kuyil |
9. pAlai |
azivilar muyalum Arva mAkkaL |
|
vazipaTu teyvam kaN kaNTAagku, |
|
alamaral varuttam tIra, yAza n'in |
|
n'ala men paNait tOL eytinam; Akalin, |
|
5 |
porip pUm punkin azaR takai oN muRi |
cuNagku aNi vana mulai aNagku koLat timiri, |
|
n'izal kANtORum n'eTiya vaiki, |
|
maNal kANtORum vaNTal taii, |
|
varun'tAtu Ekumati-vAl eyiRROyE! |
|
10 |
mA n'anai kozuti makiz kuyil Alum |
n'aRun' taN pozila, kAnam; |
|
kuRum pal Ura, yAm cellum ARE. |
|
uTanpOkAn'inRa talaimakan talaimakaTku uraittatu.-pAlai pATiya perugkaTugkO |
97. mullai |
azun'tu paTu vizup puN vazumpu vAypularA |
|
evva n'ejcattu eHku eRin'tAgku, |
|
pirivila pulampi n'uvalum kuyilinum, |
|
tERu n'Ir kezIiya yARu n'ani koTitE; |
|
5 |
ataninum koTiyaL tAnE, 'matanin |
tuyt talai itaza paig kurukkattiyoTu |
|
pittikai viravu malar koLLIrO?' ena |
|
vaNTu cUz vaTTiyaL tiritarum |
|
taNTalai uzavar tani maTa makaLE. |
|
paruvam kaNTu ARRALAya talaivi tOzikku uraittatu.-mARan vazuti |
118. pAlai |
aTaikarai mAattu alagku cinai poliyat |
|
taLir kavin eytiya taN n'aRum potumpil, |
|
cEvaloTu kezIiya ceg kaN irug kuyil |
|
pukanRu etir Alum pU mali kAlaiyum, |
|
5 |
'akanROrmanRa n'am maRan'ticinOr' ena, |
iNar uRupu, uTaivatantalaiyum puNarvinai |
|
Ova mAkkaL oL arakku UTTiya |
|
tukilikai anna, tuyt talaip pAtiri |
|
vAl itaz alari vaNTu paTa En'ti, |
|
10 |
putu malar teruvutoRu n'uvalum |
n'otumalATTikku n'Om, en n'ejcE! |
|
paruvam kaNTu ARRALAya talaivi colliyatu.-pAlai pATiya perugkaTugkO |
157. pAlai |
irug kaN jAlattu INTu tozil utavip |
|
perum peyal pozin'ta vazi n'AL amaiyattu, |
|
pal poRi aravin cel puRam kaTuppa |
|
yARRu aRal n'uNagkiya n'AT pata vEnil, |
|
5 |
iNar tutai mAatta puNar kuyil viLittoRum, |
n'amvayin n'inaiyum n'ejcamoTu, kaimmikak |
|
kETToRum kaluzumAl peritE-kATTa |
|
kuRum poRai ayala n'eTun' tAL vEgkai |
|
am pUn' tAtu ukkanna |
|
10 |
n'uN pal titti mAayOLE. |
poruLvayiR pirin'ta talaivan paruvam uNarn'ta n'ejciRku uraittatu.-iLa vETTanAr |
224. pAlai |
anpinar, mannum periyar; atantalai, |
|
'pinpani amaiyam varum' ena, munpanik |
|
kozun'tu mun'tuRIik kuravu arumpinavE; |
|
'puNarn'tIr puNarminO' enna, iNarmicaic |
|
5 |
ceg kaN irug kuyil etir kural payiRRum |
inpa vEnilum van'tanRu; n'amvayin |
|
'piriyalam' enRu, teLittOr tEettu, |
|
ini evan mozikO, yAnE-kayan aRak |
|
kaN azin'tu ulaRiya pal mara n'eTu n'eRi |
|
10 |
vil mUcu kavalai vilagkiya |
vem munai aruj curam munniyOrkkE? |
|
tOziyAl pirivu uNarttappaTTa talaimakaL peyarttum col kaTAvappaTTu,'aRivilAtEm ennai colliyum, piriyAr AkArO?' enRu colliyatu.-pAlai pATiya perugkaTugkO |
243. pAlai |
tEm paTu cilampil teL aRal tazIiya |
|
tuRukal ayala tU maNal aTaikarai, |
|
alagku cinai potuLiya n'aRu vaTi mAattup |
|
potumputORu alkum pUg kaN irug kuyil, |
|
5 |
'kavaRu peyarttanna n'illA vAzkkai iTTu |
akaRal Ompumin, aRivuTaiyIr!' ena, |
|
kaiyaRat tuRappOrk kazaRuva pOla, |
|
mey uRa irun'tu mEvara n'uvala, |
|
innAtu Akiya kAlai, poruLvayiR |
|
10 |
piriyal ATavarkku iyalpu enin, |
aritu manRamma, aRattinum poruLE? |
|
piriviTai melin'ta talaimakaL colliyatu.-kAmakkaNip pacalaiyAr |
246. pAlai |
iTUu UgkaN iniya paTUum; |
|
n'eTuj cuvarp palliyum pAgkil tERRum; |
|
manai mA n'occi mImicai mAc cinai, |
|
vinai mAN irug kuyil payiRRalum payiRRum; |
|
5 |
uram puri uLLamoTu curam pala n'In'ti, |
ceyporuTku akanRanarAyinum poyyalar, |
|
varuvar vAzi-tOzi!-puRavin |
|
pon vIk konRaiyoTu piTavut taLai aviza, |
|
in icai vAnam iragkum; avar, |
|
10 |
'varutum' enRa paruvamO ituvE? |
piriviTai melin'ta talaimakaLait tOzi vaRpuRIiyatu.-kAppiyaj cEn'tanAr |