talaivi |
3. kuRijci |
n'ilattinum peritE; vAninum uyarn'tanRu; |
|
n'Irinum Ar aLavinRE- cAral |
|
karug kOl kuRijcippUk koNTu, |
|
perun'tEn izaikkum n'ATanoTu n'aTpE. |
|
talaimakan ciRaippuRamAka, avan varain'tu koLvatu vENTi, tOzi iyaR pazittavazi, talaimakaL iyaRpaTa mozin'tatu. - tEvakulattAr |
4. n'eytal |
n'Om, en n'ejcE; n'Om, en n'ejcE; |
|
imai tIyppanna kaNNIr tAgki, |
|
amaitaRku amain'ta n'am kAtalar |
|
amaivu ilar Akutal, n'Om, en n'ejcE. |
|
piriviTai 'ARRAL' enak kavanRa tOzikkuk kizatti uraittatu. - kAmajcEr kuLattAr |
5. n'eytal |
atukol, tOzi! kAma n'OyE?- |
|
vati kuruku uRagkum in n'izaR punnai, |
|
uTai tirait tivalai arumpum tIm n'Ir, |
|
mellam pulampan pirin'tena, |
|
pal itaz uNkaN pATu ollAvE. |
|
piriviTai 'ARRAL' enak kavanRa tOzikkuk kizatti uraittatu. - n'ari verUuttalaiyAr |
6. n'eytal |
n'aLLenRanRE, yAmam; col avin'tu, |
|
initu aTagkinarE, mAkkaL; munivu inRu, |
|
n'anan'talai ulakamum tujcum; |
|
Or yAn manRa tujcAtEnE. |
|
varaiviTai vaittup pirin'tavazi ARRALAkiya talaimakaL tOziyai n'erugkic colliyatu. - patumanAr |
11. pAlai |
kOTu Ir ilagku vaLai n'ekiza, n'ALum |
|
pATu ila kalizum kaNNoTu pulampi, |
|
Igku ivaN uRaitalum uykuvam; AgkE |
|
ezu, ini-vAzi, en n'ejcE!-munAtu, |
|
kullaik kaNNi vaTukar munaiyatu |
|
val vER kaTTi n'al n'ATTu umpar |
|
mozi peyar tEettar Ayinum, |
|
vazipaTal cUzn'ticin, avaruTai n'ATTE. |
|
talaimakaL tan n'ejciRkuc colluvALAyt tOzi kETpac colliyatu. - mAmUlanAr |
12. pAlai |
eRumpi aLaiyin kuRum pal cunaiya |
|
ulaikkal anna pARai ERi, |
|
koTu vil eyinar, pakazi mAykkum |
|
kavalaittu enpa, avar tEr cenRa ARE; |
|
atu maRRu avalam koLLAtu, |
|
n'otumal kazaRum, iv azugkal UrE. |
|
'ARRAL' enak kavanRa tOzikkuk kizatti uraittatu. - OtalAn'taiyAr |
13. kuRijci |
mAcu aRak kazIiya yAnai pOlap |
|
perum peyal uzan'ta irum piNart tuRukal |
|
paital oru talaic cEkkum n'ATan |
|
n'Oy tan'tananE - tOzi!- |
|
pacalai Arn'ta, n'am kuvaLaiam kaNNE. |
|
talaivan tOziyiR kUTTam kUTi, ARRum vakaiyAn ARRuvittup piriya,vERupaTTa kizatti tOzikku uraittatu. - kapilar |
20. pAlai |
aruLum anpum n'Ikki, tuNai tuRan'tu, |
|
poruLvayiR pirivOr uravOr Ayin, |
|
uravOr uravOr Aka! |
|
maTavam Aka, maTan'tai, n'AmE! |
|
celavuNarttiya tOzikkuk kizatti uraittatu. - kOpperuj cOzan |
21. mullai |
vaNTu paTat tatain'ta koTi iNar iTaiyiTupu, |
|
pon cey punai izai kaTTiya makaLir |
|
katuppin tOnRum putup pUg konRaik |
|
kAnam, 'kAr' enak kURinum, |
|
yAnO tEREn; avar poy vazagkalarE. |
|
paruvam varun'tuNaiyum ARRuvitta tOzi, 'avar varal kuRitta paruva varavin kaN ini ARRuvikkumARu evvARu?' enRu tannuLLE kavanRATku, avaLatu kuRippu aRin'ta talai |
24. mullai |
karug kAl vEmpin oN pU yANar |
|
ennai inRiyum kazivatukollO? |
|
ARRu ayal ezun'ta veN kOTTu atavattu |
|
ezu kuLiRu mititta oru pazam pOlak |
|
kuzaiya, koTiyOr n'AvE, |
|
kAtalar akala, kallenRavvE. |
|
paruvag kaNTu ARRALAkiya kizatti uraittatu. - paraNar |
25. kuRijci |
yArum illai; tAnE kaLvan; |
|
tAn atu poyppin, yAn evan ceykO? |
|
tinai tAL anna ciRu pacug kAla |
|
ozuku n'Ir Aral pArkkum |
|
kurukum uNTu, tAn maNan'ta jAnRE. |
|
varaivu n'ITTitta iTattut talaimakaL tOzikkuc colliyatu. - kapilar |
27. pAlai |
kanRum uNNAtu, kalattinum paTAtu, |
|
n'al An tIm pAl n'ilattu ukkAagku, |
|
enakkum AkAtu, ennaikkum utavAtu, |
|
pacalai uNIiyar vENTum- |
|
titalai alkul en mAmaik kavinE. |
|
piriviTai 'ARRAL' enak kavanRa tOzikkuk kizatti uraittatu. - veLLi vItiyAr |
28. pAlai |
muTTuvEnkol? tAkkuvEnkol? |
|
OrEn, yAnum: Or peRRi mEliTTu, |
|
'Aa! ol' enak kUvuvEnkol?- |
|
alamaral acaivaLi alaippa, en |
|
uyavu n'Oy aRiyAtu, tujcum UrkkE. |
|
varaiviTai ARRALAyk kavanRa tOzikkuk kizatti uraittatu. - auvaiyAr |
30. pAlai |
kETTicin vAzi-tOzi!-alkal, |
|
poyvalALan mey uRa marIiya |
|
vAyt takaip poyk kanA maruTTa, ERRu ezun'tu, |
|
amaLi taivan'tananE; kuvaLai |
|
vaNTu paTu malarin cAayt' |
|
tamiyen; manRa aLiyen yAnE! |
|
'avar n'innai varain'tu kOTal kAraNattAl piriyavum, n'I ARRiyirAtu,ARRAyAkinRatu en?' ena vinAya tOzikkut talaimakaL,'yAn ARRiyuLLEnAkavum, kanavu van'tu ennai |
31. marutam |
maLLar kuzIiya vizavinAnum, |
|
makaLir tazIiya tuNagkaiyAnum, |
|
yANTum kANEn, mAN takkOnai; |
|
yAnum Or ATukaLa makaLE; en kaik |
|
kOTu Ir ilagku vaLai n'ekiztta |
|
pITu kezu kuricilum, Or ATukaLa makanE. |
|
n'otumalar varaivuzit tOzikkut talaimakaL aRattOTu n'inRatu. - Atiman'ti |
33. marutam |
annAy! ivan Or iLa mANAkkan; |
|
tan Ur manRattu ennankollO? |
|
iran'tUN n'irampA mEniyoTu |
|
virun'tin Urum peruj cemmalanE. |
|
vAyilAkap pukka pANan kETpa, tOziyai n'Okki, talaimakaL vAyil n'ErvAL kURiyatu. - paTumarattu mOcikIran |
35. marutam |
n'AN ila manRa, em kaNNE-n'AL n'Erpu, |
|
cinaip pacumpAmpin cUl mutirppanna |
|
kanaitta karumpin kUmpu poti aviza |
|
n'uN uRai azituLi talaiiya |
|
taN varal vATaiyum, pirin'ticinOrkku azalE. |
|
piriviTai melin'ta kizatti tOzikkuc colliyatu. - kazArk kIran eyiRRi |
36. kuRijci |
tuRukal ayalatu mANai mAk koTi |
|
tujcu kaLiRu ivarum kunRa n'ATan, |
|
n'ejcu kaLan Aka, 'n'Iyalen yAn' ena, |
|
n'aRROL maNan'ta jAnRai, maRRu-avan |
|
tAvA vajcinam uraittatu |
|
n'OyO-tOzi!-n'in vayinAnE? |
|
'varaiviTai vaittup piriya ARRAL' enak kavanRu vERupaTTa tOziyaittalaimakaL ARRuvittatu. - paraNar |
38. kuRijci |
kAna majjai aRai In muTTai |
|
veyil ATu mucuvin kuruLai uruTTum |
|
kunRa n'ATan kENmai enRum |
|
n'anRuman vAzi-tOzi!-uNkaN |
|
n'IroTu OrAgkut taNappa, |
|
uLLAtu ARRal valluvOrkkE. |
|
varaivu n'ITTittavazit talaimakaL tanatu ARRAmai tOnRat tOzikkuk kURiyatu. - kapilar |
39. pAlai |
'ven' tiRal kaTu vaLi pogkarp pOn'tena, |
|
n'eRRu viLai uzijcil vaRRal Arkkum |
|
malaiyuTai, aruj curam' enpa-n'am |
|
mulaiyiTai munin'ar cenRa ARE. |
|
piriviTai 'ARRal vENTum' enRa tOzikku, 'yAgganam ARRuvEn?' enat tanatu ARRAmai mikuti tOnRat talaimakaL kURiyatu. - auvaiyAr |
41. pAlai |
kAtalar uzaiyar Akap peritu uvan'tu, |
|
cARu koL Urin pukalvEn manRa; |
|
attam n'aNNiya am kuTic cIRUr |
|
makkaL pOkiya aNil ATu munRil |
|
pulappil pOlap pullenRu |
|
alappen-tOzi!-avar akanRa jAnRE. |
|
piriviTai vERupATu kaNTu kavanRa tOzikkuk kizatti uraittatu.- aNilATu munRilAr |
43. pAlai |
'celvAr allar' enRu yAn ikazn'tananE; |
|
'olvAL allaL' enRu avar ikazn'tanarE: |
|
AyiTai, iru pEr ANmai ceyta pUcal, |
|
n'al arAk katuviyAgku, en |
|
allal n'ejcam alamalakkuRumE. |
|
piriviTai melin'ta kizatti colliyatu. - auvaiyAr |
46. marutam |
AmpaR pUvin cAmpal anna |
|
kUmpiya ciRakar manai uRai kurIi |
|
munRil uNagkal mAn'ti, manRattu |
|
eruvin n'uN tAtu kuTaivana ATi, |
|
il iRaip paLLit tam piLLaiyoTu vatiyum |
|
punkaN mAlaiyum, pulampum, |
|
inRukol-tOzi!-avar cenRa n'ATTE? |
|
piriviTai 'ARRAL' enak kavanRa tOzikkuk kizatti ARRuval enpatupaTac colliyatu. - mAmilATan. |
49. n'eytal |
aNiR pal anna kogku mutir muNTakattu |
|
maNik kEz anna mA n'Irc cErppa! |
|
immai mARi maRumai Ayinum. |
|
n'I Akiyar em kaNavanai; |
|
yAn Akiyar n'in n'ejcu n'ErpavaLE. |
|
talaimakan parattaimATTup pirin'tavazi ARRALAkiya talaimakaL avanaik kaNTa vazi avvARRAmai n'IgkumanRE; n'Igkiyavazi, paLLiyiTattAnAkiya talaimakaRkuc colliyatu |
50. marutam |
aiyavi anna ciRu vI jAzal |
|
cevvi marutin cemmaloTu tAayt |
|
tuRai aNin'tanRu, avar UrE; iRai iRan'tu |
|
ilagku vaLai n'ekiza, cAayp |
|
pulampu aNin'tanRu, avar maNan'ta tOLE. |
|
kizavaRkup pAgkAyina vAyilkaTkuk kizatti colliyatu. - kunRiyanAr |
54. kuRijci |
yAnE INTaiyEnE; en n'alanE, |
|
Enal kAvalar kavaN oli verIik |
|
kAna yAnai kai viTu pacug kazai |
|
mIn eRi tUNTilin n'ivakkum |
|
kAnaka n'ATanoTu, ANTu, ozin'tanRE. |
|
varaivu n'ITTittavazi ARRALAkiya talaimakaL tOzikkuc colliyatu.- mIneRi tUNTilAr |
57. n'eytal |
pU iTaippaTinum yANTu kazin'tanna |
|
n'Ir uRai makanRiR puNarcci pOlap |
|
pirivu aritu Akiya taNTAk kAmamoTu, |
|
uTan uyir pOkukatilla - kaTan aRin'tu, |
|
iruvEm Akiya ulakattu, |
|
oruvEm Akiya punmai n'Am uyaRkE. |
|
kAppu mikutikkaN ARRALAkiya talaimakaL tOzikkuc colliyatu.- ciRaikkuTi An'taiyAr |
60. kuRijci |
kuRun' tAT kUtaLi ATiya n'eTu varaip |
|
perun'tEn kaNTa irun'g kAl muTavan, |
|
uTkaic ciRu kuTai kOli, kIz irun'tu, |
|
cuTTupu n'akkiyAgku, kAtalar |
|
n'alkAr n'ayavAr Ayinum, |
|
pal kAl kANTalum, uLLattukku initE. |
|
piriviTai ARRAmaiyAn talaimakaL tOzikku uraittatu. - paraNar |
64. mullai |
pal A n'eTu n'eRikku akanRu van'tena, |
|
pun talai manRam n'Okki, mAlai |
|
maTak kaN kuzavi alamvan'tanna |
|
n'OyEm Akutal aRin'tum, |
|
cEyar-tOzi!-cEy n'ATTOrE. |
|
piriviTai ARRAmai kaNTu, 'varuvar' enac colliya tOzikkuk kizatti uraittatu. - karuvUrk katappiLLai |
65. mullai |
van paraR teL aRal parukiya iralai tan |
|
inpuRu tuNaiyoTu maRuvan'tu ukaLa, |
|
tAn van'tanRE, taLi taru taN kAr- |
|
vArAtu uRaiyun'ar varal n'acaii |
|
varun'ti n'on'tu uRaiya irun'tirO enavE. |
|
paruvag kaNTu azin'ta talaimakaL tOzikku uraittatu. - kOvUr kizAr |
67. pAlai |
uLLArkollO-tOzi!-kiLLai |
|
vaLai vAyk koNTa vEppa oN pazam |
|
putu n'AN n'uzaippAn n'uti mAN vaL ukirp |
|
polag kala oru kAcu Eykkum |
|
n'ilam kari kaLLiam kATu iRan'tOrE? |
|
piriviTai ARRAta talaimakaL tOzikku uraittatu. - aLLUr n'anmullai |
68. kuRijci |
pUzk kAl anna ceg kAl uzun'tin |
|
UzppaTu mutu kAy uzaiyinam kavarum |
|
arum pani aRciram tIrkkum |
|
marun'tu piRitu illai; avar maNan'ta mArpE. |
|
piriviTaik kizatti melin'tu kURiyatu. - aLLUr n'anmullai |
75. marutam |
n'I kaNTanaiyO? kaNTArk kETTanaiyO?- |
|
onRu teLiya n'acaiyinam; mozimO! |
|
veN kOTTu yAnai cONai paTiyum |
|
pon mali pATali peRIiyar!- |
|
yArvAyk kETTanai, kAtalar varavE? |
|
talaimakan varavuNarttiya pANarkkut talaimakaL kURiyatu. - paTumarattu mOcikIranAr |
76. kuRijci |
kAn'taL vEli Ogku malai n'al n'ATTuc |
|
celpa enpavO, kal varai mArpar- |
|
cilampil cEmpin alagkal vaL ilai |
|
perug kaLiRRuc ceviyin mAnat taii, |
|
taN varal vATai tUkkum |
|
kaTum pani aRciram n'aTugku ajar uRavE. |
|
pirivuNarttac cenRa tOzikku avar pirivu munnar uNarn'ta talaimakaL colliyatu.- kiLLimagkalagkizAr |
77. pAlai |
amma vAzi, tOzi!-yAvatum, |
|
tavaRu enin, tavaRO ilavE-vej curattu |
|
ulan'ta vampalar uval iTu patukkai |
|
n'eTu n'al yAnaikku iTu n'izal Akum |
|
ariya kAnam cenROrkku |
|
eLiya Akiya taTa men tOLE. |
|
pirivinkaN ARRALAkiya talaimakan tOzikkuc colliyatu. - maturai marutan iLan'AkanAr |
79. pAlai |
kAna yAnai tOl n'ayan'tu uNTa |
|
poritAL Omai vaLi poru n'eTuj cinai |
|
alagkal ulavai ERi, oyyenap |
|
pulampu taru kurala puRavup peTai payirum |
|
attam n'aNNiya am kuTic cIRUrc |
|
cErn'tanarkollO tAmE-yAm tamakku |
|
ollEm enRa tappaRkuc |
|
collAtu Ekal valluvOrE. |
|
poruLvayiR pirin'ta talaimakanai n'inain'ta talaimakaL tOzikkuc colliyatu.- kuTavAyiR kIranakkan |
82. kuRijci |
vAr uRu vaNar katuppu uLari, puRam cErpu, |
|
'azAal' enRu n'am azuta kaN tuTaippAr; |
|
yAr Akuvar kol?-tOzi!-cAral |
|
perum punak kuRavan ciRu tinai maRukAl |
|
kozug koTi avarai pUkkum |
|
arum pani aRciram vArAtOrE. |
|
paruvag kaNTu azin'ta talaimakaL 'varuvar' enRu vaRpuRuttum tOzikkuc colliyatu. - kaTuvan maLLan |
86. kuRijci |
ciRai pani uTain'ta cEyari mazaik kaN |
|
poRai aru n'OyoTu pulampu alaik kalagki, |
|
piRarum kETkun'ar uLarkol?-uRai ciRan'tu, |
|
Utai tURRum kUtir yAmattu, |
|
An n'uLampu ulamputoRu uLampum |
|
n'A n'avil koTu maNi n'alkUr kuralE. |
|
'ARRAL' enak kavanRa tOzikkuk kizatti colliyatu. - veNkoRRan |
87. kuRijci |
'manRa marAatta pEem mutir kaTavuL |
|
koTiyOrt teRUum' enpa; yAvatum |
|
koTiyar allar em kunRu kezu n'ATar; |
|
pacaiip pacan'tanRu, n'utalE; |
|
jekiza jekizn'tanRu, taTa men tOLE. |
|
talaimakaL teyvattiRkup parAayatu. - kapilar |
91. marutam |
aril pavarp pirampin varip puRa viLai kani |
|
kuNTu n'Ir ilajcik keNTai katUum |
|
taN tuRai Uran peNTinai Ayin, |
|
pala Akuka, n'in n'ejcil paTarE! |
|
OvAtu Iyum mAri vaN kai, |
|
kaTum pakaTTu yAnai, n'eTun' tEr, ajci |
|
kon munai iravu Ur pOlac |
|
cila Akuka, n'I tujcum n'ALE! |
|
parattaiyarmATTup pirin'ta talaimakan vAyil vENTip pukkavazi, tanvarai ttanRi avan varaittAkit tan n'ejcu n'ekizn'tuzi, talaimakaL atanai n'erugkic colliyatu; p |
92. n'eytal |
jAyiRu paTTa akal vAy vAnattu- |
|
aLiyatAmE-koTuj ciRaip paRavai, |
|
iRai uRa Ogkiya n'eRi ayal marAatta |
|
piLLai uLvAyc cerIiya |
|
irai koNTamaiyin, viraiyumAl celavE. |
|
kAmam mikka kazipaTar kiLaviyAl, pozutu kaNTu, colliyatu. - tAmOtaran |
93. marutam |
n'al n'alam tolaiya, n'alam mikac cAay, |
|
in uyir kaziyinum uraiyal; avar n'amakku |
|
annaiyum attanum allarO? |
|
pulavi aHtu evanO, anpilagkaTaiyE? |
|
vAyilAkap pukka tOzikku vAyil maRuttatu. - aLLUr n'anmullaiyAr |
96. kuRijci |
'aruvi vEgkaip peru malai n'ATaRku |
|
yAn evan ceykO?' enRi; yAn atu |
|
n'akai ena uNarEn Ayin, |
|
en Akuvaikol?-n'annutal! n'IyE, |
|
talaimakanai iyaRpazittut teruTTum tOzikkut talaimakaL iyaRpaTac colliyatu- aLLUr n'anmullai |
97. n'eytal |
yAnE INTaiyEnE; en n'alanE |
|
AnA n'OyoTu kAnalaHtE. |
|
tuRaivan tam UrAnE; |
|
maRai alar Aki manRattaHtE. |
|
varaivu n'ITTittavazit talaimakaL tOzikkuc colliyatu. - veNpUti |
98. mullai |
'innaL AyinaL n'annutal' enRu, avart |
|
tunnac cenRu ceppun'arp peRinE, |
|
n'anRuman vAzi-tOzi!-n'am paTappai |
|
n'Ir vAr paim putaR kalitta |
|
mArip pIrattu alar cila koNTE. |
|
paruvag kaNTu azin'ta talaimakaL tOzikku uraittatu. - kOkkuLamuRRan |
102. n'eytal |
uLLin, uLLam vEmE; uLLAtu |
|
iruppin, em aLavaittu anRE; varutti |
|
vAn tOyvaRRE, kAmam; |
|
cAnROr allar, yAm marIiyOrE. |
|
'ARRAL' enak kavanRa tOzikkuk kizatti, 'yAn yAgganam ARRuvEn?' enRatu.- auvaiyAr |
103 n'eytal |
kaTum punal toTutta n'aTugku ajar aLLal, |
|
kavir itaz anna tUvi cev vAy, |
|
irai tEr n'Araikku evvam Akat |
|
tUum tuvalait tuyar kUr vATaiyum |
|
vArAr pOlvar, n'am kAtalar; |
|
vAzEn pOlval-tOzi!-yAnE. |
|
paruvag kaNTu azin'ta talaimakaL tOzikkuc colliyatu. - vAyilAn tEvan |
104. pAlai |
amma vAzi, tOzi! kAtalar, |
|
n'Ul aRu muttin taN citar uRaippa, |
|
tALit taN pavar n'AL A mEyum |
|
pani paTu n'ALE, pirin'tanar; |
|
piriyum n'ALum pala AkupavE! |
|
pirivinkaN ARRALAkiya talaimakaL tOzikkuk kURiyatu; 'ciRiya uLLip periya maRakka vENTAvO?' enRa tOzikkuk kizatti kURiyatUum Am. - kAvanmullaip pUtanAr. |
105. kuRijci |
punavan tuTavaip pon pOl ciRu tinaik |
|
kaTi uN kaTavuTku iTTa cezug kural |
|
aRiyAtu uNTa majjai, ATumakaL |
|
veRi uRu vanappin veytuRRu, n'aTugkum |
|
cUr malai n'ATan kENmai |
|
n'Ir mali kaNNoTu n'inaippu AkinRE. |
|
varaivu n'ITTittaviTattut talaimakaL tOzikkuc colliyatu. - n'akkIrar |
106. kuRijci |
pul vIz iRRik kal ivar veL vEr |
|
varai izi aruviyin tOnRum n'ATan |
|
tItu il n'ejcattuk kiLavi n'am vayin |
|
van'tanRu-vAzi, tOzi!-n'Amum |
|
n'ey pey tIyin etirkoNTu, |
|
'tAn maNan'tanaiyam' ena viTukam tUtE. |
|
talaimakan tUtu kaNTu, kizatti tOzikkuk kURiyatu. - kapilar |
107. marutam |
kuvi iNart tOnRi oN pU anna |
|
toku cen' n'eRRik kaNamkoL cEval!- |
|
n'aLLiruL yAmattu il eli pArkkum |
|
piLLai verukiRku alkuirai Aki, |
|
kaTu n'avaip paTIiyarO, n'IyE-n'eTu n'Ir |
|
yANar UranoTu vatin'ta |
|
Ema in tuyil eTuppiyOyE! |
|
poruL muRRi van'ta talaimakanai uTaiya kizatti kAmam mikka kazipaTar kiLaviyAl kURiyatu. - maturaik kaNNanAr. |
108. mullai |
mazai viLaiyATum kunRu cEr ciRukuTik |
|
kaRavai kanRuvayin paTara, puRavil |
|
pAcilai mullai Acu il vAn pUc |
|
cev vAn cevvi koNTanRu; |
|
uyyEn pOlval-tOzi!-yAnE. |
|
paruvag kaNTu azin'ta talaimakaL tOzikkuk kURiyatu. - vAyilAn tEvan |
110. mullai |
vArAr Ayinum, varinum, avar n'amakku |
|
yAr AkiyarO-tOzi!-n'Ira |
|
n'Ilap paim pOtu uLari, putala |
|
pIli oN poRik karuviLai ATTi, |
|
n'uN muL Igkaic cev arumpu Uztta |
|
vaNNat tuym malar utira, taNNenRu |
|
innAtu eRitarum vATaiyoTu |
|
en AyinaLkol ennAtOrE? |
|
paruvag kaNTu azin'ta talaimakaL tOzikku uraittatu; talaimakanaik koTumai kURit talaimakaLait tOzi vaRpuRIiyatUum Am. - kiLLimagkalag kizAr |
112. kuRijci |
kauvai ajcin, kAmam eykkum; |
|
eL aRa viTinE, uLLatu n'ANE; |
|
perug kaLiRu vAgka murin'tu n'ilam paTAa |
|
n'AruTai ociyal aRRE- |
|
kaNTicin, tOzi!-avar uNTa en n'alanE. |
|
varaivu n'ITTittavazit talaimakaL tOzikkuc colliyatu. - AlattUr kizAr |
118. n'eytal |
puLLum mAvum pulampoTu vatiya |
|
n'aLLena van'ta n'Ar il mAlai, |
|
palar puku vAyil aTaippak kaTavun'ar, |
|
'varuvIr uLIrO?' enavum, |
|
vArAr-tOzi!-n'am kAtalOrE. |
|
varaivu n'ITTittavazi, talaimakaL pozutu kaNTu tOzikkuc colliyatu.- n'annAkaiyAr |
121. kuRijci |
meyyE, vAzi?-tOzi-cAral |
|
maip paTTanna mA muka mucukkalai |
|
ARRap pAyAt tappal ERRa |
|
kOTToTu pOkiyAgku, n'ATan |
|
tAn kuRi vAyAt tappaRkut |
|
tAm pacan'tana, en taTa men tOLE. |
|
iravukkuRi varum talaimakan ceyyum kuRi piRitu onRanAl n'ikazn'tu, maRRu avan kuRiyai ottavazi, av oppumaiyai meypporuLAka uNarn'tu cenRu, ANTu avanaik kANAtu t |
122. n'eytal |
paig kAl kokkin pun puRattanna |
|
kuNTu n'Ir Ampalum kUmpina; iniyE |
|
van'tanRu, vAziyO, mAlai! |
|
oru tAn anRE; kagkulum uTaittE! |
|
talaimakaL pozutu kaNTu azin'tatu. - OrampOkiyAr |
125.n'eytal |
ilagku vaLai n'ekizac cAay, yAnE, |
|
uLenE vAzi-tOzi!-cAral |
|
tazai aNi alkul makaLiruLLum |
|
vizavu mEmpaTTa en n'alanE, paza viRal |
|
paRai valam tappiya paital n'Arai |
|
tirai tOy vAgku cinai irukkum |
|
taNNam tuRaivanoTu, kaNmARinRE, |
|
varaivu n'ITTitta iTattut talaimakaL, tOzikkuk kURuvALAy, talaivan ciRaippuRamAkac colliyatu. - ammUvan. |
126. mullai |
'iLamai pArAr vaLam n'acaiic cenROr |
|
ivaNum vArAr; evaNarO?' ena, |
|
peyal puRan'tan'ta pUg koTi mullait |
|
toku mukai ilagku eyiRu Aka |
|
n'akumE-tOzi!-n'aRun' taN kArE. |
|
paruvam kaNTu azin'ta talaimakaL tOzikkuc colliyatu. - okkUr mAcAtti |
133. kuRijci |
punavan tuTavaip ponpOl ciRutinai |
|
kiLi kuRaittu uNTa kUzai iruvi |
|
perum peyal uNmaiyinE ilai olittAgku, en |
|
uram cettum uLenE-tOzi!-en |
|
n'alam putitu uNTa pulampinAnE. |
|
varaivu n'ITTitta iTattut talaimakaL colliyatu. - uRaiyUr mutukaNNan cAttan |
134. kuRijci |
amma vAzi-tOzi!-n'ammoTu |
|
pirivu inRu Ayin n'anRuman tilla- |
|
kuRum poRait taTaiiya n'eTun' tAL vEgkaip |
|
pUvuTai alagku cinai pulampat tAkkik |
|
kal porutu iragkum kataz vIz aruvi, |
|
n'ilam koL pAmpin, izitarum |
|
vilagku malai n'ATanoTu kalan'ta n'aTpE. |
|
varaiviTai ARRALAkiya talaimakaL ARRuvikkum tOzikkuc colliyatu.- kOvEgkaip perugkatavan |
140. pAlai |
vEtina verin'in Oti mutu pOttu, |
|
ARu cel mAkkaL puL koLa, porun'tum |
|
curanE cenRanar, kAtalar; uran azin'tu, |
|
Igku yAn azugkiya evvam |
|
yAgku aRin'tanRu-iv azugkal UrE? |
|
poruLvayiR pirin'ta iTattu, 'n'I ARRukinRilai' enRa tOzikkut talaimakaL colliyatu. - aLLUr n'anmullai. |
141. kuRijci |
vaLai vAyc ciRu kiLi viLai tinaik kaTIiyar |
|
celka enROLE, annai' ena, n'I |
|
collin evanO?-tOzi!-'kollai |
|
n'eTug kai van mAn kaTum pakai uzan'ta |
|
kuRug kai irum pulik kolai val ERRai |
|
paig kaT cen'n'Ay paTupatam pArkkum |
|
Ar iruL n'aTu n'AL varuti; |
|
cAral n'ATa, vAralO' enavE. |
|
iRceRikkappaTTuzi iravukkuRi van'tozukum talaimakaRku varum Etam ajci,pakaRkuRi n'Ern'ta vAypATTAn atuvum maRuttu, ciRaippuRamAkat tOzikkut talaimakaL colliyatu |
145. kuRijci |
uRai pati anRu, it tuRai kezu ciRukuTi- |
|
kAnal am cErppan koTumai eRRi, |
|
AnAt tuyaramoTu varun'ti, pAnAL |
|
tujcAtu uRain'aroTu ucAvAt |
|
tuyil kaN mAkkaLoTu n'eTTirA uTaittE. |
|
varaiviTai ARRAtu tOzikkut talaimakaL colliyatu. - kollan azici |
148. mullai |
celvac ciRAar cIRaTip polin'ta |
|
tavaLai vAaya polam cey kiNkiNik |
|
kAcin anna pOtu In konRai |
|
kurun'toTu alamvarum perun' taN kAlaiyum, |
|
'kAr anRu' enRiAyin, |
|
kanavO maRRu itu? vinavuval yAnE. |
|
paruvam kaNTu azin'ta talaimakaLait tOzi, 'paruvam anRu' enRu vaRpuRutta, talaimakaL colliyatu. - iLagkIran'taiyAr. |
149. pAlai |
aLitO tAnE-n'ANE n'ammoTu |
|
n'ani n'ITu uzan'tanRu mannE; iniyE, |
|
vAn pUg karumpin Ogku maNaR ciRu ciRai |
|
tIm punal n'eritara vIn'tu ukkAagku, |
|
tAgkum aLavait tAgki, |
|
kAmam n'eritarak kain' n'illAtE. |
|
uTanpOkku uNarttiya tOzikkut talaimakaL colliyatu. - veLLivItiyAr |
150. kuRijci |
cENOn mATTiya n'aRum pukai jekizi |
|
vAna mInin vayinvayin imaikkum |
|
Ogku malain'ATan cAn'tu pular akalam |
|
uLLin, uL n'Oy malkum; |
|
pullin, mAyvatu evankol?-annAy! |
|
iravukkuRi n'Ern'ta tOzikkut talaimakaL kURiyatu. - mATalUr kizAr |
152. kuRijci |
yAvatum aRikilar, kazaRuvOrE- |
|
tAy il muTTai pOla, uTkiTan'tu |
|
cAyin allatu, piRitu evan uTaittE? |
|
yAmaip pArppin anna |
|
kAmam, kAtalar kaiyaRa viTinE, |
|
varaivu n'ITTittavazi ARRALAkiya talaimakaL, 'n'I ARRukinRilai' enRu.n'erugkiya tOzikkuc colliyatu. - kiLLimagkalag kizAr |
153. kuRijci |
kunRak kUkai kuzaRinum, munRiR |
|
palavin iruj cinaik kalai pAyn'tu ukaLinum, |
|
ajcumman; aLittu-en n'ejcam!-iniyE, |
|
Ar iruT kagkul avarvayin |
|
cAral n'IL iTaic celavu AnAtE. |
|
varaiyAtu n'eTugkAlam van'tu ozukukinRuzi, 'n'Am avarai vERupaTuttaRkuk kAraNam ennai?' enRa tOzikku, 'avar varavu n'amatu ARRAmaikkuk kAraNam Am' enat talaimak |
154. pAlai |
yAgku aRin'tanarkol- tOzi! - pAmpin |
|
uri n'imirn'tanna uruppu avir amaiyattu, |
|
irai vETTu ezun'ta cEval uLLi, |
|
poRi mayir eruttin kuRu n'aTaip pETai |
|
porikAR kaLLi virikAy am kavaTTut |
|
tayagka irun'tu, pulampak kUum |
|
aruj cura vaippin kAnam |
|
pirin'tu, cEN uRaital valluvOrE? |
|
poruLvayiR pirin'ta talaimakanai n'inain'tu, talaimakaL tOzikku uraittatu.- maturaic cIttalaic cAttan |
155. mullai |
mutaip punam konRa Arkali uzavar |
|
vitaik kuRu vaTTi pOtoTu potuLap |
|
pozutO tAn van'tanRE; 'mezuku AnRu |
|
Utu ulaip peyta pakuvAyt teN maNi |
|
maram payil iRumpin Arppa, curan izipu, |
|
mAlai n'ani virun'tu ayarmAr |
|
tEr varum' ennum urai vArAtE. |
|
talaimakaL paruvam kaNTu azin'tu colliyatu. - urOTakattuk kan'tarattan |
157. marutam |
'kukkU' enRatu kOzi; atan etir |
|
tuTkenRanRu en tUu n'ejcam- |
|
tOL tOy kAtalarp pirikkum |
|
vAL pOl vaikaRai van'tanRAl enavE. |
|
pUppu eytiya talaimakaL uraittatu. - aLLUr n'anmullai |
158. kuRijci |
n'eTu varai marugkin pAmpu paTa iTikkum |
|
kaTu vicai urumin kazaRu kural aLaiik |
|
kAloTu van'ta kamaj cUl mA mazai! |
|
Ar aLi ilaiyO n'IyE? pEr icai |
|
imayamum tuLakkum paNpinai; |
|
tuNai ilar, aLiyar, peNTir; iHtu evanE? |
|
talaimakan iravukkuRi van'tuzi, avan kETpat tOzikkuc colluvALAyc colliyatu.- auvaiyAr. |
160. kuRijci |
n'eruppin anna cen'talai anRil |
|
iRavin anna koTu vAyp peTaiyoTu, |
|
taTavin Ogku cinaik kaTciyil, pirin'tOr |
|
kaiyaRa n'aralum n'aLLen yAmattup |
|
perun' taN vATaiyum vArAr; |
|
iHtO-tOzi!-n'am kAtalar varavE? |
|
varaivu n'ITTippa ARRALAkiya talaimakaLai n'Okki, tOzi, 'varaivar' ena ARRuvippuzi, talaimakaL kURiyatu. - maturai marutan iLan'Akan. |
161. kuRijci |
pozutum ellinRu; peyalum OvAtu, |
|
kazutu kaN panippa vIcum; atantalaip |
|
pulippal tAlip putalvan pulli, |
|
'annA!' ennum, annaiyum: annO! |
|
en malain'tanankol tAnE-tan malai |
|
Aram n'ARum mArpinan |
|
mAri yAnaiyin van'tu n'inRananE? |
|
iravukkuRikkaN van'ta talaimakanaik kAppumikutiyAn etirppaTap peRAta talaimakaL, piRRaijAnRu talaimakan ciRaippuRattAnAka, tOzikkuc colluvALAyc colliyatu. - n'a |
163.n'eytal |
yAr aNagkuRRanai-kaTalE! pUziyar |
|
ciRu talai veLLait tOTu paran'tanna |
|
mIn Ar kurukin kAnal am perun'tuRai. |
|
veL vIt tAzai tirai alai |
|
n'aLLen kagkulum kETkum, n'in kuralE? |
|
tannuL kaiyARu eytiTu kiLavi - ammUvan |
169. marutam |
curam cel yAnaik kal uRu kOTTin |
|
teRRena iRIiyarO-aiya! maRRu yAm |
|
n'ummoTu n'akka vAl veL eyiRE: |
|
pANar pacumIn corin'ta maNTai pOla |
|
emakkum perum pulavu Aki, |
|
n'ummum peREem, iRIiyar em uyirE. |
|
kaRpuk kAlattut teLiviTai vilagkiyatu; init tOzi varaivu n'ITTittavazi varaivu kaTAyatUum Am. - veLLivItiyAr. |
170. kuRijci |
palarum kURuka, aHtu aRiyAtOrE- |
|
aruvi tan'ta n'AT kural eruvai |
|
kayam n'ATu yAnai kavaLam mAn'tum |
|
malai kezu n'ATan kENmai |
|
talaipOkAmai n'aRku aRin'tanen, yAnE, |
|
varaiviTai 'ARRAL' enak kavanRa tOzikkut talaimakaL kURiyatu.- karuvUr kizAr |
171. marutam |
kAN ini vAzi-tOzi-yANark |
|
kaTumpunal aTaikarai n'eTug kayattu iTTa |
|
mIn valai mAp paTTAagku, |
|
itu maRRu-evanO, n'otumalar talaiyE? |
|
varaiviTai 'ARRAL' enak kavanRa tOzikkut talaimakaL kURiyatu.- pUgkaNuttiraiyAr |
172. n'eytal |
tAaval ajciRai n'op paRai vAval |
|
pazumaram paTarum paiyuL mAlai, |
|
emiyam Aka Igkut tuRan'tOr |
|
tamiyar Aka iniyarkollO? |
|
Ez Urp potu vinaikku Or Ur yAtta |
|
ulai vAgku miti tOl pOlat |
|
talaivarampu aRiyAtu varun'tum, en n'ejcE. |
|
varaiviTai 'ARRAL' enak kavanRa tOzikkut talaimakaL kURiyatu.- kaccippETTu n'annAkaiyAr |
174. pAlai |
peyal mazai tuRan'ta pulampu uRu kaTattuk |
|
kavai muTak kaLLik kAy viTu kaTu n'oTi |
|
tutai men tUvit tuNaip puRavu irikkum |
|
attam ariya ennAr, n'attuRan'tu, |
|
poruLvayiR pirivAr Ayin, iv ulakattup |
|
poruLE manRa poruLE; |
|
aruLE manRa Arum illatuvE. |
|
pirivu uNarttiya tOzikkut talaimakaL colliyatu. - veNpUti |
175. n'eytal |
paruvat tEn n'acaiip pal paRait tozuti, |
|
uravut tirai poruta tiNimaNal aTaikarai, |
|
n'anain'ta punnai mAc cinai tokUum |
|
malarn'ta pUvin mA n'Irc cErppaRku |
|
iragkEn-tOzi!-'Igku en kol?' enRu, |
|
piRarpiRar aRiyak kURal |
|
amain'tAgku amaika; ampal aHtu evanE? |
|
piriviTaik kaTuj coR colli vaRpuRuttuvATkuk kizatti uraittatu. - ulOccan. |
176. kuRijci |
oru n'AL vAralan; iru n'AL vAralan; |
|
pal n'AL van'tu, paNimozi payiRRi, en |
|
n'annar n'ejcam n'ekiztta pinRai, |
|
varai mutir tEnin pOkiyOnE- |
|
Acu Aku en'tai-yANTu uLankollO? |
|
vERu pulan n'al n'ATTup peyta |
|
ERuTai mazaiyin kalizum, en n'ejcE. |
|
tOzi kizattiyaik kuRai n'ayappak kURiyatu. - varumulaiyAritti |
180. pAlai |
pazUup pal anna paru ukirp pA aTi |
|
irug kaLiRRu ina n'irai En'tal varin, mAyn'tu, |
|
aRai maTi karumpin kaN iTai anna |
|
paital oru kazai n'ITiya curan iRan'tu, |
|
eytinar kollO poruLE-alkul |
|
av vari vATat tuRan'tOr |
|
vanpar Akat tAm cenRa n'ATTE? |
|
piriviTai vERupaTTALait tOzi vaRpuRuttiyatu. - kaccippETTu n'annAkaiyAr |
181. kuRijci |
itu maRRu evanO-tOzi!-tuniyiTai |
|
innar ennum innAk kiLavi- |
|
iru maruppu erumai InRaNik kArAn |
|
uzavan yAtta kuzaviyin akalAtu, |
|
pAal paim payir Arum Uran |
|
tiru manaip pal kaTam pUNTa |
|
peru mutu peNTirEm Akiya n'amakkE? |
|
talaimakan parattaiyiR pirin'tavazi ARRALAkiya talaimakaL ARRal vENTit tOzi iyaRpazittavazi, talaimakaL iyaRpaTa mozin'tatu. - kiLLimagkalagkizAr |
183. mullai |
cenRa n'ATTa konRaiam pacu vI |
|
n'am pOl pacakkum kAlai, tam pOl |
|
ciRu talaip piNaiyin tIrn'ta n'eRi kOTTu |
|
iralai mAnaiyum kANparkol, n'amarE?- |
|
pullen kAyAp pUk kezu peruj cinai |
|
men mayil eruttin tOnRum |
|
pun pula vaippiR kAnattAnE. |
|
paruva varavinkaN, 'ARRAL' enak kavanRa tOzikkuk kizatti uraittatu.- auvaiyAr |
185. kuRijci |
'n'utal pacappu ivarn'tu, titalai vATi, |
|
n'eTu men paNait tOL cAay, toTi n'ekizn'tu, |
|
innaL Akutal n'ummin Akum' enac |
|
collin, evan Am-tOzi!-pal varip |
|
pAmpu pai avin'tatu pOlak kUmpi, |
|
koNTalin tolain'ta oN ceg kAn'taL |
|
kalmicaik kaviyum n'ATaRku, en |
|
n'al mA mEni azi paTar n'ilaiyE? |
|
talaimakan irA van'tu ozukA n'inRa kAlattu vERupaTTa talaimakaLai,'vERu paTTAyAl' enRATkuk kizatti uraittatu. - maturai aRuvai vANikan iLavETTanAr |
186. mullai |
Arkali ERRoTu kAr talaimaNan'ta |
|
kollaip punatta mullai men koTi |
|
eyiRu ena mukaiyum n'ATaRkut |
|
tuyil tuRan'tanavAl-tOzi!-em kaNNE, |
|
paruva varavin, 'ARRAL' enak kavanRa tOzikkuk kizatti uraittatu.- okkUr mAcAtti. |
187. kuRijci |
cev varaic cEkkai varuTaimAn maRi |
|
curai pozi tIm pAl Ara mAn'ti, |
|
peru varai n'Izal ukaLum n'ATan |
|
kallinum valiyan-tOzi!- |
|
valiyan ennAtu meliyum, en n'ejcE. |
|
varaivu n'ITTitta vazi, ARRALAkiya talaimakaLai ARRuvikka vENTit talaimakanai iyaRpazitta tOzikkut talaimakaL iyaRpaTa mozin'tatu. - kapilar |
188. mullai |
mukai muRRinavE mullai; mullaiyoTu |
|
takai muRRinavE, taN kAr viyan punam- |
|
vAl izai n'ekizttOr vArAr- |
|
mAlai van'tanRu, en mAN n'alam kuRittE. |
|
paruvag kaNTu azin'ta kizatti tOzikku uraittatu. - maturai aLakkar jAzAr makanAr maLLanAr |
190. mullai |
n'eRi irug katuppoTu perun' tOL n'Ivi, |
|
ceRivaLai n'ekiza, ceyporuTku akanROr |
|
aRivarkol vAzi-tOzi!-poRi vari |
|
vej cina aravin pain' talai tumiya |
|
n'arai urum uraRum arai iruL n'aTun'AL, |
|
n'al ERu iyagkutoRu iyampum |
|
pal An tozuvattu oru maNik kuralE? |
|
piriviTai ARRALAkiya talaimakaL tOzikkuc colliyatu. - pUtampullan. |
191. mullai |
utukkAN atuvE: itu ena mozikO?- |
|
n'On cinai irun'ta irun' tOTTup puLLinam |
|
tAm puNarn'tamaiyin, pirin'tOr uLLat |
|
tIm kural akavak kETTum, n'Igkiya |
|
EtilALar ivaN varin, 'pOtin |
|
pommal Otiyum punaiyal; |
|
emmum toTAal' enkuvemmannE. |
|
piriviTai 'ARRAL' enak kavanRa tOzikkuk kizatti uraittatu. |
192. pAlai |
'IgkE varuvar, inaiyal, avar' ena, |
|
azAaRkO iniyE?-n'Oy n'on'tu uRaivi!- |
|
minnin tUvi irug kuyil, ponnin |
|
urai tikaz kaTTaLai kaTuppa, mAc cinai |
|
n'aRun' tAtu kozutum pozutum, |
|
vaRug kuraR kUn'tal taivaruvEnE. |
|
piriviTai vaRpuRutta vanpuRai etir azin'tu kizatti uraittatu.- kaccippETTu n'annAkaiyAr. |
193. mullai |
maTTam peyta maNik kalattanna |
|
iTTu vAyc cunaiya pakuvAyt tErai, |
|
taTTaip paRaiyin, kaRagkum n'ATan |
|
tollait tigkaL n'eTu veNNilavin |
|
maNan'tananman em tOLE; |
|
inRum, mullai mukai n'ARummE. |
|
tOzi kaTin'akar pukku, 'n'alam tolaiyAmE n'anku ARRinAy!' enRATkuk kizatti uraittatu - aricil kizAr |
194. mullai |
en enappaTugkol-tOzi! minnu vara |
|
vAn Erpu iragkum onRO? atan etir |
|
kAna majjai kaTiya Egkum; |
|
Etila kalan'ta iraNTaRku en |
|
pEtai n'ejcam peru malakkuRumE? |
|
paruva varavinkaN, 'ARRALAm', enak kavanRa tOzikkuk kizatti uraittatu.- kOvarttanAr. |
195. n'eytal |
cuTar cinam taNin'tu kunRam cErap |
|
paTar cuman'tu ezutaru paiyuL mAlai, |
|
yANTu uLar kollO vENTu vinai muTin'ar? |
|
'innAtu, iragkum' ennAr annO- |
|
taivaral acaivaLi mey pAyn'tu Urtarac |
|
ceyvuRu pAvai anna en |
|
mey piRitAkutal aRiyAtOrE! |
|
piriviTaip paruva varavinkaN kizatti melin'tu kURiyatu. - tErataran. |
197. n'eytal |
yAtu ceyvAmkol-tOzi!-n'Otaka |
|
n'Ir etir karuviya kAr etir kiLai mazai |
|
Utaiam kuLiroTu pEtuRRu mayagkiya |
|
kUtir uruvin kURRam |
|
kAtalarp pirin'ta eR kuRittu varumE? |
|
paruva varavinkaN vaRpuRuttum tOzikkuk kizatti uraittatu - kaccippETTu n'annAkaiyAr. |
200. n'eytal |
peyta kunRattup pU n'ARu taN kaluz |
|
mImicait tAay, vIcum vaLi kalan'tu, |
|
izitarum punalum; vArAr-tOzi!- |
|
maRan'tOr manRa; maRavAm n'AmE- |
|
kAla mAri mAlai mA malai |
|
in icai uruminam muralum |
|
mun varal Emam ceytu akanROrE. |
|
paruva varavinkaN ARRALAkiya talaimakaTkut tOzi, 'paruvam anRu; vampu'enRa vazi, talaimakaL colliyatu. - auvaiyAr. |
201. kuRijci |
amiztam uNka-n'am ayal ilATTi, |
|
pAl kalappanna tEk kokku arun'tupu, |
|
n'Ila men ciRai vaL ukirp paRavai |
|
n'elliam puLi mAn'ti, ayalatu |
|
muL il am paNai mUgkilil tUgkum |
|
kazai n'ivan'tu Ogkiya cOlai |
|
malai kezu n'ATanai varum enROLE! |
|
kaTin'akar pukku, 'vERupaTAtu n'anku ARRinAy!' enRa tOzikkuk kizatti uraittatu. |
202. marutam |
n'Om, en n'ejcE! n'Om, en n'ejcE! |
|
pun pulattu amanRa ciRiyilai n'erujcik |
|
kaTku in putu malar muT payan'tAagku, |
|
iniya ceyta n'am kAtalar |
|
innA ceytal n'Om, en n'ejcE! |
|
vAyilAkap pukka tOzikkut talaimakaL vAyil maRuttatu. - aLLUr n'anmullai |
203. marutam |
malai iTaiyiTTa n'ATTarum allar; |
|
maran'talai tOnRA Urarum allar; |
|
kaNNin kANa n'aNNuvazi irun'tum, |
|
kaTavuL n'aNNiya pAlOr pOla, |
|
orIinan ozukum ennaikkup |
|
pariyalenman yAn, paNTu oru kAlE. |
|
vAyilAkap pukka tOzikkut talaimakaL colliyatu. - n'eTumpalliyattan |
205. n'eytal |
minnuc cey karuviya peyal mazai tUgka |
|
vicumpu ATu annam paRai n'ivan'tAgku, |
|
polampaTaip polin'ta veN tEr ERi, |
|
kalagku kaTaR tuvalai Azi n'anaippa, |
|
inic cenRananE, iTu maNaR cErppan; |
|
yAgku aRin'tanRukol-tOzi!-en |
|
tEm kamaz tiru n'utal Urtarum pacappE? |
|
varaiviTai, 'ARRAL' enak kavanRa tOzikkuk kizatti uraittatu. - ulOccan |
207. pAlai |
'ceppinam celinE celavu aritu Akum' enRu, |
|
atta Omai am kavaTTu irun'ta |
|
inam tIr parun'tin pulampu koL teL viLi |
|
curam cel mAkkaTku uyavut tuNai Akum |
|
kal varai ayalatu tol vazagku ciRu n'eRi, |
|
n'al aTi poRippat tAayc |
|
cenRenak kETTa n'am Arvalar palarE. |
|
celavuk kuRippu aRin'tu. 'avar celvAr' enRu tOzi colla, kiztti uraittatu.- uRaiyan. |
208. kuRijci |
onREn allEn; onRuven; kunRattup |
|
porukaLiRu mititta n'eritAL vEgkai |
|
kuRavar makaLir kUn'taR peymmAr, |
|
n'inRu koya malarum n'ATanoTu |
|
onREn-tOzi!-onRinAnE, |
|
varai viTai, 'ARRal vENTum' enRa tOzikkuk kizatti uraittatu - kapilar |
216. pAlai |
avarE, kETu il vizupporuL tarumAr, pAcilai |
|
vATA vaLLiam kATu iRan'tOrE; |
|
yAnE, tOTu Ar el vaLai jekiza, n'ALum |
|
pATu amai cEkkaiyil, paTar kUrn'ticinE; |
|
'annaL aLiyaL' ennAtu, mA mazai |
|
innum peyyum; muzagki |
|
minnum-tOzi!-en in uyir kuRittE |
|
paruva varavinkaN, 'ARRAL' enak kavanRa tOzikkuk kizatti uraittatu.- kaccip pETTuk kAjcik koRRana |
218.pAlai |
viTar mukai aTukkattu viRal kezu cUlikkuk |
|
kaTanum pUNAm; kain' n'Ul yAvAm; |
|
puLLum OrAm; viricciyum n'illAm; |
|
uLLalum uLLAm anRE-tOzi!- |
|
uyirkku uyir annar Akalin, tam inRu |
|
imaippu varai amaiyA n'am vayin |
|
maRan'tu ANTu amaital valliyOrmATTE. |
|
piriviTai, 'ARRAL' enak kavanRa tOzikkuk kizatti uraittatu.- koRRan |
219. n'eytal |
payappu en mEniyatuvE; n'ayappu avar |
|
n'Ar il n'ejcattu Ar iTaiyatuvE; |
|
ceRivum cEN ikan'tanRE; aRivE; |
|
'AgkaN celkam ezuka' ena, IgkE, |
|
vallA kURiyirukkum; aL ilait |
|
taTavu n'ilait tAzaic cErppaRku |
|
iTamman-tOzi!-'en' n'IrirO?' eninE. |
|
ciRaippuRam. - veLLUr kizAr makanAr veNpUtiyAr. |
220. mullai |
paza mazaik kalitta putup puna varakin |
|
iralai mEyn'ta kuRaittalaip pAvai |
|
iruvi cEr marugkil pUtta mullai, |
|
veruku cirittanna, pacu vI men piNik |
|
kuRu mukai avizn'ta n'aRu malarp puRavin |
|
vaNTu cUz mAlaiyum, vArAr; |
|
kaNTicin-tOzi!-poruT pirin'tOrE. |
|
paruva varavinkaN kizatti tOzikku uraittatu. - okkUr mAcAtti |
221. mullai |
avarO vArAr-mullaiyum pUttana; |
|
paRiyuTaik kaiyar maRiyinattu oziya, |
|
pAloTu van'tu kUzoTu peyarum |
|
ATuTai iTaimakan cennic |
|
cUTiya ellAm ciRu pacu mukaiyE. |
|
piriviTaip paruva varavinkaN vaRpuRuttum tOzikkuk kizatti uraittatu - uraiyUr mutu koRRan |
223. kuRijci |
'pEr Ur koNTa Arkali vizavil |
|
celvAm celvAm' enRi; anRu, ivaN |
|
n'allOr n'alla palavAl tilla; |
|
tazalum taTTaiyum muRiyum tan'tu, 'ivai |
|
ottana n'inakku' enap poyttana kURi, |
|
annai Ompiya Ay n'alam |
|
ennai koNTAn; yAm innamAl iniyE. |
|
varaiviTai vERupaTTa kizattiyatu vERupATu kaNTu. vaRpuRuttum tOzikkuk kizatti kURiyatu. - maturaik kaTaiyattAr makan veNNAkan |
224. pAlai |
kavalai yAtta avala n'IL iTaic |
|
cenROr koTumai eRRi, tujcA |
|
n'Oyinum n'Oy AkinRE-kUvaR |
|
kurAl An paTu tuyar irAvil kaNTa |
|
uyartiNai Uman pOlat |
|
tuyar poRukkallEn, tOzi n'OykkE. |
|
piriviTai 'iRan'tupaTum' enak kavanRa tOzi kETpak kizatti uraittatu.- kUvan main'tan |
226. n'eytal |
pUvoTu puraiyum kaNNum, vEy ena |
|
viRal vanappu eytiya tOLum piRai ena |
|
mati mayakkuRUum n'utalum, n'anRum |
|
n'allaman; vAzi-tOzi!-alkalum |
|
tayagku tirai poruta tAzai veN pUk |
|
kuruku ena malarum perun' tuRai |
|
virin'Irc cErppanoTu n'akAa UgkE. |
|
varaiviTai, 'ARRAL' enak kavanRa tOzikkuk kizatti uraittatu.- maturai ezuttALan cEn'tam pUtan |
228. n'eytal |
vIz tAz tAzai UzuRu kozu mukai, |
|
kuruku uLar iRakin, viripu tOTu avizum |
|
kAnal n'aNNiya ciRukuTi munRil, |
|
tirai van'tu peyarum enpa-n'at tuRan'tu |
|
n'eTuj cEN n'ATTAr Ayinum, |
|
n'ejciRku aNiyarO, taN kaTal n'ATTE. |
|
kaTin'akar vERupaTAtu n'anku ARRinAy!' enRa tOzikkuk kizatti uraittatu.- ceyti vaLLuvan perujcAttan |
231. marutam |
Or Ur vAzinum cEri vArAr; |
|
cEri varinum Ara muyagkAr; |
|
EtilALar cuTalai pOlak |
|
kANAk kazipamannE-n'AN aTTu, |
|
n'al aRivu izan'ta kAmam |
|
vil umiz kaNaiyin cenRu cEN paTavE. |
|
vAyilAkap pukka tOzikkut talaimakaL colliyatu. - pAlai pATiya perugkaTugkO |
234. mullai |
cuTar cel vAnam cEppa, paTar kUrn'tu, |
|
elluRu pozutin mullai malarum |
|
mAlai enmanAr, mayagkiyOrE: |
|
kuTumik kOzi n'eTu n'akar iyampum |
|
perum pular viTiyalum mAlai; |
|
pakalum mAlai-tuNai ilOrkkE. |
|
paruva varavinkaN tOzikkuk kizatti uraittatu. - miLaipperug kan'tan |
239. kuRijci |
toTi n'ekizn'tanavE; tOL cAyinavE; |
|
viTum n'AN uNTO?-tOzi!-viTar mukaic |
|
cilampuTan kamazum alagku kulaik kAn'taL |
|
n'aRun' tAtu Utum kuRuj ciRait tumpi |
|
pAmpu umiz maNiyin tOnRum |
|
mun'tUz vEliya malaikizavORkE. |
|
ciRaippuRam. - Aciriyan perugkaNNan |
240. mullai |
panip putal ivarn'ta paig koTi avaraik |
|
kiLi vAy oppin oLi viTu pal malar |
|
verukkup pal uruvin mullaiyoTu kajali, |
|
vATai van'tatan talaiyum, n'Oy pora, |
|
kaNTicin vAzi-tOzi!-teN tiraik |
|
kaTal Az kalattin tOnRi, |
|
mAlai maRaiyum, avar maNi n'eTug kunRE. |
|
varaiviTai, 'ARRAL' enak kavanRa tOzikkuk kizatti uraittal kollan azici. |
241. kuRijci |
yAm em kAmam tAgkavum, tAm tam |
|
kezutakaimaiyin azutana-tOzi!- |
|
kanRu ARRuppaTutta pun talaic ciRAar |
|
manRa vEgkai malar patam n'Okki, |
|
ERAtu iTTa Emap pUcal |
|
viN tOy viTarakattu iyampum |
|
kunRa n'ATaR kaNTa em kaNNE. |
|
piriviTai, 'ARRAL' enak kavanRa tOzikkuk kizatti uraittatu - kapilar |
243. n'eytal |
mAn aTi anna kavaTTilai aTumpin |
|
tAr maNi anna oN pUk kozuti, |
|
oN toTi makaLir vaNTal ayarum |
|
puL imiz perug kaTaR cErppanai |
|
uLLEn-tOzi!-paTIiyar, en kaNNE. |
|
vanpuRai etir azin'tu colliyatu. - n'ampi kuTTuvan |
244. kuRijci |
pallOr tujcum n'aLLen yAmattu, |
|
uravuk kaLiRupOl van'tu, iravuk katavu muyaRal |
|
kELEm allEm; kETTanem-peruma!- |
|
Ori murugkap pIli cAya |
|
n'al mayil valaip paTTAgku, yAm |
|
uyagkutoRum muyagkum, aRan il yAyE. |
|
iravukkuRi van'tu ozukAn'inRa talaimakanait tAm kAval mikutiyAl puRappaTTuetirkoLLap peRAtavazi, piRRai jAnRu tOzi, 'varain'tu koLLin allatu ivvozukalARRin inik |
245. n'eytal |
kaTal am kAnal Ayam Ayn'ta en |
|
n'alam izan'tataninum, n'ani innAtE- |
|
vAL pOl vAya kozu maTal tAzai |
|
mAlai vEl n'ATTu vEli Akum |
|
mellam pulampan koTumai |
|
pallOr aRiyap paran'tu veLippaTinE. |
|
varaiviTai, 'ARRAL' enak kavanRa tOzikkuk kizatti uraittatu. - mAlai mARan |
246. n'eytal |
'perug kaTaR karaiyatu ciRu veN kAkkai |
|
kaLiRRuc cevi anna pAcaTai mayakki, |
|
panik kazi tuzavum pAnAL, tanittu Or |
|
tEr van'tu peyarn'tatu' enpa. ataRkoNTu, |
|
Orum alaikkum annai; piRarum |
|
pinnu viTu katuppin min izai makaLir |
|
iLaiyarum maTavarum uLarE; |
|
alaiyAt tAyaroTu n'aRpAlOrE. |
|
ciRaippuRam. - kapilar |
249. kuRijci |
ina mayil akavum maram payil kAnattu, |
|
n'arai muka Ukam pArppoTu panippa, |
|
paTu mazai pozin'ta cAral avar n'ATTuk |
|
kunRam n'Okkinen-tOzi!- |
|
paNTaiyaRRO, kaNTicin, n'utalE? |
|
varaiviTai vaippa, 'ARRAkiRRiyO?' enRa tOzikkuk kizatti uraittatu - kapilar |
252. kuRijci |
n'eTiya tiraNTa tOL vaLai jekiztta |
|
koTiyan Akiya kunRu kezu n'ATan |
|
varuvatOr kAlai, in mukam tiriyAtu, |
|
kaTavuT kaRpin avan etir pENi, |
|
'maTavaimanRa n'I' enak kaTavupu |
|
tuniyal vAzi-tOzi!-cAnROr |
|
pukazum munnar n'ANupa; |
|
pazi yAgku olpavO kANugkAlE? |
|
talaimakan varavaRin'ta tOzi, 'avar n'ammai valin'tu pOyinArkku em perumATTi tIyana kaTin'tu n'anku ARRinAy!' enRATkuk kizatti uraittatu.- kiTagkil kulapati n'a |
254. pAlai |
ilai il am cinai ina vaNTu Arppa, |
|
mulai Er men mukai avizn'ta kOgkin |
|
talai alar van'tana; vArA-tOzi!- |
|
tuyil in kagkul tuyil avar maRan'tanar; |
|
payil n'aRug katuppin pAyalum uLLAr- |
|
'ceyporuL taral n'acaiic cenROr |
|
eytinarAl' ena, varUum tUtE. |
|
paruvag kaNTu vaRpuRuttum tOzikkuk kizatti uraittatu. - pArkAppAn |
257. kuRijci |
vErum mutalum kOTum orAgkut |
|
toTutta pOlat tUgkupu toTarik |
|
kIz tAzvu anna vIz kOT palavin |
|
Arkali veRpan varutoRum, varUum; |
|
akalinum akalAtAki |
|
ikalum-tOzi!-n'am kAmattup pakaiyE. |
|
varaivu uNarttiya tOzikkuk kizatti uraittatu. - uRaiyUrc ciRukan'tan |
261. kuRijci |
paza mazai pozin'tenap patan azin'tu urukiya |
|
citaTTuk kAy eNNin cil peyaR kaTai n'AL, |
|
cERRu n'ilai munaiiya ceg kaT kArAn, |
|
n'aLLen yAmattu, 'ai' enak karaiyum |
|
ajcuvaru pozutinAnum, en kaN |
|
tujcA vAzi-tOzi!-kAvalar |
|
kaNakku Ay vakaiyin varun'ti, en |
|
n'ejcu puN uRRa vizumattAnE. |
|
iravukkuRikkaN talaimakan ciRaippuRamAka, talaimakaL tOzikkuc colluvALAyc colliyatu. - kazArk kIran eyiRRi |
264.kuRijci |
kali mazai kezIiya kAn yARRu ikukarai, |
|
oli n'eTum pIli tuyalvara iyali, |
|
ATu mayil akavum n'ATan n'ammoTu |
|
n'ayan'tanan koNTa kENmai |
|
payan'takAlum, payappu ollAtE. |
|
'ARRAL' enak kavanRa tOzikku, talaimakaL, 'ARRuval' enRatu. - kapilar |
266. pAlai |
n'amakku onRu uraiyAr Ayinum, tamakku onRu |
|
innA iravin in tuNai Akiya |
|
paTappai vEgkaikku maRan'tanar kollO- |
|
maRappu arum paNait tOL marIit |
|
tuRattal valliyOr puLvAyt tUtE?- |
|
varaiyAtu pirin'ta iTattut tOzikkuk kizatti uraittatu. - n'akkIrar |
269. n'eytal |
cEyARu cenRu, tunaipari acAvAtu, |
|
ucAvun'arp peRinE n'anRuman tilla- |
|
vayac cuRA eRin'ta puN taNin'tu, en'taiyum |
|
n'Il n'iRap perug kaTal pukkanan; yAyum |
|
uppai mARi veNNel tarIiya |
|
uppu viLai kazanic cenRanaL; atanAl, |
|
pani iru parappin cErppaRku, |
|
'ini varin eLiyaL' ennum tUtE. |
|
talaimakan ciRaippuRattAnAkat talaimakaL tOzikkuc colluvALAyc colliyatu - kallATanAr |
271. marutam |
aruvi anna paru uRai citaRi |
|
yarRun'iRai pakarum n'ATanait tERi, |
|
uRRatumannum oru n'AL; maRRu-atu |
|
tavap pal n'AL tOL mayagki, |
|
vauvum paNpin n'Oy AkinRE, |
|
talaimakaRku vAyil n'Ern'tu pukka tOzikkut talaimakaL colliyatu.- azici n'accAttanAr |
273. pAlai |
alkuRu pozutil tAtu mukai tayagkap |
|
perug kATu uLarum acaivaLi pOla, |
|
taNNiya kamazum oNNutalOyE! |
|
n'on'tanaAyin, kaNTatu mozival; |
|
perun' tEn kaNpaTu varaiyil mutu mAlpu |
|
aRiyAtu ERiya maTavOn pOla, |
|
EmAn'tanRu, iv ulakam; |
|
n'Am uLEm Akap piriyalan teLimE. |
|
'pirivar' enak kavanRa talaimakaLait tOzi vaRpuRuttiyatu.- ciRaikkuTi An'taiyAr |
278. pAlai |
uRu vaLi uLariya am taLir mAattu |
|
muRi kaNTanna mellen cIRaTic |
|
ciRu pacum pAvaiyum, emmum, uLLAr |
|
koTiyar vAzi-tOzi!-kaTuvan |
|
UzuRu tIm kani utirppa, kIz irun'tu, |
|
ErppanaErppana uNNum |
|
pArppuTai man'tiya malai iRan'tOrE. |
|
piriviTai vaRpuRuttum tOzikkut talaimakaL uraittatu. - pEricAttan |
279. mullai |
tirimaruppu erumai iruL n'iRa mai An |
|
varumiTaRu yAtta pakuvAyt teN maNi, |
|
pulampu koL yAmattu, iyagkutoRu icaikkum |
|
itu pozutu Akavum vArArkollO- |
|
mazai kazUu maRan'ta mA irun' tuRukal |
|
tukaL cUz yAnaiyin poliyat tOnRum |
|
irum pal kunRam pOki, |
|
tirun'tu iRaip paNait tOL uLLAtOrE? |
|
vaRpuRuttum tOzikkuk kizatti uraittatu. - maturai marutan iLan'AkanAr |
281. pAlai |
veN maNaR potuLiya |
|
paig kAl karukkin |
|
kommaip pOn'taik kuTumi veN tOTTu, |
|
atta vEmpin amalai vAn pUc |
|
curi Ar uLait talai poliyac cUTi, |
|
kunRu talaimaNan'ta kAnam |
|
cenRanarkollO-cEyizai!-n'amarE? |
|
piriviTai vERupaTTALaik kaNTu, tOzi vaRpuRuppATkuk kizatti uraittatu.- kuTavAyiR kIrattan |
283. pAlai |
'uLLatu citaippOr' uLar enappaTAar; |
|
illOr vAzkkai iravinum iLivu' enac |
|
colliya vanmai teLiyak kATTic |
|
cenRanar vAzi-tOzi-enRum |
|
kURRattanna kolai vEl maRavar |
|
ARRu irun'tu alki, vazagkun'arc cekutta |
|
paTu muTaip parun'tu pArttirukkum |
|
n'eTu mUtiTaiya n'Ir il ARE. |
|
talaimakan poruLvayiR pirin'tavazi. 'ARRAL' enak kavanRa tOzikku, 'avar piriya ARREnAyinEnallEn; avar pOna kAnattut tanmai n'inain'tu vERupaTTEn'. enRu, kizatti |
284. kuRijci |
poruta yAnaip pukar mukam kaTuppa, |
|
manRat tuRukal mImicaip pala uTan |
|
oN ceg kAn'taL avizum n'ATan |
|
aRavan Ayinum, allan Ayinum, |
|
n'am EcuvarO? tam ilarkollO?- |
|
varaiyin tAzn'ta vAl veL aruvi |
|
kon n'ilaik kurampaiyin izitarum |
|
innAtu irun'ta ic ciRukuTiyOrE. |
|
varaiviTait tOzi, kizattikku uraippALAy, uraittatu. - miLaivEL tittan |
285. pAlai |
vaikA vaikal vaikavum vArAr; |
|
ellA ellai ellavum tOnRAr; |
|
yANTu uLarkollO?-tOzi!-INTu ivar |
|
colliya paruvamO ituvE; pal Uz |
|
pun puRap peTaiyoTu payiri, in puRavu |
|
imaikkaN Etu AkinRO!-jemait talai |
|
Un n'acaiip parun'tu irun'tu ukakkum |
|
vAn uyar piRagkal malai iRan'tOrE. |
|
paruvag kaNTu vERupaTTa iTattu, vaRpuRuttum tOzikku, vanpuRai etirazin'tu,talaimakaL colliyatu. - pUtat tEvan |
288. kuRijci |
kaRi vaLar aTukkattu AgkaN, muRi arun'tu |
|
kuragku orugku irukkum perug kal n'ATan |
|
iniyan; Akalin, inattin iyanRa |
|
innAmaiyinum, initO- |
|
initu enappaTUum puttEL n'ATE? |
|
talaimakanatu varavuNarn'tu, 'n'amperumAn n'amakku anpilan' enRa tOzikkuk kizatti uraittatu. - kapilar |
289. mullai |
vaLarpiRai pOla vazivazip peruki, |
|
iRai vaLai n'ekiztta evva n'OyoTu |
|
kuzai picain'tanaiyEm Aki cAay, |
|
uzaiyar anmaiyin uzappatu anRiyum, |
|
mazaiyum-tOzi!-mAnRupaTTanRE; |
|
paTTa mAri paTAakkaNNum, |
|
avar tiRattu iragkum n'amminum, |
|
n'am tiRattu iragkum, iv azugkal UrE. |
|
'kAlam kaNTu vERupaTTAL' enak kavanRa tOzikku, 'kAlattu van'tilar enRu vERupaTTEnallen; avaraip puRattAr, 'koTiyar' enRu kURakkETTu vERupaTTEn'enRu, talaimakaL |
290. n'eytal |
'kAmam tAgkumati' enpOrtAm aHtu |
|
aRiyalarkollO? anai matukaiyar kol? |
|
yAm, em kAtalark kANEm Ayin, |
|
ceRituni perukiya n'ejcamoTu, perun'Irk |
|
kal poru ciRu n'urai pOla, |
|
mellamella illAkutumE. |
|
vaRpuRuttum tOzikkut talaimakaL azivuRRuc colliyatu. - kalporuciRun'uraiyAr. |
293. marutam |
kaLLin kELir Arttiya, uLLUrp |
|
pALai tan'ta pajciam kuRug kAy |
|
Ogku irum peNNai n'ugkoTu peyarum |
|
Ati aruman mUtUr anna, |
|
aya veLLAmpal am pakai n'eRit tazai |
|
tittik kuRagkin Uz mARu alaippa, |
|
varumE cEyizai, an'til |
|
kozun'aR kANiya; aLiyEn yAnE! |
|
parattaiyiR pirin'tu van'ta kizavaRku vAyilAkap pukka tOzikkuk kizatti uraittatu. - kaLLil Attiraiyan |
296. n'eytal |
amma vAzi-tOzi!-punnai |
|
alagkucinai irun'ta am ciRai n'Arai |
|
uRukazic ciRu mIn munaiyin, ceRuvil |
|
kaL n'ARu n'eytal katiroTu n'ayakkum |
|
taNNam tuRaivaR kANin, mun n'inRu, |
|
kaTiya kazaRal Ompumati-'toTiyOL |
|
innaL Akat tuRattal |
|
n'ummin takumO?' enRanai tuNin'tE. |
|
kANum pozutiR kANap pozutu peritAkalAn, ARRALAya talaimakaL, talaimakan ciRaippuRattAnAka, tOzikkuc colluvALAyc colliyatu. - perumpAkkan |
296. n'eytal |
amma vAzi-tOzi!-punnai |
|
alagkucinai irun'ta am ciRai n'Arai |
|
uRukazic ciRu mIn munaiyin, ceRuvil |
|
kaL n'ARu n'eytal katiroTu n'ayakkum |
|
taNNam tuRaivaR kANin, mun n'inRu, |
|
kaTiya kazaRal Ompumati-'toTiyOL |
|
innaL Akat tuRattal |
|
n'ummin takumO?' enRanai tuNin'tE. |
|
kANum pozutiR kANap pozutu peritAkalAn, ARRALAya talaimakaL, talaimakan ciRaippuRattAnAka, tOzikkuc colluvALAyc colliyatu. - perumpAkkan |
299. n'eytal |
itu maRRu evanO-tOzi! mutu n'Irp |
|
puNari tiLaikkum puL imiz kAnal, |
|
iNar vIz punnai ekkar n'Izal, |
|
puNarkuRi vAytta jAnRaik koNkaR |
|
kaNTanaman, em kaNNE; avan col |
|
kETTanaman em ceviyE; maRRu-avan |
|
maNappin mANn'alam eyti, |
|
taNappin jekizpa, em taTa men tOLE? |
|
ciRaippuRamAkat tOzikkuk kizatti uraittatu. - veNmaNip pUti |
301. kuRijci |
muzavu mutal araiya taTavu n'ilaip peNNaik |
|
kozu maTal izaitta ciRu kOR kuTampaik |
|
karug kAl anRiR kAmar kaTujcUl |
|
vayavup peTai akavum pAnAT kagkul, |
|
manRam pOzum in maNi n'eTun' tEr |
|
vArAtuAyinum, varuvatu pOlac |
|
cevimutal icaikkum aravamoTu |
|
tuyil tuRan'tanavAl-tOzi!-en kaNNE. |
|
varaiviTai vaippa, 'ARRakiRRiyO?' enRa tOzikkuk kizatti colliyatu.- kunRiyan |
302. kuRijci |
uraitticin-tOzi!-atu puraittO anRE? |
|
arun' tuyar uzattalum ARRAm; atantalaip |
|
perumpiRitAkal ataninum ajcutum; |
|
annO! innum, n'al malai n'ATan, |
|
'piriyA n'aNpinar iruvarum' ennum |
|
alar-ataRku ajcinankollO? palar uTan |
|
tujcu Ur yAmattAnum, en |
|
n'ejcattu allatu varavu aRiyAnE. |
|
varaiviTaik kavanRa tOzikkuk kizatti colliyatu. - mAgkuTi kizAr |
304. n'eytal |
kolvinaip polin'ta kUr vAy eRiuLi |
|
mukam paTa maTutta muLivetir n'On kAz |
|
tAgku aru n'Irc curattu eRin'tu, vAgku vicaik |
|
koTun' timiR paratavar kOTTu mIn eRiya, |
|
n'eTug karai irun'ta kuRug kAl annattu |
|
veN tOTu iriyum vI tatai kAnal, |
|
kaitaiam taN punaR cErppanoTu |
|
ceytanemmanRa, Or pakai taru n'aTpE. |
|
varaiviTai, 'ARRAL' enak kavanRa tOzikkuk kizatti uraittatu.- kaNakkAyan tattan |
305. marutam |
kaN tara van'ta kAma oL eri |
|
enpu uRa n'aliyinum, avaroTu pENic |
|
cenRu, n'Am muyagkaRku arug kATciyamE |
|
van'tu ajar kaLaitalai avar ARRalarE; |
|
uyttanar viTAar pirittu iTai kaLaiyAr |
|
kuppaik kOzit tanip pOr pOla, |
|
viLivAgku viLiyin allatu, |
|
kaLaivOr ilai-yAn uRRa n'OyE. |
|
kAppu mikutikkaN, tOzi aRattOTu n'iRpALAka, tanatu ARRAmai tOnRat talaimakaL tannuLLE kURiyatu. - kuppaik kOziyAr. |
306. n'eytal |
'melliya, iniya, mEvaru takun'a, |
|
ivai moziyAm' enac collinum, avai n'I, |
|
maRattiyO vAzi-en n'ejcE!-pala uTan |
|
kAmar mAattut tAtu amar pUvin |
|
vaNTu vIzpu ayarum kAnal- |
|
teN kaTal cErppanaik kaNTa pinnE? |
|
kAppu mikutiyAn, n'ejcu mikkatu vAy cOrn'tu, kizatti uraittatu. - ammUvan |
307. pAlai |
vaLai uTaittanaiyatu Aki, palar toza, |
|
cev vAy vAnattu aiyenat tOnRi, |
|
innAp piRan'tanRu, piRaiyE; annO, |
|
maRan'tanarkollO tAmE-kaLiRu tan |
|
uyagkun'aTai maTappiTi varuttam n'OnAtu, |
|
n'ilai uyar yAam tolaiyak kutti, |
|
veN n'Ar koNTu, kai cuvaittu, aNNAn'tu, |
|
azugkal n'ejcamoTu muzagkum |
|
atta n'IL iTai azap pirin'tOrE? |
|
piriviTaik kaTujcoR colliya tOzikkuk kizatti uraittatu.- kaTampanUrc cANTiliyan |
310. n'eytal |
puLLum pulampina; pUvum kUmpina; |
|
kAnalum pulampu n'ani uTaittE; vAnamum, |
|
n'ammE pOlum mammarttu Aki, |
|
ellai kaziyap pullenRanRE; |
|
innum uLenE-tOzi!-in' n'ilai |
|
taNNiya kamazum jAzal |
|
taNNam tuRaivaRku uraikkun'arp peRinE. |
|
varaiviTai munin'tu kizatti tOzikku uraittatu. - perugkaNNan |
31. marutam |
maLLar kuzIiya vizavinAnum, |
|
makaLir tazIiya tuNagkaiyAnum, |
|
yANTum kANEn, mAN takkOnai; |
|
yAnum Or ATukaLa makaLE; en kaik |
|
kOTu Ir ilagku vaLai n'ekiztta |
|
pITu kezu kuricilum, Or ATukaLa makanE. |
|
n'otumalar varaivuzit tOzikkut talaimakaL aRattOTu n'inRatu. - Atiman'ti |
313. n'eytal |
perug kaTaR karaiyatu ciRuveN kAkkai |
|
n'Ittu n'Ir irug kazi irai tErn'tu uNTu, |
|
pUk kamaz potumparc cEkkum tuRaivanoTu |
|
yAttEm; yAttanRu n'aTpE; |
|
avizttaRku aritu; atu muTin'tu amain'tanRE. |
|
iravukkuRi van'tu ozukug kAlattut talaimakanatu varavu uNarn'tu, 'paNpilar' enRu iyaRpazitta tOzikku, 'avarOTu piRan'ta n'aTpu aziyAta n'aTpanRO!' enRu,ciRaippu |
314. mullai |
cEyuyar vicumpin n'Ir uRu kamajcUl |
|
taNkural ezili oN cuTar imaippa, |
|
peyal tAzpu iruLiya pulampu koL mAlaiyum, |
|
vArAr vAzi!-tOzi!-varUum |
|
in uRal iLa mulai jemugka- |
|
innA vaippin curan iRan'tOrE. |
|
piriviTai vERupaTTa kizatti, vaRpuRuttun' tOzikkup paruvag kATTi, azin'tu kURiyatu. - pEricAttan |
315. kuRijci |
ezutaru matiyam kaTal kaNTAagku |
|
ozuku veL aruvi Ogku malain'ATan |
|
jAyiRu anaiyan-tOzi!- |
|
n'erujci anaiya en perum paNaittOLE. |
|
varaiviTai, 'vERupaTukinRAy' enRa tOzikkuk kizatti uraittatu.- maturai vELAtattan |
316. n'eytal |
Ay vaLai jekizavum, ayarvu mey n'iRuppavum, |
|
n'Oy mali varuttam annai aRiyin, |
|
uLenO vAzi-tOzi!-viLiyAtu, |
|
uravuk kaTal poruta viravu maNal aTaikarai |
|
Orai makaLir OrAgku ATTa, |
|
Ayn'ta alavan tunpuRu tunaipari |
|
Ogku varal viritirai kaLaiyum |
|
tuRaivan collO piRa AyinavE? |
|
varaiviTai 'vERu paTukinRAy' enRa tOzikkuk kizatti uraittatu.- tumpi cEr kIran |
318. n'eytal |
eRi cuRAk kalitta ilagku n'Irp parappin, |
|
n'aRu vI jAzaloTu punnai tAay, |
|
veRi ayar kaLattinin tOnRum tuRaivan |
|
kuRiyAn Ayinum, kuRippinum, piRitu onRu |
|
aRiyARku uraippalO, yAnE? eytta ip |
|
paNai ezil men tOL aNaiiya an' n'AL |
|
pizaiyA vajcinam ceyta |
|
kaLavanum, kaTavanum, puNaivanum, tAnE. |
|
kizavan kETkum aNmaiyan Akat tOzikkuk kizatti uraittatu. - ammUvan |
319. mullai |
mAn ERu maTap piNai tazIi, maruL kUrn'tu, |
|
kAnam n'aNNiya putal maRain'tu oTugkavum, |
|
kaiyuTai n'al mAp piTiyoTu porun'ti, |
|
mai aNi marugkin malaiyakam cEravum, |
|
mAlai van'tanRu, mAri mA mazai; |
|
pon Er mEni n'al n'alam citaittOr |
|
innum vArAr Ayin, |
|
en Am, tOzi n'am in uyirn'ilaiyE |
|
paruva varavinkaN vERupaTTa kizatti vanpuRai etir azin'tu coRRatu.- tAyag kaNNan |
320. n'eytal |
perug kaTaR paratavar kOL mIn uNagkalin |
|
irug kazik koNTa iRavin vATaloTu, |
|
n'ilavu n'iRa veN maNal pulava, pala uTan, |
|
ekkartoRum parikkum tuRaivanoTu, oru n'AL, |
|
n'akkatOr paziyum ilamE pOtu aviz |
|
pon iNar marIiya puL imiz pogkarp |
|
punnaiam cEri iv Ur |
|
kon alar tURRum, tan koTumaiyAnE. |
|
alar ajci ARRALAkiya talaimakaL, talaivan kETpAnAkat tOzikkuk kURiyatu.- tumpicEr kIran |
322. kuRijci |
amarkkaN AmAn am cevik kuzavi |
|
kAnavar eTuppa verIi, inam tIrn'tu, |
|
kAnam n'aNNiya ciRukuTi paTTena, |
|
iLaiyar Ompa marIi, avaN n'ayan'tu, |
|
manai uRai vAzkkai valliyAgku, |
|
maruvin iniyavum uLavO? |
|
celvAm-tOzi!-olvAgku n'aTan'tE. |
|
talaimakan varavu uNarn'tu talaimakaL iyaRpaTa mozin'tatu. - aiyUr muTavan |
325. n'eytal |
'cERum cERum' enRalin, paNTait tam |
|
mAyac celavAc cettu, 'marugku aRRu |
|
mannik kazika' enREnE; annO! |
|
Acu Aku en'tai yANTu uLankollO? |
|
karug kAl veN kuruku mEyum |
|
perug kuLam AyiRRu, en iTaimulai n'iRain'tE. |
|
piriviTai, 'ARRAL' enak kavanRa tOzikkuk kizatti melin'tu uraittatu.- n'annAkaiyAr |
326. n'eytal |
tuNaitta kOtaip paNaip perun' tOLinar |
|
kaTal ATu makaLir kAnal izaitta |
|
ciRu manaip puNarn'ta n'aTpE-tOzi!- |
|
oru n'AL tuRaivan tuRappin, |
|
pal n'AL varUum innAmaittE, |
|
ciRaippuRam. |
327. kuRijci |
'n'alkin vAzum n'alkUrn'tOrvayin |
|
n'ayan ilar Akutal n'anRu' ena uNarn'ta |
|
kunRa n'ATantanninum, n'anRum |
|
n'in n'ilai koTitAl-tIm kaluz un'ti! |
|
n'am manai maTa makaL, 'inna menmaic |
|
cAyalaL; aLiyaL' ennAy, |
|
vAzai tan'tanaiyAl, cilampu pullenavE. |
|
kizavan kETkum aNmaiyanAka, avan malaiyininRum varum yARRoTu uraippALAyk kizatti uraittatu. - ammUvan |
329. pAlai |
kAna iruppai vEnil veN pU |
|
vaLi poru n'eTuj cinai ujaRRalin, Ar kazalpu, |
|
kaLiRu vazagku ciRu n'eRi putaiyat tAam |
|
piRagkumalai aruj curam iRan'tavarp paTarn'tu, |
|
payil iruL n'aTun'AL tuyil aritu Aki, |
|
teL n'Ir n'ikarmalar puraiyum |
|
n'al malar mazaikkaNiRku eLiyavAl, paniyE. |
|
piriviTai melin'ta kizatti vaRpuRuttum tOzikku, 'yAn' ARRuval' enpatu paTac colliyatu. - OtalAn'taiyAr |
330. marutam |
n'alattakaip pulaitti pacai tOyttu eTuttut |
|
talaip puTaip pOkkit taN kayattu iTTa |
|
n'Irin piriyAp parUut tiri kaTukkum |
|
pEr ilaip pakanRaip poti aviz vAn pU |
|
in kaTug kaLLin maNam ila kamazum |
|
punkaN mAlaiyum, pulampum, |
|
inRukol-tOzi!-avar cenRa n'ATTE? |
|
piriviTai vERupaTTa kizatti tOzikkuc colliyatu. - kazArk kIran eyiRRiyan |
334. n'eytal |
ciRu veN kAkkaic cev vAyp perun'tOTu |
|
eRi tirait tivalai Irm puRam n'anaippa, |
|
pani pulan'tu uRaiyum pal pUg kAnal |
|
iru n'Irc cErppan n'Ippin, oru n'am |
|
in uyir allatu, piRitu onRu |
|
evanO-tOzi!-n'Am izappatuvE? |
|
'varaiviTai ARRakiRRiyO?' enRa tOzikkuk kizatti colliyatu. - iLam pUtanAr |
340. n'eytal |
kAmam kaTaiyin kAtalarp paTarn'tu, |
|
n'Am avarp pulampin, n'ammOTu Aki, |
|
oru pAR paTutal cellAtu, AyiTai, |
|
azuvam n'inRa alar vErk kaNTal |
|
kazi peyar marugkin olki, Otam |
|
peyartarap peyartan'tAgku, |
|
varun'tum-tOzi!-avar irun'ta en n'ejcE. |
|
iravukkuRi uNarttiya tOzikkuk kizatti maRuttatu. - ammUvan |
341. n'eytal |
pal vI paTariya pacu n'anai kuravam |
|
porip pUm punkoTu pozil aNik koLAac |
|
cinai initu Akiya kAlaiyum, kAtalar |
|
pENAr Ayinum, 'periyOr n'ejcattuk |
|
kaNNiya ANmai kaTavatu anRu' ena, |
|
valiyA n'ejcam valippa, |
|
vAzvEn-tOzi!-en vankaNAnE. |
|
'paruva varavinkaN vERupaTum' enak kavanRa tOzikkuk kizatti uraittatu- miLaikizAn n'al vETTan |
344. mullai |
n'ORROr manRa-tOzi!-taNNenat |
|
tURRum tuvalaip panik kaTun' tigkaL |
|
pulam payir arun'ta aNNal ERRoTu |
|
n'ilam tUgku aNala vIgku mulai ceruttal |
|
pAl vArpu, kuzavi uLLi, n'irai iRan'tu, |
|
Urvayin peyarum punkaN mAlai, |
|
arum peRal poruT piNip pOkip |
|
pirin'tu uRai kAtalar vara, kANpOrE. |
|
piriviTai vaRpuRuttum tOzikkut talaimakaL kURiyatu. - kuRugkuTi marutan |
349. n'eytal |
'aTumpu aviz aNi malar citaiiya mIn arun'ti, |
|
taTan' tAL n'Arai irukkum ekkart |
|
taNNam tuRaivaR toTuttu, n'am n'alam |
|
koLvAm' enRi-tOzi!-koLvAm; |
|
iTukkaN ajci iran'tOr vENTiya |
|
koTuttu 'avai tA' enak kURalin, |
|
innAtO, n'am in uyir izappE? |
|
parattaimATTup pirin'tu van'ta talaimakan kETkum aNmaiyanAka, tOzikkuk kizatti kURiyatu. - cAttan. |
352. pAlai |
n'eTu n'Ir Ampal aTaip puRattanna |
|
koTu men ciRaiya kUr ukirp paRavai |
|
akal ilaip palavin cAral munni, |
|
pakal uRai mutu maram pulampap pOkum |
|
ciRu pun mAlai uNmai |
|
aRivEn-tOzi-! avark kANA UgkE. |
|
piriviTait tOzikkuk kizatti melin'tu kURiyatu. - kaTiyalUr uruttirag kaNNanAr |
360. kuRijci |
veRi ena uNarn'ta vElan n'Oy marun'tu |
|
aRiyAn Akutal annai kANiya, |
|
arum paTar evvam inRu n'Am uzappinum, |
|
vAraRkatilla-tOzi!-cAral |
|
piTik kai anna perug kural Enal |
|
uN kiLi kaTiyum koTicci kaik kuLirE |
|
cilampin cilampum cOlai |
|
ilagku malai n'ATan iravinAnE. |
|
talaimakan ciRaippuRattAnAka, veRi ajciya tOzikkuc colluvALAyt talaivi colliyatu - maturai Izattup pUtan tEvan |
361. kuRijci |
amma vAzi, tOzi!-annaikku |
|
uyarn'ilai ulakamum ciRitAl-avar malai |
|
mAlaip peyta maNam kamaz un'tiyoTu |
|
kAlai van'ta muzumutaR kAn'taL |
|
mel ilai kuzaiya muyagkalum, |
|
il uyttu n'aTutalum, kaTiyAtOLE. |
|
varaivu malin'tavazit tOzi, 'n'anku ARRinAy!' enRATkuk kizatti colliyatu.- kapilar |
368. marutam |
melliyalOyE! melliyalOyE! |
|
n'al n'AN n'Itta pazi tIr mAmai |
|
vanpin ARRutal allatu, ceppin, |
|
colla kiRRA melliyalOyE! |
|
ciRiyarum periyarum vAzum UrkkE, |
|
n'AL iTaip paTAa n'aLi n'Ir n'Ittattu |
|
iTikaraip peru maram pOla, |
|
tItu il n'ilaimai muyagkukam palavE. |
|
varaivu malin'ta tOzikkuk kizatti kURiyatu. - n'akkIrar |
377. kuRijci |
malar Er uNkaN mAN n'alam tolaiya, |
|
vaLai Er men tOL jekizn'tatan talaiyum, |
|
mARRu AkinRE-tOzi!-ARRalaiyE- |
|
aRitaRku amaiyA n'ATanoTu |
|
ceytu koNTatu Or ciRu n'al n'aTpE. |
|
varaiviTai, 'ARRAL' enak kavanRa tOzikkuk kizatti azin'tu kURiyatu.- mOci koRRan |
385. kuRijci |
palavil cErn'ta pazam Ar inak kalai, |
|
cilai viR kAnavan cen' toTai verIi |
|
ceru uRu kutiraiyin pogki, cAral |
|
iru vetir n'ITu amai tayagkap pAyum |
|
peru varai aTukkattuk kizavOn enRum |
|
anRai anna n'aTpinan; |
|
putuvOrttu amma, iv azugkal UrE. |
|
vERRu varaivu mARRiyatu. - kapilar |
386. n'eytal |
veN maNal virin'ta vI tatai kAnal |
|
taNNan' tuRaivan taNavA UgkE, |
|
vAl izai makaLir vizavu aNik kUTTum |
|
mAlaiyO aRivEnmannE; mAlai |
|
n'ilam paran'tanna punkaNoTu |
|
pulampu uTaittu Akutal aRiyEn yAnE. |
|
piriviTai vaRpuRuttum tOzikkut kizatti vanpuRai etir azin'tu kURiyatu.- veLLivItiyAr |
387. mullai |
ellai kaziya, mullai malara, |
|
katir cinam taNin'ta kaiyaRu mAlai, |
|
uyir varampAka n'In'tinam Ayin, |
|
evankol vAzi?-tOzi!- |
|
kagkul veLLam kaTalinum peritE! |
|
piriviTai vaRpuRuttum tOzikkuk kizatti vanpuRai etir azin'tu kURiyatu.- kagkul veLLattAr |
391. mullai |
uvari oruttal uzAatu maTiyap |
|
pukari puzugkiya puyal n'Igku puRavil, |
|
kaTitu iTi urumin pAmpu pai aviya, |
|
iTiyoTu mayagki initu vIzn'tanRE; |
|
vIzn'ta mA mazai tazIip pirin'tOr |
|
kaiyaRa van'ta paiyuL mAlai, |
|
pUj cinai irun'ta pOzkaN majjai |
|
tAamn'Ir n'anan'talai pulampak |
|
kUum-tOzi!-perum pEtaiyavE! |
|
piriviTai, 'paruva varavinkaN ARRAL' enak kavanRa tOzikkuk kizatti azin'tu colliyatu. - ponmaNiyAr |
395. pAlai |
n'ejcE n'irai ollAtE; avarE, |
|
anpu inmaiyin, aruL poruL ennAr; |
|
vankaN koNTu valittu vallun'arE; |
|
aravu n'ugku matiyiRku ivaNOr pOlak |
|
kaLaiyAr Ayinum, kaN initu paTIiyar; |
|
ajcal enmarum illai; an'til |
|
aLitOtAnE n'ANE- |
|
Agku avar vativayin n'IgkappaTinE! |
|
varaiviTai vaittup piriya, ARRALAkiya kizatti, 'n'Am ANTuc cERum' enat tOzikku uraittatu. |
399. marutam |
Ur uN kENi uNtuRait tokka |
|
pAci aRRE pacalai-kAtalar |
|
toTuvuzit toTuvuzi n'Igki, |
|
viTuvuzi viTuvuzip parattalAnE. |
|
varaivu n'ITTitta iTattut talaimakaL tOzikkuc colliyatu. - paraNar |
401. n'eytal |
aTumpin Ay malar viraii, n'eytal |
|
n'eTun' toTai vEyn'ta n'Ir vAr kUn'tal |
|
Orai makaLir ajci, Ir jeNTu |
|
kaTalil parikkum tuRaivanoTu, oru n'AL, |
|
n'akku viLaiyATalum kaTin'tanRu, |
|
aitE kamma, mey tOy n'aTpE! |
|
vERupATu kaNTu iRceRikkappaTTa talaimakaL, tannuLLE colliyatu. - ammUvan |
|