4. n'eytal

	n'Om, en n'ejcE; n'Om, en n'ejcE;
	imai tIyppanna kaNNIr tAgki,
	amaitaRku amain'ta n'am kAtalar
	amaivu ilar Akutal, n'Om, en n'ejcE.

5. n'eytal

	atukol, tOzi! kAma n'OyE?-
	vati kuruku uRagkum in n'izaR punnai,
	uTai tirait tivalai arumpum tIm n'Ir,
	mellam pulampan pirin'tena,
	pal itaz uNkaN pATu ollAvE.

6. n'eytal

	n'aLLenRanRE, yAmam; col avin'tu,
	initu aTagkinarE, mAkkaL; munivu inRu,
	n'anan'talai ulakamum tujcum;
	Or yAn manRa tujcAtEnE.

49. n'eytal

	aNiR pal anna kogku mutir muNTakattu
	maNik kEz anna mA n'Irc cErppa!
	immai mARi maRumai Ayinum.
	n'I Akiyar em kaNavanai;
	yAn Akiyar n'in n'ejcu n'ErpavaLE.

51. n'eytal

	kUn muL muNTakak kUrm pani mA malar
	n'Ul aRu muttin kAloTu pARit
	tuRaitoRum parakkum tU maNaR cErppanai
	yAnum kAtalen; yAyum n'ani veyyaL;
	en'taiyum koTIiyarvENTum;
	ampal Urum avanoTu mozimE.

55. n'eytal

	mAk kazi maNi pUk kUmpa, tUt tiraip
	pogku pitirt tuvalaiyoTu magkul taii,
	kaiyaRa van'ta taivaral UtaiyoTu
	innA uRaiyuTTu Akum
	cil n'ATTu amma-ic ciRu n'al UrE.

57. n'eytal

	pU iTaippaTinum yANTu kazin'tanna
	n'Ir uRai makanRiR puNarcci pOlap
	pirivu aritu Akiya taNTAk kAmamoTu,
	uTan uyir pOkukatilla - kaTan aRin'tu,
	iruvEm Akiya ulakattu,
	oruvEm Akiya punmai n'Am uyaRkE.

92. n'eytal

	jAyiRu paTTa akal vAy vAnattu-
	aLiyatAmE-koTuj ciRaip paRavai,
	iRai uRa Ogkiya n'eRi ayal marAatta
	piLLai uLvAyc cerIiya
	irai koNTamaiyin, viraiyumAl celavE.

97. n'eytal

	yAnE INTaiyEnE; en n'alanE
	AnA n'OyoTu kAnalaHtE.
	tuRaivan tam UrAnE;
	maRai alar Aki manRattaHtE.

102. n'eytal

	uLLin, uLLam vEmE; uLLAtu
	iruppin, em aLavaittu anRE; varutti
	vAn tOyvaRRE, kAmam;
	cAnROr allar, yAm marIiyOrE.

103 n'eytal

	kaTum punal toTutta n'aTugku ajar aLLal,
	kavir itaz anna tUvi cev vAy,
	irai tEr n'Araikku evvam Akat
	tUum tuvalait tuyar kUr vATaiyum
	vArAr pOlvar, n'am kAtalar;
	vAzEn pOlval-tOzi!-yAnE.

109. n'eytal

	muT kAl iRavin muTagku puRap perug kiLai
	puNari ikutirai tarUum tuRaivan
	puNariya irun'ta jAnRum,
	innatu mannO, n'al n'utaR kavinE!

114. n'eytal

	n'eytal parappil pAvai kiTappi,
	n'inkuRi van'tanen, iyal tErk koNka!-
	celkam; cela viyagkoNmO-alkalum,
	Aral arun'ta vayiRRa
	n'Arai mitikkum, en makaL n'utalE,

117. n'eytal

	mAri Ampal anna kokkin
	pArval ajciya paruvaral Ir jeNTu
	kaNTal vEr aLaic celIiyar, aNTar
	kayiRu ari eruttin, katazum tuRaivan
	vArAtu amaiyinum amaika!
	ciRiyavum uLa INTu, vilaijar kaivaLaiyE.

118. n'eytal

	puLLum mAvum pulampoTu vatiya
	n'aLLena van'ta n'Ar il mAlai,
	palar puku vAyil aTaippak kaTavun'ar,
	'varuvIr uLIrO?' enavum,
	vArAr-tOzi!-n'am kAtalOrE.

122. n'eytal

	paig kAl kokkin pun puRattanna
	kuNTu n'Ir Ampalum kUmpina; iniyE
	van'tanRu, vAziyO, mAlai!
	oru tAn anRE; kagkulum uTaittE!

123. n'eytal

	iruL tiNin'tanna Irn' taN kozu n'izal,
	n'ilavuk kuvittanna veN maNal oru ciRai,
	karug kOTTup punnaip pUm pozil pulampa,
	innum vArAr; varUum,
	pal mIn vETTattu ennaiyar timilE,

125.n'eytal

	ilagku vaLai n'ekizac cAay, yAnE,
	uLenE vAzi-tOzi!-cAral
	tazai aNi alkul makaLiruLLum
	vizavu mEmpaTTa en n'alanE, paza viRal
	paRai valam tappiya paital n'Arai
	tirai tOy vAgku cinai irukkum
	taNNam tuRaivanoTu, kaNmARinRE,

128. n'eytal

	kuNa kaTal tiraiyatu paRai tapu n'Arai
	tiN tErp poRaiyan toNTi muntuRai
	ayirai Ar iraikku aNavan'tAagkuc
	cEyaL ariyOT paTarti;
	n'Oyai-n'ejcE!-n'Oyp pAlOyE.

145. kuRijci

	uRai pati anRu, it tuRai kezu ciRukuTi-
	kAnal am cErppan koTumai eRRi,
	AnAt tuyaramoTu varun'ti, pAnAL
	tujcAtu uRain'aroTu ucAvAt
	tuyil kaN mAkkaLoTu n'eTTirA uTaittE.

163.n'eytal

	yAr aNagkuRRanai-kaTalE! pUziyar
	ciRu talai veLLait tOTu paran'tanna
	mIn Ar kurukin kAnal am perun'tuRai.
	veL vIt tAzai tirai alai
	n'aLLen kagkulum kETkum, n'in kuralE?

166. n'eytal

	taN kaTaR paTu tirai peyarttalin, veN paRai
	n'Arai n'irai peyarn'tu ayirai Arum,
	UrO n'anRuman, maran'tai;
	oru tani vaikin, pulampu AkinRE.

172. n'eytal

	tAaval ajciRai n'op paRai vAval
	pazumaram paTarum paiyuL mAlai,
	emiyam Aka Igkut tuRan'tOr
	tamiyar Aka iniyarkollO?
	Ez Urp potu vinaikku Or Ur yAtta
	ulai vAgku miti tOl pOlat
	talaivarampu aRiyAtu varun'tum, en n'ejcE.

175. n'eytal

	paruvat tEn n'acaiip pal paRait tozuti,
	uravut tirai poruta tiNimaNal aTaikarai,
	n'anain'ta punnai mAc cinai tokUum
	malarn'ta pUvin mA n'Irc cErppaRku
	iragkEn-tOzi!-'Igku en kol?' enRu,
	piRarpiRar aRiyak kURal
	amain'tAgku amaika; ampal aHtu evanE?

177. n'eytal

	kaTal pATu avin'tu, kAnal mayagki,
	tuRai n'Ir irug kazi pullenRanRE;
	manRalam peNNai maTal cEr vAzkkai
	anRilum paiyena n'aralum; inRu avar
	varuvarkol vAzi-tOzi!-n'Am n'akap
	pulappinum pirivu Agku ajcit
	taNappu arug kAmam taNTiyOrE?

184. n'eytal

	aRikari poyttal AnROrkku illai;
	kuRukal Ompumin ciRukuTic celavE-
	itaRku itu mANTatu ennAtu, ataRpaTTu,
	ANTu ozin'tanRE, mAN takai n'ejcam-
	mayiRkaN anna mAN muTip pAvai
	n'uN valaip paratavar maTa makaL
	kaN valaip paTUum kAnalAnE.

195. n'eytal

	cuTar cinam taNin'tu kunRam cErap
	paTar cuman'tu ezutaru paiyuL mAlai,
	yANTu uLar kollO vENTu vinai muTin'ar?
	'innAtu, iragkum' ennAr annO-
	taivaral acaivaLi mey pAyn'tu Urtarac
	ceyvuRu pAvai anna en
	mey piRitAkutal aRiyAtOrE!

197. n'eytal

	yAtu ceyvAmkol-tOzi!-n'Otaka
	n'Ir etir karuviya kAr etir kiLai mazai
	Utaiam kuLiroTu pEtuRRu mayagkiya
	kUtir uruvin kURRam
	kAtalarp pirin'ta eR kuRittu varumE?

205. n'eytal

	minnuc cey karuviya peyal mazai tUgka
	vicumpu ATu annam paRai n'ivan'tAgku,
	polampaTaip polin'ta veN tEr ERi,
	kalagku kaTaR tuvalai Azi n'anaippa,
	inic cenRananE, iTu maNaR cErppan;
	yAgku aRin'tanRukol-tOzi!-en
	tEm kamaz tiru n'utal Urtarum pacappE?

212. n'eytal

	koNkan Urn'ta koTujci n'eTun' tEr
	teN kaTal aTai karait teLirmaNi olippa,
	kANa van'tu, n'ANap peyarum;
	aLitO tAnE, kAmam;
	viLivatumanRa; n'OkO yAnE.

219. n'eytal

	payappu en mEniyatuvE; n'ayappu avar
	n'Ar il n'ejcattu Ar iTaiyatuvE;
	ceRivum cEN ikan'tanRE; aRivE;
	'AgkaN celkam ezuka' ena, IgkE,
	vallA kURiyirukkum; aL ilait
	taTavu n'ilait tAzaic cErppaRku
	iTamman-tOzi!-'en' n'IrirO?' eninE.

226. n'eytal

	pUvoTu puraiyum kaNNum, vEy ena
	viRal vanappu eytiya tOLum piRai ena
	mati mayakkuRUum n'utalum, n'anRum
	n'allaman; vAzi-tOzi!-alkalum
	tayagku tirai poruta tAzai veN pUk
	kuruku ena malarum perun' tuRai
	virin'Irc cErppanoTu n'akAa UgkE.

227. n'eytal

	pUN vanain'tanna polaj cUTTu n'Emi
	vAL mukam tumippa vaL itaz kuRain'ta
	kUzai n'eytalum uTaittu, ivaN-
	tErOn pOkiya kAnalAnE.

228. n'eytal

	vIz tAz tAzai UzuRu kozu mukai,
	kuruku uLar iRakin, viripu tOTu avizum
	kAnal n'aNNiya ciRukuTi munRil,
	tirai van'tu peyarum enpa-n'at tuRan'tu
	n'eTuj cEN n'ATTAr Ayinum,
	n'ejciRku aNiyarO, taN kaTal n'ATTE.

230. n'eytal

	amma vAzi, tOzi! koNkan-
	tAn atu tuNikuvanallan; yAn en
	pEtaimaiyAl perun'takai kezumi,
	n'Otakac ceytatu onRu uTaiyEnkollO?-
	vayac cuRA vazagku n'Ir attam
	tavac cil n'ALinan varavu aRiyAnE.

236. n'eytal

	viTTena viTukkum n'AL varuka; atu n'I
	n'on'tanai Ayin, tan'tanai cenmO!-
	kunRattanna kuvavu maNal aTaikarai
	n'inRa punnai n'ilam tOy paTu cinai
	vampa n'Arai cEkkum
	taN kaTaR cErppa!-n'I uNTa en n'alanE.

243. n'eytal

	mAn aTi anna kavaTTilai aTumpin
	tAr maNi anna oN pUk kozuti,
	oN toTi makaLir vaNTal ayarum
	puL imiz perug kaTaR cErppanai
	uLLEn-tOzi!-paTIiyar, en kaNNE.

245. n'eytal

	kaTal am kAnal Ayam Ayn'ta en
	n'alam izan'tataninum, n'ani innAtE-
	vAL pOl vAya kozu maTal tAzai
	mAlai vEl n'ATTu vEli Akum
	mellam pulampan koTumai
	pallOr aRiyap paran'tu veLippaTinE.

246. n'eytal

	'perug kaTaR karaiyatu ciRu veN kAkkai
	kaLiRRuc cevi anna pAcaTai mayakki,
	panik kazi tuzavum pAnAL, tanittu Or
	tEr van'tu peyarn'tatu' enpa. ataRkoNTu,
	Orum alaikkum annai; piRarum
	pinnu viTu katuppin min izai makaLir
	iLaiyarum maTavarum uLarE;
	alaiyAt tAyaroTu n'aRpAlOrE.

248. n'eytal

	atu varal anmaiyO aritE; avan mArpu
	uRuka enRa n'ALE kuRuki,
	Igku AkinRE-tOzi!-kAnal
	ATu arai putaiyak kOTai iTTa
	aTumpu ivar maNaR kOTu Ura, n'eTum panai
	kuRiya Akum tuRaivanaip
	periya kURi yAy aRin'tanaLE.

269. n'eytal

	cEyARu cenRu, tunaipari acAvAtu,
	ucAvun'arp peRinE n'anRuman tilla-
	vayac cuRA eRin'ta puN taNin'tu, en'taiyum
	n'Il n'iRap perug kaTal pukkanan; yAyum
	uppai mARi veNNel tarIiya
	uppu viLai kazanic cenRanaL; atanAl,
	pani iru parappin cErppaRku,
	'ini varin eLiyaL' ennum tUtE.

290. n'eytal

	'kAmam tAgkumati' enpOrtAm aHtu
	aRiyalarkollO? anai matukaiyar kol?
	yAm, em kAtalark kANEm Ayin,
	ceRituni perukiya n'ejcamoTu, perun'Irk
	kal poru ciRu n'urai pOla,
	mellamella illAkutumE.

294. n'eytal

	kaTal uTan ATiyum, kAnal alkiyum,
	toTalai AyamoTu tazUuaNi ayarn'tum,
	n'otumalar pOlak katumena van'tu,
	muyagkinan celinE, alarn'tanRu mannE;
	tuttip pAn'taL paittu akal alkul
	tirun'tuizait tuyalvuk kOTTu acaitta pacug kuzait
	tazaiyinum, uzaiyin pOkAn;
	tAn tan'tanan, yAy kAttu OmpallE,

296. n'eytal

	amma vAzi-tOzi!-punnai
	alagkucinai irun'ta am ciRai n'Arai
	uRukazic ciRu mIn munaiyin, ceRuvil
	kaL n'ARu n'eytal katiroTu n'ayakkum
	taNNam tuRaivaR kANin, mun n'inRu,
	kaTiya kazaRal Ompumati-'toTiyOL
	innaL Akat tuRattal
	n'ummin takumO?' enRanai tuNin'tE.

299. n'eytal

	itu maRRu evanO-tOzi! mutu n'Irp
	puNari tiLaikkum puL imiz kAnal,
	iNar vIz punnai ekkar n'Izal,
	puNarkuRi vAytta jAnRaik koNkaR
	kaNTanaman, em kaNNE; avan col
	kETTanaman em ceviyE; maRRu-avan
	maNappin mANn'alam eyti,
	taNappin jekizpa, em taTa men tOLE?

303. n'eytal

	kazi tErn'tu acaiiya karug kAl veN kuruku
	aTaikarait tAzaik kuzIi, perug kaTal
	uTaitirai oliyin tujcum tuRaiva!
	tol n'ilai n'ekizn'ta vaLaiyaL, Igkup
	pacan'tanaLman en tOzi-ennoTum
	in iNarp punnaiam pukar n'izal
	pon vari alavan ATTiya jAnRE.

304. n'eytal

	kolvinaip polin'ta kUr vAy eRiuLi
	mukam paTa maTutta muLivetir n'On kAz
	tAgku aru n'Irc curattu eRin'tu, vAgku vicaik
	koTun' timiR paratavar kOTTu mIn eRiya,
	n'eTug karai irun'ta kuRug kAl annattu
	veN tOTu iriyum vI tatai kAnal,
	kaitaiam taN punaR cErppanoTu
	ceytanemmanRa, Or pakai taru n'aTpE.

306. n'eytal

	'melliya, iniya, mEvaru takun'a,
	ivai moziyAm' enac collinum, avai n'I,
	maRattiyO vAzi-en n'ejcE!-pala uTan
	kAmar mAattut tAtu amar pUvin
	vaNTu vIzpu ayarum kAnal-
	teN kaTal cErppanaik kaNTa pinnE?

310. n'eytal

	puLLum pulampina; pUvum kUmpina;
	kAnalum pulampu n'ani uTaittE; vAnamum,
	n'ammE pOlum mammarttu Aki,
	ellai kaziyap pullenRanRE;
	innum uLenE-tOzi!-in' n'ilai
	taNNiya kamazum jAzal
	taNNam tuRaivaRku uraikkun'arp peRinE.

311. n'eytal

	alar yAgku oziva-tOzi!-perug kaTal
	pulavu n'ARu akan tuRai valavan tAgkavum,
	n'illAtu kazin'ta kallen kaTun' tEr
	yAn kaNTanROilanE; pAnAL
	Ogkal veN maNal tAzn'ta punnait
	tAtu cEr n'ikarmalar koyyum
	Ayam ellAm uTan kaNTanRE?

312. kuRijci

	iraNTu aRi kaLvi n'am kAtalOLE:
	muraN koL tuppin cev vEl malaiyan
	muLLUrk kAnam n'ARa van'tu,
	n'aLLen kagkul n'am OrannaL;
	kUn'tal vEyn'ta viravumalar utirttu,
	cAn'tu uLar n'aRug katuppu eNNey n'Ivi,
	amarA mukattaL Akit
	tamar OrannaL, vaikaRaiyAnE.

316. n'eytal

	Ay vaLai jekizavum, ayarvu mey n'iRuppavum,
	n'Oy mali varuttam annai aRiyin,
	uLenO vAzi-tOzi!-viLiyAtu,
	uravuk kaTal poruta viravu maNal aTaikarai
	Orai makaLir OrAgku ATTa,
	Ayn'ta alavan tunpuRu tunaipari
	Ogku varal viritirai kaLaiyum
	tuRaivan collO piRa AyinavE?

318. n'eytal

	eRi cuRAk kalitta ilagku n'Irp parappin,
	n'aRu vI jAzaloTu punnai tAay,
	veRi ayar kaLattinin tOnRum tuRaivan
	kuRiyAn Ayinum, kuRippinum, piRitu onRu
	aRiyARku uraippalO, yAnE? eytta ip
	paNai ezil men tOL aNaiiya an' n'AL
	pizaiyA vajcinam ceyta
	kaLavanum, kaTavanum, puNaivanum, tAnE.

320. n'eytal

	perug kaTaR paratavar kOL mIn uNagkalin
	irug kazik koNTa iRavin vATaloTu,
	n'ilavu n'iRa veN maNal pulava, pala uTan,
	ekkartoRum parikkum tuRaivanoTu, oru n'AL,
	n'akkatOr paziyum ilamE pOtu aviz
	pon iNar marIiya puL imiz pogkarp
	punnaiam cEri iv Ur
	kon alar tURRum, tan koTumaiyAnE.

324. n'eytala

	koTun' tAL mutalaik kOL val ERRai
	vazi vazakku aRukkum kAnal am perun' tuRai,
	ina mIn irug kazi n'In'ti, n'I n'in
	n'ayan uTaimaiyin varuti; ivaL tan
	maTan uTaimaiyin uvakkum; yAn atu,
	kavai maka n'ajcu uNTAagku,
	ajcuval-peruma!-en n'ejcattAnE.

325. n'eytal

	'cERum cERum' enRalin, paNTait tam
	mAyac celavAc cettu, 'marugku aRRu
	mannik kazika' enREnE; annO!
	Acu Aku en'tai yANTu uLankollO?
	karug kAl veN kuruku mEyum
	perug kuLam AyiRRu, en iTaimulai n'iRain'tE.

326. n'eytal

	tuNaitta kOtaip paNaip perun' tOLinar
	kaTal ATu makaLir kAnal izaitta
	ciRu manaip puNarn'ta n'aTpE-tOzi!-
	oru n'AL tuRaivan tuRappin,
	pal n'AL varUum innAmaittE,

328. n'eytal

	ciRu vI jAzal vEr aLaip paLLi
	alavan ciRu manai citaiya, puNari
	kuNil vAy muracin iragkum tuRaivan
	n'alkiya n'AL tavac cilavE; alarE,
	vil kezu tAnai vicciyar perumakan
	vEn'taroTu poruta jAnRai, pANar
	puli n'Okku uRaz n'ilai kaNTa
	kali kezu kuRumpUr Arppinum peritE.

334. n'eytal

	ciRu veN kAkkaic cev vAyp perun'tOTu
	eRi tirait tivalai Irm puRam n'anaippa,
	pani pulan'tu uRaiyum pal pUg kAnal
	iru n'Irc cErppan n'Ippin, oru n'am
	in uyir allatu, piRitu onRu
	evanO-tOzi!-n'Am izappatuvE?

340. n'eytal

	kAmam kaTaiyin kAtalarp paTarn'tu,
	n'Am avarp pulampin, n'ammOTu Aki,
	oru pAR paTutal cellAtu, AyiTai,
	azuvam n'inRa alar vErk kaNTal
	kazi peyar marugkin olki, Otam
	peyartarap peyartan'tAgku,
	varun'tum-tOzi!-avar irun'ta en n'ejcE.

341. n'eytal

	pal vI paTariya pacu n'anai kuravam
	porip pUm punkoTu pozil aNik koLAac
	cinai initu Akiya kAlaiyum, kAtalar
	pENAr Ayinum, 'periyOr n'ejcattuk
	kaNNiya ANmai kaTavatu anRu' ena,
	valiyA n'ejcam valippa,
	vAzvEn-tOzi!-en vankaNAnE.

345. n'eytal

	izai aNin'tu iyalvarum koTujci n'eTun' tEr
	varai maruL n'eTu maNal tavirttanir acaiit
	tagkinir Ayin, tavaRO-takaiya
	tazai tAz alkul ivaL pulampu akala-
	tAzai taiiya tayagkutiraik koTug kazi
	izumena olikkum AgkaN
	perun'Ir vEli em ciRu n'al UrE?

349. n'eytal

	'aTumpu aviz aNi malar citaiiya mIn arun'ti,
	taTan' tAL n'Arai irukkum ekkart
	taNNam tuRaivaR toTuttu, n'am n'alam
	koLvAm' enRi-tOzi!-koLvAm;
	iTukkaN ajci iran'tOr vENTiya
	koTuttu 'avai tA' enak kURalin,
	innAtO, n'am in uyir izappE?

351. n'eytal

	vaLaiyOy! uvan'ticin-viraivuRu koTun' tAL
	aLai vAz alavan kUr ukir varitta
	Ir maNal malir n'eRi citaiya, izumena
	urum icaip puNari uTaitarum tuRaivaRku
	urimai ceppinar n'amarE; virialarp
	punnai Ogkiya pulAl am cEri
	in n'akai AyattArOTu
	innum aRRO, iv azugkal UrE?

372. kuRijci

	panait talaik-karukku uTai n'eTu maTal kuruttoTu mAya,
	kaTu vaLi tokutta n'eTu veN kuppaik
	kaNam koL cimaiya uNagkum kAnal,
	Azi talaivIciya ayirc cERRu aruvik
	kUzai pey ekkark kuzIiya patukkai
	pular patam koLLA aLavai,
	alar ezun'tanRu, iv azugkal UrE.

376. n'eytal

	man uyir aRiyAt tun arum potiyil
	cUruTai aTukkattu Aram kaTuppa,
	vEnilAnE taNNiyaL; paniyE,
	vAgkukatir tokuppak kUmpi, aiyena,
	alagku veyil potin'ta tAmarai
	uLLakattanna ciRu vemmaiyaLE.

381. n'eytal

	tol kavin tolain'tu, tOL n'alam cAay
	allal n'ejcamOTu alkalum tujcAtu,
	pacalai Aki, viLivatukollO-
	veN kuruku n'aralum taN kamaz kAnal,
	pU mali potumpar n'ALmalar mayakki,
	vilagku tirai uTaitarum tuRaivanoTu
	ilagku eyiRu tOnRa n'akkatan payanE?

386. n'eytal

	veN maNal virin'ta vI tatai kAnal
	taNNan' tuRaivan taNavA UgkE,
	vAl izai makaLir vizavu aNik kUTTum
	mAlaiyO aRivEnmannE; mAlai
	n'ilam paran'tanna punkaNoTu
	pulampu uTaittu Akutal aRiyEn yAnE.

397. n'eytal

	n'anai mutir jAzaR tinai maruL tiraL vI
	n'eytal mA malarp peyta pOla
	Utai tURRum uravu n'Irc cErppa!
	tAy uTanRu alaikkum kAlaiyum, vAyviTTu,
	'annAy!' ennum kuzavi pOla,
	innA ceyinum initu talaiyaLippinum,
	n'in varaippinaL en tOzi;
	tan uRu vizumam kaLaijarO ilaLE.

401. n'eytal

	aTumpin Ay malar viraii, n'eytal
	n'eTun' toTai vEyn'ta n'Ir vAr kUn'tal
	Orai makaLir ajci, Ir jeNTu
	kaTalil parikkum tuRaivanoTu, oru n'AL,
	n'akku viLaiyATalum kaTin'tanRu,
	aitE kamma, mey tOy n'aTpE!
	vERupATu kaNTu iRceRikkappaTTa talaimakaL, tannuLLE colliyatu. - ammUvan