtaka malarum,
	pirin'tOr iragkum arum peRal kAlaiyum,
	vinaiyE n'inain'ta uLLamoTu tunaiic
	celpa enpa, kAtalar:
	ozitum enpa n'Am, varun'tu paTar uzan'tE.

298. pAlai

	vampa mAkkaL varu tiRam n'Okki,
	ceg kaNai toTutta ceyir n'Okku ATavar
	maTi vAyt taNNumait tazagku kural kETTa
	eruvaic cEval kiLaivayiR peyarum
5	aruj curak kavalai, ajcuvaru n'anan'talaip
	perum pal kunRam uLLiyum, maRRu-ivaL
	karumpuTaip paNait tOL n'Okkiyum, oru tiRam
	paRRAy-vAzi, em n'ejcE!-n'al tArp
	poRRErc ceziyan kUTal AgkaN,
10	orumai ceppiya arumai, vAn mukai
	irum pOtu kamazum kUn'tal,
	peru malai tazIiyum, n'Okku iyaiyumOmaRRE?

302. pAlai

	izai aNi makaLirin vizaitakap pUtta
	n'ITu curi iNara cuTar vIk konRaik
	kATu kavin pUttaAyinum, n'anRum
	varu mazaikku etiriya maNi n'iRa irum putal
5	n'arai n'iRam paTutta n'al iNart teRuz vI
	tAam tEralarkollO-cEy n'ATTu,
	kaLiRu utaittu ATiya kaviz kaN iTu n'IRu
	veLiRu il kAza vElam n'ITiya
	pazagkaN mutu n'eRi maRaikkum,
10	vazagku arug kAnam iRan'ticinOrE?

305. pAlai

	vari aNi pan'tum, vATiya vayalaiyum,
	mayil aTi anna mAk kural n'occiyum,
	kaTiyuTai viyal n'akar kAN varat tOnRa,
	tamiyE kaNTa taNTalaiyum teRuvara,
5	n'Oy AkinRE-makaLai!-n'in tOzi,
	eri cinam taNin'ta ilai il am cinai
	varip puRap puRavin pulampu koL teL viLi,
	uruppu avir amaiyattu, amarppanaL n'Okki,
	ilagku ilai veL vEl viTalaiyai
10	vilagku malai Ar iTai n'aliyumkol enavE.

308. pAlai

	cela viraivuRRa aravam pORRi,
	malar Er uNkaN pani vara, Ayizai-
	yAm taR karaiyavum, n'ANinaL varuvOL,
	vENTAmaiyin menmela van'tu,
5	vinavalum takaittalum cellAL Aki,
	veRi kamaz tuRu muTi tayagka, n'al vinaip
	poRi azi pAvaiyin kalagki, n'eTitu n'inain'tu,
	Akam aTaitan'tOLE: atu kaNTu,
	Ir maN ceykai n'Ir paTu pacug kalam
10	peru mazaip peyaRku ERRAgku, em
	poruL mali n'ejcam puNarn'tu uvan'tanRE.

312. pAlai

	n'OkO yAnE, n'Om en n'ejcE-
	'panip putal Igkai am kuzai varuTa,
	ciRai kuvin'tirun'ta paital veN kuruku,
	pArvai vETTuvan, kAz kaLain'taruLa,
5	mAri n'inRa, maiyal aRciram-
	yAm tan uzaiyam Akavum, tAnE,
	etirtta titti muRRA mulaiyaL,
	kOTait tigkaLum panippOL-
	vATaip perum panikku ennaLkol?' enavE.

314. pAlai

	'mutirn'tOr iLamai azin'tum eytAr;
	vAz n'AL vakai aLavu aRijarum illai;
	mArip pittikattu Ir itaz alari
	n'aRug kAz AramoTu miTain'ta mArpil,
5	kuRum poRik koNTa kommai am pukarppin
	karug kaN vem mulai jemugkap pullik
	kazivatAka, kagkul' enRu
	tAm mozi vanmaiyin poyttanar, vAziya-
	n'oTi viTuvanna kAy viTu kaLLi
10	alagkal am pAvai ERi, pulampu koL
	pun puRA vIz peTaip payirum
	enRUz n'ILiTaic cenRicinOrE!

316. mullai

	maTavatu amma, maNi n'iRa ezili-
	'malarin mauval n'alam varak kATTi,
	kayal Er uNkaN kanagkuzai! ivai n'in
	eyiRu Er pozutin EytaruvEm' ena,
5	kaN akan vicumpin mati ena uNarn'ta n'in
	n'al n'utal n'Ivic cenROr, tam n'acai
	vAyttu varal vArA aLavai, attak
	kal micai aTukkam putaiyak kAl vIzttu,
	taLi taru taN kAr talaii,
10	viLi icaittanRAl, viyal iTattAnE.

318. pAlai

	n'inaittalum n'inaitirO-aiya! anRu n'Am
	paNait tAL Omaip paTu cinai payan'ta
	porun'tAp pukar n'izal irun'tanemAka,
	n'aTukkam ceyyAtu, n'aNNuvazit tOnRi,
5	oTittu micaik koNTa Ogku maruppu yAnai
	poRi paTu taTakkai curukki, piRitu Or
	ARu iTaiyiTTa aLavaikku, vERu uNarn'tu,
	enRUz viTar akam cilampa,
	pun talai maTap piTi pulampiya kuralE?

329. pAlai

	varaiyA n'ayavinar n'iraiyam pENAr,
	konRu ARRut tuRan'ta mAkkaLin aTu piNan
	iTu muTai marugkil, toTum iTam peRAatu,
	puniRRu n'irai katitta, poRiya mutu pARu
5	iRaku puTaittu iRRa paRaip pun tUvi
	ceg kaNaic ceRitta vankaN ATavar
	ATu koL n'ejcamOTu atar pArttu alkum,
	attam iRan'tanar Ayinum, n'at tuRan'tu
	alkalar vAzi-tOzi!-utuk kAN:
10	iru vicumpu atira minni,
	karuvi mA mazai kaTal mukan'tanavE!

333. pAlai

	mazai tozil ulan'tu, mA vicumpu ukan'tena,
	kazai kavin azin'ta kal atarc ciRu n'eRip
	paral aval URal ciRu n'Ir marugkin,
	pU n'utal yAnaiyoTu puli porutu uNNum
5	curan iRan'tu, ariya ennAr, uran azin'tu,
	uL mali n'ejcamoTu vaNmai vENTi,
	arum poruTku akanRa kAtalar muyakku etirn'tu,
	tirun'tizaip paNait tOL peRun'ar pOlum;
	n'IgkukamAtO n'in avalam-Ogkumicai,
10	uyar pukaz n'al il oN cuvarp porun'ti
	n'ayavaru kurala palli,
	n'aLLen yAmattu, uLLutoRum paTumE.

343. pAlai

	mullai tAya kal atarc ciRu n'eRi
	aTaiyAtu irun'ta am kuTic cIRUrt
	tAtu eru maRukin, A puRam tINTum
	n'eTu vIz iTTa kaTavuL Alattu,
5	uku pali arun'tiya toku viraR kAkkai
	punkaN an'tik kiLaivayin ceRiya,
	paTaiyoTu van'ta paiyuL mAlai
	illaikol vAzi-tOzi!-n'attuRan'tu
	arum poruT kUTTam vENTip
10	pirin'tu uRai kAtalar cenRa n'ATTE?

346. pAlai

	kuNa kaTal mukan'tu, kuTakku Erpu iruLi,
	taN kAr talaiiya n'ilam taNi kAlai,
	aracu pakai n'uvalum aru munai iyavin,
	azin'ta vEli am kuTic cIRUr
5	AL il manRattu, alku vaLi ATTa,
	tAL vali Akiya vankaN irukkai,
	inRu, n'akkanaiman pOlA-enRum
	n'iRaiyuRu matiyin ilagkum poRaiyan
	perun' taN kollic ciRu pacug kuLavik
10	kaTi patam kamazum kUn'tal
	maTa mA arivai taTa men tOLE?

352. pAlai

	ilai mAN pakazic cilai mAN irIiya
	anpu il ATavar alaittalin, palaruTan
	vampalar tolain'ta ajcuvaru kavalai,
	azal pOl ceviya cEval ATTi,
5	n'izaloTu katikkum n'iNam puri mutu n'ari
	paccUn koLLai mAn'ti, veytuRRu,
	tEr tikaz vaRum pulam tuzaii, n'Ir n'ayan'tu,
	patukkai n'Izal otukku iTam peRAa
	aruj curak kavalai varutalin, varun'tiya
10	n'amakkum ariya Ayina: amait tOL
	mANpuTaik kuRumakaL n'Igki,
	yAgku van'tanaLkol? aLiyaL tAnE!

362. pAlai

	vinai amai pAvaiyin iyali, n'un'tai
	manai varai iRan'tu van'tanai; Ayin,
	talai n'ATku etiriya taN pata ezili
	aNi miku kAnattu akan puRam paran'ta
5	kaTuj cemmUtAy kaNTum, koNTum,
	n'I viLaiyATuka ciRitE; yAnE,
	maza kaLiRu urijciya parArai vEgkai
	maNal iTu marugkin irum puRam porun'ti,
	amar varin, ajcEn, peyarkkuven;
10	n'umar varin, maRaikuven-mAayOLE!

366. pAlai

	aravuk kiLarn'tanna viravuRu pal kAz
	vITuRu n'uN tukil UTu van'tu imaikkum
	tirun'tuizai alkul, perun' tOT kuRumakaL
	maNi Er aimpAl mAcu aRak kazIi,
5	kUtir mullaik kuRug kAl alari
	mAtar vaNToTu curumpu paTa muTitta
	irum pal mel aNai oziya, karumpin
	vEl pOl veN mukai viriyat tINTi,
	mutuk kuRaik kurIi muyanRu cey kuTampai
10	mUgkil am kazait tUgka, oRRum
	vaTa pula vATaikkup pirivOr
	maTavar vAzi, iv ulakattAnE!