4. n'eytal

	kAnal am ciRukuTik kaTal mEm paratavar
	n'Il n'iRa punnaik kozu n'izal acaii,
	taN perum parappin oN patam n'Okki,
	am kaN aril valai uNakkum tuRaivanoTu,
5	'alarE annai aRiyin, ivaN uRai vAzkkai
	ariya Akum n'amakku' enak kURin,
	koNTum celvarkol-tOzi!-umaNar
	veN kal uppin koLLai cARRi,
	kaNa n'irai kiLarkkum n'eTu n'eRic cakaTam
10	maNal maTuttu uraRum Ocai kazanik
	karug kAl veN kuruku verUum
	irug kazic cErppin tam uRaivin UrkkE?

31. n'eytal

	mA irum parappakam tuNiya n'Okki,
	cEyiRA eRin'ta ciRu veN kAkkai
	pAy irum panik kazi tuzaii, paig kAl
	tAn vIz peTaikkup payiriTUu, curakkum
5	ciRu vI jAzal tuRaiyumAr initE;
	perum pulampu uRRa n'ejcamoTu, pala n'inain'tu,
	yAnum inaiyEn-Ayin, AnAtu
	vERu pal n'ATTil kAl tara van'ta
	pala uRu paNNiyam izitaru n'ilavumaNal
10	n'eTuj cinaip punnaik kaTuj cUl veN kuruku
	ulavut tirai Otam verUum
	uravu n'Irc cErppanoTu maNavA UgkE.

49. n'eytal

	paTu tirai kozIiya pAl n'iRa ekkart
	toTiyOr maTin'tenat tuRai pulampinRE;
	muTivalai mukan'ta muTagku iRAp paravaip
	paTu puL Oppalin pakal mAyn'tanRE;
5	kOTTu mIn eRin'ta uvakaiyar vETTam maTin'tu,
	emarum alkinar; 'EmArn'tanam' enac
	cenRu n'Am aRiyin, evanO-tOzi!
	manRap punnai mAc cinai n'aRu vI
	munRil tAzaiyoTu kamazum
10	teN kaTaR cErppan vAz ciRu n'al UrkkE?

63. n'eytal

	uravuk kaTal uzan'ta peru valaipparatavar
	miku mIn uNakkiya putu maNal AgkaN,
	kallen cErip pulavaR punnai
	vizavu n'ARu viLagku iNar avizn'tu uTan kamazum
5	azugkal UrO aRan inRu; atanAl,
	aRan il annai arug kaTip paTuppa,
	pacalai Aki viLivatukollO-
	puL uRa ocin'ta pU mayagku aLLal
	kazic curam n'ivakkum iruj ciRai ivuLi
10	tirai taru puNariyin kazUum
	mali tiraic cErppanoTu amain'ta n'am toTarpE?

67. n'eytal

	cEy vicumpu ivarn'ta cezug katir maNTilam
	mAl varai maRaiya, tuRai pulampinRE;
	iRavu arun'ti ezun'ta karug kAl veN kuruku
	veN kOTTu aruj ciRait tAay, karaiya
5	karug kOTTup punnai iRaikoNTanavE;
	kaNaik kAl mA malar karappa, malku kazit
	tuNaic cuRA vazagkalum vazagkum; AyiTai,
	el imiz panik kaTal, malku cuTark koLIi,
	emarum vETTam pukkanar; atanAl,
10	tagkin evanOteyya-pogku picir
	muzavu icaip puNari ezutarum
	uTai kaTaR paTappai em uRaivin UrkkE?

74. n'eytal

	vaTik katir tiritta val jANperu valai
	iTik kuraR puNarip pauvattu iTumAr,
	n'iRaiyap peyta ampi, kAzOr
	ciRai arug kaLiRRin, paratavar oyyum
5	ciRu vI jAzaR perug kaTaR cErppanai,
	'EtilALanum' enpa; pOtu aviz
	putu maNaR kAnal punnai n'uN tAtu,
	koNTal acai vaLi tUkkutoRum, kurukin
	veN puRam mociya vArkkum, teN kaTal
10	kaNTal vEliya Ur, 'avan
	peNTu' ena aRin'tanRu; peyarttalO aritE!

76. pAlai

	varumazai karan'ta vAl n'iRa vicumpin
	n'uN tuLi mARiya ulavai am kATTu
	Ala n'Izal acaivu n'Ikki,
	ajcuvazi ajcAtu, acaivazi acaii,
5	varun'tAtu Ekumati-vAl izaik kuRumakaL!-
	immen pEr alar n'um Urp punnai
	vI malar utirn'ta tEn n'ARu pulavin
	kAnal vAr maNal marIi,
	kal uRac civan'ta n'in mel aTi uyaRkE!

78. n'eytal

	kOT cuRA vazagkum vAL kEz irug kazi
	maNi Er n'eytal mA malar n'iRaiya,
	pon n'Er n'uN tAtu punnai tUum,
	vIz tAz tAzaip pUk kamaz kAnal,
5	paTar van'tu n'aliyum cuTar cel mAlai,
	n'Oy mali paruvaral n'Am ivaN uykam;
	kETTicin-vAzi, tOzi!-teN kazi
	vaL vAy Azi uL vAy tOyinum,
	puLLu n'imirn'tanna polam paTaik kali mA
10	valavan kOl uRa aRiyA,
	uravu n'Irc cErppan, tErmaNik kuralE!

87. n'eytal

	uL Ur mA atta muL eyiRRu vAval
	Ogkal am cinait tUgku tuyil pozutin,
	vel pOrc cOzar aziciam perug kATTu
	n'elli am puLic cuvaik kanaviyAagku,
5	atu kazin'tanRE-tOzi!-avar n'ATTup
	pani arumpu uTain'ta perun' tAT punnai
	tuRai mEy ippi Irm puRattu uRaikkum
	ciRukuTip paratavar makizcciyum,
	perun' taN kAnalum, n'inain'ta ap pakalE.

91. n'eytal

	n'I uNarn'tanaiyE-tOzi!-vI ukap
	punnai pUtta in n'izal uyar karaip
	pATu imiz panik kaTal tuzaii, peTaiyOTu
	uTagku irai tErum taTan' tAL n'Arai
5	aiya ciRu kaN ceg kaTaic ciRu mIn,
	mEkku uyar cinaiyin mImicaik kuTampai,
	tAyp payir piLLai vAyp paTac coriyum
	kAnal am paTappai AnA vaN makizp
	peru n'al Ikai n'am ciRu kuTip poliya,
10	puL uyirk koTpin vaL uyir maNit tArk
	kaTu mAp pUNTa n'eTun' tEr
	n'eTu n'Irc cErppan pakal ivaN varavE?

94. n'eytal

	n'Oy alaik kalagkiya matan azi pozutil,
	kAmam ceppal ANmakaRku amaiyum;
	yAnE, peNmai taTpa n'uNNitin tAgki-
	kai val kammiyan kavin peRak kazAa
5	maNNAp pacu muttu Eyppa, kuvi iNarp
	punnai arumpiya pulavu n'Irc cErppan
	enna makankol-tOzi!-tanvayin
	Arvam uTaiyar Aki,
	mArpu aNagkuRun'arai aRiyAtOnE!

101. n'eytal

	muRRA majcaT pacum puRam kaTuppac
	cuRRiya piNara cUz kazi iRavin
	kaNam koL kuppai uNagku tiRan n'Okki,
	punnai am kozu n'izal mun uyttup parappum
5	tuRai n'aNi irun'ta pAkkam um uRai n'ani
	inituman; aLitO tAnE-tuni tIrn'tu,
	akanRa alkul aitu amai n'ucuppin,
	mIn eRi paratavar maTa makaL
	mAn amar n'Okkam kANA UgkE.

145. n'eytal

	irug kazi poruta Ira veN maNal
	mAk koTi aTumpin mA itaz alari
	kUn'tal makaLir kOtaik kUTTum
	kAmar koNkan, n'Am veg kENmai
5	aitu Eyn'tillA Ugkum, n'ammoTu
	puNarn'tanan pOla uNarak kURi,
	'tAn yAgku?' ennum aRan il annai;
	yAn ezil aRitalum uriyaL n'Iyum; n'am
	parAraip punnaic cEri, mella,
10	n'aLLen kagkulum, varumarO-
	amma vAzi!-tOzi avar tEr maNik kuralE!

159. n'eytal

	maNi tuNin'tanna mA irum parappin
	uravut tirai kozIiya pU mali perun' tuRai,
	n'ilavuk kuvittanna mOTTu maNal iTikarai,
	kOTu tuNarn'tanna kuruku ozukku eNNi,
5	ellai kazippinam Ayin, mella
	vaLi cIttu varitta punnai munRil,
	kozu mIn Arkaic cezu n'akarc celIiya,
	'ezu' enin, avaLum ollAL; yAmum,
	'ozi' ena allam Ayinam; yAmattu,
10	uTaitirai oliyin tujcum mali kaTaR
	cil kuTip pAkkam kallena
	alkuvatAka, n'I amarn'ta tErE!

163. n'eytal

	uyirttanavAkuka, aLiya, n'ALum-
	ayirt tukaL mukan'ta AnA UtaiyoTu
	elliyum iravum ennAtu, kallenak
	kaRagku icai ina maNi kaipuNarn'tu olippa,
5	n'ilavut tavaz maNaR kOTu ERic celavara,
	inRu en n'ejcam pOla, tonRu, n'ani
	varun'tuman; aLiya tAmE: perug kaTal
	n'Il n'iRap punnait tami oN kaitai,
	vAnam mUzkiya vayagku oLi n'eTuj cuTark
10	katir kAyn'tu ezun'tu akam kanali jAyiRRu
	vaikuRu vanappin, tOnRum
	kaitaiam kAnal tuRaivan mAvE!

167. n'eytal

	karug kOTTup punnaik kuTakku vAgku peruj cinai
	virun'tin veN kuruku Arppin, Aay
	vaN makiz n'ALavaip paricil peRRa
	paN amai n'eTun' tErp pANiyin, olikkum
5	taNNam tuRaivan tUtoTum van'ta
	payan teri panuvaR pai tIr pANa!
	n'in vAyp paNi mozi kaLaiyA-pal mAN
	putu vI jAzaloTu punnai tAam
	maNam kamaz kAnal, mAN n'alam izan'ta
10	iRai Er el vaLaik kuRumakaL
	piRai Er tiru n'utal pAaya pacappE.

172. n'eytal

	viLaiyATu AyamoTu veN maNal azutti,
	maRan'tanam tuRan'ta kAz muLai akaiya,
	'n'ey pey tIm pAl peytu initu vaLarppa;
	n'umminum ciRan'tatu; n'uvvai Akum' enRu,
5	annai kURinaL, punnaiyatu n'alanE-
	amma! n'ANutum, n'ummoTu n'akaiyE;
	virun'tin pANar viLar icai kaTuppa,
	valampuri vAn kOTu n'aralum ilagku n'Irt
	tuRai kezu koNka!-n'I n'alkin,
10	iRaipaTu n'Izal piRavumAr uLavE.

175. n'eytal

	n'eTug kaTal alaitta koTun' timiR paratavar
	kozu mIn koLLai azi maNal kuvaii,
	mIn n'ey aTTik kiLijcil pottiya
	ciRu tI viLakkil tujcum, n'aRu malarp
5	punnai Ogkiya, tuRaivanoTu annai
	tAn aRin'tanRO ilaLE; pAnAL
	cEriam peNTir ciRu col n'ampi,
	cuTuvAn pOla n'Okkum,
	aTu pAl anna en pacalai meyyE.

227. n'eytal

	aRin'tOr 'aRan ilar' enRalin, ciRan'ta
	in uyir kaziyinum n'ani innAtE;
	punnaiam kAnal puNar kuRi vAytta
	pin Ir Oti en tOzikku, annO!
5	paTu maNi yAnaip pacumpUT cOzar
	koTi n'uTagku maRukin ArkkATTu AgkaN,
	kaLLuTait taTavil puL olittu OvAt
	tEr vazagku teruvin anna,
	kauvai AkinRatu-aiya!-n'in aruLE.

231. n'eytal

	mai aRa viLagkiya maNi n'iRa vicumpil
	kaitozum marapin ezu mIn pOla,
	perug kaTaR parappin irum puRam tOya,
	ciRu veN kAkkai palavuTan ATum
5	tuRai pulampu uTaittE-tOzi!-paNTum,
	uL Urk kurIik karu uTaittanna,
	perum pOtu avizn'ta karun' tAT punnaik
	kAnal am koNkan tan'ta
	kAtal n'ammoTu n'IgkAmARE.

249. n'eytal

	irumpin anna karug kOTTup punnai
	n'Ilattu anna pAcilai akamtoRum,
	veLLi anna viLagku iNar n'AppaN
	ponnin anna n'aRun' tAtu utira,
5	pulip poRik koNTa pU n'ARu kurUuc cuval
	vari vaNTu Utalin, puli cettu verIi,
	pariyuTai vayagku tAL pan'tin tAvat
	tAgkavum takai varai n'illA AgkaN,
	mallal am cEri kallenat tOnRi,
10	ampal mUtUr alar eza,
	cenRatu anRO, koNkan tErE?

278. n'eytal

	paTu kAz n'ARiya parAaraip punnai,
	aTu maral mokkuLin, arumpu vAy aviza,
	ponnin anna tAtu paTu pal malar
	cUTun'ar toTutta miccil kOTutoRum
5	n'ey kani pacug kAy tUgkum tuRaivanai
	ini, aRin'ticinE koNkan Akutal-
	kazic cERu ATiya kaNaik kAl attiri
	kuLampinum cEyiRA oTugkina;
	kOtaiyum ellAm Utai veN maNalE.

307. n'eytal

	kavar pari n'eTun' tEr maNiyum icaikkum;
	peyar paTa iyagkiya iLaiyarum olippar;
	kaTal ATu viyal iTaip pEr aNip polin'ta
	titalai alkul n'alam pArATTiya
5	varumE-tOzi!-vAr maNaR cErppan:
	iRai paTa vAgkiya muzavumutaR punnai
	mA arai maRaikam vammati-pAnAL,
	pU viri kAnal, puNar kuRi van'tu, n'am
	mel iNar n'aRum pozil kANA
10	allal arum paTar kANkam n'Am, ciRitE.

311. n'eytal

	peyinE, viTu mAn uLaiyin veRuppat tOnRi,
	irug katir n'ellin yANaraHtE:
	vaRappin, mA n'Ir muNTakam tAayc cERu pularn'tu,
	irug kazic ceRuvin veL uppu viLaiyum,
5	aziyA marapin n'am mUtUr n'anRE-
	kozu mIn cuTu pukai maRukinuL mayagki,
	ciRu vI jAzal tuRaiyumAr initE;
	onRE- tOzi!-n'am kAnalatu paziyE:
	karug kOTTup punnai malart tAtu arun'ti,
10	irug kaLip piracam Uta, avar
	n'eTun' tEr in oli kETTalO aritE.

315. n'eytal

	INTu perun' teyvattu-yANTu pala kazin'tena,
	pArt tuRaip puNari alaittalin, puTai koNTu,
	mUttu, vinai pOkiya muri vAy ampi,
	n'al erutu n'aTai vaLam vaittena, uzavar
5	pulluTaik kAvil tozil viTTAgku,
	n'aRu virai n'an pukai koTAar, ciRu vI
	jAzaloTu kezIiya punnai am kozu n'izal
	muzavu mutaR piNikkum tuRaiva! n'anRum
	vizumitin koNTa kENmai n'ovvitin
10	tavaRum; n'anku aRiyAy Ayin, em pOl,
	jekiz tOL, kaluzn'ta kaNNar,
	malar tIyn'tanaiyar, n'in n'ayan'tOrE.

323. n'eytal

	Ogkit tOnRum, tIm kaL peNNai
	n'aTuvaNatuvEteyya-maTavaral
	Ayamum yAnum aRiyAtu avaNam
	Aya n'aTpin mAN n'alam ozin'tu, n'in
5	kiLaimai koNTa vaLai Ar munkai
	n'allOL tan'tai ciRukuTip pAkkam:
	puli varipu ekkarp punnai utirtta
	mali tAtu Utum tEnOTu onRi,
	vaNTu imir in icai kaRagka, tiN tErt
10	teri maNi kETTalum aritE;
	varum ARu Itu; avaN maRavAtImE.

327. n'eytal

	n'ATal cAnROr n'amputal pazi enin,
	pATu ila kaluzum kaNNoTu cAayc
	cAtalum initE-kAtal am tOzi!-
	an' n'ilai allaAyinum, 'cAnROr
5	kaTan n'ilai kunRalum ilar' enRu, uTan amarn'tu,
	ulakam kURuvatu uNTu ena, n'ilaiiya
	tAyam Akalum urittE-pOtu aviz
	punnai Ogkiya kAnaR
	taNNam tuRaivan cAyal mArpE.

354. n'eytal

	tAn atu poRuttal yAvatu-kAnal
	ATu arai ozitta n'ITu irum peNNai
	vIz kAvOlaic cUz ciRai yAtta
	kAnal n'aNNiya vAr maNal munRil,
5	elli anna iruL n'iRap punnai
	n'al arai muzumutal av vayin toTutta
	tUgkal ampit tUval am cErppin,
	kaTu veyil kotitta kal viLai uppu
	n'eTu n'eRi ozukai n'irai celap pArppOr
10	aLam pOku Akulam kaTuppa,
	kauvai AkinRatu, aiya! n'in n'aTpE?

375. n'eytal

	n'ITu cinaip punnai n'aRun' tAtu utira,
	kOTu punai kurukin tOTu talaip peyarum
	pal pUg kAnal malku n'Irc cErppa!
	anpu ilai; Atalin, tan pulan n'ayan'ta
5	ennum n'ANum n'annutal uvappa,
	varuvaiAyinO n'anRE-perug kaTal
	iravut talai maNTilam peyarn'tena, uravut tirai
	eRivana pOla varUum
	uyar maNal paTappai em uRaivin UrE.

388. n'eytal

	amma vAzi, tOzi!-n'annutaRku
	yAgku AkinRukol pacappE-n'On purik
	kayiRu kaTai yAtta kaTu n'aTai eRi uLit
	tiN timil paratavar oN cuTark koLIi,
5	n'aTu n'AL vETTam pOki, vaikaRaik
	kaTal mIn tan'tu, kAnaR kuvaii,
	Ogku irum punnai vari n'izal irun'tu,
	tEm kamaz tERal kiLaiyoTu mAn'ti,
	periya makizum tuRaivan em
10	ciRiya n'ejcattu akalvu aRiyAnE?