tinai (Enal)

25. kuRijci

yArum illai; tAnE kaLvan;

tAn atu poyppin, yAn evan ceykO?

tinai tAL anna ciRu pacug kAla

ozuku n'Ir Aral pArkkum

kurukum uNTu, tAn maNan'ta jAnRE.

varaivu n'ITTitta iTattut talaimakaL tOzikkuc colliyatu. - kapilar

72. kuRijci

pU ottu alamarum takaiya; E ottu

ellArum aRiya n'Oy ceytanavE-

tE mozit tiraNTa men tOL, mA malaip

parIi vittiya Enal

kurIi OppuvAL, peru mazaik kaNNE!

talaimakan tan vERupATu kaNTu vinAviya pAgkaRku uraittatu - maLLanAr

82. kuRijci

vAr uRu vaNar katuppu uLari, puRam cErpu,

'azAal' enRu n'am azuta kaN tuTaippAr;

yAr Akuvar kol?-tOzi!-cAral

perum punak kuRavan ciRu tinai maRukAl

kozug koTi avarai pUkkum

arum pani aRciram vArAtOrE.

paruvag kaNTu azin'ta talaimakaL 'varuvar' enRu vaRpuRuttum tOzikkuc colliyatu. - kaTuvan maLLan

105. kuRijci

punavan tuTavaip pon pOl ciRu tinaik

kaTi uN kaTavuTku iTTa cezug kural

aRiyAtu uNTa majjai, ATumakaL

veRi uRu vanappin veytuRRu, n'aTugkum

cUr malai n'ATan kENmai

n'Ir mali kaNNoTu n'inaippu AkinRE.

varaivu n'ITTittaviTattut talaimakaL tOzikkuc colliyatu. - n'akkIrar

133. kuRijci

punavan tuTavaip ponpOl ciRutinai

kiLi kuRaittu uNTa kUzai iruvi

perum peyal uNmaiyinE ilai olittAgku, en

uram cettum uLenE-tOzi!-en

n'alam putitu uNTa pulampinAnE.

varaivu n'ITTitta iTattut talaimakaL colliyatu. - uRaiyUr mutukaNNan cAttan

141. kuRijci

vaLai vAyc ciRu kiLi viLai tinaik kaTIiyar

celka enROLE, annai' ena, n'I

collin evanO?-tOzi!-'kollai

n'eTug kai van mAn kaTum pakai uzan'ta

kuRug kai irum pulik kolai val ERRai

paig kaT cen'n'Ay paTupatam pArkkum

Ar iruL n'aTu n'AL varuti;

cAral n'ATa, vAralO' enavE.

iRceRikkappaTTuzi iravukkuRi van'tozukum talaimakaRku varum Etam ajci,pakaRkuRi n'Ern'ta vAypATTAn atuvum maRuttu, ciRaippuRamAkat tOzikkut talaimakaL colliyatu

198. kuRijci

yAam konRa maram cuTTa iyavil

karumpu maruL mutala pain' tAT cen' tinai

maTap piTit taTakkai anna pAl vArpu,

karik kuRaTTu iRaijciya ceRik kOT paig kural

paTukiLi kaTikam cERum; aTupOr

eHku viLagku taTak kai malaiyan kAnattu

Aram n'ARum mArpinai,

vAraRkatilla; varukuvaL yAyE.

tOzi kuRiyiTam peyarttuk kURiyatu. - kapilar

217. kuRijci

tinai kiLi kaTitalin, pakalum ollum;

iravu n'I varutalin, URum ajcuval;

yAgkuc ceyvAm, em iTumpai n'Oykku?' ena

Agku yAn kURiya anaittiRkup piRitu cettu,

Ogku malain'ATan uyirttOnmanRa;

aitEy kamma yAnE;

kazi mutukkuRaimaiyum paziyum enRicinE.

uTanpOkku n'ayappat tOzi talaimakaTkuk kURiyatu. - tagkAl muTakkollanAr

225. kuRijci

kanRu tan paya mulai mAn'ta, munRil

tinai piTi uNNum perug kal n'ATa!

keTTa iTattu uvan'ta utavi kaTTil

vIRu peRRu maRan'ta mannan pOla,

n'anRi maRan'tu amaiyAy Ayin, men cIrk

kali mayiR kalAvattanna ivaL

oli men kUn'tal uriyavAl n'inakkE.

varaiviTai vaittup pirivARkut tOzi colliyatu. - kapilar

291. kuRijci

cuTu puna marugkil kalitta EnaR

paTukiLi kaTiyum koTicci kaik kuLirE

icaiyin icaiyA in pANittE;

kiLi, 'avaL viLi' ena, vizal ollAvE;

atu pulan'tu azuta kaNNE, cAral

kuNTu n'Irp paij cunaip pUtta kuvaLai

vaNTu payil pal itaz kalaii,

taNa tuLikku ERRa malar pOnRavvE.

pAgkaRku uraittatu. - kapilar

335. kuRijci

n'irai vaLai munkai n'Er izai makaLir

irug kal viyal aRaic cen' tinai parappic

cunai pAy cOrvu iTai n'Okki, cinai izin'tu,

paig kaN man'ti pArppoTu kavarum

veRpu ayal n'aNNiyatuvE-vAr kOl

val viR kAnavar tagkaip

perun' tOT koTicci irun'ta UrE.

iravukkuRi n'ayavAmait tOzi ceRippu aRivuRIiyatu. - irun'taiyUrk koRRan pulavan

346. kuRijci

n'Aku piTi n'ayan'ta muLaikkOTTu iLag kaLiRu,

kunRam n'aNNi, kuRavar Arppa,

manRam pOzum n'ATan-tOzi!-

cunaip pUg kuvaLait toTalai tan'tum,

tinaip puna marugkil paTukiLi Oppiyum,

kAlai van'tu, mAlaip pozutil

n'al akam n'ayan'tu, tAn uyagkic

collavum AkAtu aHkiyOnE.

tOzi kizattiyai iravukkuRi n'ayappak kURiyatu. - vAyil iLagkaNNan

357. kuRijci

muni paTar uzan'ta pATu il uNkaN

pani kAl pOzn'tu, paNai ezil jekiz tOL,

melliya Akalin mEvarat tiraNTu,

n'alla ennum collai manniya-

Enal am ciRu tinai kAkkum cENOn

jekiziyin peyarn'ta n'eTu n'al yAnai

mIn paTu cuTar oLi verUum

vAn tOy veRpan maNavA UgkE.

tOzi kizavan kETkum aNmaiyanAkak kizattikkuc colliyatu. - kapilar

375. kuRijci

amma vAzi, tOzi!-inRu avar

vArAr AyinO n'anRE-cAral

ciRu tinai viLain'ta viyankaN irum punattu

iravu arivArin, toNTakac ciRu paRai

pAnAL yAmattum kaRagkum.

yAmam kAvalar aviyAmARE.

iravukkuRikkaN, ciRaippuRamAkat tOzi talaimakaRkuc colluvALAy, iru pozutum maRuttu varaivu kaTAyatu.

392. kuRijci

amma vAziyO-maNic ciRait tumpi!-

n'al mozikku accam illai; avar n'ATTu

aNNal n'eTu varaic cERi Ayin,

kaTavai miTain'ta tuTavaiam ciRu tinait

tuLar eRi n'uN tukaL kaLaijar tagkai

tamarin tIrAL enmO-aracar

n'irai celal n'uN tOl pOlap

piracam tUgku malaikizavORkE!

varaiviTaik kizattiyatu n'ilaimai tumpikkuc colluvALAyc ciRaippuRamAkat tOzi colliyatu. - tumpicEr kIranAr

394. kuRijci

muzan'tAL irum piTik kayan'talaik kuzavi

n'aRavu mali pAkkattuk kuRamakaL InRa

kuRi iRaip putalvaroTu maRuvan'tu OTi,

mun n'AL iniyatu Aki, pin n'AL

avar tinaip punam mEyn'tAgku,

pakai AkinRu, avar n'akai viLaiyATTE.

varaiviTai ARRALAkiya kizattiyai ARRuvikkum tOzi talaimakanai iyaRpazittuk kURiyatu. - kuRiyiRaiyAr

	yArum illai; tAnE kaLvan;
	tAn atu poyppin, yAn evan ceykO?
	tinai tAL anna ciRu pacug kAla
	ozuku n'Ir Aral pArkkum
	kurukum uNTu, tAn maNan'ta jAnRE.

	pU ottu alamarum takaiya; E ottu
	ellArum aRiya n'Oy ceytanavE-
	tE mozit tiraNTa men tOL, mA malaip
	parIi vittiya Enal
	kurIi OppuvAL, peru mazaik kaNNE!

	vAr uRu vaNar katuppu uLari, puRam cErpu,
	'azAal' enRu n'am azuta kaN tuTaippAr;
	yAr Akuvar kol?-tOzi!-cAral
	perum punak kuRavan ciRu tinai maRukAl
	kozug koTi avarai pUkkum
	arum pani aRciram vArAtOrE.

	punavan tuTavaip pon pOl ciRu tinaik
	kaTi uN kaTavuTku iTTa cezug kural
	aRiyAtu uNTa majjai, ATumakaL
	veRi uRu vanappin veytuRRu, n'aTugkum
	cUr malai n'ATan kENmai
	n'Ir mali kaNNoTu n'inaippu AkinRE.

	punavan tuTavaip ponpOl ciRutinai
	kiLi kuRaittu uNTa kUzai iruvi
	perum peyal uNmaiyinE ilai olittAgku, en
	uram cettum uLenE-tOzi!-en
	n'alam putitu uNTa pulampinAnE.

	vaLai vAyc ciRu kiLi viLai tinaik kaTIiyar
	celka enROLE, annai' ena, n'I
	collin evanO?-tOzi!-'kollai
	n'eTug kai van mAn kaTum pakai uzan'ta
	kuRug kai irum pulik kolai val ERRai
	paig kaT cen'n'Ay paTupatam pArkkum
	Ar iruL n'aTu n'AL varuti;
	cAral n'ATa, vAralO' enavE.

	yAam konRa maram cuTTa iyavil
	karumpu maruL mutala pain' tAT cen' tinai
	maTap piTit taTakkai anna pAl vArpu,
	karik kuRaTTu iRaijciya ceRik kOT paig kural
	paTukiLi kaTikam cERum; aTupOr
	eHku viLagku taTak kai malaiyan kAnattu
	Aram n'ARum mArpinai,
	vAraRkatilla; varukuvaL yAyE.

	tinai kiLi kaTitalin, pakalum ollum;
	iravu n'I varutalin, URum ajcuval;
	yAgkuc ceyvAm, em iTumpai n'Oykku?' ena
	Agku yAn kURiya anaittiRkup piRitu cettu,
	Ogku malain'ATan uyirttOnmanRa;
	aitEy kamma yAnE;
	kazi mutukkuRaimaiyum paziyum enRicinE.

	kanRu tan paya mulai mAn'ta, munRil
	tinai piTi uNNum perug kal n'ATa!
	keTTa iTattu uvan'ta utavi kaTTil
	vIRu peRRu maRan'ta mannan pOla,
	n'anRi maRan'tu amaiyAy Ayin, men cIrk
	kali mayiR kalAvattanna ivaL
	oli men kUn'tal uriyavAl n'inakkE.

	cuTu puna marugkil kalitta EnaR
	paTukiLi kaTiyum koTicci kaik kuLirE
	icaiyin icaiyA in pANittE;
	kiLi, 'avaL viLi' ena, vizal ollAvE;
	atu pulan'tu azuta kaNNE, cAral
	kuNTu n'Irp paij cunaip pUtta kuvaLai
	vaNTu payil pal itaz kalaii,
	taNa tuLikku ERRa malar pOnRavvE.

	n'irai vaLai munkai n'Er izai makaLir
	irug kal viyal aRaic cen' tinai parappic
	cunai pAy cOrvu iTai n'Okki, cinai izin'tu,
	paig kaN man'ti pArppoTu kavarum
	veRpu ayal n'aNNiyatuvE-vAr kOl
	val viR kAnavar tagkaip
	perun' tOT koTicci irun'ta UrE.

	n'Aku piTi n'ayan'ta muLaikkOTTu iLag kaLiRu,
	kunRam n'aNNi, kuRavar Arppa,
	manRam pOzum n'ATan-tOzi!-
	cunaip pUg kuvaLait toTalai tan'tum,
	tinaip puna marugkil paTukiLi Oppiyum,
	kAlai van'tu, mAlaip pozutil
	n'al akam n'ayan'tu, tAn uyagkic
	collavum AkAtu aHkiyOnE.

	muni paTar uzan'ta pATu il uNkaN
	pani kAl pOzn'tu, paNai ezil jekiz tOL,
	melliya Akalin mEvarat tiraNTu,
	n'alla ennum collai manniya-
	Enal am ciRu tinai kAkkum cENOn
	jekiziyin peyarn'ta n'eTu n'al yAnai
	mIn paTu cuTar oLi verUum
	vAn tOy veRpan maNavA UgkE.

	amma vAzi, tOzi!-inRu avar
	vArAr AyinO n'anRE-cAral
	ciRu tinai viLain'ta viyankaN irum punattu
	iravu arivArin, toNTakac ciRu paRai
	pAnAL yAmattum kaRagkum.
	yAmam kAvalar aviyAmARE.

	amma vAziyO-maNic ciRait tumpi!-
	n'al mozikku accam illai; avar n'ATTu
	aNNal n'eTu varaic cERi Ayin,
	kaTavai miTain'ta tuTavaiam ciRu tinait
	tuLar eRi n'uN tukaL kaLaijar tagkai
	tamarin tIrAL enmO-aracar
	n'irai celal n'uN tOl pOlap
	piracam tUgku malaikizavORkE!

	muzan'tAL irum piTik kayan'talaik kuzavi
	n'aRavu mali pAkkattuk kuRamakaL InRa
	kuRi iRaip putalvaroTu maRuvan'tu OTi,
	mun n'AL iniyatu Aki, pin n'AL
	avar tinaip punam mEyn'tAgku,
	pakai AkinRu, avar n'akai viLaiyATTE.