mUgkil (kazai, vEy)

7. pAlai

cUruTai n'anan' talaic cunai n'Ir malka,

peru varai aTukkattu aruvi Arppa,

kal alaittu izitarum kaTu varaR kAn yARRuk

kazai mAy n'Ittam kATu alai Arppa,

5

tazagku kural ERoTu muzagki, vAnam

innE peyya minnumAl-tOzi!

veNNel arun'tiya vari n'utal yAnai

taN n'aRuj cilampil tujcum

ciRiyilaic can'tina vATu perug kATTE.

paTTa pinRai varaiyAtu kizavOn n'eTTiyiTaik kazin'tu poruLvayiRpiriya,ARRALAya talaivikkuttOzicolliyatu.-n'alveLLiyAr

28. pAlai

en kaik koNTu tan kaN oRRiyum,

tan kaik koNTu en n'al n'utal n'Iviyum.

annai pOla iniya kURiyum,

kaLvar pOlak koTiyanmAtO-

5

maNi ena izitarum aruvi, pon ena

vEgkai tAya Ogku malai aTukkattu,

ATu kazai n'ivan'ta paig kaN mUgkil

OTu mazai kizikkum cenni,

kOTu uyar piRagkal, malaikizavOnE!

pirivinkaN ARRALAkiya talaivikkut tOzi colliyatu; kuRai n'ayappum Am.-mutukURRanAr

46. pAlai

vaikaltORum inpamum iLamaiyum

ey kaNai n'izalin kaziyum, iv ulakattu;

kANIr enRalO aritE; atu n'ani

pENIr Akuvir-aiya! en tOzi

5

pUN aNi Akam pulampa, pANar

ayirppuk koNTanna konRai am tIm kani,

paRai aRai kaTippin, aRai aRaiyAt tuyalvara,

vev vaLi vazagkum vEy payil azuvattu,

evvam mikUum aruj curam iRan'tu,

10

n'an vAy allA vAzkkai

mannAp poruT piNip piritum yAm enavE.

pirivu uNarttiya talaimakaRkut tOzi colliyatu.

51. kuRijci

yAgkuc ceyvAmkol-tOzi! Ogku kazaik

kAmpuTai viTar akam cilampa, pAmpu uTanRu

Ogku varai miLira ATTi, vIgku celal

kaTug kural ERoTu kanai tuLi talaiip

5

peyal AnAtE, vAnam; peyaloTu

minnu n'imirn'tanna vElan van'tena,

pinnu viTu mucci aLippu AnAtE;

perun' taN kuLavi kuzaitta pA aTi,

iruj cERu ATiya n'utala, kolkaLiRu

10

pEtai Acini ocitta

vI tatar vEgkaiya malai kizavORkE?

ARRAtu Etam ajci vERupaTTAL, veRiyATaluRRa iTattu, ciRaippuRamAkaccolliyatu.-pErAlavAyar

62. pAlai

vEr piNi vetirattuk kAl poru n'aral icai

kan'tu piNi yAnai ayar uyirttanna

enRUz n'ITiya vEy payil azuvattu,

kunRu Ur matiyam n'Okki, n'inRu, n'inain'tu,

5

uLLinen allenO yAnE-'muL eyiRRu,

tilakam taiiya tEm kamaz tiru n'utal,

ematum uNTu, Or matin'AT tigkaL,

uraRu kural vev vaLi eTuppa, n'izal tapa

ulavai Akiya maratta

10

kal piRagku uyar malai umparaHtu' enavE?

mun oru kAlattupporuLvayiR pirin'tu van'ta talaivan, pinnum poruLvalikkappaTTa n'ejciRkuc celavu azugkuvittatu.-iLagkIranAr

82. kuRijci

n'Oyum n'ekizcciyum vITacciRan'ta

vEy vanappuRRa tOLai n'IyE,

en uyavu aRitiyO, n'al n'aTaik koTicci!

muruku puNarn'tu iyanRa vaLLi pOla, n'in

5

uruvu kaN eRippa n'Okkal ARRalenE-

pOkiya n'Akap pOkku arug kavalai,

ciRu kaT panRip peruj cina oruttal

cERu ATu irum puRam n'IRoTu civaNa,

veL vacip paTIiyar, moytta vaLpu azIi,

10

kOL n'Ay koNTa koLLaik

kAnavar peyarkkum ciRukuTiyAnE.

tOziyiRpuNarccikkaN tannilaik koLIiyatu.-ammUvanAr

85. kuRijci

Ay malar mazaik kaN teN pani uRaippavum,

vEy maruL paNait tOL viRal izai n'ekizavum,

ampal mUtUr aravam Ayinum,

kuRu vari irum puli ajcik kuRu n'aTaik

5

kanRuTai vEzam n'inRu kAttu alkum,

Ar iruL kaTukiya, ajcu varu ciRu n'eRi

vAraRkatilla-tOzi!-cAral

kAnavan eyta muLavu mAn kozug kuRai,

tEm kamaz katuppin koTicci, kizagkoTu

10

kAn'taL am ciRukuTip pakukkum

Ogku malai n'ATan, n'in n'acaiyinAnE!

talaivan varavu uNarn'ta tOzi talaivikku uraittatu.-n'alviLakkanAr

95. kuRijci

kazai pATu iragka, pal iyam kaRagka,

ATu makaL n'aTan'ta koTum puri n'On kayiRRu,

atavat tIm kani anna cem mukat

tuyt talai man'ti van paRaz tUgka,

5

kazaik kaN irum poRai ERi vicaittu ezun'tu,

kuRak kuRumAkkaL tALam koTTum ak

kunRakattatuvE, kuzu miLaic cIRUr;

cIRUrOLE, n'ARu mayirk koTicci;

koTicci kaiyakattatuvE, piRar

10

viTuttaRku AkAtu piNitta en n'ejcE.

talaimakan pAgkaRku, 'ivviTattu ittanmaittu' ena uraittatu.-kOTTampalavanAr

105. pAlai

muLi koTi valan'ta muL arai ilavattu

oLir cinai atira vIci, viLipaTa

vev vaLi vazagkum vEy payil marugkil,

kaTu n'aTai yAnai kanRoTu varun'ta,

5

n'eTu n'Ir aRRa n'izal il AgkaN

aruj curak kavalaiya ennAy; n'eTuj cEN

paTTanai, vAziya-n'ejcE!-kuTTuvan

kuTa varaic cunaiya mA itazk kuvaLai

vaNTu paTu vAn pOtu kamazum

10

am cil Oti arum paTar uRavE.

iTaic curattu mILaluRRa n'ejcinait talaimakan kazaRiyatu.-muTattirumARan

188. kuRijci

paTu n'Irc cilampil kalitta vAzaik

koTu maTal InRa kUr vAyk kuvi mukai,

oL izai makaLir ilagku vaLait toTUum

mel viral mOcai pOla, kAn'taL

5

vaL itaz tOyum vAn tOy veRpa!

'n'anRi viLaivum tItoTu varum' ena,

anRu n'aRku aRin'tanaL Ayin, kunRattut

tEm mutir cilampil taTaiiya

vEy maruL paNait tOL aziyalaLmannE.

pakaRkuRi maRuttu varaivu kaTAyatu.

213. kuRijci

aruvi Arkkum peru varai n'aNNi,

'kanRu kAlyAtta manRap palavin

vErk koNTu tUgkum kozuj cuLaip perum pazam

kuzavic cEtA mAn'ti, ayalatu

5

vEy payil iRumpin Am aRal parukum

perug kal vElic ciRukuTi yAtu?' ena,

collavum collIr; Ayin, kallena

karuvi mA mazai vIzn'tena, ezun'ta

ceg kEz ATiya cezug kuraR ciRu tinaik

10

koy punam kAvalum n'umatO?-

kOTu En'tu alkul, n'IL tOLIrE!

mati uTanpaTukkum talaimakan colliyatu.-kaccippETTup perun'taccanAr

294. kuRijci

tIyum vaLiyum vicumpu payan'tAgku,

n'Oyum inpamum AkinRumAtO;

mAyam anRu-tOzi!-vEy payinRu,

eruvai n'ITiya peru varaiakamtoRum,

5

tonRu uRai tuppoTu muraN mikac cinaiik

konRa yAnaik kOTu kaNTanna,

cem puTaik kozu mukai avizn'ta kAn'taL

cilampuTan kamazum cAral

ilagku malai n'ATan malarn'ta mArpE!

maNamanaiyuL pukka tOzi talaimakaLatu kavin kaNTu colliyatu.- putukkayattu vaNNakkan kampUr kizAn

322. kuRijci

Agkanam taNikuvatuAyin, yAgkum

itanin koTiyatu piRitu onRu illai;

vAykol vAzi-tOzi! vEy uyarn'tu,

eRin'tu ceRittanna piNagku aril viTar mukai,

5

Un tin piNavin uyagku paci kaLaiiyar,

AL iyagku arum puzai oRRi, vAL varik

kaTug kaN vayap puli oTugkum n'ATan

taN kamaz viyal mArpu uritinin peRAtu,

n'al n'utal pacan'ta paTar mali aru n'Oy

10

aNagku ena uNarak kURi, vElan

in iyam kaRagkap pATi,

pal malar citaRip paravuRu palikkE.

tOzi ciRaippuRamAkac colliyatu; talaimakaL, pAgkikku uraittatUum Am.-maturaip pAlAciriyan cEn'tan koRRanAr

333. pAlai

mazai tozil ulan'tu, mA vicumpu ukan'tena,

kazai kavin azin'ta kal atarc ciRu n'eRip

paral aval URal ciRu n'Ir marugkin,

pU n'utal yAnaiyoTu puli porutu uNNum

5

curan iRan'tu, ariya ennAr, uran azin'tu,

uL mali n'ejcamoTu vaNmai vENTi,

arum poruTku akanRa kAtalar muyakku etirn'tu,

tirun'tizaip paNait tOL peRun'ar pOlum;

n'IgkukamAtO n'in avalam-Ogkumicai,

10

uyar pukaz n'al il oN cuvarp porun'ti

n'ayavaru kurala palli,

n'aLLen yAmattu, uLLutoRum paTumE.

poruLvayiR pirivinkaN ARRALAkiya talaimakaLait tOzi vaRpuRuttatu.-kaLLik kuTip pUtam pullanAr

334. kuRijci

karu viral man'tic cem mukap perug kiLai

peru varai aTukkattu aruvi ATi,

Ogku kazai Ucal tUgki, vEgkai

veRpu aNi n'aRu vI kaRcunai uRaippa,

5

kalaiyoTu tiLaikkum varaiaka n'ATan-

mAri n'inRa Ar iruL n'aTu n'AL,

aruvi aTukkattu, oru vEl En'ti;

minnu vaci viLakkattu varumenin,

ennO-tOzi!-n'am in uyir n'ilaiyE?

tOzi iravukkuRi mukam pukkatu.

366. pAlai

aravuk kiLarn'tanna viravuRu pal kAz

vITuRu n'uN tukil UTu van'tu imaikkum

tirun'tuizai alkul, perun' tOT kuRumakaL

maNi Er aimpAl mAcu aRak kazIi,

5

kUtir mullaik kuRug kAl alari

mAtar vaNToTu curumpu paTa muTitta

irum pal mel aNai oziya, karumpin

vEl pOl veN mukai viriyat tINTi,

mutuk kuRaik kurIi muyanRu cey kuTampai

10

mUgkil am kazait tUgka, oRRum

vaTa pula vATaikkup pirivOr

maTavar vAzi, iv ulakattAnE!

ulakiyal kURip poruLvayiR piriya valitta n'ejciRkut talaimakan colliyatu.-maturai Izattup pUtan tEvanAr

386. kuRijci

ciRu kaT panRip peruj cina oruttal,

tuRukaT kaNNik kAnavar uzuta

kulavuk kural Enal mAn'ti, jAgkar,

viTar aLaip paLLi vEgkai ajcAtu,

5

kazai vaLar cAral tujcum n'ATan.

'aNagkuTai aruj cUL tarukuven' ena n'I,

'n'ummOr annOr tunnAr ivai' ena,

terin'tu atu viyan'tanen-tOzi!-paNin'tu n'am

kal kezu ciRukuTip poliya,

10

vatuvai enRu avar van'ta jAnRE.

parattaiyin maRuttan'ta talaimakaRku vAyil n'Ern'ta tOzi talaimakaLai mukampukuval ena muRpaTTAL, talaimakaL mATTu n'inRa poRAmai n'IgkAmai aRin'tu, piRitu onRanmEl vaittu, 'pAviyEn inRu pEtaimai ceyt

393. kuRijci

n'eTug kazai n'ivan'ta n'izal paTu cilampin

kaTuj cUl vayappiTi kanRu InRu uyagka,

pAl Ar pacum puniRu tIriya, kaLi ciRan'tu,

vAlA vEzam vaNar kural kavartalin,

5

kAnavan eRin'ta kaTuj celal jekizi

vEy payil aTukkam cuTara minni,

n'ilai kiLar mInin, tOnRum n'ATan

iravin varUum iTumpai n'Am uya,

varaiya van'ta vAymaikku ERpa,

10

n'amar koTai n'Ern'tanar Ayin, avaruTan,

n'Ervarkol vAzi-tOzi!-n'am kAtalar

putuvar Akiya varavum, n'in

vatuvai n'AN oTukkamum kANugkAlE?

varaivu malin'tatu.-kOvUr kizAr

394. mullai

maran'talai maNan'ta n'anan' talaik kAnattu,

alan'talai jemaiyattu irun'ta kuTijai,

pon cey kollanin, iniya teLirppa,

peym maNi Arkkum izai kiLar n'eTun' tEr,

5

van paral murampin, n'Emi atira,

cenRicin vAziyO, panik kaTu n'ALE;

iTaic curattu ezili uRaittena, mArpin

kuRum poRik koNTa cAn'tamoTu

n'aRun' taNNiyankol; n'OkO yAnE?

vinai muRRi maRuttarAn'inRa talaimakanai iTaic curattuk kaNTAr colliyatu;vancollAl kuRai n'ayappitta tOzi tan'tu aLittatUum Am.-auvaiyAr

	cUruTai n'anan' talaic cunai n'Ir malka,
	peru varai aTukkattu aruvi Arppa,
	kal alaittu izitarum kaTu varaR kAn yARRuk
	kazai mAy n'Ittam kATu alai Arppa,
5	tazagku kural ERoTu muzagki, vAnam
	innE peyya minnumAl-tOzi!
	veNNel arun'tiya vari n'utal yAnai
	taN n'aRuj cilampil tujcum
	ciRiyilaic can'tina vATu perug kATTE.

	en kaik koNTu tan kaN oRRiyum,
	tan kaik koNTu en n'al n'utal n'Iviyum.
	annai pOla iniya kURiyum,
	kaLvar pOlak koTiyanmAtO-
5	maNi ena izitarum aruvi, pon ena
	vEgkai tAya Ogku malai aTukkattu,
	ATu kazai n'ivan'ta paig kaN mUgkil
	OTu mazai kizikkum cenni,
	kOTu uyar piRagkal, malaikizavOnE!

	vaikaltORum inpamum iLamaiyum
	ey kaNai n'izalin kaziyum, iv ulakattu;
	kANIr enRalO aritE; atu n'ani
	pENIr Akuvir-aiya! en tOzi
5	pUN aNi Akam pulampa, pANar
	ayirppuk koNTanna konRai am tIm kani,
	paRai aRai kaTippin, aRai aRaiyAt tuyalvara,
	vev vaLi vazagkum vEy payil azuvattu,
	evvam mikUum aruj curam iRan'tu,
10	n'an vAy allA vAzkkai
	mannAp poruT piNip piritum yAm enavE.

	yAgkuc ceyvAmkol-tOzi! Ogku kazaik
	kAmpuTai viTar akam cilampa, pAmpu uTanRu
	Ogku varai miLira ATTi, vIgku celal
	kaTug kural ERoTu kanai tuLi talaiip
5	peyal AnAtE, vAnam; peyaloTu
	minnu n'imirn'tanna vElan van'tena,
	pinnu viTu mucci aLippu AnAtE;
	perun' taN kuLavi kuzaitta pA aTi,
	iruj cERu ATiya n'utala, kolkaLiRu
10	pEtai Acini ocitta
	vI tatar vEgkaiya malai kizavORkE?

	vEr piNi vetirattuk kAl poru n'aral icai
	kan'tu piNi yAnai ayar uyirttanna
	enRUz n'ITiya vEy payil azuvattu,
	kunRu Ur matiyam n'Okki, n'inRu, n'inain'tu,
5	uLLinen allenO yAnE-'muL eyiRRu,
	tilakam taiiya tEm kamaz tiru n'utal,
	ematum uNTu, Or matin'AT tigkaL,
	uraRu kural vev vaLi eTuppa, n'izal tapa
	ulavai Akiya maratta
10	kal piRagku uyar malai umparaHtu' enavE?

	n'Oyum n'ekizcciyum vITacciRan'ta
	vEy vanappuRRa tOLai n'IyE,
	en uyavu aRitiyO, n'al n'aTaik koTicci!
	muruku puNarn'tu iyanRa vaLLi pOla, n'in
5	uruvu kaN eRippa n'Okkal ARRalenE-
	pOkiya n'Akap pOkku arug kavalai,
	ciRu kaT panRip peruj cina oruttal
	cERu ATu irum puRam n'IRoTu civaNa,
	veL vacip paTIiyar, moytta vaLpu azIi,
10	kOL n'Ay koNTa koLLaik
	kAnavar peyarkkum ciRukuTiyAnE.

	Ay malar mazaik kaN teN pani uRaippavum,
	vEy maruL paNait tOL viRal izai n'ekizavum,
	ampal mUtUr aravam Ayinum,
	kuRu vari irum puli ajcik kuRu n'aTaik
5	kanRuTai vEzam n'inRu kAttu alkum,
	Ar iruL kaTukiya, ajcu varu ciRu n'eRi
	vAraRkatilla-tOzi!-cAral
	kAnavan eyta muLavu mAn kozug kuRai,
	tEm kamaz katuppin koTicci, kizagkoTu
10	kAn'taL am ciRukuTip pakukkum
	Ogku malai n'ATan, n'in n'acaiyinAnE!

	kazai pATu iragka, pal iyam kaRagka,
	ATu makaL n'aTan'ta koTum puri n'On kayiRRu,
	atavat tIm kani anna cem mukat
	tuyt talai man'ti van paRaz tUgka,
5	kazaik kaN irum poRai ERi vicaittu ezun'tu,
	kuRak kuRumAkkaL tALam koTTum ak
	kunRakattatuvE, kuzu miLaic cIRUr;
	cIRUrOLE, n'ARu mayirk koTicci;
	koTicci kaiyakattatuvE, piRar
10	viTuttaRku AkAtu piNitta en n'ejcE.

	muLi koTi valan'ta muL arai ilavattu
	oLir cinai atira vIci, viLipaTa
	vev vaLi vazagkum vEy payil marugkil,
	kaTu n'aTai yAnai kanRoTu varun'ta,
5	n'eTu n'Ir aRRa n'izal il AgkaN
	aruj curak kavalaiya ennAy; n'eTuj cEN
	paTTanai, vAziya-n'ejcE!-kuTTuvan
	kuTa varaic cunaiya mA itazk kuvaLai
	vaNTu paTu vAn pOtu kamazum
10	am cil Oti arum paTar uRavE.

	paTu n'Irc cilampil kalitta vAzaik
	koTu maTal InRa kUr vAyk kuvi mukai,
	oL izai makaLir ilagku vaLait toTUum
	mel viral mOcai pOla, kAn'taL
5	vaL itaz tOyum vAn tOy veRpa!
	'n'anRi viLaivum tItoTu varum' ena,
	anRu n'aRku aRin'tanaL Ayin, kunRattut
	tEm mutir cilampil taTaiiya
	vEy maruL paNait tOL aziyalaLmannE.

	aruvi Arkkum peru varai n'aNNi,
	'kanRu kAlyAtta manRap palavin
	vErk koNTu tUgkum kozuj cuLaip perum pazam
	kuzavic cEtA mAn'ti, ayalatu
5	vEy payil iRumpin Am aRal parukum
	perug kal vElic ciRukuTi yAtu?' ena,
	collavum collIr; Ayin, kallena
	karuvi mA mazai vIzn'tena, ezun'ta
	ceg kEz ATiya cezug kuraR ciRu tinaik
10	koy punam kAvalum n'umatO?-
	kOTu En'tu alkul, n'IL tOLIrE!

	tIyum vaLiyum vicumpu payan'tAgku,
	n'Oyum inpamum AkinRumAtO;
	mAyam anRu-tOzi!-vEy payinRu,
	eruvai n'ITiya peru varaiakamtoRum,
5	tonRu uRai tuppoTu muraN mikac cinaiik
	konRa yAnaik kOTu kaNTanna,
	cem puTaik kozu mukai avizn'ta kAn'taL
	cilampuTan kamazum cAral
	ilagku malai n'ATan malarn'ta mArpE!

	Agkanam taNikuvatuAyin, yAgkum
	itanin koTiyatu piRitu onRu illai;
	vAykol vAzi-tOzi! vEy uyarn'tu,
	eRin'tu ceRittanna piNagku aril viTar mukai,
5	Un tin piNavin uyagku paci kaLaiiyar,
	AL iyagku arum puzai oRRi, vAL varik
	kaTug kaN vayap puli oTugkum n'ATan
	taN kamaz viyal mArpu uritinin peRAtu,
	n'al n'utal pacan'ta paTar mali aru n'Oy
10	aNagku ena uNarak kURi, vElan
	in iyam kaRagkap pATi,
	pal malar citaRip paravuRu palikkE.

	mazai tozil ulan'tu, mA vicumpu ukan'tena,
	kazai kavin azin'ta kal atarc ciRu n'eRip
	paral aval URal ciRu n'Ir marugkin,
	pU n'utal yAnaiyoTu puli porutu uNNum
5	curan iRan'tu, ariya ennAr, uran azin'tu,
	uL mali n'ejcamoTu vaNmai vENTi,
	arum poruTku akanRa kAtalar muyakku etirn'tu,
	tirun'tizaip paNait tOL peRun'ar pOlum;
	n'IgkukamAtO n'in avalam-Ogkumicai,
10	uyar pukaz n'al il oN cuvarp porun'ti
	n'ayavaru kurala palli,
	n'aLLen yAmattu, uLLutoRum paTumE.

	karu viral man'tic cem mukap perug kiLai
	peru varai aTukkattu aruvi ATi,
	Ogku kazai Ucal tUgki, vEgkai
	veRpu aNi n'aRu vI kaRcunai uRaippa,
5	kalaiyoTu tiLaikkum varaiaka n'ATan-
	mAri n'inRa Ar iruL n'aTu n'AL,
	aruvi aTukkattu, oru vEl En'ti;
	minnu vaci viLakkattu varumenin,
	ennO-tOzi!-n'am in uyir n'ilaiyE?

	aravuk kiLarn'tanna viravuRu pal kAz
	vITuRu n'uN tukil UTu van'tu imaikkum
	tirun'tuizai alkul, perun' tOT kuRumakaL
	maNi Er aimpAl mAcu aRak kazIi,
5	kUtir mullaik kuRug kAl alari
	mAtar vaNToTu curumpu paTa muTitta
	irum pal mel aNai oziya, karumpin
	vEl pOl veN mukai viriyat tINTi,
	mutuk kuRaik kurIi muyanRu cey kuTampai
10	mUgkil am kazait tUgka, oRRum
	vaTa pula vATaikkup pirivOr
	maTavar vAzi, iv ulakattAnE!

	ciRu kaT panRip peruj cina oruttal,
	tuRukaT kaNNik kAnavar uzuta
	kulavuk kural Enal mAn'ti, jAgkar,
	viTar aLaip paLLi vEgkai ajcAtu,
5	kazai vaLar cAral tujcum n'ATan.
	'aNagkuTai aruj cUL tarukuven' ena n'I,
	'n'ummOr annOr tunnAr ivai' ena,
	terin'tu atu viyan'tanen-tOzi!-paNin'tu n'am
	kal kezu ciRukuTip poliya,
10	vatuvai enRu avar van'ta jAnRE.

	n'eTug kazai n'ivan'ta n'izal paTu cilampin
	kaTuj cUl vayappiTi kanRu InRu uyagka,
	pAl Ar pacum puniRu tIriya, kaLi ciRan'tu,
	vAlA vEzam vaNar kural kavartalin,
5	kAnavan eRin'ta kaTuj celal jekizi
	vEy payil aTukkam cuTara minni,
	n'ilai kiLar mInin, tOnRum n'ATan
	iravin varUum iTumpai n'Am uya,
	varaiya van'ta vAymaikku ERpa,
10	n'amar koTai n'Ern'tanar Ayin, avaruTan,
	n'Ervarkol vAzi-tOzi!-n'am kAtalar
	putuvar Akiya varavum, n'in
	vatuvai n'AN oTukkamum kANugkAlE?

	maran'talai maNan'ta n'anan' talaik kAnattu,
	alan'talai jemaiyattu irun'ta kuTijai,
	pon cey kollanin, iniya teLirppa,
	peym maNi Arkkum izai kiLar n'eTun' tEr,
5	van paral murampin, n'Emi atira,
	cenRicin vAziyO, panik kaTu n'ALE;
	iTaic curattu ezili uRaittena, mArpin
	kuRum poRik koNTa cAn'tamoTu
	n'aRun' taNNiyankol; n'OkO yAnE?