1. kuRijci

	n'inRa collar; n'ITutOnRu iniyar;
	enRum en tOL piripu aRiyalarE'
	tAmarait taN tAtu Uti, mImicaic
	cAn'til toTutta tIm tEn pOla,
5	puraiya manRa, puraiyOr kENmai;
	n'Ir inRu amaiyA ulakam pOlat
	tam inRu amaiyA n'am n'ayan'taruLi,
	n'aRu n'utal pacattal ajcic
	ciRumai uRupavO? ceypu aRiyalarE!

14. pAlai

	tol kavin tolaiya, tOL n'alamcAaya,
	n'alkAr n'Ittanar Ayinum, n'alkuvar;
	n'aTTanar, vAzi!-tOzi!-kuTTuvan
	akappA aziya n'URi, cempiyan
5	pakal tI vETTa jATpinum mikap peritu
	alar ezac cenRanar Ayinum-malar kavizn'tu
	mA maTal avizn'ta kAn'taL am cAral,
	inam cAl vayak kaLiRu pAn'taT paTTena,
	tujcAt tuyarattu ajcu piTip pUcal
10	n'eTu varai viTarakattu iyampum
	kaTu mAn pulliya kATu iRan'tOrE.

17. kuRijci

	n'AL mazai talaiiya n'al n'eTugkunRattu,
	mAl kaTal tiraiyin izitarum aruvi
	akal irug kAnattu alku aNi n'Okki,
	tAgkavum takaivarai n'illA n'Ir cuzalpu
5	En'tu ezil mazaik kaN kaluztalin, annai,
	'evan ceytanaiyO? n'in ilagku eyiRu uNku' ena,
	melliya iniya kURalin, val virain'tu,
	uyirinum ciRan'ta n'ANum n'ani maRan'tu,
	uraittal uyn'tananE-tOzi!-cAral,
10	kAn'taL Utiya maNi n'iRat tumpi
	tIm toTai n'arampin imirum
	vAn tOy veRpan mArpu aNagku enavE.

20. marutam

	aiya! kuRumakaT kaNTikum: vaiki,
	makizn'an mArpil tujci, aviz iNart
	tEm pAy marAam kamazum kUn'tal
	tuLagkuiyal acaivara, kaligkam tuyalvara,
5	ceRitoTi teLirppa vIci, maRukil,
	pUp pOl uNkaN peyarppa n'Okki,
	cenRanaL-vAziya, maTan'tai!-n'uN pal
	cuNagku aNivuRRa viLagku pUNaL;
	mArpuRu muyakkiTai jemirn'ta cOr kuzai,
10	pazam piNi vaikiya tOL iNaik
	kuzain'ta kOtai, koTi muyagkalaLE.

24. pAlai

	'pAr paka vIzn'ta vEruTai vizukkOTTu
	uTumpu aTain'tanna n'eTum pori viLavin,
	ATTu ozi pan'tin, kOTTu mUkku iRupu,
	kampalattanna paim payirt tAam
5	veLLil valci vERRu n'ATTu Ar iTaic
	cERum, n'Am' enac colla-cEyizai!-
	'n'anRu' enap purin'tOy; n'anRu ceytanaiyE;
	ceyalpaTu manattar ceyporuTku
	akalvar, ATavar; atu atan paNpE.

31. n'eytal

	mA irum parappakam tuNiya n'Okki,
	cEyiRA eRin'ta ciRu veN kAkkai
	pAy irum panik kazi tuzaii, paig kAl
	tAn vIz peTaikkup payiriTUu, curakkum
5	ciRu vI jAzal tuRaiyumAr initE;
	perum pulampu uRRa n'ejcamoTu, pala n'inain'tu,
	yAnum inaiyEn-Ayin, AnAtu
	vERu pal n'ATTil kAl tara van'ta
	pala uRu paNNiyam izitaru n'ilavumaNal
10	n'eTuj cinaip punnaik kaTuj cUl veN kuruku
	ulavut tirai Otam verUum
	uravu n'Irc cErppanoTu maNavA UgkE.

38. n'eytal

	vETTam poyyAtu valaivaLamciRappa,
	pATTam poyyAtu paratavar pakara,
	irum panan' tIm pizi uNpOr makizum
	Ar kali yANarttuAyinum, tEr kezu
5	mellam pulampan piriyin, pullenap
	pulampu AkinRE-tOzi! kalagku n'Irk
	kazi cUz paTappaik kANTavAyil,
	oli kAvOlai muL miTai vEli,
	peNNai ivarum AgkaN
10	veN maNaR paTappai, em azugkal UrE.

51. kuRijci

	yAgkuc ceyvAmkol-tOzi! Ogku kazaik
	kAmpuTai viTar akam cilampa, pAmpu uTanRu
	Ogku varai miLira ATTi, vIgku celal
	kaTug kural ERoTu kanai tuLi talaiip
5	peyal AnAtE, vAnam; peyaloTu
	minnu n'imirn'tanna vElan van'tena,
	pinnu viTu mucci aLippu AnAtE;
	perun' taN kuLavi kuzaitta pA aTi,
	iruj cERu ATiya n'utala, kolkaLiRu
10	pEtai Acini ocitta
	vI tatar vEgkaiya malai kizavORkE?

54. n'eytal

	vaLai n'Ir mEyn'tu, kiLai mutalcelIi,
	vAp paRai virumpinaiAyinum, tUc ciRai
	irum pulA arun'tum n'in kiLaiyoTu ciRitu irun'tu-
	karug kAl veN kuruku!-enava kENmati:
5	perum pulampinRE, ciRu pun mAlai;
	atu n'I aRiyin, anpumAr uTaiyai;
	n'otumal n'ejcam koLLAtu, en kuRai
	iRRAgku uNara uraimati-tazaiyOr
	koykuzai arumpiya kumari jAzal
10	teN tirai maNip puRam taivarum
	kaNTal vEli n'um tuRai kizavORkE!

56. pAlai

	kuRu n'ilaik kuravin ciRu n'anai n'aRu vI
	vaNTu taru n'ARRam vaLi kalan'tu Iya,
	kaN kaLi peRUum kavin peRu kAlai,
	el vaLai jekizttOrkku allal uRIic
5	cenRa n'ejcam ceyvinaikku acAvA,
	orugku varal n'acaiyoTu, varun'tumkollO
	aruLAn Atalin, azin'tu ivaN van'tu,
	tol n'alan izan'ta en pon n'iRam n'Okki,
	'EtilATTi ivaL' enap
10	pOyinRu kollO, n'Oy talaimaNan'tE

64. kuRijci

	ennar Ayinum ini n'inaivu ozika!
	annavAka inaiyal-tOzi!-yAm
	innamAka n'at tuRan'tOr n'aTpu evan?
	maral n'Ar uTukkai malai uRai kuRavar
5	aRiyAtu aRutta ciRiyilaic cAn'tam
	vaRanuRRu Ara murukki, paiyena
	maram vaRitAkac cOrn'tu ukkAgku, en
	aRivum uLLamum avar vayin cenRena,
	vaRitAl, ikuLai! en yAkkai; ini avar
10	varinum, n'Oy marun'tu allar; vArAtu
	avaNar Akuka, kAtalar! ivaN n'am
	kAmam paTar aTa varun'tiya
	n'Oy mali varuttam kANanmAr emarE!

66. pAlai

	miLaku peytanaiya cuvaiya pun kAy
	ulaRu talai ukAayc citar citarn'tu uNTa
	pulampu koL n'eTuj cinai ERi, n'inain'tu, tan
	poRi kiLar eruttam veRi paTa maRuki,
5	pun puRA uyavum ven' tukaL iyavin,
	n'ayan'ta kAtalaR puNarn'tanaL Ayinum,
	civan'tu oLi mazugki amarttanakollO-
	kOtai mayagkinum, kuRun' toTi n'ekizinum,
	kAz peyal alkul kAcu muRai tiriyinum,
10	mAN n'alam kaiyaRak kaluzum en
	mAyak kuRumakaL malar Er kaNNE?

69. mullai

	pal katir maNTilam pakal ceytu ARRi,
	cEy uyar peru varaic cenRu, avaN maRaiya,
	paRavai pArppuvayin aTaiya, puRavil
	mA eruttu iralai maTap piNai tazuva,
5	mullai mukai vAy tiRappa, pal vayin
	tOnRi tOnRupu putal viLakku uRAa,
	matarvai n'al An mAcu il teN maNi,
	koTug kOl kOvalar kuzalOTu onRi,
	aitu van'tu icaikkum aruL il mAlai,
10	ALvinaikku akanROr cenRa n'ATTum
	inaiyavAkit tOnRin,
	vinai valittu amaital ARRalarmannE!

70. marutam

	ciRu veLLAgkurukE! ciRu veLLAgkurukE!
	tuRai pOku aRuvait tU maTi anna
	n'iRam kiLar tUvic ciRu veLLAgkurukE!
	em Ur van'tu, em uNtuRait tuzaii,
5	cinaik keLiRRu Arkaiyai avar Urp peyarti,
	anaiya anpinaiyO, peru maRaviyaiyO-
	AgkaN tIm punal IgkaN parakkum
	kazani n'al Ur makizn'arkku en
	izai n'ekiz paruvaral ceppAtOyE!

73. pAlai

	vEnil murukkin viLai tuNar anna
	mANA virala val vAyp pEey
	mallal mUtUr malarp pali uNIiya,
	manRam pOzum punkaN mAlai,
5	tammoTum ajcum n'am ivaN oziyac
	celpa enpa tAmE-cev ari
	mayir n'iraittanna vAr kOl vAgku katirc
	cen'n'el am ceRuvin annam tujcum
	pUk kezu paTappaic cAykkATTu anna en
10	n'utaR kavin azikkum pacalaiyum,
	ayalOr tURRum ampalum aLittE.

74. n'eytal

	vaTik katir tiritta val jANperu valai
	iTik kuraR puNarip pauvattu iTumAr,
	n'iRaiyap peyta ampi, kAzOr
	ciRai arug kaLiRRin, paratavar oyyum
5	ciRu vI jAzaR perug kaTaR cErppanai,
	'EtilALanum' enpa; pOtu aviz
	putu maNaR kAnal punnai n'uN tAtu,
	koNTal acai vaLi tUkkutoRum, kurukin
	veN puRam mociya vArkkum, teN kaTal
10	kaNTal vEliya Ur, 'avan
	peNTu' ena aRin'tanRu; peyarttalO aritE!

84. pAlai

	kaNNum, tOLum, taN n'aRugkatuppum,
	titalai alkulum pala pArATTi,
	n'erun'alum ivaNar mannE! inRE,
	peru n'Ir oppin pEey veN tEr
5	maran il n'IL iTai mAn n'acaiyuRUum,
	cuTumaN tacumpin mattam tinRa
	piRavA veNNey uruppu iTan'tanna
	uvar ezu kaLari Omai am kATTu,
	veyil vIRRirun'ta vempu alai aruj curam
10	Ekuvar enpa, tAmE-tamvayin
	iran'tOr mARRal ARRA
	illin vAzkkai vallAtOrE.

87. n'eytal

	uL Ur mA atta muL eyiRRu vAval
	Ogkal am cinait tUgku tuyil pozutin,
	vel pOrc cOzar aziciam perug kATTu
	n'elli am puLic cuvaik kanaviyAagku,
5	atu kazin'tanRE-tOzi!-avar n'ATTup
	pani arumpu uTain'ta perun' tAT punnai
	tuRai mEy ippi Irm puRattu uRaikkum
	ciRukuTip paratavar makizcciyum,
	perun' taN kAnalum, n'inain'ta ap pakalE.

94. n'eytal

	n'Oy alaik kalagkiya matan azi pozutil,
	kAmam ceppal ANmakaRku amaiyum;
	yAnE, peNmai taTpa n'uNNitin tAgki-
	kai val kammiyan kavin peRak kazAa
5	maNNAp pacu muttu Eyppa, kuvi iNarp
	punnai arumpiya pulavu n'Irc cErppan
	enna makankol-tOzi!-tanvayin
	Arvam uTaiyar Aki,
	mArpu aNagkuRun'arai aRiyAtOnE!

96. n'eytal

	'ituvE, n'aRu vI jAzal mA malartAay,
	punnai tatain'ta veN maNal oru ciRai,
	putuvatu puNarn'ta pozilE; utuvE,
	pommaR paTu tirai n'ammOTu ATi,
5	puRam tAzpu iruLiya piRagkukural aimpAl
	tuvarinar aruLiya tuRaiyE; atuvE,
	koTug kazi n'ivan'ta n'eTug kAl n'eytal
	am pakai n'eRit tazai aNi peRat taii,
	tamiyar cenRa kAnal' enRu Agku
10	uLLutORu uLLutORu uruki,
	paiip paiyap pacan'tanai pacappE.

97. mullai

	azun'tu paTu vizup puN vazumpu vAypularA
	evva n'ejcattu eHku eRin'tAgku,
	pirivila pulampi n'uvalum kuyilinum,
	tERu n'Ir kezIiya yARu n'ani koTitE;
5	ataninum koTiyaL tAnE, 'matanin
	tuyt talai itaza paig kurukkattiyoTu
	pittikai viravu malar koLLIrO?' ena
	vaNTu cUz vaTTiyaL tiritarum
	taNTalai uzavar tani maTa makaLE.

102. kuRijci

	koTug kuraR kuRaitta cev vAyppaig kiLi!
	ajcal Ompi, Ar patam koNTu,
	n'in kuRai muTitta pinRai, en kuRai
	ceytalvENTumAl; kai tozutu irappal;
5	pal kOT palavin cAral avar n'ATTu,
	n'in kiLai marugkin, cERiAyin,
	am malai kizavORku uraimati-im malaik
	kAnak kuRavar maTa makaL
	Enal kAval AyinaL enavE.

104. kuRijci

	pUm poRi uzuvaip pEz vAy ERRai
	tEm kamaz cilampin kaLiRRoTu porinE,
	tuRukal mImicai, uRukaN ajcAk
	kuRak kuRumAkkaL pukaRciyin eRin'ta
5	toNTakac ciRu paRaip pANi ayalatu
	pain' tAL cen'tinaip paTu kiLi Oppum
	Ar kali veRpan mArpu n'ayan'tu uRaiyum
	yAnE anRiyum uLarkol-pAnAL,
	pAmpuTai viTara Ogku malai miLira,
10	urumu civan'tu eRiyum pozutoTu, peru n'Ir
	pOkku aRa vilagkiya cAral,
	n'Okku aruj ciRu n'eRi n'inaiyumOrE?

107. pAlai

	uLLutoRum n'akuvEn-tOzi!-vaL ukirp
	piTi piLan'tiTTa n'Ar il veN kOTTuk
	koTiRu pOl kAya vAl iNarp pAlai,
	cel vaLi tUkkalin, ilai tIr n'eRRam
5	kal izi aruviyin ollena olikkum,
	pul ilai Omaiya, puli vazagku attam
	cenRa kAtalarvazi vazippaTTa
	n'ejcE n'alvinaippARRE; INTu ozin'tu,
	AnAk kauvai malain'ta
10	yAnE, tOzi! n'OyppAlEnE.

109. pAlai

	'onRutum' enRa tonRu paTu n'aTpin
	kAtalar akanRena, kalagkip pEtuRRu,
	'annavO, in' n'annutal n'ilai?' ena,
	vinaval AnAp punaiyizai! kEL, ini
5	uraikkal AkA evvam; immena
	iraikkum vATai iruL kUr pozutil,
	tuLiyuTait tozuvin tuNital aRRattu,
	uccik kaTTiya kUzai Avin
	n'ilai ena, oruvEn Aki
10	ulamara, kaziyum, ip pakal maTi pozutE!

116. kuRijci

	'tImai kaNTOr tiRattumperiyOr
	tAm aRin'tu uNarka' enpamAtO;
	vazuvap piNTam n'AppaN EmuRRu,
	iru vetir InRa vEl talaik kozu muLai,
5	cUl mutir maTap piTi, n'AL mEyal Arum
	malai kezu n'ATan kENmai, palavin
	mAc cinai tuRan'ta kOL mutir perum pazam
	viTar aLai vIzn'tu ukkAagku, toTarpu aRac
	cENum cenRu ukkanRE aRiyAtu
10	E kal aTukkattu iruL mukai irun'ta
	kuRijci n'al Urp peNTir
	innum OvAr, en tiRattu alarE!

117. n'eytal

	perug kaTal muzagka, kAnal malara,
	irug kazi Otam il iRan'tu malira,
	vaL itaz n'eytal kUmpa, puL uTan
	kamaz pUm potumpark kaTci cEra,
5	cel cuTar mazugkac civan'tu vAgku maNTilam
	kal cErpu n'aNNip paTar aTaipu n'aTugka,
	pulampoTu van'ta punkaN mAlai
	annar unnAr kaziyin, pal n'AL
	vAzalen-vAzi, tOzi!-enkaN
10	piNi piRitAkak kURuvar;
	pazi piRitAkal paNpumAr anRE.

118. pAlai

	aTaikarai mAattu alagku cinai poliyat
	taLir kavin eytiya taN n'aRum potumpil,
	cEvaloTu kezIiya ceg kaN irug kuyil
	pukanRu etir Alum pU mali kAlaiyum,
5	'akanROrmanRa n'am maRan'ticinOr' ena,
	iNar uRupu, uTaivatantalaiyum puNarvinai
	Ova mAkkaL oL arakku UTTiya
	tukilikai anna, tuyt talaip pAtiri
	vAl itaz alari vaNTu paTa En'ti,
10	putu malar teruvutoRu n'uvalum
	n'otumalATTikku n'Om, en n'ejcE!

128. kuRijci

	'pakal eri cuTarin mEni cAyavum,
	pAmpu Ur matiyin n'utal oLi karappavum
	enakku n'I uraiyAyAyinai; n'inakku yAn
	uyir pakuttanna mANpinEn Akalin,
5	atu kaNTicinAl yAnE' enRu, n'ani
	azutal AnRicin-Ayizai!-oli kural
	Enal kAvaliniTai uRRu oruvan,
	kaNNiyan, kazalan, tAran, taNNenac
	ciRu puRam kavaiyinanAka, ataRkoNTu
10	aHtE n'inain'ta n'ejcamoTu
	iHtu AkinRu, yAn uRRa n'OyE.

130. n'eytal

	vaTu inRu n'iRain'ta mAn tErtteN kaN
	maTivAyt taNNumai n'aTuvaN Arppa,
	kOlin eRin'tu kAlait tOnRiya
	cen' n'Irp potu vinaic cemmal mUtUrt
5	tamatu cey vAzkkaiyin iniyatu uNTO?
	enai viruppuTaiyar Ayinum, n'inaivilar;
	n'Ern'ta n'ejcum n'ekizn'ta tOLum
	vATiya variyum n'Okki, n'ITAtu,
	'evan ceytanaL, ip pEr ajar uRuvi?' enRu
10	oru n'AL kURinRumilarE; virin'Ir
	vaiyaka varaiyaLavu iRan'ta,
	evva n'Oy; piRitu uyavut tuNai inRE.

133. kuRijci

	'tOLE toTi koTpu AnA; kaNNE
	vAL Ir vaTiyin vaTivu izan'tanavE;
	n'utalum pacalai pAyinRu-titalaic
	cil poRi aNin'ta pal kAz alkul
5	maNi Er aimpAl mAyOTku' enRu,
	vev vAyp peNTir kavvai tURRa,
	n'Am uRu tuyaram ceyyalar ennum-
	kAmuRu tOzi!-kAtal am kiLavi,
	irumpu cey kollan vev ulait teLitta
10	tOy maTaR cil n'Ir pOla,
	n'Oy mali n'ejciRku Emam Am ciRitE.

144. kuRijci

	perug kaLiRu uzuvai tAkkalin, irum piTi
	karuvi mA mazaiyin aravam ajcupu,
	pOtu Er uN kaN kaluzavum, Etil
	pEtai n'ejcam kavalai kavaRRa
5	Igku AkinRAl-tOzi!-pakuvAyp
	piNavup puli vazagkum aNagku arug kavalai,
	avir aRal ozukum virai celal kAn yARRuk
	karai arug kuTTam tamiyar n'In'ti,
	viravu malar poRitta tOLar
10	iravin varutal aRiyAtERkE.

153. pAlai

	kuNa kaTal mukan'tu, kuTakku Erpu iruLi,
	maN tiNi jAlam viLagka, kammiyar
	cempu cori pAnaiyin minni, ev vAyum
	tan tozil vAytta in kural ezili
5	tenpula marugkil cenRu aRRAgku,
	n'ejcam avarvayin cenRena, INTu ozin'tu,
	uNTal aLittu en uTampE-viRal pOr
	vej cina vEn'tan pakai alaik kalagki,
	vAzvOr pOkiya pEr Urp
10	pAz kAttirun'ta tani makan pOnRE.

156. kuRijci

	n'IyE, aTi aRin'tu otugkA Ar iruL van'tu, em
	kaTiyuTai viyal n'akark kAval n'Iviyum,
	pEr anpinaiyE-perug kal n'ATa!-
	yAmE, n'innum n'in malaiyum pATi, pal n'AL
5	ciRu tinai kAkkuvam cERum; atanAl,
	pakal van'tImO, pal paTar akala!
	eruvai n'ITiya peru varaic ciRukuTi
	ariyal Arn'tavar Ayinum, periyar;
	pATu imiz viTar mukai muzagka,
10	ATu mazai iRuttatu, em kOTu uyar kunRE.

174. pAlai

	'kaRRai In'tin muRRuk kulai anna
	AL il attat tAL am pOn'taik
	kOLuTai n'eTuj cinai AN kural viLippin,
	puli etir vazagkum vaLi vazagku Ar iTaic
5	cenRa kAtalar van'tu, initu muyagki,
	piriyAtu oru vazi uRaiyinum, peritu azin'tu
	uyagkinai, maTan'tai!' enRi-tOzi!-
	aRRum Akum, aHtu aRiyAtOrkkE;
	vIzAk koLkai vIzn'ta koNTi
10	mallal mArpu maTuttanan
	pullu maRRu evanO anpu ilagkaTaiyE?

177. pAlai

	paran'tu paTu kUr eri kAnam n'aippa,
	maram tIyuRRa makiz talaiam kATTu
	otukku arum vej curam iRan'tanar maRRavar;
	kuRippin kaNTicin yAnE; n'eRip paTa,
5	vElum ilagku ilai tuTaippa; palakaiyum
	pIli cUTTi maNi aNipavvE;
	paNTinum n'ani pala aLippa; iniyE
	van'tanRu pOlum-tOzi!-n'on'tu n'on'tu,
	ezutu ezil uNkaN pAvai
10	azitaru veLLam n'In'tum n'ALE.

187. n'eytal

	n'eytal kUmpa, n'izal kuNakku ozuka,
	kal cEr maNTilam civan'tu n'ilam taNiya,
	pal pUg kAnalum alkinRanRE;
	ina maNi olippa, pozutu paTap pUTTi,
5	meym mali kAmattu yAm tozutu oziya,
	tErum cel puRam maRaiyum; UroTu
	yAgku Avatukol tAnE-tEm paTa
	Utu vaNTu imirum kOtai mArpin,
	min ivar koTum pUN, koNkanoTu
10	in n'akai mEvi, n'Am ATiya pozilE?

193. pAlai

	aTTarakku uruvin vaTTu mukai Igkait
	tuyt talaip putu malart tuLi talaik kalAva,
	n'iRai n'Irp puniRRup pulam tuzaii, AnAy,
	irum puRam tazUum perun' taN vATai!
5	n'inakkut tItu aRin'tanRO ilamE;
	paNait tOL el vaLai jekiztta em kAtalar
	aruj ceyal poruT piNip pirin'tanarAka,
	yArum il oru ciRai irun'tu,
	pEr ajar uRuviyai varuttAtImE!

196. n'eytal

	paLigku ceRin'tanna pal katir iTaiiTai,
	pAl mukan'tanna pacu veN n'ilavin,
	mAlpu iTar aRiyA, n'iRaiyuRu matiyam!
	cAlpum cemmaiyum uTaiyai Atalin,
5	n'iR karan'tu uRaiyum ulakam inmaiyin,
	eR karan'tu uRaivOr uLvazi kATTAy!
	n'aR kavin izan'ta en tOL pOl cAay,
	ciRukupu ciRukupu cerIi,
	aRi kari poyttalin, AkumO atuvE?

199. n'eytal

	Ogku maNal uTutta n'eTu mAp peNNai
	vIgku maTal kuTampaip paital veN kuruku,
	n'aLLen yAmattu, uyavutORu uruki,
	aLLal anna en uLLamoTu uL uTain'tu,
5	uLenE-vAzi, tOzi! vaLai n'Irk
	kaTuj cuRA eRin'ta koTun' timiR paratavar
	vAgku vicait tUNTil UgkuUgku Aki,
	vaLi porak kaRRai tAay, n'aLi cuTar,
	n'Il n'iRa vicumpin mInoTu puraiya,
10	paipaya imaikkum tuRaivan
	mey tOy muyakkam kANA UgkE!

217. kuRijci

	icai paTa vAzpavar celvam pOlak
	kAN toRum poliyum, kataz vAy vEzam,
	irug kEz vayap puli verIi, ayalatu
	karug kAl vEgkai URupaTa maRali,
5	peruj cinam taNiyum kunRan'ATan
	n'ani peritu iniyanAyinum, tuni paTarn'tu
	UTal uRuvEn-tOzi!-n'ITu
	pulampu cEN akala n'Ikki,
	pulavi uNarttal vanmaiyAnE.

218. n'eytal

	jAyiRu jAnRu katir mazugkinRE;
	elliyum, pU vI koTiyin pulampu aTain'tanRE;
	vAvalum vayintoRum paRakkum; cEvalum
	n'akai vAyk koLIi n'akutoRum viLikkum;
5	AyAk kAtaloTu atarp paTat teLittOr
	kURiya paruvam kazin'tanRu; pAriya
	parArai vEmpin paTu cinai irun'ta
	kurAaR kUkaiyum irAa icaikkum;
	AnA n'Oy aTa varun'ti, innum
10	tamiyEn kETkuven kollO,
	pariyaraip peNNai anRiR kuralE?

219. n'eytal

	kaNNum tOLum taN n'aRug katuppum
	paza n'alam izan'tu pacalai pAya,
	in uyir perumpiRitu Ayinum, ennatUum
	pulavEn vAzi-tOzi!-ciRu kAl
5	alavanoTu peyarum pulavut tirai n'aLi kaTal
	peru mIn koLLum ciRukuTip paratavar
	kagkul mATTiya kanai katir oN cuTar
	mutirA jAyiRRu etir oLi kaTukkum
	kAnal am perun' tuRaic cErppan-
10	tAnE yAnE puNarn'tamARE.

224. pAlai

	anpinar, mannum periyar; atantalai,
	'pinpani amaiyam varum' ena, munpanik
	kozun'tu mun'tuRIik kuravu arumpinavE;
	'puNarn'tIr puNarminO' enna, iNarmicaic
5	ceg kaN irug kuyil etir kural payiRRum
	inpa vEnilum van'tanRu; n'amvayin
	'piriyalam' enRu, teLittOr tEettu,
	ini evan mozikO, yAnE-kayan aRak
	kaN azin'tu ulaRiya pal mara n'eTu n'eRi
10	vil mUcu kavalai vilagkiya
	vem munai aruj curam munniyOrkkE?

225. kuRijci

	muruku uRaz munpoTu kaTuj cinam cerukkip
	poruta yAnai veN kOTu kaTuppa,
	vAzai InRa vai En'tu kozu mukai,
	mel iyal makaLir Oti anna
5	pUvoTu, tuyal varum mAl varai n'ATanai
	iran'tOr uLarkol-tOzi!-tirun'tu izait
	toyyil vana mulai vari vanappu izappap
	payan'tu ezu paruvaral tIra,
	n'ayan'tOrkku utavA n'Ar il mArpE?

226. pAlai

	maram cA marun'tum koLLAr, mAn'tar;
	uram cAc ceyyAr, uyartavam; vaLam keTap
	ponnum koLLAr, mannar-n'annutal!-
	n'Am tam uNmaiyin uLamE; atanAl
5	tAm ceyporuL aLavu aRiyAr; tAm kacin'tu,
	enRUz n'iRuppa, n'IL iTai oziya,
	cenROrmanRa n'am kAtalar; enRum
	inna n'ilaimaittu enpa;
	ennOrum aRipa, iv ulakattAnE.

236. kuRijci

	n'Oyum kaimmikap peritE; meyyum
	tI umiz teRalin veytAkinRE-
	oyyenac ciRitu Agku uyiriyar, 'paiyena
	munRil koLinE n'an'tuvaL peritu' ena,
5	n'iraiya n'ejcattu annaikku uyttu ANTu
	urai, ini-vAzi, tOzi!-purai il
	n'uN n'Er el vaLai n'ekizttOn kunRattu
	aNNal n'eTu varai ATi, taNNena
	viyal aRai mUzkiya vaLi en
10	payalai Akam tINTiya, ciRitE.

238. mullai

	vaRam kola vIn'ta kAnattu, kuRum pUg
	kOtai makaLir kuzUu n'irai kaTuppa,
	vaNTu vAy tiRappa viNTa piTavam,
	mAlai an'ti, mAl atar n'aNNiya
5	paruvam ceyta karuvi mA mazai!
	'avar n'ilai aRiyumO, Igku' ena varutal
	cAnROrp puraivatO anRE; mAnRu uTan
	ura urum uraRum n'Irin, paran'ta
	pAmpu pai mazugkal anRiyum, mANTa
10	kaniyA n'ejcattAnum,
	iniya alla, n'in iTi n'avil kuralE.

240. pAlai

	aitE kamma, iv ulaku paTaittOnE-
	vai Er vAl eyiRRu oL n'utaR kuRumakaL
	kai kavar muyakkam mey uRat tiruki,
	Egku uyirppaTTa vIgku mulai Akam
5	tuyil iTaippaTUum tanmaiyatuAyinum,
	veyil veytuRRa paral aval otukkil,
	kaNicciyil kuzitta kUval n'aNNi,
	An vazip paTun'ar tONTiya pattal
	yAnai ina n'irai vauvum
10	kAnam tiNNiya malai pOnRicinE.

241. pAlai

	uLLArkollO-tOzi!-koTuj ciRaip
	puL aTi poRitta variyuTait talaiya
	n'Ir azi marugkin Ir ayir tOnRa,
	vaLarA vATai uLarpu n'ani tINTalin,
5	vEza veN pU virivana palavuTan,
	vEn'tu vIcu kavariyin, pUm putal aNiya,
	mazai kazi vicumpin mARi jAyiRu
	vizittu imaippatu pOl viLagkupu maRaiya,
	ellai pOkiya pozutin el uRa,
10	panikkAl koNTa paiyuL yAmattu,
	pal itaz uNkaN kaluza,
	n'illAp poruTpiNip pirin'ticinOrE?

243. pAlai

	tEm paTu cilampil teL aRal tazIiya
	tuRukal ayala tU maNal aTaikarai,
	alagku cinai potuLiya n'aRu vaTi mAattup
	potumputORu alkum pUg kaN irug kuyil,
5	'kavaRu peyarttanna n'illA vAzkkai iTTu
	akaRal Ompumin, aRivuTaiyIr!' ena,
	kaiyaRat tuRappOrk kazaRuva pOla,
	mey uRa irun'tu mEvara n'uvala,
	innAtu Akiya kAlai, poruLvayiR
10	piriyal ATavarkku iyalpu enin,
	aritu manRamma, aRattinum poruLE?

244. kuRijci

	vizun'ta mArip perun' taN cAral,
	kUtirk kUtaLattu alari n'ARum
	mAtar vaNTin n'ayavarum tIm kural
	maNam n'ARu cilampin acuNam Orkkum
5	uyar malai n'ATaRku uraittal onRO-
	tuyar marugku aRiyA annaikku, in' n'Oy
	taNiyumARu itu' ena uraittal onRO-
	ceyyAy: Atalin koTiyai-tOzi!-
	maNi kezu n'eTu varai aNi peRa n'ivan'ta
10	ceyalai am taLir anna, en
	matan il mA meyp pacalaiyum kaNTE.

249. n'eytal

	irumpin anna karug kOTTup punnai
	n'Ilattu anna pAcilai akamtoRum,
	veLLi anna viLagku iNar n'AppaN
	ponnin anna n'aRun' tAtu utira,
5	pulip poRik koNTa pU n'ARu kurUuc cuval
	vari vaNTu Utalin, puli cettu verIi,
	pariyuTai vayagku tAL pan'tin tAvat
	tAgkavum takai varai n'illA AgkaN,
	mallal am cEri kallenat tOnRi,
10	ampal mUtUr alar eza,
	cenRatu anRO, koNkan tErE?

255. kuRijci

	kazutu kAl kiLara Ur maTin'tanRE;
	uru kezu marapin kuRijci pATi,
	kaTiyuTai viyal n'akark kAnavar tujcAr;
	vayak kaLiRu poruta vAL vari uzuvai
5	kal mukaic cilampil kuzumum; annO!-
	men tOL n'ekizn'tu n'Am varun'tinum, inRu avar
	vArAr AyinO n'anRumantilla-
	uyar varai aTukkattu oLiRupu minnip
	peyal kAlmayagkiya pozutu kazi pAnAL,
10	tirumaNi aravut tErn'tu uzala,
	urumuc civan'tu eRiyum Ogku varai ARE!

260. marutam

	kazun'Ir mEyn'ta karun' tAL erumai
	pazanat tAmaraip panimalar muNaii,
	taNTu cEr maLLarin iyali, ayalatu
	kunRu cEr veN maNal tujcum Ura!
5	veyyai pOla muyagkuti: munai ezat
	tevvart tEytta cev vEl vayavan
	mali punal vAyil iruppai anna, en
	oli pal kUn'tal n'alam peRap punain'ta
	mukai aviz kOtai vATTiya
10	pakaivanman? yAn maRan'tu amaikalanE!

272. n'eytal

	kaTal am kAkkaic cev vAyc cEval,
	paTiva makaLir koTi koytu azitta
	pommal aTumpin veN maNal oru ciRai,
	kaTuj cUl vatin'ta kAmar pETaikku,
5	iruj cERRu ayirai tEriya, teN kazip
	pUuTaik kuTTam tuzavum tuRaivan
	n'alkAmaiyin, n'acai pazutAka,
	perug kaiyaRRa en ciRumai, palar vAy
	ampal mUtUr alarn'tu,
10	n'Oy AkinRu; atu n'Oyinum peritE.

275. n'eytal

	cen'n'el arin'ar kUr vAT puNNuRak
	kANAr mutaloTu pOn'tena, pUvE
	paTaiyoTum katiroTum mayagkiya paTukkait
	tannuRu vizumam aRiyA, menmela,
5	teRu katir in tuyil pacu vAy tiRakkum
	pEtai n'eytaR peru n'Irc cErppataRku
	yAn n'inain'tu iragkEnAka, n'Oy ikan'tu,
	aRanilALan pukaza, eR
	peRinum, vallEnman-tOzi!-yAnE.

277. pAlai

	koTiyai; vAzi-tumpi!- in' n'Oy
	paTukatil amma, yAn n'inakku uraittena;
	meyyE karumai anRiyum, cevvan
	aRivum karitO-aRanilOy!-n'inakkE?
5	manai uRak kAkkum mAN perug kiTakkai
	n'uN muL vElit tAtoTu potuLiya
	tARu paTu pIram Uti, vERupaTa
	n'ARRam inmaiyin, pacalai UtAy:
	ciRu kuRum paRavaikku OTi, viraivuTan
10	n'ejcu n'ekiz ceytatan payanO? anpu ilar,
	vem malai aruj curam iRan'tOrkku
	en n'ilai uraiyAy, cenRu, avaN varavE.

280. marutam

	'kokkinukku ozin'ta tIm pazam, kokkin
	kUmpu n'ilai anna mukaiya Ampal
	tUgku n'Irk kuTTattu, tuTumena vIzum
	taN tuRai Uran taNTAp parattamai
5	pulavAy' enRi-tOzi!-pulavEn-
	pazana yAmaip pAcaTaip puRattu,
	kazani kAvalar curi n'an'tu uTaikkum,
	tonRu mutir vELir, kunRUr anna en
	n'al manai n'ani virun'tu ayarum
10	kaitUvu inmaiyin eytAmARE.

281. pAlai

	mAcu il maratta pali uN kAkkai
	vaLi poru n'eTuj cinai taLiyoTu tUgki,
	vel pOrc cOzar kazAark koLLum
	n'al vakai miku palik koTaiyOTu ukukkum
5	aTagkAc conRi, am pal yANar
	viTakkuTaip peruj cORu, uLLuvana iruppa,
	mazai amain'tu uRRa mAl iruL n'aTu n'AL,
	tAm n'am uzaiyarAkavum, n'Am n'am
	panik kaTumaiyin, n'ani peritu azugki,
10	tujcAm Akalum aRivOr
	anpilar-tOzi!-n'am kAtalOrE.

287. n'eytal

	'vicumpu uRaz puricai vempa muRRi,
	paig kaN yAnai vEn'tu puRattu iRutta;
	n'al eyiluTaiyOr uTaiyam' ennum
	perun' takai maRavan pOla-koTug kazip
5	pAcaTai n'eytaR pani n'Irc cErppan,
	n'Ama mutalai n'aTugku pakai ajcAn,
	kAmam perumaiyin, van'ta jAnRai-
	arukAtu Aki avankaN n'ejcam
	n'aLLen kagkul puL oli kETToRum,
10	'tEr maNit teL icaikol?' ena,
	Ur maTi kagkulum tuyil maRan'tatuvE.

289. mullai

	amma vAzi, tOzi!-kAtalar,
	n'ilam puTaipeyarvatAyinum, kURiya
	col puTaipeyartalO ilarE; vAnam
	n'aLi kaTal mukan'tu, ceRitaka iruLi,
5	kanai peyal pozin'tu, kaTug kural payiRRi,
	kAr ceytu, en uzaiyatuvE; AyiTai,
	kollaik kOvalar elli mATTiya
	peru mara oTiyal pOla,
	aruL ilEn amma; aLiyEn yAnE.

296. pAlai

	en Avatukol? tOzi!-mannar
	vinai val yAnaip pukar mukattu aNin'ta
	pon cey OTaip punai n'alam kaTuppa,
	puzaR kAyk konRaik kOTu aNi koTi iNar
5	E kal mImicai mEtaka malarum,
	pirin'tOr iragkum arum peRal kAlaiyum,
	vinaiyE n'inain'ta uLLamoTu tunaiic
	celpa enpa, kAtalar:
	ozitum enpa n'Am, varun'tu paTar uzan'tE.

302. pAlai

	izai aNi makaLirin vizaitakap pUtta
	n'ITu curi iNara cuTar vIk konRaik
	kATu kavin pUttaAyinum, n'anRum
	varu mazaikku etiriya maNi n'iRa irum putal
5	n'arai n'iRam paTutta n'al iNart teRuz vI
	tAam tEralarkollO-cEy n'ATTu,
	kaLiRu utaittu ATiya kaviz kaN iTu n'IRu
	veLiRu il kAza vElam n'ITiya
	pazagkaN mutu n'eRi maRaikkum,
10	vazagku arug kAnam iRan'ticinOrE?

303. n'eytal

	oli avin'tu aTagki, yAmam
	n'aLLena,
	kali kezu pAkkam tuyil maTin'tanRE;
	tonRu uRai kaTavuL cErn'ta parArai
5	manRap peNNai vAgku maTaR kuTampait
	tuNai puNar anRil uyavuk kural kETToRum,
	'tujcAk kaNNaL, tuyar aTac cAay,
	n'amvayin varun'tum, n'annutal' enpatu
	uNTukol?-vAzi, tOzi!-teN kaTal
10	van kaip paratavar iTTa ceg kOl
	koTu muTi av valai pariyap pOkki,
	kaTu muraN eRi cuRA vazagkum
	n'eTun'Irc cErppantan n'ejcattAnE.

304. kuRijci

	vAral men tinaip pularvuk kural mAn'ti,
	cAral varaiya kiLaiuTan kuzIi,
	vaLi eRi vayirin kiLi viLi payiRRum
	n'aLi iruj cilampin n'al malai n'ATan
5	puNarin, puNarumAr ezilE; piriyin,
	maNi miTai ponnin mAmai cAya, en
	aNi n'alam citaikkumAr pacalai; atanAl,
	acuNam kolpavar kai pOl, n'anRum,
	inpamum tunpamum uTaittE,
10	taN kamaz n'aRun' tAr viRalOn mArpE.

309. kuRijci

	n'ekizn'ta tOLum, vATiya variyum,
	taLir vanappu izan'ta en n'iRanum n'Okki,
	'yAn ceytanRu ivaL tuyar' ena, anpin
	Azal; vAzi!-tOzi!-'vAzaik
5	kozu maTal akal ilait taLi talaik kalAvum,
	peru malai n'ATan kENmai n'amakkE
	vizumamAka aRiyun'ar inRu' ena,
	kURuvaimannO, n'IyE;
	tERuvanman yAn, avaruTai n'aTpE.

314. pAlai

	'mutirn'tOr iLamai azin'tum eytAr;
	vAz n'AL vakai aLavu aRijarum illai;
	mArip pittikattu Ir itaz alari
	n'aRug kAz AramoTu miTain'ta mArpil,
5	kuRum poRik koNTa kommai am pukarppin
	karug kaN vem mulai jemugkap pullik
	kazivatAka, kagkul' enRu
	tAm mozi vanmaiyin poyttanar, vAziya-
	n'oTi viTuvanna kAy viTu kaLLi
10	alagkal am pAvai ERi, pulampu koL
	pun puRA vIz peTaip payirum
	enRUz n'ILiTaic cenRicinOrE!

327. n'eytal

	n'ATal cAnROr n'amputal pazi enin,
	pATu ila kaluzum kaNNoTu cAayc
	cAtalum initE-kAtal am tOzi!-
	an' n'ilai allaAyinum, 'cAnROr
5	kaTan n'ilai kunRalum ilar' enRu, uTan amarn'tu,
	ulakam kURuvatu uNTu ena, n'ilaiiya
	tAyam Akalum urittE-pOtu aviz
	punnai Ogkiya kAnaR
	taNNam tuRaivan cAyal mArpE.

332. kuRijci

	ikuLai tOzi! iHtu en enappaTumO-
	'kuvaLai kuRun'ar n'Ir vETTAgku,
	n'ALumn'AL uTan kavavavum, tOLE
	tol n'ilai vazIiya n'in toTi' enap pal mAN
5	uraittal AnRicin, n'IyE: viTar mukai,
	In piNavu oTukkiya irug kEz vayap puli
	irai n'acaiip parikkum malaimutal ciRu n'eRi,
	talain'AL anna pENalan, pala n'AL,
	Ar iruL varutal kANpERku,
10	yAgku AkummE, ilagku izai ceRippE?

335. n'eytal

	tigkaLum tikaz vAn Ertarum; imiz n'Irp
	pogku tiraip puNariyum pATu OvAtE;
	oli ciRan'tu Otamum peyarum; mali punaR
	pal pUg kAnal muL ilait tAzai
5	cORu cori kuTaiyin kUmpu mukai aviza,
	vaLi paran'tu UTTum viLivu il n'ARRamoTu
	mai irum panaimicaip paitala uyavum
	anRilum enpuRa n'aralum; anRi,
	viral kavarn'tu uzan'ta kavarvin n'al yAz
10	yAmam uyyAmai n'inRanRu;
	kAmam peritE; kaLaijarO ilarE!

338. n'eytal

	kaTug katir jAyiRu malai maRain'tanRE;
	aTumpu koTi tumiya Azi pOzn'tu, avar
	n'eTun' tEr in oli iravum tOnRA;
	iRappa evvam n'aliyum, n'in n'ilai;
5	'n'iRuttal vENTum' enRi; n'ilaippa
	yAgganam viTumO maRRE!-mAl koLa
	viyal irum parappin irai ezun'tu arun'tupu,
	pulavu n'ARu ciRukuTi manRattu Ogkiya
	ATu araip peNNait tOTu maTal ERi,
10	koTu vAyp pETaik kuTampaic cEriya,
	uyir celak kaTaiip puNar tuNaip
	payirtal AnA, paital am kurukE?

340. marutam

	pullEn, makizn'a! pulattalum illEn-
	kallA yAnaik kaTun' tErc ceziyan
	paTai mAN perug kuLa maTai n'Ir viTTena,
	kAl aNain'tu etiriya kaNaik kOTTu vALai
5	aLLal am kazani uLvAy OTi,
	pakaTu cERu utaitta puLLi veN puRattu,
	cej cAl uzavar kOl puTai matari,
	paig kAR ceRuvin aNaimutal piRazum
	vANan ciRukuTi anna, en
10	kOL n'Er el vaLai n'ekiztta n'ummE!

343. pAlai

	mullai tAya kal atarc ciRu n'eRi
	aTaiyAtu irun'ta am kuTic cIRUrt
	tAtu eru maRukin, A puRam tINTum
	n'eTu vIz iTTa kaTavuL Alattu,
5	uku pali arun'tiya toku viraR kAkkai
	punkaN an'tik kiLaivayin ceRiya,
	paTaiyoTu van'ta paiyuL mAlai
	illaikol vAzi-tOzi!-n'attuRan'tu
	arum poruT kUTTam vENTip
10	pirin'tu uRai kAtalar cenRa n'ATTE?

348. n'eytal

	n'ilavE, n'Il n'iRa vicumpil pal katir parappi,
	pAl mali kaTalin, paran'tu paTTanRE;
	UrE, oli varum cummaiyoTu malipu tokupu INTi,
	kali kezu maRukin, vizavu ayarummE;
5	kAnE, pU malar kajaliya pozil akamtORum
	tAm amar tuNaiyoTu vaNTu imirummE;
	yAnE, punai izai jekiztta pulampu koL avalamoTu
	kanai irug kagkulum kaNpaTai ilenE:
	atanAl, ennoTu porumkol, iv ulakam?
10	ulakamoTu porumkol, en avalam uRu n'ejcE?

350. marutam

	veNNel arin'ar taNNumai verIi,
	pazanap pal puL iriya, kazani
	vAgku cinai marutat tUgkutuNar utirum
	tEr vaN virAan iruppai anna, en
5	tol kavin tolaiyinum tolaika! cAra
	viTEen: viTukkuven Ayin, kaTaiik
	kavavuk kai tAgkum matukaiya kuvavu mulai
	cATiya cAn'tinai; vATiya kOtaiyai;
	Acu il kalam tazIiyaRRu;
10	vAral; vAziya, kavaii n'inROLE!

358. n'eytal

	'perun' tOL n'ekiza, av vari vATa,
	ciRu mel Akam perum pacappu Ura,
	innEm Aka, eR kaNTu n'ANi,
	n'innoTu teLittanar Ayinum, ennatUum,
5	aNagkal Ompumati, vAziya n'I!' ena,
	kaNam kezu kaTavuTku uyar pali tUuy,
	paravinam varukam cenmO-tOzi!-
	peruj cEyiRavin tuyt talai muTagkal
	ciRu veN kAkkai n'AL irai peRUum
10	pacum pUN vazuti marugkai anna, en
	arum peRal Ay kavin tolaiya,
	pirin'tu ANTu uRaital valliyOrE.

364. mullai

	colliya paruvam kazin'tanRu; ellaiyum
	mayagku iruL n'aTu n'AL magkulOTu onRi,
	Ar kali vAnam n'Ir potin'tu iyagka,
	paniyin vATaiyoTu munivu van'tu iRuppa,
5	inna cil n'AL kaziyin, pal n'AL
	vAzalen vAzi-tOzi!-Uzin
	urum icai aRiyAc ciRu cen' n'Avin
	Ir maNi in kural Ur n'aNi iyampa,
	pal A tan'ta kallAk kOvalar
10	konRaiam tIm kuzal manRutORu iyampa,
	uyir celat tunaitarum mAlai,
	ceyir tIr mAriyoTu orugku talaivarinE.

369. n'eytal

	cuTar cinam taNin'tu kunRam cEra,
	n'iRai paRaik kurukinam vicumpu ukan'tu ozuka,
	ellai paipayak kazippi, mullai
	arumpu vAy avizum perum pun mAlai
5	inRum varuvatu Ayin, n'anRum
	aRiyEn vAzi-tOzi!-aRiyEn,
	jemai Ogku uyar varai imaiyattu ucci,
	vAan izitarum vayagku veL aruvik
	kagkaiam pEr yARRuk karai iRan'tu izitarum
10	ciRai aTu kaTum punal anna, en
	n'iRai aTu kAmam n'In'tumARE.

381. mullai

	'arun' tuyar uzattalin uNmai cAnm' enap
	perumpiRitu inmaiyin ilEnum allEn;
	karai porutu izitarum kAn yARRu ikukarai
	vEr kiLar marAattu am taLir pOla,
5	n'aTugkal AnA n'ejcamoTu, iTumpai
	yAgkanam tAgkuven maRRE?-Ogku celal
	kaTum pakaTTu yAnai n'eTu mAn ajci,
	Ira n'ejcamOTu icai cEN viLagka,
	tEr vIcu irukkai pOla,
10	mAri irIi mAnRanRAl mazaiyE.

389. kuRijci

	vEgkaiyum puli InRana; aruviyum
	tEm paTu n'eTu varai maNiyin mAnum;
	annaiyum amarn'tu n'OkkinaLE, ennaiyum-
	kaLiRRu mukam tiRan'ta kallA vizut toTai
5	Eval iLaiyaroTu mA vazippaTTena,
	'ciRu kiLi muraNiya perug kural Enal
	kAval n'I' enROLE; cEvaloTu
	cilampin pOkiya citar kAl vAraNam
	mutaic cuval kiLaitta pUzi, mikap pala
10	n'an pon imaikkum n'ATanoTu
	anpuRu kAmam amaika n'am toTarpE.

390. marutam

	vALai vALin piRaza, n'ALum
	poykai n'Irn'Ay vaikutuyil ERkum
	kai vaN kiLLi veNNi cUzn'ta
	vayal veL Ampal uruva n'eRit tazai
5	aitu akal alkul aNi peRat taii,
	vizavin celIiyar vENTummannO;
	yANar Uran kANun'an Ayin,
	varaiyAmaiO aritE; varaiyin,
	varaipOl yAnai, vAymozi muTiyan
10	varai vEy puraiyum n'al tOL
	aLiya-tOzi!-tolaiyun'a palavE.

397. pAlai

	tOLum aziyum, n'ALum cenRena;
	n'IL iTai attam n'Okki, vAL aRRuk
	kaNNum kATci tauvina; en n'Ittu
	aRivum mayagki, piRitu AkinRE;
5	n'Oyum perukum; mAlaiyum van'tanRu;
	yAgku Akuvenkol yAnE? IgkO
	cAtal ajcEn; ajcuval, 'cAvin
	piRappup piRitu AkuvatuAyin,
	maRakkuvEnkol, en kAtalan' enavE.