yAmamum n'eTiya

378. n'eytal

yAmamum n'eTiya kaziyum; kAmamum

kaNpaTal IyAtu perukum; teN kaTal

muzagku tirai, muzavin pANiyin, paipaya,

pazam puN uRun'arin, paravaiyin Alum;

5

Agku avai n'aliyavum, n'Igki yAgkum,

iravu iRan'tu, ellai tOnRalatu; alar vAy

ayal iR peNTir pacalai pATa,

Igku AkinRAl-tOzi!-Ogku maNal

vari Ar ciRu manai citaii van'tu,

10

parivutarat toTTa paNimozi n'ampi,

pATu imiz pani n'Irc cErppanoTu

n'ATAtu iyain'ta n'aNpinatu aLavE.

tOzi ciRaippuRamAkac colliyatu; talaimakan oruvazit taNan'ta pinnai vanpuRai etirmozin'tatUum Am.-vaTama vaNNakkan pEri cAttanAr

	yAmamum n'eTiya kaziyum; kAmamum
	kaNpaTal IyAtu perukum; teN kaTal
	muzagku tirai, muzavin pANiyin, paipaya,
	pazam puN uRun'arin, paravaiyin Alum;
5	Agku avai n'aliyavum, n'Igki yAgkum,
	iravu iRan'tu, ellai tOnRalatu; alar vAy
	ayal iR peNTir pacalai pATa,
	Igku AkinRAl-tOzi!-Ogku maNal
	vari Ar ciRu manai citaii van'tu,
10	parivutarat toTTa paNimozi n'ampi,
	pATu imiz pani n'Irc cErppanoTu
	n'ATAtu iyain'ta n'aNpinatu aLavE.