125.kuRijci

	'irai tEr eNkin paku vAy ERRai
	koTu varip puRRam vAyppa vAgki,
	n'al arA n'aTugka uraRi, kollan
	Utu ulaik kurukin uL uyirttu, akazum
5	n'aTu n'AL varutal ajcutum yAm' ena,
	varain'tu varal irakkuvam Ayin, n'am malai
	n'al n'AL vatuvai kUTi, n'ITu inRu
	n'ammoTu celvarman-tOzi!-mella
	vEgkaik kaNNiyar erutu eRi kaLamar
10	n'ilam kaNTanna akan kaN pAcaRai,
	men tinai n'eTum pOr purimAr
	tujcu kaLiRu eTuppum tam perug kal n'ATTE.

192. kuRijci

	'kuruti vETkai uru kezu vaya mAn
	vali miku munpin maza kaLiRu pArkkum
	maram payil cOlai maliya, pUziyar
	uruvat turuvin, n'AL mEyal Arum
5	mAri eNkin malaic cura n'IL iTai,
	n'I n'ayan'tu varutal evan?' enap pala pulan'tu,
	azutanai uRaiyum am mA arivai!
	payam kezu palavin kollik kuTa varaip
	pUtam puNartta putitu iyal pAvai
10	viri katir iLa veyil tOnRi anna, n'in
	Ay n'alam uLLi varin, emakku
	Emam Akum, malaimutal ARE.

325. pAlai

	kavitalai eNkin parUu mayir ERRai
	irai tEr vETkaiyin iravil pOki,
	n'ITu ceyal citalait tOTu punain'tu eTutta
	ara vAz puRRam oziya, oyyena
5	mura vAy vaL ukir iTappa vAgkum,
	Ukku arug kavalai n'In'ti, maRRu-ivaL
	pUppOl uNkaN putu n'alam citaiya,
	vIgku n'Ir vArak kaNTum,
	takumO?-peruma!-tavirka n'um celavE.

336. kuRijci

	piNarc cuvaR panRi tOlmulaip piNavoTu
	kaNaik kAl Enal kaimmikak kavartalin,
	kal atar arum puzai alki, kAnavan,
	villin tan'ta veN kOTTu ERRai,
5	punai irug katuppin manaiyOL keNTi,
	kuTi muRai pakukkum n'eTu malai n'ATa!
	uravuc cina vEzam uRu puli pArkkum
	iravin ajcAy; ajcuval-aravin
	Ir aLaip puRRam, kAr ena muRRi,
10	irai tEr eNkinam akazum
	varai cEr ciRu n'eRi vArAtImE!