auvaiyAr

15. pAlai

paRai paTa, paNilam Arppa, iRaikoLpu

tol mUtAlattup potiyil tOnRiya

n'Al Urk kOcar n'al mozi pOla,

vAy AkinRE-tOzi!-Ay kazal

cEyilai veL vEl viTalaiyoTu

tokuvaLai munkai maTan'tai n'aTpE.

uTanpOyina pinRai, tOzi cevilikku aRattoTu n'inRAL. n'iRpa, cevilittAy n'aRRAykku aRattOTu n'inRatu. -auvaiyAr

23. kuRijci

akavanmakaLE! akavanmakaLE!

manavuk kOppu anna n'al n'eTun' kUn'tal

akavanmakaLE! pATuka pATTE;

innum, pATuka, pATTE-avar

n'al n'eTug kunRam pATiya pATTE.

kaTTukkANiya n'inRaviTattu, tOzi aRattOTu n'inRatu. - auvaiyAr

28. pAlai

muTTuvEnkol? tAkkuvEnkol?

OrEn, yAnum: Or peRRi mEliTTu,

'Aa! ol' enak kUvuvEnkol?-

alamaral acaivaLi alaippa, en

uyavu n'Oy aRiyAtu, tujcum UrkkE.

varaiviTai ARRALAyk kavanRa tOzikkuk kizatti uraittatu. - auvaiyAr

29. kuRijci

n'al urai ikan'tu, pul urai tAay,

peyal n'Irkku ERRa pacugkalam pOla

uLLam tAgkA veLLam n'In'ti,

aritu avAvuRRanai-n'ejcE!-n'anRum

peritAl amma n'in pUcal, uyar kOTTu

makavuTai man'ti pOla

akan uRat tazIik kETkun'arp peRinE.

iravukkuRi maRukkappaTTa talaimakan, 'ivar emmai maRuttAr' enRu varain'tu koLLa n'inaiyAtu, pinnum kUTutaRku avAvuRRa n'ejcinai n'Okkik kURiyatu. - auvaiyAr

39. pAlai

'ven' tiRal kaTu vaLi pogkarp pOn'tena,

n'eRRu viLai uzijcil vaRRal Arkkum

malaiyuTai, aruj curam' enpa-n'am

mulaiyiTai munin'ar cenRa ARE.

piriviTai 'ARRal vENTum' enRa tOzikku, 'yAgganam ARRuvEn?' enat tanatu ARRAmai mikuti tOnRat talaimakaL kURiyatu. - auvaiyAr

43. pAlai

'celvAr allar' enRu yAn ikazn'tananE;

'olvAL allaL' enRu avar ikazn'tanarE:

AyiTai, iru pEr ANmai ceyta pUcal,

n'al arAk katuviyAgku, en

allal n'ejcam alamalakkuRumE.

piriviTai melin'ta kizatti colliyatu. - auvaiyAr

80. marutam

kUn'tal Ampal muzu n'eRi aTaicci,

perum punal van'ta irun' tuRai virumpi,

yAm aHtu ayarkam cERum; tAn aHtu

ajcuvatu uTaiyaLAyin, vem pOr

n'ukam paTa kaTakkum pal vEl ezini

munai An peru n'irai pOla,

kiLaiyoTu kAkka, tan kozun'an mArpE.

talaimakaTkup pAgkAyinAr kETpap parattai colliyatu. - auvaiyAr

91. marutam

aril pavarp pirampin varip puRa viLai kani

kuNTu n'Ir ilajcik keNTai katUum

taN tuRai Uran peNTinai Ayin,

pala Akuka, n'in n'ejcil paTarE!

OvAtu Iyum mAri vaN kai,

kaTum pakaTTu yAnai, n'eTun' tEr, ajci

kon munai iravu Ur pOlac

cila Akuka, n'I tujcum n'ALE!

parattaiyarmATTup pirin'ta talaimakan vAyil vENTip pukkavazi, tanvarai ttanRi avan varaittAkit tan n'ejcu n'ekizn'tuzi, talaimakaL atanai n'erugkic colliyatu; p

99. mullai

uLLinen allenO yAnE? uLLi,

n'inain'tanen allenO peritE n'inain'tu,

maruNTanen allenO, ulakattup paNpE?

n'ITiya marAatta kOTu tOy malir n'iRai

iRaittu uNac cenRu aRRAgku,

anaip perug kAmam INTu kaTaikkoLavE.

poruL muRRip pukun'ta talaimakan. 'emmai n'inaittum aRitirO?' enRa tOzikkuc colliyatu. - auvaiyAr

102. n'eytal

uLLin, uLLam vEmE; uLLAtu

iruppin, em aLavaittu anRE; varutti

vAn tOyvaRRE, kAmam;

cAnROr allar, yAm marIiyOrE.

'ARRAL' enak kavanRa tOzikkuk kizatti, 'yAn yAgganam ARRuvEn?' enRatu.- auvaiyAr

158. kuRijci

n'eTu varai marugkin pAmpu paTa iTikkum

kaTu vicai urumin kazaRu kural aLaiik

kAloTu van'ta kamaj cUl mA mazai!

Ar aLi ilaiyO n'IyE? pEr icai

imayamum tuLakkum paNpinai;

tuNai ilar, aLiyar, peNTir; iHtu evanE?

talaimakan iravukkuRi van'tuzi, avan kETpat tOzikkuc colluvALAyc colliyatu.- auvaiyAr.

183. mullai

cenRa n'ATTa konRaiam pacu vI

n'am pOl pacakkum kAlai, tam pOl

ciRu talaip piNaiyin tIrn'ta n'eRi kOTTu

iralai mAnaiyum kANparkol, n'amarE?-

pullen kAyAp pUk kezu peruj cinai

men mayil eruttin tOnRum

pun pula vaippiR kAnattAnE.

paruva varavinkaN, 'ARRAL' enak kavanRa tOzikkuk kizatti uraittatu.- auvaiyAr

200. n'eytal

peyta kunRattup pU n'ARu taN kaluz

mImicait tAay, vIcum vaLi kalan'tu,

izitarum punalum; vArAr-tOzi!-

maRan'tOr manRa; maRavAm n'AmE-

kAla mAri mAlai mA malai

in icai uruminam muralum

mun varal Emam ceytu akanROrE.

paruva varavinkaN ARRALAkiya talaimakaTkut tOzi, 'paruvam anRu; vampu'enRa vazi, talaimakaL colliyatu. - auvaiyAr.

364. marutam

aril pavarp pirampin vari puRa n'Irn'Ay

vALai n'AL irai peRUum Uran

pon kOl avir toTit taR kezu takuvi

eR puRagkURum enpa; teRRena

vaNagku iRaip paNait tOL el vaLai makaLir

tuNagkai n'ALum van'tana av varaik

kaN pora, maRRu atankaN avar

maNam koLaRku ivarum maLLar pOrE.

vERu oru parattai tannaip puRagkURinAL enak kETTa iRparattai avaTkup pAgkAyinAr kETpak kURiyatu. - auvaiyAr

388. kuRijci

n'Ir kAlyAtta n'irai itazk kuvaLai

kOTai oRRinum vATAtAkum;

kavaNai anna pUTTup porutu acAa

umaN eruttu ozukait tOTu n'iraittanna

muLi cinai piLakkum munpu inmaiyin,

yAnai kaimmaTittu uyavum

kAnamum iniya Am, n'ummoTu varinE.

talaimakaL uTanpOkku n'Ern'tamai uNarn'ta talaimakan, curattu vemmaiyum,talaimakaL menmaiyum kuRittu, celavu azugkaluRuvAnait tOzi azugkAmaR kURiyatu. - auvaiyA

	paRai paTa, paNilam Arppa, iRaikoLpu
	tol mUtAlattup potiyil tOnRiya
	n'Al Urk kOcar n'al mozi pOla,
	vAy AkinRE-tOzi!-Ay kazal
	cEyilai veL vEl viTalaiyoTu
	tokuvaLai munkai maTan'tai n'aTpE.

	akavanmakaLE! akavanmakaLE!
	manavuk kOppu anna n'al n'eTun' kUn'tal
	akavanmakaLE! pATuka pATTE;
	innum, pATuka, pATTE-avar
	n'al n'eTug kunRam pATiya pATTE.

	muTTuvEnkol? tAkkuvEnkol?
	OrEn, yAnum: Or peRRi mEliTTu,
	'Aa! ol' enak kUvuvEnkol?-
	alamaral acaivaLi alaippa, en
	uyavu n'Oy aRiyAtu, tujcum UrkkE.

	n'al urai ikan'tu, pul urai tAay,
	peyal n'Irkku ERRa pacugkalam pOla
	uLLam tAgkA veLLam n'In'ti,
	aritu avAvuRRanai-n'ejcE!-n'anRum
	peritAl amma n'in pUcal, uyar kOTTu
	makavuTai man'ti pOla
	akan uRat tazIik kETkun'arp peRinE.

	'ven' tiRal kaTu vaLi pogkarp pOn'tena,
	n'eRRu viLai uzijcil vaRRal Arkkum
	malaiyuTai, aruj curam' enpa-n'am
	mulaiyiTai munin'ar cenRa ARE.

	'celvAr allar' enRu yAn ikazn'tananE;
	'olvAL allaL' enRu avar ikazn'tanarE:
	AyiTai, iru pEr ANmai ceyta pUcal,
	n'al arAk katuviyAgku, en
	allal n'ejcam alamalakkuRumE.

	kUn'tal Ampal muzu n'eRi aTaicci,
	perum punal van'ta irun' tuRai virumpi,
	yAm aHtu ayarkam cERum; tAn aHtu
	ajcuvatu uTaiyaLAyin, vem pOr
	n'ukam paTa kaTakkum pal vEl ezini
	munai An peru n'irai pOla,
	kiLaiyoTu kAkka, tan kozun'an mArpE.

	aril pavarp pirampin varip puRa viLai kani
	kuNTu n'Ir ilajcik keNTai katUum
	taN tuRai Uran peNTinai Ayin,
	pala Akuka, n'in n'ejcil paTarE!
	OvAtu Iyum mAri vaN kai,
	kaTum pakaTTu yAnai, n'eTun' tEr, ajci
	kon munai iravu Ur pOlac
	cila Akuka, n'I tujcum n'ALE!

	uLLinen allenO yAnE? uLLi,
	n'inain'tanen allenO peritE n'inain'tu,
	maruNTanen allenO, ulakattup paNpE?
	n'ITiya marAatta kOTu tOy malir n'iRai
	iRaittu uNac cenRu aRRAgku,
	anaip perug kAmam INTu kaTaikkoLavE.

	uLLin, uLLam vEmE; uLLAtu
	iruppin, em aLavaittu anRE; varutti
	vAn tOyvaRRE, kAmam;
	cAnROr allar, yAm marIiyOrE.

	n'eTu varai marugkin pAmpu paTa iTikkum
	kaTu vicai urumin kazaRu kural aLaiik
	kAloTu van'ta kamaj cUl mA mazai!
	Ar aLi ilaiyO n'IyE? pEr icai
	imayamum tuLakkum paNpinai;
	tuNai ilar, aLiyar, peNTir; iHtu evanE?

	cenRa n'ATTa konRaiam pacu vI
	n'am pOl pacakkum kAlai, tam pOl
	ciRu talaip piNaiyin tIrn'ta n'eRi kOTTu
	iralai mAnaiyum kANparkol, n'amarE?-
	pullen kAyAp pUk kezu peruj cinai
	men mayil eruttin tOnRum
	pun pula vaippiR kAnattAnE.

	peyta kunRattup pU n'ARu taN kaluz
	mImicait tAay, vIcum vaLi kalan'tu,
	izitarum punalum; vArAr-tOzi!-
	maRan'tOr manRa; maRavAm n'AmE-
	kAla mAri mAlai mA malai
	in icai uruminam muralum
	mun varal Emam ceytu akanROrE.

	aril pavarp pirampin vari puRa n'Irn'Ay
	vALai n'AL irai peRUum Uran
	pon kOl avir toTit taR kezu takuvi
	eR puRagkURum enpa; teRRena
	vaNagku iRaip paNait tOL el vaLai makaLir
	tuNagkai n'ALum van'tana av varaik
	kaN pora, maRRu atankaN avar
	maNam koLaRku ivarum maLLar pOrE.

	n'Ir kAlyAtta n'irai itazk kuvaLai
	kOTai oRRinum vATAtAkum;
	kavaNai anna pUTTup porutu acAa
	umaN eruttu ozukait tOTu n'iraittanna
	muLi cinai piLakkum munpu inmaiyin,
	yAnai kaimmaTittu uyavum
	kAnamum iniya Am, n'ummoTu varinE.