89.  mannavanatu n'ATu kAval ciRappuk kURi, vAzttutal

vAnam pozutoTu curappa, kAnam

tOTu uRu maTa mAn ERu puNarn'tu iyala,

puLLum mijiRum mAc cinai Arppa,

pazanum kizagkum micaiyaRavu aRiyAtu,

pal An n'al n'irai pul arun'tu ukaLa,   

payam kaTai aRiyA vaLam kezu ciRappin

perum pal yANark kUlam kezuma,

n'an pal Uzi n'aTuvu n'inRu ozuka

pal vEl irum poRai! n'in kOl cemmaiyin,

n'ALin n'ALin n'ATu tozutu Etta,    

uyarn'ilai ulakattu uyarn'tOr parava,

araciyal pizaiyAtu, ceru mEn'tOnRi,

n'Oy ilaiAkiyar, n'IyE n'inmATTu

aTagkiya n'ejcam pukarpaTupu aRiyAtu,

kanavinum piriyA uRaiyuLoTu, taNNenat   

takaram n'Iviya tuvarAk kUn'tal,

vatuvai makaLir n'Okkinar, peyarn'tu

vAz n'AL aRiyum vayagku cuTar n'Okkattu,

mInoTu puraiyum kaRpin,

vAL n'utal arivaiyoTu kANvarap polin'tE!   

tuRai: kAval mullai

vaNNamum tUkkum: atu

peyar: tuvarAk kUn'tal   (9)