31-40

31
amma vAzi, tOzi! makizn'an
kaTan anRu ennum kollO n'am Ur
muTam mutir marutattup perun' tuRai
uTan ATu AyamOTu uRRa cULE?

mun oru n'AL tannOTu putuppunal ATuzi, 'inip puRattozukkam virumpEn' ena AyattArOTu cULuRRa talaimakan pinpum parattaiyarOTu punalATat toTagkukinRAn enpatu kETTa talaimakaL, avan uzaiyar kETpa, tOzikk

32
amma vAzi, tOzi! makizn'an
oru n'AL n'am il van'tataRku, ezu n'AL
azupa enpa, avan peNTir
tI uRu mezukin jekizvanar virain'tE.

vAyil vENTip pukun'tAr kETpat talaimakaL tOzikkuc colliyatu. 2

33
amma vAzi, tOzi! makizn'an
marutu uyarn'tu Ogkiya viri pUm perun' tuRai,
peNTiroTu ATum enpa tan
taN tAr akalam talaittalaik koLavE.

ituvum atu. 3

34
amma vAzi, tOzi! n'am Urp
poykaip pUtta, puzaik kAl Ampal
tAtu Er vaNNam koNTana
EtilALarkkup pacan'ta en kaNNE.

ituvum atu. 4

35
amma vAzi, tOzi! n'am Urp
poykai Ampal n'Ar uri men kAl
n'iRattinum n'izaRRutal mannE;
inip pacan'tanRu, en mAmaik kavinE.

vAyilAyp pukun'tAr talaimakan kuNam kURiya vazi, 'avanukku illAtanavE kURutalAl, ippozutu kAN en mEni pacan'tatu' enat talaimakaL tOzikkuc colliyatu. 5

36
amma vAzi, tOzi! Uran
n'am maRan'tu amaikuvan Ayin, n'Am maRan'tu
uLLAtu amaitalum amaikuvam mannE
kayal enak karutiya uN kaN
5
pacalaikku olkAvAkutal peRinE.

tAn vAyil n'Erum kuRippinaLAnamai aRiyAtu, tOzi vAyil maRuttuzi, avaL n'Erum vakaiyAl avaTkut talaimakaL colliyatu. 6

37
amma vAzi, tOzi! makizn'an
n'ayan'tOr uNkaN pacan'tu, pani malka
vallan vallan poyttal;
tERRAn, uRRa cUL vAyttallE.

talaimakaLaic cULinAl teLittAn enpatu kETTa kAtal parattai talaimakaTkup pAgkAyinAr kETpat tan tOzikkuc colliyatu. 7

38
amma vAzi, tOzi! makizn'an
tan col uNarn'tOr aRiyalan enRum
taN taLir vauvum mEni,
oN toTi munkai, yAm azap pirin'tE.

talaimakan manaivayiR pOkak karutinAn enpatu colliya tan tOzikkup parattai colliyatu. 8

39
amma vAzi, tOzi! Uran
vem mulai aTaiya muyagki, n'am vayin
tirun'tu izaip paNaittOL n'ekiza,
pirin'tanan Ayinum, piriyalan mannE.

oru jAnRu talaivan tan manaikkaN cenRatu koNTu, 'avan peNmai n'alam ellAm tuyttuk kAtal n'Igkip pirin'tAn' enpatu talaivi kURinAL enak kETTa parattai, avaTkup pAgkAyinAr kETpa, tan tOzikkuc colliyatu.

40
'amma vAzi, tOzi! makizn'an
oN toTi munkai yAm azap pirin'tu, tan
peNTir Ur iRaikoNTanan' enpa
keNTai pAytara avizn'ta
5
vaNTu piNi Ampal n'ATu kizavOnE.

ulakiyal paRRit talaivan tan manaikkaN oru jAnRu pOnatE koNTu, 'avvazip piriyAtu uRaikinRAn' enRu, ayaR parattaiyar palarum kURinAr enpatu kETTa kAtalparattai, avar pAgkAyinAr kETpa, tan tOzikkuc coll