kapilar

13. kuRijci

mAcu aRak kazIiya yAnai pOlap

perum peyal uzan'ta irum piNart tuRukal

paital oru talaic cEkkum n'ATan

n'Oy tan'tananE - tOzi!-

pacalai Arn'ta, n'am kuvaLaiam kaNNE.

talaivan tOziyiR kUTTam kUTi, ARRum vakaiyAn ARRuvittup piriya,vERupaTTa kizatti tOzikku uraittatu. - kapilar

18. kuRijci

vEral vEli vEr kOT palavin

cAral n'ATa! cevviyai Akumati!

yAr aHtu aRin'ticinOrE?-cAral

ciRu kOTTup perum pazam tUgkiyAgku, ivaL

uyir tavac ciRitu; kAmamO peritE!

iravukkuRi van'tu n'Igkum talaimakanait tOzi etirppaTTu, varaivu kaTAyatu.-kapilar

25. kuRijci

yArum illai; tAnE kaLvan;

tAn atu poyppin, yAn evan ceykO?

tinai tAL anna ciRu pacug kAla

ozuku n'Ir Aral pArkkum

kurukum uNTu, tAn maNan'ta jAnRE.

varaivu n'ITTitta iTattut talaimakaL tOzikkuc colliyatu. - kapilar

38. kuRijci

kAna majjai aRai In muTTai

veyil ATu mucuvin kuruLai uruTTum

kunRa n'ATan kENmai enRum

n'anRuman vAzi-tOzi!-uNkaN

n'IroTu OrAgkut taNappa,

uLLAtu ARRal valluvOrkkE.

varaivu n'ITTittavazit talaimakaL tanatu ARRAmai tOnRat tOzikkuk kURiyatu. - kapilar

42. kuRijci

kAmam ozivatuAyinum-yAmattuk

karuvi mA mazai vIzn'tena, aruvi

viTarakattu iyampum n'ATa!- em

toTarpum tEyumO, n'invayinAnE?

iravukkuRi vENTiya kizavaRkut tOzi n'Ern'ta vAyppATTAn maRuttatu - kapilar

87. kuRijci

'manRa marAatta pEem mutir kaTavuL

koTiyOrt teRUum' enpa; yAvatum

koTiyar allar em kunRu kezu n'ATar;

pacaiip pacan'tanRu, n'utalE;

jekiza jekizn'tanRu, taTa men tOLE.

talaimakaL teyvattiRkup parAayatu. - kapilar

95. kuRijci

mAl varai izitarum tU veL aruvi

kal mukait tatumpum pal malarc cAraR

ciRukuTik kuRavan perun' tOT kuRumakaL

n'Ir Oranna cAyal

tI Oranna en uran avittanRE.

talaimakan pAgkaRku uraittatu. - kapilar

100. kuRijci

aruvip parappin aivanam vittip

paru ilaik kuLaviyoTu pacu maral kaTkum

kAn'taL am cilampil ciRukuTi pacittena,

kaTug kaN vEzattuk kOTu n'oTuttu uNNum

valvil Ori kollik kuTavaraip

pAvaiyin maTavan'tanaLE-

maNattaRku ariya, paNaip perun' tOLE.

pAgkaRku uraittatu: alla kuRippaTTu mILkinRAn tan n'ejciRkuc colliyatUum Am. - kapilar

106. kuRijci

pul vIz iRRik kal ivar veL vEr

varai izi aruviyin tOnRum n'ATan

tItu il n'ejcattuk kiLavi n'am vayin

van'tanRu-vAzi, tOzi!-n'Amum

n'ey pey tIyin etirkoNTu,

'tAn maNan'tanaiyam' ena viTukam tUtE.

talaimakan tUtu kaNTu, kizatti tOzikkuk kURiyatu. - kapilar

115. kuRijci

peru n'anRu ARRin, pENArum uLarE?

oru n'anRu uTaiyaL Ayinum, puri mANTu,

pulavi tIra aLimati-ilai kavarpu,

ATu amai ozukiya taN n'aRuj cAral,

menn'aTai maraiyA tujcum

n'an malai n'ATa!-n'in alatu ilaLE.

uTanpOkku oruppaTuttu mILum tOzi talaimakaRkuk kURiyatu. - kapilar

121. kuRijci

meyyE, vAzi?-tOzi-cAral

maip paTTanna mA muka mucukkalai

ARRap pAyAt tappal ERRa

kOTToTu pOkiyAgku, n'ATan

tAn kuRi vAyAt tappaRkut

tAm pacan'tana, en taTa men tOLE.

iravukkuRi varum talaimakan ceyyum kuRi piRitu onRanAl n'ikazn'tu, maRRu avan kuRiyai ottavazi, av oppumaiyai meypporuLAka uNarn'tu cenRu, ANTu avanaik kANAtu t

142. kuRijci

cunaippUk kuRRut toTalai taii,

punak kiLi kaTiyum pUg kaT pEtai

tAn aRin'tanRO ilaLE-pAnAL

paLLi yAnaiyin uyirttu, en

uLLam, pinnum, tan uzaiyatuvE!

iyaRkaip puNarcci puNarn'tu n'Igkum talaimakan colliyatu; tOzikkut talaimakan tan kuRai kURiyatUum Am - kapilar

153. kuRijci

kunRak kUkai kuzaRinum, munRiR

palavin iruj cinaik kalai pAyn'tu ukaLinum,

ajcumman; aLittu-en n'ejcam!-iniyE,

Ar iruT kagkul avarvayin

cAral n'IL iTaic celavu AnAtE.

varaiyAtu n'eTugkAlam van'tu ozukukinRuzi, 'n'Am avarai vERupaTuttaRkuk kAraNam ennai?' enRa tOzikku, 'avar varavu n'amatu ARRAmaikkuk kAraNam Am' enat talaimak

187. kuRijci

cev varaic cEkkai varuTaimAn maRi

curai pozi tIm pAl Ara mAn'ti,

peru varai n'Izal ukaLum n'ATan

kallinum valiyan-tOzi!-

valiyan ennAtu meliyum, en n'ejcE.

varaivu n'ITTitta vazi, ARRALAkiya talaimakaLai ARRuvikka vENTit talaimakanai iyaRpazitta tOzikkut talaimakaL iyaRpaTa mozin'tatu. - kapilar

198. kuRijci

yAam konRa maram cuTTa iyavil

karumpu maruL mutala pain' tAT cen' tinai

maTap piTit taTakkai anna pAl vArpu,

karik kuRaTTu iRaijciya ceRik kOT paig kural

paTukiLi kaTikam cERum; aTupOr

eHku viLagku taTak kai malaiyan kAnattu

Aram n'ARum mArpinai,

vAraRkatilla; varukuvaL yAyE.

tOzi kuRiyiTam peyarttuk kURiyatu. - kapilar

208. kuRijci

onREn allEn; onRuven; kunRattup

porukaLiRu mititta n'eritAL vEgkai

kuRavar makaLir kUn'taR peymmAr,

n'inRu koya malarum n'ATanoTu

onREn-tOzi!-onRinAnE,

varai viTai, 'ARRal vENTum' enRa tOzikkuk kizatti uraittatu - kapilar

225. kuRijci

kanRu tan paya mulai mAn'ta, munRil

tinai piTi uNNum perug kal n'ATa!

keTTa iTattu uvan'ta utavi kaTTil

vIRu peRRu maRan'ta mannan pOla,

n'anRi maRan'tu amaiyAy Ayin, men cIrk

kali mayiR kalAvattanna ivaL

oli men kUn'tal uriyavAl n'inakkE.

varaiviTai vaittup pirivARkut tOzi colliyatu. - kapilar

241. kuRijci

yAm em kAmam tAgkavum, tAm tam

kezutakaimaiyin azutana-tOzi!-

kanRu ARRuppaTutta pun talaic ciRAar

manRa vEgkai malar patam n'Okki,

ERAtu iTTa Emap pUcal

viN tOy viTarakattu iyampum

kunRa n'ATaR kaNTa em kaNNE.

piriviTai, 'ARRAL' enak kavanRa tOzikkuk kizatti uraittatu - kapilar

246. n'eytal

'perug kaTaR karaiyatu ciRu veN kAkkai

kaLiRRuc cevi anna pAcaTai mayakki,

panik kazi tuzavum pAnAL, tanittu Or

tEr van'tu peyarn'tatu' enpa. ataRkoNTu,

Orum alaikkum annai; piRarum

pinnu viTu katuppin min izai makaLir

iLaiyarum maTavarum uLarE;

alaiyAt tAyaroTu n'aRpAlOrE.

ciRaippuRam. - kapilar

249. kuRijci

ina mayil akavum maram payil kAnattu,

n'arai muka Ukam pArppoTu panippa,

paTu mazai pozin'ta cAral avar n'ATTuk

kunRam n'Okkinen-tOzi!-

paNTaiyaRRO, kaNTicin, n'utalE?

varaiviTai vaippa, 'ARRAkiRRiyO?' enRa tOzikkuk kizatti uraittatu - kapilar

264.kuRijci

kali mazai kezIiya kAn yARRu ikukarai,

oli n'eTum pIli tuyalvara iyali,

ATu mayil akavum n'ATan n'ammoTu

n'ayan'tanan koNTa kENmai

payan'takAlum, payappu ollAtE.

'ARRAL' enak kavanRa tOzikku, talaimakaL, 'ARRuval' enRatu. - kapilar

288. kuRijci

kaRi vaLar aTukkattu AgkaN, muRi arun'tu

kuragku orugku irukkum perug kal n'ATan

iniyan; Akalin, inattin iyanRa

innAmaiyinum, initO-

initu enappaTUum puttEL n'ATE?

talaimakanatu varavuNarn'tu, 'n'amperumAn n'amakku anpilan' enRa tOzikkuk kizatti uraittatu. - kapilar

291. kuRijci

cuTu puna marugkil kalitta EnaR

paTukiLi kaTiyum koTicci kaik kuLirE

icaiyin icaiyA in pANittE;

kiLi, 'avaL viLi' ena, vizal ollAvE;

atu pulan'tu azuta kaNNE, cAral

kuNTu n'Irp paij cunaip pUtta kuvaLai

vaNTu payil pal itaz kalaii,

taNa tuLikku ERRa malar pOnRavvE.

pAgkaRku uraittatu. - kapilar

312. kuRijci

iraNTu aRi kaLvi n'am kAtalOLE:

muraN koL tuppin cev vEl malaiyan

muLLUrk kAnam n'ARa van'tu,

n'aLLen kagkul n'am OrannaL;

kUn'tal vEyn'ta viravumalar utirttu,

cAn'tu uLar n'aRug katuppu eNNey n'Ivi,

amarA mukattaL Akit

tamar OrannaL, vaikaRaiyAnE.

iravukkuRi van'tu n'IgkukinRa talaimakan, tan n'ejciRku varaiviTai vETpak kURiyatu. - kapilar

355. kuRijci

peyal kAl maRaittalin, vicumpu kANalarE;

n'Ir paran'tu ozukalin, n'ilam kANalarE;

ellai cERalin, iruL peritu paTTanRu;

pallOr tujcum pAnAL kagkul

yAgku van'tanaiyO?-Ogkal veRpa!-

vEgkai kamazum em ciRukuTi

yAgku aRin'tanaiyO? n'OkO yAnE.

iravukkuRi n'Ern'ta talaimakaRkut tOzi n'on'tu kURiyatu. - kapilar

357. kuRijci

muni paTar uzan'ta pATu il uNkaN

pani kAl pOzn'tu, paNai ezil jekiz tOL,

melliya Akalin mEvarat tiraNTu,

n'alla ennum collai manniya-

Enal am ciRu tinai kAkkum cENOn

jekiziyin peyarn'ta n'eTu n'al yAnai

mIn paTu cuTar oLi verUum

vAn tOy veRpan maNavA UgkE.

tOzi kizavan kETkum aNmaiyanAkak kizattikkuc colliyatu. - kapilar

361. kuRijci

amma vAzi, tOzi!-annaikku

uyarn'ilai ulakamum ciRitAl-avar malai

mAlaip peyta maNam kamaz un'tiyoTu

kAlai van'ta muzumutaR kAn'taL

mel ilai kuzaiya muyagkalum,

il uyttu n'aTutalum, kaTiyAtOLE.

varaivu malin'tavazit tOzi, 'n'anku ARRinAy!' enRATkuk kizatti colliyatu.- kapilar

385. kuRijci

palavil cErn'ta pazam Ar inak kalai,

cilai viR kAnavan cen' toTai verIi

ceru uRu kutiraiyin pogki, cAral

iru vetir n'ITu amai tayagkap pAyum

peru varai aTukkattuk kizavOn enRum

anRai anna n'aTpinan;

putuvOrttu amma, iv azugkal UrE.

vERRu varaivu mARRiyatu. - kapilar

	mAcu aRak kazIiya yAnai pOlap
	perum peyal uzan'ta irum piNart tuRukal
	paital oru talaic cEkkum n'ATan
	n'Oy tan'tananE - tOzi!-
	pacalai Arn'ta, n'am kuvaLaiam kaNNE.

	vEral vEli vEr kOT palavin
	cAral n'ATa! cevviyai Akumati!
	yAr aHtu aRin'ticinOrE?-cAral
	ciRu kOTTup perum pazam tUgkiyAgku, ivaL
	uyir tavac ciRitu; kAmamO peritE!

	yArum illai; tAnE kaLvan;
	tAn atu poyppin, yAn evan ceykO?
	tinai tAL anna ciRu pacug kAla
	ozuku n'Ir Aral pArkkum
	kurukum uNTu, tAn maNan'ta jAnRE.

	kAna majjai aRai In muTTai
	veyil ATu mucuvin kuruLai uruTTum
	kunRa n'ATan kENmai enRum
	n'anRuman vAzi-tOzi!-uNkaN
	n'IroTu OrAgkut taNappa,
	uLLAtu ARRal valluvOrkkE.

	kAmam ozivatuAyinum-yAmattuk
	karuvi mA mazai vIzn'tena, aruvi
	viTarakattu iyampum n'ATa!- em
	toTarpum tEyumO, n'invayinAnE?

	'manRa marAatta pEem mutir kaTavuL
	koTiyOrt teRUum' enpa; yAvatum
	koTiyar allar em kunRu kezu n'ATar;
	pacaiip pacan'tanRu, n'utalE;
	jekiza jekizn'tanRu, taTa men tOLE.

	mAl varai izitarum tU veL aruvi
	kal mukait tatumpum pal malarc cAraR
	ciRukuTik kuRavan perun' tOT kuRumakaL
	n'Ir Oranna cAyal
	tI Oranna en uran avittanRE.

	aruvip parappin aivanam vittip
	paru ilaik kuLaviyoTu pacu maral kaTkum
	kAn'taL am cilampil ciRukuTi pacittena,
	kaTug kaN vEzattuk kOTu n'oTuttu uNNum
	valvil Ori kollik kuTavaraip
	pAvaiyin maTavan'tanaLE-
	maNattaRku ariya, paNaip perun' tOLE.

	pul vIz iRRik kal ivar veL vEr
	varai izi aruviyin tOnRum n'ATan
	tItu il n'ejcattuk kiLavi n'am vayin
	van'tanRu-vAzi, tOzi!-n'Amum
	n'ey pey tIyin etirkoNTu,
	'tAn maNan'tanaiyam' ena viTukam tUtE.

	peru n'anRu ARRin, pENArum uLarE?
	oru n'anRu uTaiyaL Ayinum, puri mANTu,
	pulavi tIra aLimati-ilai kavarpu,
	ATu amai ozukiya taN n'aRuj cAral,
	menn'aTai maraiyA tujcum
	n'an malai n'ATa!-n'in alatu ilaLE.

	meyyE, vAzi?-tOzi-cAral
	maip paTTanna mA muka mucukkalai
	ARRap pAyAt tappal ERRa
	kOTToTu pOkiyAgku, n'ATan
	tAn kuRi vAyAt tappaRkut
	tAm pacan'tana, en taTa men tOLE.

	cunaippUk kuRRut toTalai taii,
	punak kiLi kaTiyum pUg kaT pEtai
	tAn aRin'tanRO ilaLE-pAnAL
	paLLi yAnaiyin uyirttu, en
	uLLam, pinnum, tan uzaiyatuvE!

	kunRak kUkai kuzaRinum, munRiR
	palavin iruj cinaik kalai pAyn'tu ukaLinum,
	ajcumman; aLittu-en n'ejcam!-iniyE,
	Ar iruT kagkul avarvayin
	cAral n'IL iTaic celavu AnAtE.

	cev varaic cEkkai varuTaimAn maRi
	curai pozi tIm pAl Ara mAn'ti,
	peru varai n'Izal ukaLum n'ATan
	kallinum valiyan-tOzi!-
	valiyan ennAtu meliyum, en n'ejcE.

	yAam konRa maram cuTTa iyavil
	karumpu maruL mutala pain' tAT cen' tinai
	maTap piTit taTakkai anna pAl vArpu,
	karik kuRaTTu iRaijciya ceRik kOT paig kural
	paTukiLi kaTikam cERum; aTupOr
	eHku viLagku taTak kai malaiyan kAnattu
	Aram n'ARum mArpinai,
	vAraRkatilla; varukuvaL yAyE.

	onREn allEn; onRuven; kunRattup
	porukaLiRu mititta n'eritAL vEgkai
	kuRavar makaLir kUn'taR peymmAr,
	n'inRu koya malarum n'ATanoTu
	onREn-tOzi!-onRinAnE,

	kanRu tan paya mulai mAn'ta, munRil
	tinai piTi uNNum perug kal n'ATa!
	keTTa iTattu uvan'ta utavi kaTTil
	vIRu peRRu maRan'ta mannan pOla,
	n'anRi maRan'tu amaiyAy Ayin, men cIrk
	kali mayiR kalAvattanna ivaL
	oli men kUn'tal uriyavAl n'inakkE.

	yAm em kAmam tAgkavum, tAm tam
	kezutakaimaiyin azutana-tOzi!-
	kanRu ARRuppaTutta pun talaic ciRAar
	manRa vEgkai malar patam n'Okki,
	ERAtu iTTa Emap pUcal
	viN tOy viTarakattu iyampum
	kunRa n'ATaR kaNTa em kaNNE.

	'perug kaTaR karaiyatu ciRu veN kAkkai
	kaLiRRuc cevi anna pAcaTai mayakki,
	panik kazi tuzavum pAnAL, tanittu Or
	tEr van'tu peyarn'tatu' enpa. ataRkoNTu,
	Orum alaikkum annai; piRarum
	pinnu viTu katuppin min izai makaLir
	iLaiyarum maTavarum uLarE;
	alaiyAt tAyaroTu n'aRpAlOrE.

	ina mayil akavum maram payil kAnattu,
	n'arai muka Ukam pArppoTu panippa,
	paTu mazai pozin'ta cAral avar n'ATTuk
	kunRam n'Okkinen-tOzi!-
	paNTaiyaRRO, kaNTicin, n'utalE?

	kali mazai kezIiya kAn yARRu ikukarai,
	oli n'eTum pIli tuyalvara iyali,
	ATu mayil akavum n'ATan n'ammoTu
	n'ayan'tanan koNTa kENmai
	payan'takAlum, payappu ollAtE.

	kaRi vaLar aTukkattu AgkaN, muRi arun'tu
	kuragku orugku irukkum perug kal n'ATan
	iniyan; Akalin, inattin iyanRa
	innAmaiyinum, initO-
	initu enappaTUum puttEL n'ATE?

	cuTu puna marugkil kalitta EnaR
	paTukiLi kaTiyum koTicci kaik kuLirE
	icaiyin icaiyA in pANittE;
	kiLi, 'avaL viLi' ena, vizal ollAvE;
	atu pulan'tu azuta kaNNE, cAral
	kuNTu n'Irp paij cunaip pUtta kuvaLai
	vaNTu payil pal itaz kalaii,
	taNa tuLikku ERRa malar pOnRavvE.

	iraNTu aRi kaLvi n'am kAtalOLE:
	muraN koL tuppin cev vEl malaiyan
	muLLUrk kAnam n'ARa van'tu,
	n'aLLen kagkul n'am OrannaL;
	kUn'tal vEyn'ta viravumalar utirttu,
	cAn'tu uLar n'aRug katuppu eNNey n'Ivi,
	amarA mukattaL Akit
	tamar OrannaL, vaikaRaiyAnE.

	peyal kAl maRaittalin, vicumpu kANalarE;
	n'Ir paran'tu ozukalin, n'ilam kANalarE;
	ellai cERalin, iruL peritu paTTanRu;
	pallOr tujcum pAnAL kagkul
	yAgku van'tanaiyO?-Ogkal veRpa!-
	vEgkai kamazum em ciRukuTi
	yAgku aRin'tanaiyO? n'OkO yAnE.

	muni paTar uzan'ta pATu il uNkaN
	pani kAl pOzn'tu, paNai ezil jekiz tOL,
	melliya Akalin mEvarat tiraNTu,
	n'alla ennum collai manniya-
	Enal am ciRu tinai kAkkum cENOn
	jekiziyin peyarn'ta n'eTu n'al yAnai
	mIn paTu cuTar oLi verUum
	vAn tOy veRpan maNavA UgkE.

	amma vAzi, tOzi!-annaikku
	uyarn'ilai ulakamum ciRitAl-avar malai
	mAlaip peyta maNam kamaz un'tiyoTu
	kAlai van'ta muzumutaR kAn'taL
	mel ilai kuzaiya muyagkalum,
	il uyttu n'aTutalum, kaTiyAtOLE.

	palavil cErn'ta pazam Ar inak kalai,
	cilai viR kAnavan cen' toTai verIi
	ceru uRu kutiraiyin pogki, cAral
	iru vetir n'ITu amai tayagkap pAyum
	peru varai aTukkattuk kizavOn enRum
	anRai anna n'aTpinan;
	putuvOrttu amma, iv azugkal UrE.