11-20 |
11. pAlai |
kOTu Ir ilagku vaLai n'ekiza, n'ALum |
|
pATu ila kalizum kaNNoTu pulampi, |
|
Igku ivaN uRaitalum uykuvam; AgkE |
|
ezu, ini-vAzi, en n'ejcE!-munAtu, |
|
kullaik kaNNi vaTukar munaiyatu |
|
val vER kaTTi n'al n'ATTu umpar |
|
mozi peyar tEettar Ayinum, |
|
vazipaTal cUzn'ticin, avaruTai n'ATTE. |
|
talaimakaL tan n'ejciRkuc colluvALAyt tOzi kETpac colliyatu. - mAmUlanAr |
12. pAlai |
eRumpi aLaiyin kuRum pal cunaiya |
|
ulaikkal anna pARai ERi, |
|
koTu vil eyinar, pakazi mAykkum |
|
kavalaittu enpa, avar tEr cenRa ARE; |
|
atu maRRu avalam koLLAtu, |
|
n'otumal kazaRum, iv azugkal UrE. |
|
'ARRAL' enak kavanRa tOzikkuk kizatti uraittatu. - OtalAn'taiyAr |
13. kuRijci |
mAcu aRak kazIiya yAnai pOlap |
|
perum peyal uzan'ta irum piNart tuRukal |
|
paital oru talaic cEkkum n'ATan |
|
n'Oy tan'tananE - tOzi!- |
|
pacalai Arn'ta, n'am kuvaLaiam kaNNE. |
|
talaivan tOziyiR kUTTam kUTi, ARRum vakaiyAn ARRuvittup piriya,vERupaTTa kizatti tOzikku uraittatu. - kapilar |
14. kuRijci |
amiztu poti cen' n'A ajca van'ta |
|
vArn'tu ilagku vai eyiRRuccil mozi arivaiyaip |
|
peRukatil amma, yAnE! peRRAgku |
|
aRikatil amma, iv UrE! maRukil, |
|
'n'allOL kaNavan ivan' enap |
|
pallOr kURa, yAam n'ANukam ciRitE. |
|
'maTanmA kURum iTanumAr uNTE' enpatanAl tOzi kuRai maRuttuzi, talaimakan. 'maTalERuval' enpatupaTac colliyatu. - tol kapilar |
15. pAlai |
paRai paTa, paNilam Arppa, iRaikoLpu |
|
tol mUtAlattup potiyil tOnRiya |
|
n'Al Urk kOcar n'al mozi pOla, |
|
vAy AkinRE-tOzi!-Ay kazal |
|
cEyilai veL vEl viTalaiyoTu |
|
tokuvaLai munkai maTan'tai n'aTpE. |
|
uTanpOyina pinRai, tOzi cevilikku aRattoTu n'inRAL. n'iRpa, cevilittAy n'aRRAykku aRattOTu n'inRatu. -auvaiyAr |
16. pAlai |
uLLArkollO-tOzi! kaLvar |
|
pon punai pakazi ceppam koNmAr, |
|
ukir n'uti puraTTum Ocai pOla, |
|
ceg kAR palli tan tuNai payirum |
|
am kAR kaLLiam kATu iRan'tOrE? |
|
poruLvayiR pirin'taviTattut talaimakaL ARRAmai kaNTu, tOzi kURiyatu.- pAlai pATiya perugkaTugkO |
17. kuRijci |
mA ena maTalum Urpa; pU enak |
|
kuvimukiz erukkag kaNNiyum cUTupa; |
|
maRukin Arkkavum paTupa; |
|
piRitum Akupa-kAmam kAzkkoLinE. |
|
tOziyiR kUTTam vENTip pinninRa talaimakan tOzi kuRaimARAmal kURiyatu.- pEreyin muRuvalAr |
18. kuRijci |
vEral vEli vEr kOT palavin |
|
cAral n'ATa! cevviyai Akumati! |
|
yAr aHtu aRin'ticinOrE?-cAral |
|
ciRu kOTTup perum pazam tUgkiyAgku, ivaL |
|
uyir tavac ciRitu; kAmamO peritE! |
|
iravukkuRi van'tu n'Igkum talaimakanait tOzi etirppaTTu, varaivu kaTAyatu.-kapilar |
19. marutam |
evvi izan'ta vaRumaiyar pANar |
|
pU il vaRun'talai pOlap pullenRu |
|
inaimati vAziyar-n'ejcE!-manai marattu |
|
elluRum mauval n'ARum |
|
pal irug kUn'tal yAraLO n'amakkE? |
|
uNarppuvayin vArA UTaRkaN talaimakan colliyatu. - paraNar |
20. pAlai |
aruLum anpum n'Ikki, tuNai tuRan'tu, |
|
poruLvayiR pirivOr uravOr Ayin, |
|
uravOr uravOr Aka! |
|
maTavam Aka, maTan'tai, n'AmE! |
|
celavuNarttiya tOzikkuk kizatti uraittatu. - kOpperuj cOzan |