181-190

181. kuRijci

itu maRRu evanO-tOzi!-tuniyiTai

innar ennum innAk kiLavi-

iru maruppu erumai InRaNik kArAn

uzavan yAtta kuzaviyin akalAtu,

pAal paim payir Arum Uran

tiru manaip pal kaTam pUNTa

peru mutu peNTirEm Akiya n'amakkE?

talaimakan parattaiyiR pirin'tavazi ARRALAkiya talaimakaL ARRal vENTit tOzi iyaRpazittavazi, talaimakaL iyaRpaTa mozin'tatu. - kiLLimagkalagkizAr

182. kuRijci

vizut talaip peNNai viLaiyal mA maTal

maNi aNi perun' tAr marapiR pUTTi,

veL enpu aNin'tu, piRar eLLat tOnRi,

oru n'AL marugkil peru n'AN n'Igki,

teruvin iyalavum taruvatukollO-

kaliz kavin acain'aTaip pEtai

melin'tilaL; n'Am viTaRku amain'ta tUtE?

tOziyAl kuRai maRukkappaTTa talaimakan tan n'ejciRku uraittatu.- maTal pATiya mAtagkIran

183. mullai

cenRa n'ATTa konRaiam pacu vI

n'am pOl pacakkum kAlai, tam pOl

ciRu talaip piNaiyin tIrn'ta n'eRi kOTTu

iralai mAnaiyum kANparkol, n'amarE?-

pullen kAyAp pUk kezu peruj cinai

men mayil eruttin tOnRum

pun pula vaippiR kAnattAnE.

paruva varavinkaN, 'ARRAL' enak kavanRa tOzikkuk kizatti uraittatu.- auvaiyAr

184. n'eytal

aRikari poyttal AnROrkku illai;

kuRukal Ompumin ciRukuTic celavE-

itaRku itu mANTatu ennAtu, ataRpaTTu,

ANTu ozin'tanRE, mAN takai n'ejcam-

mayiRkaN anna mAN muTip pAvai

n'uN valaip paratavar maTa makaL

kaN valaip paTUum kAnalAnE.

kazaRiya pAgkaRkuk kizavan uraittatu. - Ariya aracan yAzp piramatattan

185. kuRijci

'n'utal pacappu ivarn'tu, titalai vATi,

n'eTu men paNait tOL cAay, toTi n'ekizn'tu,

innaL Akutal n'ummin Akum' enac

collin, evan Am-tOzi!-pal varip

pAmpu pai avin'tatu pOlak kUmpi,

koNTalin tolain'ta oN ceg kAn'taL

kalmicaik kaviyum n'ATaRku, en

n'al mA mEni azi paTar n'ilaiyE?

talaimakan irA van'tu ozukA n'inRa kAlattu vERupaTTa talaimakaLai,'vERu paTTAyAl' enRATkuk kizatti uraittatu. - maturai aRuvai vANikan iLavETTanAr

186. mullai

Arkali ERRoTu kAr talaimaNan'ta

kollaip punatta mullai men koTi

eyiRu ena mukaiyum n'ATaRkut

tuyil tuRan'tanavAl-tOzi!-em kaNNE,

paruva varavin, 'ARRAL' enak kavanRa tOzikkuk kizatti uraittatu.- okkUr mAcAtti.

187. kuRijci

cev varaic cEkkai varuTaimAn maRi

curai pozi tIm pAl Ara mAn'ti,

peru varai n'Izal ukaLum n'ATan

kallinum valiyan-tOzi!-

valiyan ennAtu meliyum, en n'ejcE.

varaivu n'ITTitta vazi, ARRALAkiya talaimakaLai ARRuvikka vENTit talaimakanai iyaRpazitta tOzikkut talaimakaL iyaRpaTa mozin'tatu. - kapilar

188. mullai

mukai muRRinavE mullai; mullaiyoTu

takai muRRinavE, taN kAr viyan punam-

vAl izai n'ekizttOr vArAr-

mAlai van'tanRu, en mAN n'alam kuRittE.

paruvag kaNTu azin'ta kizatti tOzikku uraittatu. - maturai aLakkar jAzAr makanAr maLLanAr

189. pAlai

inRE cenRu varutum; n'ALaik

kunRu izi aruviyin veN tEr muTuka,

iLam piRai anna viLagku cuTar n'Emi

vicumpu vIz koLLiyin paim payir tumippa,

kAl iyal celavin, mAlai eyti,

cil n'irai vAl vaLaik kuRumakaL

pal mAN Akam maNan'tu uvakkuvamE.

vinai talaivaikkappaTTa iTattut talaimakan pAkaRku uraittatu - maturai Izattup pUtan tEvan.

190. mullai

n'eRi irug katuppoTu perun' tOL n'Ivi,

ceRivaLai n'ekiza, ceyporuTku akanROr

aRivarkol vAzi-tOzi!-poRi vari

vej cina aravin pain' talai tumiya

n'arai urum uraRum arai iruL n'aTun'AL,

n'al ERu iyagkutoRu iyampum

pal An tozuvattu oru maNik kuralE?

piriviTai ARRALAkiya talaimakaL tOzikkuc colliyatu. - pUtampullan.

	itu maRRu evanO-tOzi!-tuniyiTai
	innar ennum innAk kiLavi-
	iru maruppu erumai InRaNik kArAn
	uzavan yAtta kuzaviyin akalAtu,
	pAal paim payir Arum Uran
	tiru manaip pal kaTam pUNTa
	peru mutu peNTirEm Akiya n'amakkE?

	vizut talaip peNNai viLaiyal mA maTal
	maNi aNi perun' tAr marapiR pUTTi,
	veL enpu aNin'tu, piRar eLLat tOnRi,
	oru n'AL marugkil peru n'AN n'Igki,
	teruvin iyalavum taruvatukollO-
	kaliz kavin acain'aTaip pEtai
	melin'tilaL; n'Am viTaRku amain'ta tUtE?

	cenRa n'ATTa konRaiam pacu vI
	n'am pOl pacakkum kAlai, tam pOl
	ciRu talaip piNaiyin tIrn'ta n'eRi kOTTu
	iralai mAnaiyum kANparkol, n'amarE?-
	pullen kAyAp pUk kezu peruj cinai
	men mayil eruttin tOnRum
	pun pula vaippiR kAnattAnE.

	aRikari poyttal AnROrkku illai;
	kuRukal Ompumin ciRukuTic celavE-
	itaRku itu mANTatu ennAtu, ataRpaTTu,
	ANTu ozin'tanRE, mAN takai n'ejcam-
	mayiRkaN anna mAN muTip pAvai
	n'uN valaip paratavar maTa makaL
	kaN valaip paTUum kAnalAnE.

	'n'utal pacappu ivarn'tu, titalai vATi,
	n'eTu men paNait tOL cAay, toTi n'ekizn'tu,
	innaL Akutal n'ummin Akum' enac
	collin, evan Am-tOzi!-pal varip
	pAmpu pai avin'tatu pOlak kUmpi,
	koNTalin tolain'ta oN ceg kAn'taL
	kalmicaik kaviyum n'ATaRku, en
	n'al mA mEni azi paTar n'ilaiyE?

	Arkali ERRoTu kAr talaimaNan'ta
	kollaip punatta mullai men koTi
	eyiRu ena mukaiyum n'ATaRkut
	tuyil tuRan'tanavAl-tOzi!-em kaNNE,

	cev varaic cEkkai varuTaimAn maRi
	curai pozi tIm pAl Ara mAn'ti,
	peru varai n'Izal ukaLum n'ATan
	kallinum valiyan-tOzi!-
	valiyan ennAtu meliyum, en n'ejcE.

	mukai muRRinavE mullai; mullaiyoTu
	takai muRRinavE, taN kAr viyan punam-
	vAl izai n'ekizttOr vArAr-
	mAlai van'tanRu, en mAN n'alam kuRittE.

	inRE cenRu varutum; n'ALaik
	kunRu izi aruviyin veN tEr muTuka,
	iLam piRai anna viLagku cuTar n'Emi
	vicumpu vIz koLLiyin paim payir tumippa,
	kAl iyal celavin, mAlai eyti,
	cil n'irai vAl vaLaik kuRumakaL
	pal mAN Akam maNan'tu uvakkuvamE.

	n'eRi irug katuppoTu perun' tOL n'Ivi,
	ceRivaLai n'ekiza, ceyporuTku akanROr
	aRivarkol vAzi-tOzi!-poRi vari
	vej cina aravin pain' talai tumiya
	n'arai urum uraRum arai iruL n'aTun'AL,
	n'al ERu iyagkutoRu iyampum
	pal An tozuvattu oru maNik kuralE?