71-80 |
71. pAlai |
marun'tu enin marun'tE; vaippu enin vaippE- |
|
arumpiya cuNagkin am pakaTTu iLa mulai, |
|
perun' tOL, n'uNukiya n'ucuppin, |
|
kal kezu kAnavar n'alkuRu makaLE. |
|
poruL kaTaikkUTTiya n'ejciRkut talaimakan collic celavazugkiyatu -karuvUr OtajAni |
72. kuRijci |
pU ottu alamarum takaiya; E ottu |
|
ellArum aRiya n'Oy ceytanavE- |
|
tE mozit tiraNTa men tOL, mA malaip |
|
parIi vittiya Enal |
|
kurIi OppuvAL, peru mazaik kaNNE! |
|
talaimakan tan vERupATu kaNTu vinAviya pAgkaRku uraittatu - maLLanAr |
73. kuRijci |
makizn'an mArpE veyyaiyAl n'I; |
|
aziyal vAzi-tOzi!-n'annan |
|
n'aRu mA konRu jATpil pOkkiya |
|
onRumozik kOcar pOla, |
|
vankaT cUzcciyum vENTumAl ciRitE. |
|
pakaRkuRi maRuttu, iravukkuRi n'Ern'tu, atuvum maRuttamaipaTat talaimakaTkut tOzi colliyatu - paraNar |
74. kuRijci |
viTTa kutirai vicaippin anna, |
|
vicumpu tOy pacug kazaik kunRa n'ATan |
|
yAm taR paTarn'tamai aRiyAn, tAnum |
|
vEnil AnERu pOlac |
|
cAyinan enpa-n'am mAN n'alam n'ayan'tE. |
|
tOzi talaimakan kuRai maRAtavARRAl kURiyatu. - viTTa kutiraiyAr |
75. marutam |
n'I kaNTanaiyO? kaNTArk kETTanaiyO?- |
|
onRu teLiya n'acaiyinam; mozimO! |
|
veN kOTTu yAnai cONai paTiyum |
|
pon mali pATali peRIiyar!- |
|
yArvAyk kETTanai, kAtalar varavE? |
|
talaimakan varavuNarttiya pANarkkut talaimakaL kURiyatu. - paTumarattu mOcikIranAr |
76. kuRijci |
kAn'taL vEli Ogku malai n'al n'ATTuc |
|
celpa enpavO, kal varai mArpar- |
|
cilampil cEmpin alagkal vaL ilai |
|
perug kaLiRRuc ceviyin mAnat taii, |
|
taN varal vATai tUkkum |
|
kaTum pani aRciram n'aTugku ajar uRavE. |
|
pirivuNarttac cenRa tOzikku avar pirivu munnar uNarn'ta talaimakaL colliyatu.- kiLLimagkalagkizAr |
77. pAlai |
amma vAzi, tOzi!-yAvatum, |
|
tavaRu enin, tavaRO ilavE-vej curattu |
|
ulan'ta vampalar uval iTu patukkai |
|
n'eTu n'al yAnaikku iTu n'izal Akum |
|
ariya kAnam cenROrkku |
|
eLiya Akiya taTa men tOLE. |
|
pirivinkaN ARRALAkiya talaimakan tOzikkuc colliyatu. - maturai marutan iLan'AkanAr |
78. kuRijci |
peru varai micaiyatu n'eTu veL aruvi |
|
mutuvAyk kOTiyar muzavin tatumpi, |
|
cilampin izitarum ilagku malai veRpa!- |
|
n'OtakkanRE-kAmam yAvatum |
|
n'anRu ena uNarArmATTum |
|
cenRE n'iRkum perum pEtaimaittE. |
|
pAgkan talaimakaRkuc colliyatu. - n'akkIranAr |
79. pAlai |
kAna yAnai tOl n'ayan'tu uNTa |
|
poritAL Omai vaLi poru n'eTuj cinai |
|
alagkal ulavai ERi, oyyenap |
|
pulampu taru kurala puRavup peTai payirum |
|
attam n'aNNiya am kuTic cIRUrc |
|
cErn'tanarkollO tAmE-yAm tamakku |
|
ollEm enRa tappaRkuc |
|
collAtu Ekal valluvOrE. |
|
poruLvayiR pirin'ta talaimakanai n'inain'ta talaimakaL tOzikkuc colliyatu.- kuTavAyiR kIranakkan |
80. marutam |
kUn'tal Ampal muzu n'eRi aTaicci, |
|
perum punal van'ta irun' tuRai virumpi, |
|
yAm aHtu ayarkam cERum; tAn aHtu |
|
ajcuvatu uTaiyaLAyin, vem pOr |
|
n'ukam paTa kaTakkum pal vEl ezini |
|
munai An peru n'irai pOla, |
|
kiLaiyoTu kAkka, tan kozun'an mArpE. |
|
talaimakaTkup pAgkAyinAr kETpap parattai colliyatu. - auvaiyAr |