panai (peNNai, pOn'tai) |
81. kuRijci |
ivaLE, n'in col koNTa en col tERi, |
|
pacu n'anai jAzal pal cinai oru ciRaip |
|
putu n'alan izan'ta pulampumAr uTaiyaL; |
|
utuk kAN teyya; uLLal vENTum- |
|
n'ilavum iruLum pOlap pulavut tiraik |
|
kaTalum kAnalum tOnRum |
|
maTal tAz peNNai em ciRu n'al UrE. |
|
tOziyiR kUTTag kUTip piriyum talaimakaRkut tOzi colliyatu. -vaTama vaNNakkan pEricAttan |
168. pAlai |
mArip pittikattu n'Ir vAr kozu mukai |
|
irum panam pacug kuTai palavuTan potin'tu |
|
perum peyal viTiyal virittu viTTanna |
|
n'aRun' taNNiyaLE, n'al mA mEni; |
|
punaR puNai anna cAy iRaip paNait tOL |
|
maNattalum taNattalum ilamE; |
|
piriyin vAztal ataninum ilamE. |
|
poruL valikkum n'ejciRkuk kizavan uraittatu - ciRaikkuTi An'taiyAr |
177. n'eytal |
kaTal pATu avin'tu, kAnal mayagki, |
|
tuRai n'Ir irug kazi pullenRanRE; |
|
manRalam peNNai maTal cEr vAzkkai |
|
anRilum paiyena n'aralum; inRu avar |
|
varuvarkol vAzi-tOzi!-n'Am n'akap |
|
pulappinum pirivu Agku ajcit |
|
taNappu arug kAmam taNTiyOrE? |
|
kizavan varavuNarn'tu, tOzi kizattikku uraittatu. - ulOccan |
182. kuRijci |
vizut talaip peNNai viLaiyal mA maTal |
|
maNi aNi perun' tAr marapiR pUTTi, |
|
veL enpu aNin'tu, piRar eLLat tOnRi, |
|
oru n'AL marugkil peru n'AN n'Igki, |
|
teruvin iyalavum taruvatukollO- |
|
kaliz kavin acain'aTaip pEtai |
|
melin'tilaL; n'Am viTaRku amain'ta tUtE? |
|
tOziyAl kuRai maRukkappaTTa talaimakan tan n'ejciRku uraittatu.- maTal pATiya mAtagkIran |
281. pAlai |
veN maNaR potuLiya |
|
paig kAl karukkin |
|
kommaip pOn'taik kuTumi veN tOTTu, |
|
atta vEmpin amalai vAn pUc |
|
curi Ar uLait talai poliyac cUTi, |
|
kunRu talaimaNan'ta kAnam |
|
cenRanarkollO-cEyizai!-n'amarE? |
|
piriviTai vERupaTTALaik kaNTu, tOzi vaRpuRuppATkuk kizatti uraittatu.- kuTavAyiR kIrattan |
293. marutam |
kaLLin kELir Arttiya, uLLUrp |
|
pALai tan'ta pajciam kuRug kAy |
|
Ogku irum peNNai n'ugkoTu peyarum |
|
Ati aruman mUtUr anna, |
|
aya veLLAmpal am pakai n'eRit tazai |
|
tittik kuRagkin Uz mARu alaippa, |
|
varumE cEyizai, an'til |
|
kozun'aR kANiya; aLiyEn yAnE! |
|
parattaiyiR pirin'tu van'ta kizavaRku vAyilAkap pukka tOzikkuk kizatti uraittatu. - kaLLil Attiraiyan |
301. kuRijci |
muzavu mutal araiya taTavu n'ilaip peNNaik |
|
kozu maTal izaitta ciRu kOR kuTampaik |
|
karug kAl anRiR kAmar kaTujcUl |
|
vayavup peTai akavum pAnAT kagkul, |
|
manRam pOzum in maNi n'eTun' tEr |
|
vArAtuAyinum, varuvatu pOlac |
|
cevimutal icaikkum aravamoTu |
|
tuyil tuRan'tanavAl-tOzi!-en kaNNE. |
|
varaiviTai vaippa, 'ARRakiRRiyO?' enRa tOzikkuk kizatti colliyatu.- kunRiyan |
372. kuRijci |
panait talaik-karukku uTai n'eTu maTal kuruttoTu mAya, |
|
kaTu vaLi tokutta n'eTu veN kuppaik |
|
kaNam koL cimaiya uNagkum kAnal, |
|
Azi talaivIciya ayirc cERRu aruvik |
|
kUzai pey ekkark kuzIiya patukkai |
|
pular patam koLLA aLavai, |
|
alar ezun'tanRu, iv azugkal UrE. |
|
iravukkuRi van'tu ozukAn'inRa talaimakan kETpa, tOzi talaimakaTkuc colluvALAyc colliyatu. - viRRURRu mUteyinanAr |
374. kuRijci |
en'taiyum yAyum uNarak kATTi |
|
oLitta ceyti veLippaTak kiLan'tapin, |
|
malai kezu veRpan talaivan'tu irappa, |
|
n'anRu puri koLkaiyin onRAkinRE- |
|
muTagkal iRaiya tUgkaNamkurIi, |
|
n'ITu irum peNNait toTutta |
|
kUTinum mayagkiya maiyal UrE. |
|
aRattOTu n'inRamai tOzi kizattikku uraittatu. - uRaiyUrp palkAyanAr |