cuRA (cuRavu, kOTTumIn) |
19. n'eytal |
iRavup puRattu anna piNar paTu taTavu mutal |
|
cuRavuk kOTTanna muL ilait tAzai, |
|
perug kaLiRRu maruppin anna arumpu mutirpu, |
|
n'al mAn uzaiyin vERupaTat tOnRi, |
|
5 |
vizavuk kaLam kamazum uravu n'Irc cErppa! |
ina maNi n'eTun' tEr pAkan iyakka, |
|
celIiya cERiAyin, ivaLE |
|
varuvai Akiya cil n'AL |
|
vAzALAtal n'aRku aRin'tanai cenmE! |
|
puNarn'tu n'Igkiya talaivanait tOzi varaivu kaTAyatu.-n'akkaNNaiyAr |
27. n'eytal |
n'Iyum yAnum, n'erun'al, pUvin |
|
n'uN tAtu uRaikkum vaNTinam Oppi, |
|
ozi tirai varitta veN maNal aTaikaraik |
|
kazi cUz kAnal ATiyatu anRi, |
|
5 |
karan'tu n'Am ceytatu onRu illai; uNTu enin, |
paran'tu piRar aRin'tanRum ilarE-n'anRum |
|
evan kuRittanaL kol, annai?-kayan'tORu |
|
iRa Ar inak kuruku olippa, cuRavam |
|
kazi cEr marugkin kaNaik kAl n'ITi, |
|
10 |
kaN pOl pUttamai kaNTu, 'n'uN pala |
ciRu pAcaTaiya n'eytal |
|
kuRumO, cenRu' enak kURAtOLE. |
|
ciRaippuRamAkattOzi ceRippu aRivuRIiyatu.-kuTavAyiR kIrattanAr |
45. n'eytal |
ivaLE, kAnal n'aNNiya kAmar ciRukuTi, |
|
n'Il n'iRap perug kaTal kalagka uLpukku |
|
mIn eRi paratavar makaLE; n'IyE, |
|
n'eTug koTi n'uTagkum n'iyama mUtUrk |
|
5 |
kaTun' tErc celvan kAtal makanE: |
n'iNac cuRA aRutta uNakkal vENTi, |
|
inap puL Oppum emakku n'alan evanO? |
|
pulavu n'ARutum; cela n'inRImO! |
|
peru n'Ir viLaiyuL em ciRu n'al vAzkkai |
|
10 |
n'ummoTu puraivatO anRE; |
emmanOril cemmalum uTaittE! |
|
kuRai vENTiya talaivanaittOzi cETpaTuttatu. |
49. n'eytal |
paTu tirai kozIiya pAl n'iRa ekkart |
|
toTiyOr maTin'tenat tuRai pulampinRE; |
|
muTivalai mukan'ta muTagku iRAp paravaip |
|
paTu puL Oppalin pakal mAyn'tanRE; |
|
5 |
kOTTu mIn eRin'ta uvakaiyar vETTam maTin'tu, |
emarum alkinar; 'EmArn'tanam' enac |
|
cenRu n'Am aRiyin, evanO-tOzi! |
|
manRap punnai mAc cinai n'aRu vI |
|
munRil tAzaiyoTu kamazum |
|
10 |
teN kaTaR cErppan vAz ciRu n'al UrkkE? |
tOzi, talaimakaLai iravukkuRi n'ayappittatu; ciRaippuRamAkat tOzi ARRAmai viyan'tatUum Am.-n'eytal tattanAr |
67. n'eytal |
cEy vicumpu ivarn'ta cezug katir maNTilam |
|
mAl varai maRaiya, tuRai pulampinRE; |
|
iRavu arun'ti ezun'ta karug kAl veN kuruku |
|
veN kOTTu aruj ciRait tAay, karaiya |
|
5 |
karug kOTTup punnai iRaikoNTanavE; |
kaNaik kAl mA malar karappa, malku kazit |
|
tuNaic cuRA vazagkalum vazagkum; AyiTai, |
|
el imiz panik kaTal, malku cuTark koLIi, |
|
emarum vETTam pukkanar; atanAl, |
|
10 |
tagkin evanOteyya-pogku picir |
muzavu icaip puNari ezutarum |
|
uTai kaTaR paTappai em uRaivin UrkkE? |
|
pakaRkuRi van'tu n'Igkum talaimakanait tOzi varaivu kaTAyatu.-pEri cAttanAr |
78. n'eytal |
kOT cuRA vazagkum vAL kEz irug kazi |
|
maNi Er n'eytal mA malar n'iRaiya, |
|
pon n'Er n'uN tAtu punnai tUum, |
|
vIz tAz tAzaip pUk kamaz kAnal, |
|
5 |
paTar van'tu n'aliyum cuTar cel mAlai, |
n'Oy mali paruvaral n'Am ivaN uykam; |
|
kETTicin-vAzi, tOzi!-teN kazi |
|
vaL vAy Azi uL vAy tOyinum, |
|
puLLu n'imirn'tanna polam paTaik kali mA |
|
10 |
valavan kOl uRa aRiyA, |
uravu n'Irc cErppan, tErmaNik kuralE! |
|
varaivu malin'tatu.-kIragkIranAr |
111. n'eytal |
atta iruppaip pUvin anna |
|
tuyt talai iRavoTu tokai mIn peRIiyar, |
|
vari valaip paratavar karu vinaic ciRAar, |
|
maral mERkoNTu mAn kaNam takaimAr |
|
5 |
ven' tiRal iLaiyavar vETTu ezun'tAgku, |
timil mERkoNTu, tiraic curam n'In'ti, |
|
vAL vAyc cuRavoTu vaya mIn keNTi, |
|
n'iNam pey tONiyar iku maNal izitarum |
|
perug kazip pAkkam kallena |
|
10 |
varumE-tOzi!-koNkan tErE. |
viricci peRRuppukanRa tOzi talaivikku uraittatu. |
131. n'eytal |
ATiya tozilum, alkiya pozilum, |
|
uLLal AkA uyavu n'ejcamoTu |
|
UTalum uTaiyamO-uyar maNaR cErppa! |
|
tirai mutir araiya taTan' tAL tAzaic |
|
5 |
cuRavu maruppu anna muT tOTu ociya, |
iRavu Ar inak kuruku iRaikoLa irukkum, |
|
n'aRavu makiz irukkai n'al tErp periyan, |
|
kaL kamaz, poRaiyARu anna en |
|
n'al tOL n'ekiza maRattal, n'umakkE? |
|
maNamanaiyil piRRai jAnRu pukka tOziyait talaivan, 'vERupaTAmai ARRuvittAy; periyai kAN' enRARkut tOzi colliyatu.-ulOccanAr |
132. n'eytal |
pEr Ur tujcum; yArum illai; |
|
tirun'tu vAyc cuRavam n'Ir kAnRu, oyyenap |
|
perun' teru utirtaru peyaluRu taN vaLi |
|
pOr amai katavap purai toRum tUva, |
|
5 |
kUr eyiRRu ekinam n'aTugkum n'al n'akarp |
payilpaTai n'ivan'ta pal pUj cEkkai |
|
ayalum mAN ciRaiyatuvE; atantalai, |
|
'kAppuTai vAyil pORRu, O' ennum |
|
yAmam koLpavar n'eTu n'A oN maNi |
|
10 |
onRu eRi pANiyin iraTTum; |
inRukol, aLiyEn ponRum n'ALE? |
|
kAppu mikutikkaN ARRALAkiya talaivikkut tOzi colliyatu. |
199. n'eytal |
Ogku maNal uTutta n'eTu mAp peNNai |
|
vIgku maTal kuTampaip paital veN kuruku, |
|
n'aLLen yAmattu, uyavutORu uruki, |
|
aLLal anna en uLLamoTu uL uTain'tu, |
|
5 |
uLenE-vAzi, tOzi! vaLai n'Irk |
kaTuj cuRA eRin'ta koTun' timiR paratavar |
|
vAgku vicait tUNTil UgkuUgku Aki, |
|
vaLi porak kaRRai tAay, n'aLi cuTar, |
|
n'Il n'iRa vicumpin mInoTu puraiya, |
|
10 |
paipaya imaikkum tuRaivan |
mey tOy muyakkam kANA UgkE! |
|
vanpuRai etirazin'tatu.-pEri cAttanAr |
207. n'eytal |
kaNTal vElik kazi cUz paTappai |
|
muNTakam vEyn'ta kuRiyiRaik kurampaik |
|
kozu mIn koLpavar pAkkam kallena, |
|
n'eTun' tEr paNNi varal AnAtE; |
|
5 |
kunRattu anna kuvavu maNal n'In'ti |
van'tanar, peyarvarkol tAmE? alkal, |
|
iLaiyarum mutiyarum kiLaiyuTan kuzIi, |
|
kOT cuRA eRin'tena, curugkiya n'arampin |
|
muTi mutir paratavar maTa mozik kuRumakaL, |
|
10 |
valaiyum tUNTilum paRRi, perug kAl |
tirai ezu pauvam munniya |
|
kolai vej ciRAar pARpaTTanaLE. |
|
n'otumalar varaivuzi, tOzi cevilikku aRattoTu n'inRatu. |
215. n'eytal |
kuNa kaTal ivarn'tu, kurUuk katir parappi, |
|
pakal kezu celvan kuTamalai maRaiya, |
|
pulampu van'tu iRutta punkaN mAlai, |
|
ilagku vaLai makaLir viyal n'akar ayara, |
|
5 |
mIn n'iNam tokutta Un n'ey oN cuTar |
n'Il n'iRap parappil tayagku tirai utaippa; |
|
karai cErpu irun'ta kallen pAkkattu, |
|
inRu n'I ivaNai Aki, emmoTu |
|
tagkin evanOteyya? cegkAl |
|
10 |
koTu muTi av valai pariyap pOkiya |
kOT cuRAk kuRitta munpoTu |
|
vETTam vAyAtu emar vAralarE. |
|
pakaR kuRi van'tu mILvAnai 'avaL ARRum tanmaiyaL allaL;n'Iyir igkut tagkaR pAlIr; emarum innatu oru tavaRRinar' enat tOzi talaimakaRkuc colliyatu. iravuk kuRi maRuttu varaivu kaTAyatUum Am.-maturaic c |
223. n'eytal |
ivaLtan, kAmam perumaiyin, kAlai ennAL; n'in |
|
anpu peritu uTaimaiyin, aLittal vENTi, |
|
pakalum varuti, pal pUg kAnal; |
|
innIr AkalO initAl enin, ivaL |
|
5 |
alarin arug kaTip paTukuvaL; atanAl |
elli vammO!-mellam pulampa! |
|
cuRavinam kalitta n'iRai irum parappin |
|
tuRaiyinum tujcAk kaNNar |
|
peNTirum uTaittu, iv ampal UrE. |
|
pakaRkuRi van'tu mILvAnait tOzi iravukkuRi n'ErvAL pOnRu, atuvum maRuttu, varaivu kaTAyatu.-ulOccanAr |
303. n'eytal |
oli avin'tu aTagki, yAmam |
|
n'aLLena, |
|
kali kezu pAkkam tuyil maTin'tanRE; |
|
tonRu uRai kaTavuL cErn'ta parArai |
|
5 |
manRap peNNai vAgku maTaR kuTampait |
tuNai puNar anRil uyavuk kural kETToRum, |
|
'tujcAk kaNNaL, tuyar aTac cAay, |
|
n'amvayin varun'tum, n'annutal' enpatu |
|
uNTukol?-vAzi, tOzi!-teN kaTal |
|
10 |
van kaip paratavar iTTa ceg kOl |
koTu muTi av valai pariyap pOkki, |
|
kaTu muraN eRi cuRA vazagkum |
|
n'eTun'Irc cErppantan n'ejcattAnE. |
|
vETkai tAgkakillALAyt tOzikkut talaimakaL colliyatu;ciRaippuRattAn enpatu malin'tatUum Am.-maturai Arulaviyan'ATTu AlampEri cAttanAr |
392. n'eytal |
kaTuj cuRA eRin'ta koTun' tAT tan'tai |
|
puL imiz perug kaTal koLLAn cenRena, |
|
manai azutu ozin'ta pun talaic ciRAar |
|
tuNaiyatin muyanRa tIm kaN n'ugkin |
|
5 |
paNai koL vem mulai pATu peRRu uvakkum, |
peNNai vEli, uzai kaN cIRUr |
|
n'al manai aRiyin, n'anRumantilla; |
|
cemmal n'ejcamoTu tAm van'tu peyarn'ta |
|
kAnaloTu aziyun'ar pOlAm-pAnAL, |
|
10 |
muni paTar kaLaiyinum kaLaipa; |
n'ani pEr anpinar kAtalOrE. |
|
iravukkuRi mukampukkatu; varaivu n'ITa ARRALAya talaimakaLait tOzi varaivu uNartti vaRpuRuttiyatUum Am.-maturai marutan iLan'AkanAr |