tOzi |
1. kuRijci |
cegkaLam paTak konRu avuNart tEytta |
|
ceg kOl ampin, ceg kOTTu yAnai, |
|
kazal toTi, cEey kunRam |
|
kurutip pUvin kulaik kAn'taTTE. |
|
tOzi kaiyuRai maRuttatu. - tipputtOLAr |
9. n'eytal |
yAy AkiyaLE mAayOLE- |
|
maTai mAN ceppil tamiya vaikiya |
|
peyyAp pUvin mey cAyinaLE; |
|
pAcaTai n'ivan'ta kaNaik kAl n'eytal |
|
ina mIn irug kazi Otam malkutoRum |
|
kayam mUzku makaLir kaNNin mAnum |
|
taNNam tuRaivan koTumai |
|
n'am mun n'ANik karappATummE. |
|
talaimakaRkut tOzi vAyil n'Ern'tatu. - kayamanAr |
10. marutam |
yAy AkiyaLE vizavu mutalATTi; |
|
payaRu pOl iNara pain' tAtu paTIiyar |
|
uzavar vAgkiya kamaz pU men cinaik |
|
kAjci Uran koTumai |
|
karan'tanaL Akalin, n'ANiya varumE. |
|
talaimakaRkut tOzi vAyil n'Ern'tatu. - OrampOkiyar |
16. pAlai |
uLLArkollO-tOzi! kaLvar |
|
pon punai pakazi ceppam koNmAr, |
|
ukir n'uti puraTTum Ocai pOla, |
|
ceg kAR palli tan tuNai payirum |
|
am kAR kaLLiam kATu iRan'tOrE? |
|
poruLvayiR pirin'taviTattut talaimakaL ARRAmai kaNTu, tOzi kURiyatu.- pAlai pATiya perugkaTugkO |
18. kuRijci |
vEral vEli vEr kOT palavin |
|
cAral n'ATa! cevviyai Akumati! |
|
yAr aHtu aRin'ticinOrE?-cAral |
|
ciRu kOTTup perum pazam tUgkiyAgku, ivaL |
|
uyir tavac ciRitu; kAmamO peritE! |
|
iravukkuRi van'tu n'Igkum talaimakanait tOzi etirppaTTu, varaivu kaTAyatu.-kapilar |
22. pAlai |
n'Ir vAr kaNNai n'I ivaN oziya, |
|
yArO pirikiRpavarE?-cAral |
|
cilampu aNi koNTa valam curi marAattu |
|
vEnil am cinai kamazum |
|
tEm Ur oNNutal!-n'innoTum, celavE. |
|
celavukkuRippaRin'tu ARRALAkiya kizattiyait tOzi vaRpuRuttiyatu.- cEramAn en'tai |
23. kuRijci |
akavanmakaLE! akavanmakaLE! |
|
manavuk kOppu anna n'al n'eTun' kUn'tal |
|
akavanmakaLE! pATuka pATTE; |
|
innum, pATuka, pATTE-avar |
|
n'al n'eTug kunRam pATiya pATTE. |
|
kaTTukkANiya n'inRaviTattu, tOzi aRattOTu n'inRatu. - auvaiyAr |
26. kuRijci |
arumpu aRa malarn'ta karug kAl vEgkai |
|
mEkku ezu peruj cinai irun'ta tOkai |
|
pUk koy makaLirin tOnRum n'ATan |
|
takAan pOlat tAn tItu moziyinum, |
|
tan kaN kaNTatu poykkuvatu anRE- |
|
tEk kokku arun'tum muL eyiRRuttuvar vAy |
|
varai ATu van paRazt tan'taik |
|
kaTuvanum aRiyum, ak koTiyOnaiyE. |
|
n'aRRAyum cevilit tAyum talaimakaLatu vERupATu kaNTu, 'iHtu eRRinAn AyiRRu?' enRu kaTTuvicciyai vinavik kaTTuk kANkinRa kAlattu,'talaimakaLatu vERupATTiRkuk kAr |
34. marutam |
oRuppa Ovalar, maRuppat tERalar, |
|
tamiyar uRagkum kauvai inRAy, |
|
iniyatu, kETTu inpuRuka iv UrE!- |
|
munAatu, yAnaiyagkurukin kAnal am perun'tOTu |
|
aTTa maLLar Arppu icai verUum |
|
kuTTuvan maran'tai anna em |
|
kuzai viLagku Ay n'utaR kizavanum avanE. |
|
varaivu malin'tamai UrmEl vaittut tOzi kizattikkuc colliyatu.- kollik kaNNan |
37. pAlai |
n'acai peritu uTaiyar; n'alkalum n'alkuvar; |
|
piTi paci kaLaiiya perug kai vEzam |
|
men cinai yAam poLikkum |
|
anpina-tOzi!-avar cenRa ARE. |
|
tOzi, 'kaTitu varuvar' enRu, ARRuvittatu. - pAlai pATiya perugkaTugkO |
42. kuRijci |
kAmam ozivatuAyinum-yAmattuk |
|
karuvi mA mazai vIzn'tena, aruvi |
|
viTarakattu iyampum n'ATa!- em |
|
toTarpum tEyumO, n'invayinAnE? |
|
iravukkuRi vENTiya kizavaRkut tOzi n'Ern'ta vAyppATTAn maRuttatu - kapilar |
45. marutam |
kAlai ezun'tu, kaTun' tEr paNNi, |
|
vAl izai makaLirt tazIiya cenRa |
|
mallal Uran, 'ellinan peritu' ena, |
|
maRuvarum ciRuvan tAyE; |
|
teRuvatu amma, it tiNaip piRattallE. |
|
talaimakaRkup pAgkAyinAr vAyil vENTiyavazi, tOzi vAyil n'Ern'tatu.- AlagkuTi vagkanAr |
47. kuRijci |
karug kAl vEgkai vI uku tuRukal |
|
irum pulik kuruLaiyin tOnRum kATTiTai |
|
elli varun'ar kaLaviRku |
|
n'allai allai-n'eTu veNNilavE! |
|
irA van'tu ozukugkAlai, munnilaip puRamoziyAka n'ilaviRku uraippALAkat tOzi uraittatu. - n'eTuveNNilavinA |
48. pAlai |
'tAtin ceyta taN panip pAvai |
|
kAlai varun'tum kaiyARu Ompu' ena, |
|
Orai Ayam kURak kETTum, |
|
inna paNpin inai peritu uzakkum |
|
n'annutal pacalai n'Igka, anna |
|
n'acai Aku paNpin oru col |
|
icaiyAtukollO, kAtalar tamakkE? |
|
pakaRkuRikkaN kANum pozutinum kANappozutu peritAkalin, vERupaTTa kizattiyatu vERupATu kaNTu, tOzi colliyatu. - pUgkaNuttiraiyAr |
51. n'eytal |
kUn muL muNTakak kUrm pani mA malar |
|
n'Ul aRu muttin kAloTu pARit |
|
tuRaitoRum parakkum tU maNaR cErppanai |
|
yAnum kAtalen; yAyum n'ani veyyaL; |
|
en'taiyum koTIiyarvENTum; |
|
ampal Urum avanoTu mozimE. |
|
varaivu n'ITTittaviTattu ARRALAkiya talaimakaTkut tOzi varaivu malivukURiyatu - kunRiyanAr |
52. kuRijci |
Ar kaLiRu mititta n'Ir tikaz cilampil |
|
cUr n'acain'tanaiyaiyAy n'aTugkal kaNTE, |
|
n'aran'tam n'ARum kuvai irug kUn'tal, |
|
n'iran'tu ilagku veN pal, maTan'tai! |
|
parin'tanen allenO, iRaiiRai yAnE? |
|
varaivu malivu kETTa talaimakaTkut tOzi, munnALil tAn aRattoTu n'inRamai kAraNattAl itu viLain'tatu enpatu paTak kURiyatu. - panampAranAr |
53. marutam |
em aNagkinavE-makizn'a! munRil |
|
n'anai mutir punkin pUt tAz veN maNal, |
|
vElan punain'ta veRi ayar kaLamtoRum |
|
cen' n'el vAn pori citaRi anna, |
|
ekkar n'aNNiya em Ur viyan tuRai, |
|
n'Er iRai munkai paRRi, |
|
cUraramakaLirOTu uRRa cULE. |
|
varaivu n'ITTittavazit tOzi talaimakaRku uraittatu. - kOpperujcOzan |
55. n'eytal |
mAk kazi maNi pUk kUmpa, tUt tiraip |
|
pogku pitirt tuvalaiyoTu magkul taii, |
|
kaiyaRa van'ta taivaral UtaiyoTu |
|
innA uRaiyuTTu Akum |
|
cil n'ATTu amma-ic ciRu n'al UrE. |
|
varaivoTu pukutAnEl ivaL iRan'tupaTum' enat tOzi, talaimakan ciRaippuRattAnAkac colliyatu. - n'eytaR kArkkiyar |
59. pAlai |
patalaip pANip paricilar kOmAn |
|
atalaik kunRattu akal vAyk kuNTu cunaik |
|
kuvaLaiyoTu potin'ta kuLavi n'ARu n'aRu n'utal |
|
tavvena maRapparO-maRRE; muyalavum, |
|
curam pala vilagkiya arum poruL |
|
n'irampA Akalin, n'ITalO inRE. |
|
piriviTai azin'ta kizattiyait tOzi vaRpuRuttiyatu. - mOcikIranAr |
61. marutam |
taccan ceyta ciRu mA vaiyam, |
|
Urn'tu inpuRAar Ayinum, kaiyin |
|
Irttu inpuRUum iLaiyOr pOla, |
|
uRRu inpuREem Ayinum, n'aRROrp |
|
poykai Uran kENmai |
|
ceytu inpuRRanem; ceRin'tana vaLaiyE. |
|
tOzi talaimakan vAyilkaTku uraittatu. - tumpicErkIran |
66. mullai |
maTavamanRa, taTavu n'ilaik konRai- |
|
kal piRagku attam cenROr kURiya |
|
paruvam vArAaLavai, n'eritarak |
|
kompu cEr koTi iNar Uztta, |
|
vampa mAriyaik kAr ena matittE. |
|
paruvag kaNTu azin'ta talaimakaLait tOzi, 'paruvam anRu' enRu vaRpuRIiyatu - kOvarttanAr |
69. kuRijci |
karug kaT tAk kalai perum piRitu uRRena, |
|
kaimmai uyyAk kAmar man'ti |
|
kallA van paRaz kiLaimutal cErtti, |
|
Ogku varai aTukkattup pAyn'tu uyir cekukkum |
|
cAral n'ATa! n'aTu n'AL |
|
vAral; vAziyO! varun'tutum yAmE! |
|
tOzi iravukkuRi maRuttatu. - kaTun'tOT karavIran |
73. kuRijci |
makizn'an mArpE veyyaiyAl n'I; |
|
aziyal vAzi-tOzi!-n'annan |
|
n'aRu mA konRu jATpil pOkkiya |
|
onRumozik kOcar pOla, |
|
vankaT cUzcciyum vENTumAl ciRitE. |
|
pakaRkuRi maRuttu, iravukkuRi n'Ern'tu, atuvum maRuttamaipaTat talaimakaTkut tOzi colliyatu - paraNar |
74. kuRijci |
viTTa kutirai vicaippin anna, |
|
vicumpu tOy pacug kazaik kunRa n'ATan |
|
yAm taR paTarn'tamai aRiyAn, tAnum |
|
vEnil AnERu pOlac |
|
cAyinan enpa-n'am mAN n'alam n'ayan'tE. |
|
tOzi talaimakan kuRai maRAtavARRAl kURiyatu. - viTTa kutiraiyAr |
81. kuRijci |
ivaLE, n'in col koNTa en col tERi, |
|
pacu n'anai jAzal pal cinai oru ciRaip |
|
putu n'alan izan'ta pulampumAr uTaiyaL; |
|
utuk kAN teyya; uLLal vENTum- |
|
n'ilavum iruLum pOlap pulavut tiraik |
|
kaTalum kAnalum tOnRum |
|
maTal tAz peNNai em ciRu n'al UrE. |
|
tOziyiR kUTTag kUTip piriyum talaimakaRkut tOzi colliyatu. -vaTama vaNNakkan pEricAttan |
83. kuRijci |
arum peRal amiztam Arpatam Akap |
|
perum peyar ulakam peRIiyarO, annai- |
|
tam il tamatu uNTanna cinaitoRum |
|
tIm pazam tUgkum palavin |
|
Ogku malai n'ATanai, 'varum' enROLE! |
|
talaimakan varain'tu eytutal uNarttiya ceviliyait tOzi vAzttiyatu. - veNpUtan |
85. marutam |
yArinum iniyan; pEr anpinanE- |
|
uLLUrk kurIit tuLLun'aTaic cEval |
|
cUl mutir pETaikku Inil izaiiyar, |
|
tEm potik koNTa tIm kazaik karumpin |
|
n'ARA veN pU kozutum |
|
yANar Uran pANan vAyE. |
|
vAyil vENTic cenRa pANaRkut tOzi colli, vAyil maRuttatu. - vaTama vaNNakkan tAmOtaran |
88. kuRijci |
oli veL aruvi Ogku malai n'ATan, |
|
ciRu kaT perug kaLiRu vayap puli tAkkit |
|
tol muraN collum tun aruj cAral, |
|
n'aTu n'AL varutalum varUum; |
|
vaTu n'ANalamE-tOzi!-n'AmE. |
|
iravukkuRi n'Ern'ta vAyppATTAl tOzi talaimakaTkuc colliyatu. -maturaik katakkaNNan |
89. marutam |
pA aTi urala pakuvAy vaLLai |
|
Etil mAkkaL n'uvaRalum n'uvalpa; |
|
azivatu evankol, ip pEtai UrkkE?- |
|
perum pUN poRaiyan pEem mutir kollik |
|
karug kaT teyvam kuTavarai ezutiya |
|
n'al iyal pAvai anna im |
|
mel iyal kuRumakaL pATinaL kuRinE. |
|
talaimakan ciRaippuRattAnAkat tOzi tannuLLE colluvALAyc colliyatu;talaimakaRkup pAgkAyinAr kETpac colli, vAyil maRuttatUum Am. - paraNar |
90. kuRijci |
eRRO vAzi?-tOzi!-muRRupu |
|
kaRi vaLar aTukkattu iravil muzagkiya |
|
magkul mA mazai vIzn'tena, pogku mayirk |
|
kalai toTa izukkiya pU n'ARu palavuk kani, |
|
varai izi aruvi uNtuRait tarUum |
|
kunRa n'ATan kENmai |
|
men tOL cAyttum cAlpu InRanRE. |
|
varaivu n'ITTittavazi ARRALAkiya talaimakaTku, talaimakan ciRaippuRamAkattOzi kURiyatu. - maturai ezuttALan cEn'tan pUtan |
109. n'eytal |
muT kAl iRavin muTagku puRap perug kiLai |
|
puNari ikutirai tarUum tuRaivan |
|
puNariya irun'ta jAnRum, |
|
innatu mannO, n'al n'utaR kavinE! |
|
talaivan ciRaippuRamAka, talaivi vERupATukaNTa puRattAr alar kURukinRamai tOnRa, tOzi talaimakaTkuk kURuvALAyk kURiyatu. - n'ampi kuTTuvan |
111. kuRijci |
men tOL n'ekiztta cellal, vElan, |
|
'venRi n'eTu vEL' ennum; annaiyum, |
|
atu ena uNarum Ayin, AyiTaik |
|
kUzai irum piTik kai karan'tanna |
|
kEz irun' tuRukal kezu malai n'ATan |
|
vallE varuka-tOzi!-n'am |
|
illOr peru n'akai kANiya ciRitE! |
|
varaivu n'ITTittavazit talaimakaL vERupATu kaNTu veRiyeTuppak karutiya tAyatu n'ilaimai talaimakaTkuc colluvALAy, talaivan ciRaippuRamAkat tOzi kURiyatu. - tInm |
113. marutam |
Urkkum aNittE, poykai; poykaikkuc |
|
cEyttum anRE, ciRu kAnyARE: |
|
irai tEr veN kuruku allatu yAvatum |
|
tunnal pOkinRAl, pozilE; yAm em |
|
kUzaikku erumaNam koNarkam cERum; |
|
ANTum varukuvaL perum pEtaiyE. |
|
pakaRkuRi n'Ern'ta talaimakaRkuk kuRippinAl kuRiyiTam peyarttuc colliyatu.- mAtIrttan |
114. n'eytal |
n'eytal parappil pAvai kiTappi, |
|
n'inkuRi van'tanen, iyal tErk koNka!- |
|
celkam; cela viyagkoNmO-alkalum, |
|
Aral arun'ta vayiRRa |
|
n'Arai mitikkum, en makaL n'utalE, |
|
iTattuyttu n'Igkum tOzi talaimakaRkuk kURiyatu. - ponnAkan |
115. kuRijci |
peru n'anRu ARRin, pENArum uLarE? |
|
oru n'anRu uTaiyaL Ayinum, puri mANTu, |
|
pulavi tIra aLimati-ilai kavarpu, |
|
ATu amai ozukiya taN n'aRuj cAral, |
|
menn'aTai maraiyA tujcum |
|
n'an malai n'ATa!-n'in alatu ilaLE. |
|
uTanpOkku oruppaTuttu mILum tOzi talaimakaRkuk kURiyatu. - kapilar |
117. n'eytal |
mAri Ampal anna kokkin |
|
pArval ajciya paruvaral Ir jeNTu |
|
kaNTal vEr aLaic celIiyar, aNTar |
|
kayiRu ari eruttin, katazum tuRaivan |
|
vArAtu amaiyinum amaika! |
|
ciRiyavum uLa INTu, vilaijar kaivaLaiyE. |
|
varaivu n'ITTittaviTattut talaimakaTkut tOzi colliyatu. - kunRiyanAr |
123. n'eytal |
iruL tiNin'tanna Irn' taN kozu n'izal, |
|
n'ilavuk kuvittanna veN maNal oru ciRai, |
|
karug kOTTup punnaip pUm pozil pulampa, |
|
innum vArAr; varUum, |
|
pal mIn vETTattu ennaiyar timilE, |
|
pakaRkuRiyiTattu van'ta talaimakanaik kANAta tOzi, avan ciRaippuRattAnAtal aRin'tu, talaimakaTkuc colliyatu. - aiyUr muTavan |
124. pAlai |
umaNar cErn'tu kazin'ta marugkin, akan talai, |
|
Ur pAzttanna Omaiam perug kATu |
|
innA enRir Ayin, |
|
iniyavO-peruma!-tamiyOrkku manaiyE? |
|
puNarn'tu uTan pOka n'inaitta talaimakaL oziyap pOkaluRRa talaimakaRkut tOzi colliyatu. - pAlai pATiya perugkaTugkO |
127. marutam |
kuruku koLak kuLitta keNTai ayalatu |
|
uru kezu tAmarai vAl mukai verUum |
|
kazaniam paTappai kAjci Ura! |
|
oru n'in pANan poyyan Aka, |
|
uLLa pANar ellAm |
|
kaLvar pOlvar, n'I akanRicinOrkkE. |
|
pANan vAyilAkap pukkavazit talaimakaRkut tOzi colliyatu. - OrampOkiyAr |
130. pAlai |
n'ilam toTTup pukAar; vAnam ERAr; |
|
vilagku iru mun'n'Ir kAlin cellAr; |
|
n'ATTinn'ATTin Urin Urin |
|
kuTimuRai kuTimuRai tErin, |
|
keTun'arum uLarO?-n'am kAtalOrE. |
|
piriviTai azin'ta talaimakaLait tOzi vaRpuRuttiyatu; 'n'I avar pirin'tAr enRu ARRAyAkinRatu ennai? yAn avar uLvazi aRin'tu tUtu viTTukkoNarvEn;n'in ARRAmai n'Ig |
138. kuRijci |
kon Ur tujcinum, yAm tujcalamE- |
|
em il ayalatu Ezil umpar, |
|
mayil aTi ilaiya mAk kural n'occi |
|
aNi miku men kompu Uztta |
|
maNi maruL pUvin pATu n'ani kETTE. |
|
kuRi pizaitta talaimakan piRRai jAnRu iravukkuRi van'tuzi, tOzi ciRaippuRamAkak kURiyatu; iravukkuRi n'Ern'tatUum Am. - kollan azici |
139. marutam |
manai uRai kOzi kuRug kAl pETai, |
|
vEli verukinam mAlai uRRena, |
|
pukum iTan aRiyAtu tokupu uTan kuzIiya |
|
paitaR piLLaik kiLai payirn'tAagku |
|
innAtu icaikkum ampaloTu |
|
vAral, vAziyar!-aiya!-em teruvE. |
|
vAyil vENTip pukka talaimakaRkut tOzi vAyil maRuttatu. - okkUr mAcAttiyAr. |
143. kuRijci |
aziyal-Ayizai!-anpu peritu uTaiyan; |
|
paziyum ajcum, paya malai n'ATan; |
|
n'illAmaiyE n'ilaiyiRRu Akalin, |
|
n'al icai vETTa n'ayanuTai n'ejcin |
|
kaTappATTALanuTaip poruL pOlat |
|
tagkutaRku uriyatu anRu, n'in |
|
am kaluz mEnip pAaya pacappE. |
|
varaiviTai vaittup pirin'taviTattut talaimakaTkut tOzi kURiyatu.- maturaik kaNakkAyan makan n'akkIran. |
146. kuRijci |
amma vAzi, tOzi!-n'am Urp |
|
pirin'tOrp puNarppOr irun'tanar kollO?- |
|
taNTuTai kaiyar, veNtalaic citavalar, |
|
'n'anRun'anRu' ennum mAkkaLoTu |
|
inRu peritu ennum, AgkaNatu avaiyE. |
|
talaimakan tamar varaivoTu van'tu collATukinRuzi, 'varaivu maRuppavO?' enak kavanRa talaimakaTkut tOzi colliyatu. - veLLivItiyAr. |
159. kuRijci |
'tazai aNi alkul tAgkal cellA |
|
n'uzai ciRu n'ucuppiRku evvam Aka, |
|
am mel Akam n'iRaiya vIgkik |
|
kommai vari mulai ceppuTan etirina; |
|
yAgku AkuvaLkol pUgkuzai?' ennum |
|
avala n'ejcamoTu ucAvAk |
|
kavalai mAkkaTTu-ip pEtai UrE. |
|
talaimakan ciRaippuRamAkat tOzi ceRippaRivuRuttatu; uyir cela vERRu varaivu varinum atu mARRutaRku n'ikazn'tatUum Am. - vaTama vaNNakkan pEricAttan. |
166. n'eytal |
taN kaTaR paTu tirai peyarttalin, veN paRai |
|
n'Arai n'irai peyarn'tu ayirai Arum, |
|
UrO n'anRuman, maran'tai; |
|
oru tani vaikin, pulampu AkinRE. |
|
kAppu mikutikkaN tOzi talaimakaTku uraittatu. - kUTalUr kizAr |
177. n'eytal |
kaTal pATu avin'tu, kAnal mayagki, |
|
tuRai n'Ir irug kazi pullenRanRE; |
|
manRalam peNNai maTal cEr vAzkkai |
|
anRilum paiyena n'aralum; inRu avar |
|
varuvarkol vAzi-tOzi!-n'Am n'akap |
|
pulappinum pirivu Agku ajcit |
|
taNappu arug kAmam taNTiyOrE? |
|
kizavan varavuNarn'tu, tOzi kizattikku uraittatu. - ulOccan |
178. marutam |
ayirai paran'ta am taN pazanattu |
|
En'tu ezil malara tUmpuTait tiraLkAl |
|
Ampal kuRun'ar n'Ir vETTAgku, ivaL |
|
iTai mulaik kiTan'tum, n'aTugkal AnIr; |
|
tozutu kAN piRaiyin tOnRi, yAm n'umakku |
|
ariyam Akiya kAlaip |
|
periya n'OnRanir; n'OkO yAnE. |
|
kaTin'akar pukka tOzi, talaimakan puNarcci vitumpal kaNTu, munnark kaLavuk kAlattu ozukalARRinai n'inain'tu, azin'tu kURiyatu. - n'etumpalliyattai |
179. kuRijci |
kallen kAnattuk kaTamA ATTi, |
|
ellum ellinRu; jamaliyum iLaittana; |
|
cellal-aiiya!-utu em UrE; |
|
Ogku varai aTukkattut tIm tEn kizitta |
|
kuvaiyuTaip pacug kazai tinRa kaya vAyp |
|
pEtai yAnai cuvaitta |
|
kUzai mUgkiR kuvaTTiTaiyatuvE. |
|
pakal varuvAnai iravukkuRi n'Ern'tAL pOnRu varaivu kaTAyatu. - kuTTuvan kaNNan |
196. marutam |
vEmpin paig kAy en tOzi tarinE, |
|
'tEm pUg kaTTi' enRanir; iniyE, |
|
pAri paRampil panic cunait teNNIr |
|
taiit tigkaL taNNiya tarinum, |
|
'veyya uvarkkum' enRanir- |
|
aiya!-aRRAl anpin pAlE. |
|
vAyil vENTip pukka kizavaRkut tOzi kURiyatu. - miLaik kan'tan. |
198. kuRijci |
yAam konRa maram cuTTa iyavil |
|
karumpu maruL mutala pain' tAT cen' tinai |
|
maTap piTit taTakkai anna pAl vArpu, |
|
karik kuRaTTu iRaijciya ceRik kOT paig kural |
|
paTukiLi kaTikam cERum; aTupOr |
|
eHku viLagku taTak kai malaiyan kAnattu |
|
Aram n'ARum mArpinai, |
|
vAraRkatilla; varukuvaL yAyE. |
|
tOzi kuRiyiTam peyarttuk kURiyatu. - kapilar |
210. mullai |
tiN tEr n'aLLi kAnattu aNTar |
|
pal A payan'ta n'eyyin, toNTi |
|
muzutuTan viLain'ta veNNel vej cORu |
|
ezu kalattu En'tinum ciRitu-en tOzi |
|
perun' tOL n'ekiztta cellaRku |
|
virun'tu varak karain'ta kAkkaiyatu paliyE. |
|
pirin'tu van'ta talaimakan, 'n'anku ARRuvittAy!' enRARkut tOzi uraittatu - kAkkai pATiniyAr n'acceLLaiyAr. |
211. pAlai |
am cil Oti Ay vaLai n'ekiza |
|
n'on'tum, n'am aruLAr n'IttOrkku ajcal |
|
ejcinam vAzi-tOzi!-ejcAtu |
|
tIyn'ta marAattu Ogkal vej cinai |
|
vEnil Or iNar tEnOTu Uti, |
|
ArAtu peyarum tumpi |
|
n'Ir il vaippin curan iRan'tOrE. |
|
'iTaiccurattuk kavaluvana kaNTu, "n'ammai ARRAr" ena n'inain'tu mILvarkol?'enak kavanRa kizattikkut tOzi colliyatu. - kAvan mullaip pUtanAr |
212. n'eytal |
koNkan Urn'ta koTujci n'eTun' tEr |
|
teN kaTal aTai karait teLirmaNi olippa, |
|
kANa van'tu, n'ANap peyarum; |
|
aLitO tAnE, kAmam; |
|
viLivatumanRa; n'OkO yAnE. |
|
kuRai n'Ern'ta tOzi kuRai n'ayappak kURiyatu. - n'eytaR kArkkiyan |
213. pAlai |
n'acai n'anku uTaiyar-tOzi!-jerErenak |
|
kavait talai mutu kalai kAlin oRRip |
|
pacip piNikku iRaijciya parUup perun' tataral |
|
oziyin uNTu, azivu il n'ejcin |
|
teRittu n'aTai marapin tan maRikku n'izal Aki, |
|
n'inRu veyil kazikkum enpa-n'am |
|
in tuyil munin'ar cenRa ARE. |
|
'n'amperumAn n'amporuTTu iTain'inRu mILvAn' enak kavanRa talaimakaTkut tOzi uraittatu. - kaccip pETTuk kAjcik koRRan |
214. kuRijci |
maram kol kAnavan punam tuLarn'tu vittiya |
|
piRagku kural iRaTi kAkkum, puRam tAz |
|
am cil Oti, acai iyal, koTicci |
|
tirun'tu izai alkuRkup perun' tazai utavic |
|
ceyalai muzumutal oziya, ayalatu |
|
aralai mAlai cUTTi, |
|
EmuRRanRu-iv azugkal UrE. |
|
tOzi, veRiyATTu eTuttuk koNTa iTattu, aRattoTu n'inRatu. - kUTalUr kizAr |
215. pAlai |
paTarum paipayap peyarum; cuTarum |
|
enRUz mA malai maRaiyum; inRu avar |
|
varuvarkol, vAzi-tOzi!-n'Ir il |
|
vaRug kayam tuzaiiya ilagku maruppu yAnai |
|
kuRum poRai marugkin amar tuNai tazIik |
|
koTu vari irum puli kAkkum |
|
n'eTu varai marugkin curan iRan'tOrE. |
|
piriviTait tOzi vaRpuRuttiyatu. - maturai aLakkar jAzAr makanAr maLLanAr |
217. kuRijci |
tinai kiLi kaTitalin, pakalum ollum; |
|
iravu n'I varutalin, URum ajcuval; |
|
yAgkuc ceyvAm, em iTumpai n'Oykku?' ena |
|
Agku yAn kURiya anaittiRkup piRitu cettu, |
|
Ogku malain'ATan uyirttOnmanRa; |
|
aitEy kamma yAnE; |
|
kazi mutukkuRaimaiyum paziyum enRicinE. |
|
uTanpOkku n'ayappat tOzi talaimakaTkuk kURiyatu. - tagkAl muTakkollanAr |
225. kuRijci |
kanRu tan paya mulai mAn'ta, munRil |
|
tinai piTi uNNum perug kal n'ATa! |
|
keTTa iTattu uvan'ta utavi kaTTil |
|
vIRu peRRu maRan'ta mannan pOla, |
|
n'anRi maRan'tu amaiyAy Ayin, men cIrk |
|
kali mayiR kalAvattanna ivaL |
|
oli men kUn'tal uriyavAl n'inakkE. |
|
varaiviTai vaittup pirivARkut tOzi colliyatu. - kapilar |
227. n'eytal |
pUN vanain'tanna polaj cUTTu n'Emi |
|
vAL mukam tumippa vaL itaz kuRain'ta |
|
kUzai n'eytalum uTaittu, ivaN- |
|
tErOn pOkiya kAnalAnE. |
|
ciRaippuRam. - Ota jAni |
230. n'eytal |
amma vAzi, tOzi! koNkan- |
|
tAn atu tuNikuvanallan; yAn en |
|
pEtaimaiyAl perun'takai kezumi, |
|
n'Otakac ceytatu onRu uTaiyEnkollO?- |
|
vayac cuRA vazagku n'Ir attam |
|
tavac cil n'ALinan varavu aRiyAnE. |
|
valitAkak kuRik kuRai n'ayappittatu. - aRivuTai n'ampi |
232. pAlai |
uLLArkollO?-tOzi!-uLLiyum, |
|
vAyp puNarvu inmaiyin vArArkollO?- |
|
maraRpukA arun'tiya mA eruttu iralai, |
|
uraRkAl yAnai oTittu uNTu ejciya |
|
yAa vari n'izal, tujcum |
|
mA iruj cOlai malai iRan'tOrE. |
|
piriviTait tOzi vaRpuRuttiyatu. - UNpittai |
236. n'eytal |
viTTena viTukkum n'AL varuka; atu n'I |
|
n'on'tanai Ayin, tan'tanai cenmO!- |
|
kunRattanna kuvavu maNal aTaikarai |
|
n'inRa punnai n'ilam tOy paTu cinai |
|
vampa n'Arai cEkkum |
|
taN kaTaR cErppa!-n'I uNTa en n'alanE. |
|
varaiviTai vaittup pirivAn. 'ivaL vERu paTAmai ARRuvi' enRARkut tOzi n'akaiyATi uraittatu. - n'ariverUuttalaiyAr. |
238. marutam |
pAcaval iTitta karug kAz ulakkai |
|
Ay katir n'ellin varampu aNait tuyiRRi, |
|
oN toTi makaLir vaNTal ayarum |
|
toNTi anna en n'alam tan'tu, |
|
koNTanai cenmO-makizn'a!-n'in cULE. |
|
talaimakan parattaiyin maRuttan'tu, vAyil vENTit tOziyiTaic cenRu, teLippAn pukkARkut tOzi colliyatu. - kunRiyan |
247. kuRijci |
ezil mika uTaiyatu; Igku aNippaTUum; |
|
tiRavOr ceyvinai aRavatu Akum; |
|
kiLaiyuTai mAn'tarkkup puNaiyumAr iv, ena |
|
Agku aRin'ticinE-tOzi!-vEgkai |
|
vIyA men cinai vI uka, yAnai |
|
Ar tuyil iyampum n'ATan |
|
mArpu urittu Akiya maRu il n'aTpE. |
|
kaTin'akart teLivu vilagkinamai aRiya, tOzi kURiyatu; varaivu uTanpaTTa tOzi talaimakaTkuk kURiyatUum Am. - cEn'tampUtan. |
248. n'eytal |
atu varal anmaiyO aritE; avan mArpu |
|
uRuka enRa n'ALE kuRuki, |
|
Igku AkinRE-tOzi!-kAnal |
|
ATu arai putaiyak kOTai iTTa |
|
aTumpu ivar maNaR kOTu Ura, n'eTum panai |
|
kuRiya Akum tuRaivanaip |
|
periya kURi yAy aRin'tanaLE. |
|
varaivu n'ITTittavazi, ARRALAkiya kizattiyait tOzi ARRuvittatu. - ulOccan |
251. mullai |
maTava vAzi-majjai mA inam |
|
kAla mAri peytena, atan etir |
|
Alalum Alina; piTavum pUttana; |
|
kAr anRu-ikuLai!-tIrka, n'in paTarE! |
|
kazin'ta mArikku ozin'ta paza n'Ir, |
|
putu n'Ir koLIiya, ukuttarum |
|
n'otumal vAnattu muzagku kural kETTE. |
|
piriviTait tOzi. 'paruvam anRu; paTTatu vampu' enRu vaRpuRuttiyatu.- iTaik kATan. |
253.pAlai |
kELAr Akuvar-tOzi!-kETpin, |
|
vizumitu kazivatuAyinum, n'ekizn'Ul |
|
pUc cEr aNaiyin perug kavin tolain'ta n'in |
|
n'AL tuyar keTap pin n'ITalarmAtO- |
|
oli kazai n'ivan'ta Ogku malaic cAral, |
|
puli pukA uRutta pulavu n'ARu kal aLai |
|
ARu cel mAkkaL cEkkum |
|
kOTu uyar piRagkal malai iRan'tOrE. |
|
piriviTait tOzi vaRpuRuttiyatu. - pUgkaNNan |
255. pAlai |
pottu il kAza atta yAattup |
|
pori arai muzumutal uruva kutti, |
|
maRam kezu taTak kaiyin vAgki, uyagku n'aTaic |
|
ciRu kaT peru n'irai uRu paci tIrkkum |
|
taTa maruppu yAnai kaNTanar-tOzi!- |
|
tam kaTan iRIiyar eNNi, iTamtoRum |
|
kAmar poruTpiNip pOkiya |
|
n'Am veg kAtalar cenRa ARE. |
|
'iTain'inRu mILvar' enak kavanRa kizattiyait tOzi vaRpuRuttiyatu.- kaTuku perun' tEvan |
258. marutam |
vAral em cEri; tAral n'in tArE; |
|
alarAkinRAl-peruma!-kAvirip |
|
palar ATu perun' tuRai marutoTu piNitta |
|
En'tu kOTTu yAnaic cEn'tan tan'tai, |
|
ariyal am pukavin am kOTTu vETTai |
|
n'iraiya oL vAL iLaiyar perumakan, |
|
azici ArkkATu anna ivaL |
|
pazi tIr mAN n'alam tolaivana kaNTE. |
|
tOzi talaimakaRku vAyil maRuttatu; vAyil n'Ern'tatUum. Am. - paraNar |
259. kuRijci |
mazai cErn'tu ezutaru mArik kunRattu, |
|
aruvi Arn'ta taN n'aRug kAn'taL |
|
mukai avizn'tu, AnA n'ARum n'aRu n'utal, |
|
pal itaz mazaik kaN, mAayOyE! |
|
olvai Ayinum, kolvai Ayinum, |
|
n'I aLan'tu aRivai n'in puraimai; vAypOl |
|
poym mozi kURal-aHtu evanO? |
|
n'ejcam n'anRE, n'in vayinAnE. |
|
kAppu mikutikkaN ARRALAkiya tOzi aRattoTu n'inRu, 'yAnE pari karippal'enRu karutiyatanait talaimakaLum n'ayappALAkak kURiyatu. - paraNar. |
260. pAlai |
kurukum iru vicumpu ivarum; putalum |
|
vari vaNTu Uta vAy n'ekizn'tanavE; |
|
curivaLaip polin'ta tOLum ceRRum; |
|
varuvarkol vAzi-tOzi!-poruvAr |
|
maN eTuttu uNNum aNNal yAnai |
|
vaN tErt toNTaiyar vazai amal aTukkattu, |
|
kanRu il Or A vilagkiya |
|
pun tAL Omaiya curan iRan'tOrE. |
|
avar varaviRku n'imittamAyina kaNTu, ARRALAkiya talaimakaTkut tOzi colliyatu.- kallATanAr. |
262. pAlai |
Uur alar eza, cEri kallena, |
|
AnAtu alaikkum aRan il annai |
|
tAnE irukka, tan manai; yAnE, |
|
n'elli tinRa muL eyiRu tayagka |
|
uNal Ayn'ticinAl, avaroTu-cEy n'ATTu, |
|
viN toTa n'ivan'ta vilagku malaik kavAan, |
|
karumpu n'aTu pAtti anna, |
|
perug kaLiRRu aTivazi n'ilaiiya n'IrE. |
|
uTanpOkku n'Ern'ta tOzi kizattikku uTanpOkku uNarttiyatu.- pAlai pATiya perugkaTugkO |
263. kuRijci |
maRik kural aRuttu, tinaip pirappu irIi, |
|
cel ARRuk kavalaip pal iyam kaRagka, |
|
tORRam allatu n'Oykku marun'tu AkA |
|
vERRup perun' teyvam pala uTan vAztti, |
|
'pEeyk koLIiyaL' ivaL enappaTutal |
|
n'OtakkanRE-tOzi!-mAl varai |
|
mazai viLaiyATum n'ATanaip |
|
pizaiyEm Akiya n'Am itaRpaTavE. |
|
'annai veRi eTukkak karutAn'inRAL; ini yAm itaRku enkolO ceyaRpAlatu?'enat tOzi talaimakaTkut talaimakan ciRaippuRamAkak kURiyatu. - perujcAttan |
265. kuRijci |
kAn'taL am kozu mukai, kAvalcellAtu, |
|
vaNTu vAy tiRakkum pozutil, paNTum |
|
tAm aRi cemmaic cAnROrk kaNTa |
|
kaTan aRi mAkkaL pOla, iTan viTTu, |
|
itaz taLai avizn'ta Ekal veRpan |
|
n'annar n'ejcattan-tOzi!-n'in n'ilai |
|
yAn tanakku uraittanen Aka, |
|
tAn n'ANinan, iHtu AkAvARE. |
|
varaiyAtu pirin'ta iTattu, 'avar pirin'ta kAraNam n'innai varain'tu kOTal kAraNamAkat tAn' enat tOzi talaimakaTkuk kURiyatu. - karuvUrk katappiLLai |
268. n'eytal |
'cERirO?' enac ceppalum ARRAm; |
|
'varuvirO? ena vinavalum vinavAm; |
|
yAgkuc ceyvAmkol?-tOzi!-pAmpin |
|
paiyuTai irun' talai tumikkum ERRoTu |
|
n'aTu n'AL ennAr, van'tu, |
|
n'eTu men paNait tOL aTain'ticinOrE. |
|
talaimakan ciRaippuRattAnAkat talaimakaTkut tOzi colliyatu.- karuvUrc cEramAn cAttan |
275. mullai |
mullai Urn'ta kal uyarpu ERik |
|
kaNTanam varukam; cenmO-tOzi!- |
|
el Urc cErtarum ERuTai inattup |
|
pul Ar n'al An pUN maNikollO? |
|
ceyvinai muTitta cemmal uLLamoTu |
|
val vil iLaiyar pakkam pORRa, |
|
Ir maNaR kATTARu varUum |
|
tEr maNikol?-ANTu iyampiya uLavE. |
|
paruva varavinkaN varavu n'imittam tOnRa, tOzi talaimakaTku uraittatu.- okkUr mAcAtti |
277. pAlai |
Acu il teruvin Acu il viyan kaTai, |
|
cen'n'el amalai veNmai veL izutu |
|
Or il piccai Ara mAn'ti, |
|
aRcira veyya veppat taNNIr |
|
cEmac ceppil peRIiyarO, n'IyE- |
|
'minniTai n'aTugkum kaTaip peyal vATai, |
|
ek kAl varuvatu?' enRi; |
|
ak kAl varuvar, em kAtalOrE. |
|
talaimakan pirin'tavazi, avan kuRitta paruva varavu tOzi aRivaraik kaNTu vinAviyatu. - OriR piccaiyAr |
282. pAlai |
cevvi koL varakin cej cuvaR kalitta |
|
kavvai n'ARRin kAr iruL Or ilai |
|
n'avvi n'ALmaRi kavvik kaTan kazikkum |
|
kAr etir taN punam kANin, kaivaLai, |
|
n'Ir tikaz cilampin OrAgku virin'ta |
|
veN kUtALattu am tUmpu putu malar |
|
Ar kazalpu ukuva pOla, |
|
cOrkuvaalla enparkol-n'amarE? |
|
vinavayiR pirin'ta iTattut tOzi kizattikku uraittatu. - n'Akam pOttan |
287. mullai |
amma vAzi-tOzi-kAtalar |
|
innE kaNTum tuRakkuvar kollO- |
|
mun'n'Al tigkaL n'iRai poRuttu acaii |
|
otugkal cellAp pacum puLi vETkaik |
|
kaTujcUl makaLir pOla n'Ir koNTu, |
|
vicumpu ivarkallAtu tAgkupu puNari, |
|
cezum pal kunRam n'Okki, |
|
perug kali vAnam Ertarum pozutE? |
|
piriviTai vERupaTTa kizatti, 'n'ammait tuRan'tu vArAr' enRu kavanRATku,paruvag kATTi, tOzi, 'varuvar' enac colliyatu, - kaccippETTu n'annAkaiyAr. |
292.kuRijci |
maNNiya cenRa oL n'utal arivai |
|
punal taru pacug kAy tinRatan tappaRku |
|
onpatiRRu-onpatu kaLiRRoTu, avaL n'iRai |
|
pon cey pAvai koTuppavum, koLLAn, |
|
peN kolai purin'ta n'annan pOla, |
|
varaiyA n'iraiyattuc celIiyarO, annai!- |
|
oru n'AL, n'akai muka virun'tinan van'tena, |
|
pakai muka Urin, tujcalO ilaLE. |
|
tOzi iravukkuRikkaN ciRaippuRamAkak kAppu mikuti colliyatu. - paraNar |
294. n'eytal |
kaTal uTan ATiyum, kAnal alkiyum, |
|
toTalai AyamoTu tazUuaNi ayarn'tum, |
|
n'otumalar pOlak katumena van'tu, |
|
muyagkinan celinE, alarn'tanRu mannE; |
|
tuttip pAn'taL paittu akal alkul |
|
tirun'tuizait tuyalvuk kOTTu acaitta pacug kuzait |
|
tazaiyinum, uzaiyin pOkAn; |
|
tAn tan'tanan, yAy kAttu OmpallE, |
|
pakaRkuRikkaN talaimakan van'taviTattut tOzi ceRippu aRivuRIiyatu.- ajcil An'tai |
295. n'eytal |
uTuttum, toTuttum, pUNTum, cerIiyum, |
|
tazai aNip polin'ta AyamoTu tuvanRi, |
|
vizavoTu varuti, n'IyE; iHtO |
|
Or An valcic cIr il vAzkkai |
|
peru n'alak kuRumakaL van'tena, |
|
ini vizavu AyiRRu ennum, iv UrE. |
|
vAyil vENTic cenRa kizavaRkut tOzi uraittatu. - tUgkalOri |
297. kuRijci |
'av viLimpu urIiya koTuj cilai maRavar |
|
vai vAr vALi viRaR pakai pENAr, |
|
mARu n'inRu etirn'ta ARucel vampalar |
|
uval iTu patukkai Urin tOnRum |
|
kal uyar n'anan' talai, n'alla kURi, |
|
puNarn'tu uTan pOtal poruL' ena, |
|
uNarn'tEnmanRa, avar uNarA UgkE. |
|
tOzi varaivu malin'tatu. - kAvirippUm paTTinattuk kArik kaNNan. |
298. kuRijci |
cEri cEra mella van'tuvan'tu, |
|
aritu vAyviTTu iniya kURi, |
|
vaikaltORum n'ilam peyarn'tu uRaiyum avan |
|
paital n'Okkam n'inaiyAy-tOzi!- |
|
in kaTug kaLLin akutai tan'tai |
|
veN kaTaic ciRukOl akavanmakaLir |
|
maTap piTip paricil mAnap |
|
piRitu onRu kuRittatu, avan n'eTum puRan'ilaiyE. |
|
kizattikkut tOzi kuRai maRAmal kURiyatu. - paraNar |
303. n'eytal |
kazi tErn'tu acaiiya karug kAl veN kuruku |
|
aTaikarait tAzaik kuzIi, perug kaTal |
|
uTaitirai oliyin tujcum tuRaiva! |
|
tol n'ilai n'ekizn'ta vaLaiyaL, Igkup |
|
pacan'tanaLman en tOzi-ennoTum |
|
in iNarp punnaiam pukar n'izal |
|
pon vari alavan ATTiya jAnRE. |
|
ceRippaRivuRIi varaivu kaTAyatu. - ammUvan |
308. kuRijci |
cOlai vAzaic curin'ukumpu inaiya |
|
aNagkuTai irun' talai n'Ivalin, matan azin'tu, |
|
mayagkutuyar uRRa maiyal vEzam |
|
uyagku uyir maTap piTi ulaipuRam taivara, |
|
Am izi cilampin aritu kaNpaTukkum |
|
mA malain'ATan kENmai |
|
kAmam taruvatu Or kai tAzn'tanRE. |
|
varaiviTaik kizattiyai van col colli vaRpuRuttiyatu. - perun'tOT kuRujcAttan |
309. marutam |
kaivinai mAkkaL tam cey vinai muTimAr, |
|
curumpu uNa malarn'ta vAcam kIzppaTa, |
|
n'ITiya varampin vATiya viTinum, |
|
'koTiyOr n'ilam peyarn'tu uRaivEm' ennAtu' |
|
peyarttum kaTin'ta ceRuvil pUkkum |
|
n'in Ur n'eytal anaiyEm-peruma!- |
|
n'I emakku innAtana pala ceyyinum, |
|
n'in inRu amaital vallAmARE. |
|
parattaiyiR pirin'tu van'ta kizavaRkut tOzi vAyil n'Ern'tatu.- uRaiyUrc calliyan kumAran |
317. kuRijci |
puri maTa maraiyAn karu n'arai n'al ERu |
|
tIm puLi n'elli mAn'ti, ayalatu |
|
tEm pAy mA malar n'aTugka veytu uyirttu, |
|
Ogku malaip paij cunai parukum n'ATan |
|
n'ammai viTTu amaiyumO maRRE-kaimmika |
|
vaTa pula vATaikku azi mazai |
|
ten pulam paTarum taN pani n'ALE? |
|
piriviTaik kizattiyait tOzi vaRpuRuttiyatu. - maturaik kaNTaratattan |
321. kuRijci |
malaic cej cAn'tin Ara mArpinan, |
|
cunaip pUg kuvaLaic curumpu Ar kaNNiyan, |
|
n'aTu n'AL van'tu, n'am manaip peyarum- |
|
maTam Ar arivai! n'in mArpu amar in tuNai; |
|
manRa maraiyA iriya, ERu aTTu, |
|
ceg kaN irum puli kuzumum; atanAl, |
|
maRaittaR kAlaiyO anRE; |
|
tiRappal vAzi-vENTu, annai!-n'am katavE. |
|
tOzi kizattikku n'otumalar varaiyumiTattu aRattOTu n'iRpEn enRatu. |
324. n'eytala |
koTun' tAL mutalaik kOL val ERRai |
|
vazi vazakku aRukkum kAnal am perun' tuRai, |
|
ina mIn irug kazi n'In'ti, n'I n'in |
|
n'ayan uTaimaiyin varuti; ivaL tan |
|
maTan uTaimaiyin uvakkum; yAn atu, |
|
kavai maka n'ajcu uNTAagku, |
|
ajcuval-peruma!-en n'ejcattAnE. |
|
ceRippu aRivuRukkappaTTu, 'irA vArAvaraival' enRARku, tOzi atu maRuttu,varaivu kaTAyatu. - kavaimakan |
328. n'eytal |
ciRu vI jAzal vEr aLaip paLLi |
|
alavan ciRu manai citaiya, puNari |
|
kuNil vAy muracin iragkum tuRaivan |
|
n'alkiya n'AL tavac cilavE; alarE, |
|
vil kezu tAnai vicciyar perumakan |
|
vEn'taroTu poruta jAnRai, pANar |
|
puli n'Okku uRaz n'ilai kaNTa |
|
kali kezu kuRumpUr Arppinum peritE. |
|
varaiviTai vERupaTum kizattiyai, 'avar varaiyum n'AL aNittu' enavum,'alar ajcal' enavum kURiyatu. - paraNar |
331. pAlai |
n'eTug kazai tiragkiya n'Ir il Ar iTai, |
|
ARu cel vampalar tolaiya, mARu n'inRu, |
|
koTuj cilai maRavar kaTaRu kUTTuNNum |
|
kaTugkaN yAnaik kAnam n'In'ti, |
|
iRapparkol vAzi-tOzi!-n'aRuvaTip |
|
paig kAl mAattu am taLir anna |
|
n'al mA mEni pacappa, |
|
n'amminum ciRan'ta arum poruL taraRkE. |
|
celavuk kuRippu aRin'tu vERupaTTa talaimakaTkut tOzi colliyatu.- vATAp piraman'tan |
332. kuRijci |
van'ta vATaic cil peyaR kaTain'AL, |
|
n'Oy n'In'tu arum paTar tIra n'I n'ayan'tu |
|
kURin evanO-tOzi!-n'ARu uyir |
|
maTap piTi tazIit taTak kai yAnai |
|
kunRakac ciRukuTi izitarum |
|
manRam n'aNNiya malaikizavORkE? |
|
varaiyAtu van'tozukAn'inRa kAlattu, kizavan kETpak kizattikkut tOzi kURiyatu.- maturai marutagkizAr makan iLam pOttan |
333. kuRijci |
kuRum paTaip pakazik koTu viR kAnavan |
|
punam uNTu kaTin'ta paig kaN yAnai |
|
n'aRun' tazai makaLir Oppum kiLLaiyoTu |
|
kuRum poRaikku aNavum kunRa n'ATan |
|
paNik kuRai varuttam vITa, |
|
tuNiyin evanO-tOzi!-n'am maRaiyE? |
|
'aRattOTu n'iRpal' enak kizattikkut tOzi uraittatu. - uzun'tinaim pulavan |
335. kuRijci |
n'irai vaLai munkai n'Er izai makaLir |
|
irug kal viyal aRaic cen' tinai parappic |
|
cunai pAy cOrvu iTai n'Okki, cinai izin'tu, |
|
paig kaN man'ti pArppoTu kavarum |
|
veRpu ayal n'aNNiyatuvE-vAr kOl |
|
val viR kAnavar tagkaip |
|
perun' tOT koTicci irun'ta UrE. |
|
iravukkuRi n'ayavAmait tOzi ceRippu aRivuRIiyatu. - irun'taiyUrk koRRan pulavan |
336. kuRijci |
ceRuvarkku uvakai Aka, teRuvara, |
|
Igkanam varupavO?-tEm pAy tuRaiva!- |
|
ciRu n'A oN maNi viLari Arppak |
|
kaTu mA n'eTun' tEr n'Emi pOkiya |
|
irug kazi n'eytal pOla, |
|
varun'tinaL, aLiyaL-n'I pirin'ticinOLE, |
|
talaimakan iravukkuRi n'ayan'tAnait tOzi colliyatu maRuttatu. - kunRiyan |
338. kuRijci |
tirimaruppu iralai aNNal n'al ERu |
|
ari maTap piNaiyOTu alku n'izal acaii, |
|
vI tatai viyal aril tujci, pozutu cela, |
|
cezum payaRu kaRikkum punkaN mAlai, |
|
pin panik kaTain'AL, taN pani aRciram |
|
van'tanRu, peruviRaR tErE-paNait tOL |
|
viLagku n'akar aTagkiya kaRpin |
|
n'alam kEz arivai pulampu acAviTavE. |
|
piriviTait tOzi vaRpuRuttiyatu. - perugkunRUr kizAr |
339. kuRijci |
n'aRai akil vayagkiya n'aLi puna n'aRum pukai |
|
uRai aRu maiyin pOki, cAral |
|
kuRavar pAkkattu izitarum n'ATan |
|
mayagku malark kOtai n'al mArpu muyagkal |
|
inituman vAzi-tOzi!-mA itazk |
|
kuvaLai uNkaN kaluzap |
|
pacalai AkA UgkalagkaTaiyE. |
|
varaiviTai vERupaTTa kizattiyait tOzi kaTuj colli vaRpuRIiyatu. - pEyAr |
342. kuRijci |
kalai kai toTTa kamazcuLaip perum pazam |
|
kAval maRan'ta kAnavan, jAgkar, |
|
kaTiyuTai maramtoRum paTu valai mATTum |
|
kunRa n'ATa! takumO-paij cunaik |
|
kuvaLait taN tazai ivaL INTu varun'ta, |
|
n'ayan'tOr punkaN tIrkkum |
|
payam talaippaTAap paNpinai eninE? |
|
ceRippu aRivuRukkappaTTAn varaivinkaN cellAtu, pinnum varavu vENTina talaimakanait tOzi n'erugkic colli, varaivu kaTAyatu.- kAvirippUm paTTinattuk kan'tarattanA |
343. pAlai |
n'inaiyAy vAzi-tOzi!-n'anai kavuL |
|
aNNal yAnai aNi mukam pAyn'tena- |
|
miku vali iru pulip pakuvAy ERRai- |
|
veN kOTu cem maRuk koLIiya, viTar mukaik |
|
kOTai oRRiya karug kAl vEgkai |
|
vATu pUj cinaiyin, kiTakkum |
|
uyar varai n'ATanoTu peyarumARE. |
|
tOzi kizattiyai uTanpOkku n'ayappak kURiyatu. - Izattup pUtan tEvan |
345. n'eytal |
izai aNin'tu iyalvarum koTujci n'eTun' tEr |
|
varai maruL n'eTu maNal tavirttanir acaiit |
|
tagkinir Ayin, tavaRO-takaiya |
|
tazai tAz alkul ivaL pulampu akala- |
|
tAzai taiiya tayagkutiraik koTug kazi |
|
izumena olikkum AgkaN |
|
perun'Ir vEli em ciRu n'al UrE? |
|
pakal van'tu ozukuvAnait tOzi 'irA vA' enRatu. - aNTar makan kuRuvazuti |
346. kuRijci |
n'Aku piTi n'ayan'ta muLaikkOTTu iLag kaLiRu, |
|
kunRam n'aNNi, kuRavar Arppa, |
|
manRam pOzum n'ATan-tOzi!- |
|
cunaip pUg kuvaLait toTalai tan'tum, |
|
tinaip puna marugkil paTukiLi Oppiyum, |
|
kAlai van'tu, mAlaip pozutil |
|
n'al akam n'ayan'tu, tAn uyagkic |
|
collavum AkAtu aHkiyOnE. |
|
tOzi kizattiyai iravukkuRi n'ayappak kURiyatu. - vAyil iLagkaNNan |
348. pAlai |
tAmE celpaAyin, kAnattup |
|
pulam tEr yAnaik kOTTiTai ozin'ta |
|
ciRu vI mullaik kompin tAay, |
|
itaz azin'tu URum kaNpani, matar ezil |
|
pUN aka van mulai n'anaittalum |
|
kANArkollO-mANizai!-n'amarE? |
|
celavuk kuRippu aRin'tu vERupaTTa kizattiyait tOzi vaRpuRIiyatu. - mAvaLattan |
350. pAlai |
amma vAzi-tOzi!-mun n'inRu, |
|
'panik kaTugkuraiyam; cellAtIm' enac |
|
collinam Ayin, celvarkollO- |
|
ARRu ayal irun'ta irug kOTTu am ciRai |
|
n'eTug kAR kaNan'tuL AL aRivuRIi, |
|
ARu cel vampalar paTai talaipeyarkkum |
|
malaiyuTaik kAnam n'In'ti, |
|
n'ilaiyAp poruT piNip pirin'ticinOrE? |
|
pirivu n'Ern'ta talaimakaL, avanatu n'IkkattukkaN vERupaTTALait tOzi vaRpuRIiyatu. - Alan'tUr kizAr. |
351. n'eytal |
vaLaiyOy! uvan'ticin-viraivuRu koTun' tAL |
|
aLai vAz alavan kUr ukir varitta |
|
Ir maNal malir n'eRi citaiya, izumena |
|
urum icaip puNari uTaitarum tuRaivaRku |
|
urimai ceppinar n'amarE; virialarp |
|
punnai Ogkiya pulAl am cEri |
|
in n'akai AyattArOTu |
|
innum aRRO, iv azugkal UrE? |
|
talaimakan tamar varaivoTu van'tavazi, 'n'amar avarkku varaivu n'ErArkollO?'enRu ajciya talaimakaTkut tOzi varaivu malin'tatu. - ammUvan |
353. kuRijci |
Ar kali veRpan mArpu puNai Aka, |
|
kOTu uyar n'eTu varaik kavAan, pakalE, |
|
pATu in aruvi ATutal initE; |
|
n'irai itaz porun'tAk kaNNOTu, iravil, |
|
pajci veN tiri cej cuTar n'al il |
|
pinnu vIz ciRupuRam tazIi, |
|
annai muyagkat tuyil innAtE. |
|
pakaRkuRi van'tozukum talaimakan veLippATajci iravukkuRi n'ayan'tAnatu kuRippaRin'ta tOzi, iravinkaN annaiyatu kaval aRin'tu, pinnum 'pakaRkuRiyE n'anRu, av ira |
354. marutam |
n'Ir n'ITu ATin kaNNum civakkum; |
|
Arn'tOr vAyil tEnum puLikkum; |
|
taNan'tanaiAyin, em il uyttuk koTumO- |
|
am taN poykai en'tai em Urk |
|
kaTum pAmpu vazagkum teruvil |
|
n'aTugku ajar evvam kaLain'ta emmE? |
|
parattaiyiR pirin'tu vAyil vENTic cenRa talaimakaRkut tOzi vAyil maRuttatu.- kayattUr kizAn |
355. kuRijci |
peyal kAl maRaittalin, vicumpu kANalarE; |
|
n'Ir paran'tu ozukalin, n'ilam kANalarE; |
|
ellai cERalin, iruL peritu paTTanRu; |
|
pallOr tujcum pAnAL kagkul |
|
yAgku van'tanaiyO?-Ogkal veRpa!- |
|
vEgkai kamazum em ciRukuTi |
|
yAgku aRin'tanaiyO? n'OkO yAnE. |
|
iravukkuRi n'Ern'ta talaimakaRkut tOzi n'on'tu kURiyatu. - kapilar |
357. kuRijci |
muni paTar uzan'ta pATu il uNkaN |
|
pani kAl pOzn'tu, paNai ezil jekiz tOL, |
|
melliya Akalin mEvarat tiraNTu, |
|
n'alla ennum collai manniya- |
|
Enal am ciRu tinai kAkkum cENOn |
|
jekiziyin peyarn'ta n'eTu n'al yAnai |
|
mIn paTu cuTar oLi verUum |
|
vAn tOy veRpan maNavA UgkE. |
|
tOzi kizavan kETkum aNmaiyanAkak kizattikkuc colliyatu. - kapilar |
358. marutam |
vIgkuizai n'ekiza, vimmi, IgkE |
|
eRikaN pEtuRal; 'AykOTu iTTuc |
|
cuvarvAy paRRum n'in paTar cEN n'Igka |
|
varuvEm' enRa paruvam utukkAN: |
|
taniyOr iragkum pani kUr mAlaip |
|
pal An kOvalar kaNNic |
|
collupa anna, mullai veN mukaiyE. |
|
talaimakan piriviTaik kizattiyait tOzi vaRpuRuttiyatu. - koRRan |
359. marutam |
kaNTicin-pANa!-paNpu uTaittu amma: |
|
mAlai virin'ta pacu veN n'ilavin |
|
kuRug kAR kaTTil n'aRum pUj cEkkai, |
|
paLLi yAnaiyin uyirttanan n'acaii, |
|
putalvaR tazIiyinan viRalavan; |
|
putalvan tAy avan puRam kavaiiyinaLE. |
|
parattaiyiR pirin'tu van'ta talaimakan vAyil vENTip peRAtu, tAnE pukkuk kUTiyatu kaNTu tOzi, pANaRkuc colliyatu. - pEyan. |
363. marutam |
kaNNi maruppin aNNal n'al ERu, |
|
ceg kAR patavin vAr kural kaRikkum |
|
maTak kaN maraiyA n'Okki, veytuRRu, |
|
pul arai ukAay vari n'izal vatiyum |
|
innA aruj curam iRattal |
|
initO-peruma!-in tuNaip pirin'tE? |
|
pirivu uNarttappaTTa tOzi kizavaRkuc colliyatu. - cellUrk koRRan |
365. kuRijci |
kOTu Ir ilagku vaLai n'ekiza, n'ALum |
|
pATu ila kalizn'tu pani AnAvE- |
|
tun aru n'eTu varait tatumpi aruvi |
|
taNNen muzavin imiz icai kATTum |
|
marugkil koNTa palavin |
|
perug kal n'ATa! n'I n'ayan'tOL kaNNE. |
|
'yAn varaiyun'tuNaiyum ARRavallaLO?' ena vinaviya kizavaRkut tOzi colliyatu.- maturai n'alveLLi |
366. kuRijci |
pAl varain'tu amaittal allatu, avarvayin |
|
cAlpu aLan'tu aRitaRku yAam yArO?- |
|
vERu yAn kURavum amaiyAL, atan talaip |
|
paig kaN mAc cunaip pal piNi avizn'ta |
|
vaL itaz n'Ilam n'Okki, uL akaipu, |
|
ozuku kaNNaL Aki, |
|
pazutu anRu amma, iv Ayizai tuNivE. |
|
kAval mikutikkaN vERupaTTa talaimakaLatu vERupATu kaNTu, iv vERupATu eRRinAn Ayatu?' enRu cevili vinAva, tOzi kURiyatu. - pEricAttan |
367. marutam |
koTiyOr n'alkAr Ayinum, yAza n'in |
|
toTi viLagku iRaiya tOL kavin peRIiyar, |
|
uvakkAN-tOzi!-av van'ticinE- |
|
toyyal mA mazai toTagkalin, avar n'ATTup |
|
pUcal Ayam pukanRu izi aruvi |
|
maNNuRu maNiyin tOnRum |
|
taN n'aRun' tuRukal Ogkiya malaiyE. |
|
varaivu uNarttiya tOzi talaimakaTkuk kaziyuvakai mItUrAmai uNarttiyatu;varaivu n'ITTitta iTattu ARRALAkiya talaimakaLait tOzi ARRum vakaiyAn ARRuvittatUum Am. - |
369. pAlai |
atta vAkai amalai vAl n'eRRu, |
|
ari Ar cilampin, arici Arppak |
|
kOTai tUkkum kAnam |
|
celvAm-tOzi!-n'alkinar n'amarE. |
|
tOzi kizattikku uTan pOkku uNarttiyatu. - kuTavAyil kIrattanAr |
372. kuRijci |
panait talaik-karukku uTai n'eTu maTal kuruttoTu mAya, |
|
kaTu vaLi tokutta n'eTu veN kuppaik |
|
kaNam koL cimaiya uNagkum kAnal, |
|
Azi talaivIciya ayirc cERRu aruvik |
|
kUzai pey ekkark kuzIiya patukkai |
|
pular patam koLLA aLavai, |
|
alar ezun'tanRu, iv azugkal UrE. |
|
iravukkuRi van'tu ozukAn'inRa talaimakan kETpa, tOzi talaimakaTkuc colluvALAyc colliyatu. - viRRURRu mUteyinanAr |
373. kuRijci |
n'ilam puTaipeyarinum, n'Ir tirin'tu piRazinum, |
|
ilagku tiraip perug kaTaRku ellai tOnRinum, |
|
vev vAyp peNTir kauvai ajcik |
|
kETu evan uTaittO-tOzi!-n'ITu mayirk |
|
kaTum pal Ukak kaRai viral ERRai |
|
puTait toTupu uTaiyUp pU n'ARu palavukkani |
|
kAn'taL am ciRukuTik kamazum |
|
Ogku malai n'ATanoTu amain'ta n'am toTarpE? |
|
alar mikkavazi ARRALAkiya talaimakaTkut tOzi colliyatu.- maturaik kollan pullan |
374. kuRijci |
en'taiyum yAyum uNarak kATTi |
|
oLitta ceyti veLippaTak kiLan'tapin, |
|
malai kezu veRpan talaivan'tu irappa, |
|
n'anRu puri koLkaiyin onRAkinRE- |
|
muTagkal iRaiya tUgkaNamkurIi, |
|
n'ITu irum peNNait toTutta |
|
kUTinum mayagkiya maiyal UrE. |
|
aRattOTu n'inRamai tOzi kizattikku uraittatu. - uRaiyUrp palkAyanAr |
375. kuRijci |
amma vAzi, tOzi!-inRu avar |
|
vArAr AyinO n'anRE-cAral |
|
ciRu tinai viLain'ta viyankaN irum punattu |
|
iravu arivArin, toNTakac ciRu paRai |
|
pAnAL yAmattum kaRagkum. |
|
yAmam kAvalar aviyAmARE. |
|
iravukkuRikkaN, ciRaippuRamAkat tOzi talaimakaRkuc colluvALAy, iru pozutum maRuttu varaivu kaTAyatu. |
379. pAlai |
inRu yANTaiyanO-tOzi!-kunRattup |
|
pazag kuzi akazn'ta kAnavan kizagkinoTu, |
|
kaN akan tU maNi, peRUum n'ATan, |
|
'aRivu kAzkkoLLum aLavai, ceRitoTi! |
|
emmil varukuvai n'I' enap |
|
pommal Oti n'IviyOnE? |
|
n'otumalar varaivuzit tOzi aRattOTu n'inRatu. |
380. pAlai |
vicumpu kaN putaiyap pAay, vEn'tar |
|
venRu eRi muracin n'an pala muzagki, |
|
peyal AnAtE, vAnam; kAtalar |
|
n'ani cEy n'ATTar; n'am unnalarE; |
|
yAgkuc ceyvAmkol-tOzi!-Igkaiya |
|
vaNNat tuymalar utira |
|
munnart tOnRum panik kaTu n'ALE! |
|
panip paruvam kuRittup pirin'tAn talaimakan; piriya, paruva varavinkaN vERupaTuvALAyinum, 'katumena ARRuvippatu aritu' ennum karuttinaLAy,kUtirpparuvattu, talai |
381. n'eytal |
tol kavin tolain'tu, tOL n'alam cAay |
|
allal n'ejcamOTu alkalum tujcAtu, |
|
pacalai Aki, viLivatukollO- |
|
veN kuruku n'aralum taN kamaz kAnal, |
|
pU mali potumpar n'ALmalar mayakki, |
|
vilagku tirai uTaitarum tuRaivanoTu |
|
ilagku eyiRu tOnRa n'akkatan payanE? |
|
varaiviTai ARRALAkiya talaimakaLai ARRuvikkaluRum tOzi talaimakanait iyaRpazittatu. |
382. mullai |
taN tuLikku ERRa paig |
|
koTi mullai |
|
mukai talaitiRan'ta n'ARRam putalmicaip |
|
pU amal taLavamoTu, tEm kamazpu kajala, |
|
vampup peyyumAl mazaiyE; vampu anRu, |
|
kAr itu paruvam Ayin, |
|
vArArO, n'am kAtalOrE? |
|
paruva varavinkaN vERupaTTa talaimakaLait tOzi, 'paruvam anRu; vampu' enRu vaRpuRIiyatu. - kuRugkIran |
383. pAlai |
n'I uTampaTutalin, yAn tara, van'tu, |
|
kuRi n'inRananE, kunRa n'ATan; |
|
'inRai aLavaic cenRaikka enRi; |
|
kaiyum kAlum Oyvana oTugkat |
|
tI uRu taLirin n'aTugki, |
|
yAvatum, ilai, yAn ceyaRku uriyatuvE. |
|
uTanpOkku n'Ervittu van'ta tOzi, n'ANAl varun'tum talaimakaLai, n'ANuk keTac colliyatu. - paTumarattu mOci kIran |
384. marutam |
uzun'tuTai kazun'tin karumpuTaip paNait tOL, |
|
n'eTum pal kUn'tal, kuRun'toTi, makaLir |
|
n'alan uNTu tuRatti Ayin, |
|
mika n'anRu amma-makizn'a!-n'in cULE. |
|
'n'in parattaiyarkku n'I uRRa cULURavu n'anRAyirun'tatu!' enRu n'akaiyATit tOzi vAyil maRuttatu. - OrampOkiyAr |
388. kuRijci |
n'Ir kAlyAtta n'irai itazk kuvaLai |
|
kOTai oRRinum vATAtAkum; |
|
kavaNai anna pUTTup porutu acAa |
|
umaN eruttu ozukait tOTu n'iraittanna |
|
muLi cinai piLakkum munpu inmaiyin, |
|
yAnai kaimmaTittu uyavum |
|
kAnamum iniya Am, n'ummoTu varinE. |
|
talaimakaL uTanpOkku n'Ern'tamai uNarn'ta talaimakan, curattu vemmaiyum,talaimakaL menmaiyum kuRittu, celavu azugkaluRuvAnait tOzi azugkAmaR kURiyatu. - auvaiyA |
389. kuRijci |
n'ey kani kuRumpUz kAyam Aka |
|
Arpatam peRuka-tOzi! attai- |
|
perug kal n'ATan varain'tena, avan etir |
|
'n'anRO makanE?' enRanen; |
|
'n'anRE pOlum' enRu uraittOnE. |
|
talaimakan kuRREval makanAl varaivu malin'tamai tOzi talaimakaTkuc colliyatu.- vETTa kaNNan |
392. kuRijci |
amma vAziyO-maNic ciRait tumpi!- |
|
n'al mozikku accam illai; avar n'ATTu |
|
aNNal n'eTu varaic cERi Ayin, |
|
kaTavai miTain'ta tuTavaiam ciRu tinait |
|
tuLar eRi n'uN tukaL kaLaijar tagkai |
|
tamarin tIrAL enmO-aracar |
|
n'irai celal n'uN tOl pOlap |
|
piracam tUgku malaikizavORkE! |
|
varaiviTaik kizattiyatu n'ilaimai tumpikkuc colluvALAyc ciRaippuRamAkat tOzi colliyatu. - tumpicEr kIranAr |
393. marutam |
mayagku malark kOtai kuzaiya makizn'an |
|
muyagkiya n'AL tavac cilavE alarE, |
|
kUkaik kOzi vAkaip paRan'talaip |
|
pacum pUT pANTiyan vinai val atikan |
|
kaLiRoTu paTTa jAnRai, |
|
oLiRu vAT kogkar Arppinum peritE |
|
talaimakan ciRaippuRamAka, tOzi alar malivu uraittatu, varaivu kaTAyatu.- paraNar |
394. kuRijci |
muzan'tAL irum piTik kayan'talaik kuzavi |
|
n'aRavu mali pAkkattuk kuRamakaL InRa |
|
kuRi iRaip putalvaroTu maRuvan'tu OTi, |
|
mun n'AL iniyatu Aki, pin n'AL |
|
avar tinaip punam mEyn'tAgku, |
|
pakai AkinRu, avar n'akai viLaiyATTE. |
|
varaiviTai ARRALAkiya kizattiyai ARRuvikkum tOzi talaimakanai iyaRpazittuk kURiyatu. - kuRiyiRaiyAr |
397. n'eytal |
n'anai mutir jAzaR tinai maruL tiraL vI |
|
n'eytal mA malarp peyta pOla |
|
Utai tURRum uravu n'Irc cErppa! |
|
tAy uTanRu alaikkum kAlaiyum, vAyviTTu, |
|
'annAy!' ennum kuzavi pOla, |
|
innA ceyinum initu talaiyaLippinum, |
|
n'in varaippinaL en tOzi; |
|
tan uRu vizumam kaLaijarO ilaLE. |
|
varaiviTai vaittu n'Igkum talaimakaRkut tOzi uraittatu. - ammUvan |