101-110 |
101 |
annai, vAzi! vENTu, annai! utuk kAN |
|
Er koTip pAcaTumpu pariya Urpu izipu |
|
n'eytal mayakki van'tanRu, n'in makaL |
|
pUp pOl uNkaN marIiya |
|
5 |
n'Oykku marun'tu Akiya koNkan tErE. |
aRattOTu n'inRa pinnar varaitaR poruTTup pirin'ta talaimakan varaivOTu pukun'tavazit tOzi cevilikkuk kATTic colliyatu. 1 |
102 |
annai, vAzi! vENTu, annai! n'am Ur |
|
n'Il n'iRap perug kaTal puLLin AnAtu, |
|
tunpuRu tuyaram n'Igka, |
|
inpuRa icaikkum, avar tEr maNik kuralE. |
|
ituvum atu. 2 |
103 |
annai, vAzi! vENTu, annai! punnaiyoTu |
|
jAzal pUkkum taNNam tuRaivan |
|
ivaTku amain'tananAl tAnE; |
|
tanakku amain'tanRu, ivaL mAmaik kavinE. |
|
aRattoTu n'inRa tOzi, vatuvai n'ikazAn'inRuzi, tAykkuk kATTi uvan'tu colliyatu. 3 |
104 |
annai, vAzi! vENTu, annai! n'am Urp |
|
palar maTi pozutin, n'alam mikac cAay |
|
n'aLLena van'ta iyal tErc |
|
celvak koNkan celvanaHtu UrE. |
|
putalvaR peRRuzit talaimakan manaikkaN cenRa cevilikku, munpu aRattoTu n'inRu vatuvai kUTTiya tOzi, avan Ur n'anmai kATTic colliyatu. 4 |
105 |
annai, vAzi! vENTu, annai! muzagkukaTal |
|
tirai taru muttam veN maNal imaikkum |
|
taNNam tuRaivan van'tena, |
|
ponninum civan'tanRu; kaNTicin n'utalE. |
|
aRattoTu n'inRa pin vENTuvana tarutaRkup pirin'ta talaimakan varaivoTu van'tuzi, talaimakaL n'utaRkaN munpuLLa pacappu n'Igkum vaNNam tOnRiya katirppuk kATTi, cevilikkut tOzi colliyatu. 5 |
106 |
annai, vAzi!vENTu, annai! avar n'ATTut |
|
tutikkAl annam tuNai cettu mitikkum |
|
taN kaTal vaLaiyinum ilagkum ivaL |
|
am kaliz Akam kaNTicin n'inain'tE. |
|
aRattoTu n'inRa tOzi atu vaRpuRuppAn vENTic cevilikkuc colliyatu. 6 |
107 |
annai, vAzi! vENTu, annai! en tOzi |
|
cuTar n'utal pacappac cAay, paTar melin'tu, |
|
taN kaTal paTu tirai kETToRum, |
|
tujcAL Akutal n'OkO yAnE. |
|
tOzi cevilikku aRattoTun'ilai kuRittuk kURiyatu. 7 |
108 |
annai, vAzi! vENTu, annai! kaziya |
|
muNTakam malarum taN kaTal cErppan |
|
em tOL tuRan'tanan Ayin, |
|
evankol maRRu avan n'ayan'ta tOLE? |
|
aRattoTun'ilai piRan'ta pinnum varaivu n'ITiRRAka, 'maRRoru kulamakaLai varaiyum kol?' enRu aiyuRRa cevili, kuRippu aRin'ta tOzi avaTkuc colliyatu. 8 |
109 |
annai, vAzi! vENTu, annai! n'eytal |
|
n'Irp paTar tUmpin pUk kezu tuRaivan |
|
em tOL tuRan'ta kAlai, evankol |
|
pal n'AL varum, avan aLitta pozutE? |
|
aRattoTu n'inRa pinpu varaivAn pirin'ta talaimakan kaTitin vArAtavazi, aiyuRRa cevili, 'avan n'ummait tuRan'tAnpOlum; n'ugkaTku avan kURiya tiRam yAtu?' enRATkut tOzi colliyatu. 9 |
110 |
annai, vAzi! vENTu, annai! punnai |
|
pon n'iRam viriyum pUk kezu tuRaivanai |
|
'ennai' enRum, yAmE; iv Ur |
|
piRitu onRAkak kURum; |
|
5 |
Agkum AkkumO, vAziya, pAlE? |
n'otumalar varaivinkaN tOzi cevilikku aRattoTu n'inRatu. 10 |