ozuku vaNNam

 

11.  veRRic celvac ciRappu

varai maruL puNari vAn picir uTaiya,
vaLi pAyn'tu aTTa tuLagku irug kamaj cUl
n'aLi irum parappin mAk kaTal munni,
aNagkuTai avuNar Emam puNarkkum
cUruTai muzu mutal taTin'ta pEr icai,      5
kaTuj cina viRal vEL kaLiRu Urn'tAgku
cev vAy eHkam vilagkun'ar aRuppa,
aru n'iRam tiRan'ta puN umiz kurutiyin,
maNi n'iRa irug kazi n'Ir n'iRam peyarn'tu,
manAlak kalavai pOla, araN konRu,     10
muraN miku ciRappin uyarn'ta Ukkalai;
palar mocin'tu Ompiya tiraL pUg kaTampin
kaTiyuTai muzu mutal tumiya Eey,
venRu eRi muzagku paNai ceyta vel pOr,
n'Ar ari n'aRavin, Ara mArpin,        15
pOr aTu tAnaic cEralAta!
mArpu mali pain' tAr OTaiyoTu viLagkum
valan uyar maruppin pazi tIr yAnaip
polan aNi eruttamEl koNTu polin'ta n'in
palar pukaz celvam initu kaNTikumE       20
kavir tatai cilampil tujcum kavari
paran'tu ilagku aruviyoTu n'aran'tam kanavum,
Ariyar tuvanRiya, pEr icai imayam
ten am kumariyoTu AyiTai
man mIk kURun'ar maRam tapak kaTan'tE.       25

tuRai: cen'tuRaip pATAN pATTu
vaNNam: ozuku vaNNam
tUkku: cen'tUkku
peyar: puN umiz kuruti       (1)

 

12.  venRic ciRappum Olakka vinOtac ciRappum

vayavar vIza vAL aril mayakki,
iTam kavar kaTumpin aracu talai panippa,
kaTampu mutal taTin'ta kaTuj cina vEn'tE!
tAr aNi eruttin vAral vaL ukir
arimAn vazagkum cAral, piRa mAn     5
tOTu koL ina n'irai n'ejcu atirn'tAgku,
muracu muzagku n'eTu n'akar aracu tuyilIyAtu,
mAtiram panikkum maRam vIgku pal pukaz
kETTaRku initu  n'in celvam: kETToRum
kANTal viruppoTu   kamazum kuLavi;   10
vATAp paim mayir, iLaiya ATu n'aTai,
aNNal maza kaLiRu ari jimiRu Oppum
kanRu puNar piTiya; kunRu pala n'In'ti
van'tu avaN iRutta irum pEr okkal
tol paci uzan'ta pazagkaN vIza,     15
eHku pOzn'tu aRutta vAl n'iNak kozug kuRai,
mai Un peyta veNNel veN cORu,
n'anai amai kaLLin tERaloTu mAn'ti;
n'Irp paTu parun'tin iruj ciRaku anna,
n'ilam tin citAar kaLain'ta pinRai,   20
n'UlAk kaligkam vAl araik koLIi;
vaNar irug katuppin, vAgku amai men tOL,
vacai il makaLir vayagkuizai aNiya;
amarpu mey Artta cuRRamoTu
n'ukartaRku initu, n'in perug kali makizvE!   25

ituvum atu
peyar: maRam vIgku pal pukaz     (2)

 

13.  venRic ciRappum tan n'ATu kAttal ciRappum


toRutta vayal Aral piRazn'avum,

ERu poruta ceRu uzAtu vittun'avum,

karumpin pAttip pUtta n'eytal

irug kaN erumai n'irai taTukkun'avum,

kali kezu tuNagkai ATiya marugkin   

5

vaLaitalai mUtA Ampal Arn'avum,

oli tegkin, imiz marutin,

punal vAyil, pUm poykai,

pATal cAnRa payam kezu vaippin,

n'ATu kavin aziya, n'Amam tORRi;    

10

kURRu aTUu n'inRa yAkkai pOla,

n'I civan'tu iRutta n'Irazi pAkkam

viri pUg karumpin kazani pullena,

tiri kAy viTattaroTu kAr uTai pOki,

kavait talaip pEy makaL kazutu Urn'tu iyagka,

15

Uriya n'erujci n'IRu ATu paRan'talai

tAtu eru maRutta kali azi manRattu

uLLam aziya, Ukkun'ar, miTal taputtu,

uLLun'ar panikkum pAz AyinavE.

kATE kaTavuL mEna; puRavE       

20

oL izai makaLiroTu maLLar mEna;

ARE av anaittu: anRiyum, jAlattuk

kUlam pakarn'ar kuTi puRan'tarAa,

kuTi puRan'tarun'ar pAram Ompi,

azal cenRa marugkin veLLi OTAtu   

25

mazai vENTu pulattu mAri n'iRpa,

n'OyoTu paci ikan'tu orIi,

pUttanRu   peruma! n'I kAtta n'ATE!

tuRai: cen'tuRaip pATAN pATTu
vaNNam: ozuku vaNNam
tUkku: cen'tUkkum vajcittUkkum
peyar: pUtta n'eytal (3)

 

14.  mannanuTaiya pala kuNagkaLaiyum ARRalaiyum orugku kURi vAzttutal

n'ilam, n'Ir, vaLi, vicumpu, enRa n'Ankin
aLappu ariyaiyE;
n'AL, kOL, tigkaL, jAyiRu, kanai azal,
ain'tu orugku puNarn'ta viLakkattu anaiyai;
pOr talaimikutta Ir aimpatinmaroTu     5
tupput tuRaipOkiya, tuNivuTai ANmai,
akkuran anaiya kaivaNmaiyaiyE;
amar kaTan'tu malain'ta tumpaip pakaivar
pOr, pITu, azitta cerup pukal munpa!
kURRu vekuNTu varinum, mARRum ARRalaiyE;   10
ezumuTi kezIiya tiru jemar akalattu
n'On purit taTak kaic cAnROr meymmaRai!
vAn uRai makaLir, n'alan, ikal koLLum;
vayagku izai karan'ta, vaNTu paTu katuppin;
oTugku Ir Otik koTugkuzai kaNava!     15
pal kaLiRRut tozutiyoTu velkoTi n'uTagkum
paTai Er uzava! pATini vEn'tE!
ilagkumaNi miTain'ta polag kalat tikirik
kaTalaka varaippin ip pozil muzutu ANTa n'in
mun tiNai mutalvar pOla, n'inRu n'I      20
keTAa n'al icai n'ilaiit
tavAaliyarO, iv ulakamOTu uTanE!

tuRai: cen'tuRaip pATAN pATTu
vaNNam: ozuku vaNNamum coRcIr vaNNamum
tUkku: cen'tUkku
peyar: cAnROr meymmaRai (4)

 

15.  venRic ciRappum tan n'ATu kAttal ciRappum

yANTu talaippeyara, vENTu pulattu iRuttu,
munai eri parappiya tun aruj cIRRamoTu
mazai tavazpu talaiiya matil maram murukki,
n'irai kaLiRu ozukiya n'iraiya veLLam
paran'tu ATu kazagku azi man marugku aRuppa   5
koTi viTu kurUup pukai picira, kAl pora,
azal kavar marugkin uru aRak keTuttu,
tol kavin azin'ta kaN akan vaippin,
veN pU vELaiyoTu paij curai kalittu,
pIr ivarpu paran'ta n'Ir aRu n'iRaimutal,     10
civan'ta kAn'taL mutal citai, mUtil,
pulavu vil uzavin pullAL vazagkum
pul ilai vaippin, pulam citai arampin,
aRiyAmaiyAn maRan'tu, tuppu etirn'ta n'in
pakaivar n'ATum kaNTu van'ticinE:      15
kaTalavum, kallavum, yARRavum, piRavum,
vaLam pala n'ikaztaru n'anan' talai n'al n'ATTu,
vizavu aRupu aRiyA muzavu imiz mUtUr,
koTi n'ilaR paTTa ponnuTai n'iyamattu,
cIr peRu kali makiz iyampum muracin     20
vayavar vEn'tE! paricilar veRukkai!
tAr aNin'tu eziliya, toTi citai maruppin,
pOr val yAnaic cEralAta!
'n'I vAziyar, iv ulakattOrkku' ena,
uNTu urai mARiya, mazalai n'Avin,    25
men cola kalappaiyar tirun'tu toTai vAztta,
veytuRavu aRiyAtu n'an'tiya vAzkkai,
ceyta mEval amarn'ta cuRRamOTu,
onRumozin'tu aTagkiya koLkai, enRum
pati pizaippu aRiyAtu, tuyttal eyti,    30
n'iraiyam orIiya vETkaip puraiyOr
mEyinar uRaiyum, palar pukaz paNpin,
n'I puRan'tarutalin n'Oy ikan'tu orIiya
yANar n'al n'ATum kaNTu, mati maruNTanen
maNNuTai jAlattu man uyirkku ejcAtu  35
Ittuk kai taNTAk kai kaTun' tuppin,
puraivayin puraivayin periya n'alki,
Emam Akiya, cIr kezu vizavin,
n'eTiyOn anna n'al icai,
oTiyA main'ta! n'in paNpu pala n'ayan'tE.    40

tuRai: cen'tuRaip pATAN pATTu
vaNNam: ozuku vaNNam
tUkku: cen'tUkku
peyar: n'iraiya veLLam (5)

 

16. aracanatu venRic ciRappum kulamakaLOTu n'ikazn'ta inpac ciRappum

kOTu uRazn'tu eTutta koTug kaN ijci,
n'ATu kaNTanna kaNai tujcu vilagkal,
tujcumarak kuzAam tuvanRi, puniRRu makaL
pUNA aiyavi tUkkiya matila
n'al ezil n'eTum putavu murukkik kollupu,    5
Enam Akiya n'unai muri maruppin,
kaTAam vArn'tu, kaTuj cinam potti,
maram kol maza kaLiRu vazagkum pAcaRai,
n'ITinai Akalin, kANku van'ticinE:
ARiya kaRpin, aTagkiya cAyal,     10
UTinum iniya kURum in n'akai,
amirtu poti tuvar vAy, amartta n'Okkin,
cuTar n'utal, acain'aTai uLLalum uriyaL;
pAyal uyyumO   tOnRal! tA inRu
tiru maNi poruta tikaz viTu pacum pon    15
vayagku katir vayiramOTu uRazn'tu, pUN cuTarvara,
ezumuTi kezIiya tiru jemar akalattu,
puraiyOr uNkaN tuyil in pAyal
pAlum, koLAlum vallOy! n'in
cAyal mArpu n'ani alaittanRE?    20

ituvum atu
peyar: tuyilin pAyal  (6)

 

17.  poRaiyuTaimaiyOTu paTuttu mannanin
venRic ciRappuk kURutal

puraivatu n'inaippin puraivatO inRE
periya tappun'ar Ayinum, pakaivar
paNin'tu tiRai pakarak koLLun'ai Atalin
tuLagku picir uTaiya, mAk kaTal n'Ikki,
kaTampu aRuttu iyaRRiya valampaTu viyan paNai,    5
ATun'ar peyarn'tu van'tu, arum pali tUuy,
kaTippuk kaN uRUum toTit tOL iyavar,
'araNam kANAtu, mAtiram tuzaiiya
n'anan' talaip paij jilam varuka, in' n'izal' ena,
jAyiRu pukanRa, tItu tIr ciRappin,    10
amiztu tikaz karuviya kaNa mazai talaii,
kaTug kAl koTkum n'an perum parappin,
vicumpu tOy veNkuTai n'uvalum
pacum pUN mArpa! pATini vEn'tE!

ituvum atu
peyar: valampaTu viyan paNai (7)

 

18.  koTaic ciRappu

uNmin kaLLE! aTumin cORE!
eRika tiRRi! ERRumin puzukkE!
varun'arkku varaiyAtu polagkalam teLirppa,
iruL vaNar olivarum puri aviz aimpAl,
En'tu kOTTu alkul, mukiz n'akai, maTavaral,    5
kUn'tal viRaliyar! vazagkuka aTuppE!
peRRatu utavumin; tappu inRu pinnum
man uyir aziya, yANTu pala tuLakki,
maNNuTai jAlam puravu etirkoNTa
taN iyal ezili talaiyAtu mARi,     10
mAri poykkuvatu Ayinum,
cEralAtan poyyalan n'acaiyE!

tuRai: iyalmozi vAzttu
vaNNam: ozuku vaNNam
tUkku: cen'tUkku
peyar: kUn'tal viRaliyar (8)


21. n'ATu kAttaR ciRappuk kURi, mannanai vAzttutala


col, peyar, n'ATTam, kELvi, n'ejcam, enRu

ain'tuTan pORRi avai tuNaiyAka,

evvam cUzAtu viLagkiya koLkai,

kAlai anna cIr cAl vAymozi,

uru kezu marapin kaTavuL pENiyar, 

5

koNTa tIyin cuTar ezutORum

virumpu mey paran'ta peru peyar Avuti;

varun'ar varaiyAr vAra vENTi,

virun'tu kaNmARAtu uNIiya, pAcavar

Unattu azitta vAl n'iNak kozug kuRai   

10

kuy iTutORum AnAtu Arppa,

kaTal oli koNTu, cezu n'akar varaippin

n'aTuvaN ezun'ta aTu n'ey Avuti;

iraNTuTan kamazum n'ARRamoTu, vAnattu

n'ilaipeRu kaTavuLum vizaitakap pENi,   

15

Ar vaLam pazuniya aiyam tIr ciRappin,

mAriam kaLLin, pOr val yAnai,

pOrppu uRu muracam kaRagka, Arppuc ciRan'tu,

n'an kalam tarUum maN paTu mArpa!

mullaik kaNNip pal An kOvalar   

20

pulluTai viyan pulam pal A parappi,

kal uyar kaTattiTaik katir maNi peRUum,

miti al ceruppin pUziyar kOvE!

kuviyal kaNNi mazavar meymmaRai!

pal payam tazIiya, payam kezu n'eTug kOTTu,  

25

n'Ir aRal marugku vazippaTA, pAkuTip

pArval kokkin parivETpu ajcA,

cIruTait tEetta munaikeTa vilagkiya,

n'Er uyar n'eTu varai ayiraip porun'a!

yANTu pizaippu aRiyAtu, paya mazai curan'tu   

30

n'Oy il mAn'tarkku Uzi Aka!

maNNA vAyin maNam kamaz koNTu,

kAr malar kamazum tAz irug kUn'tal,

orIiyina pOla iravu malar n'inRu

tirumukattu alamarum peru matar mazaikkaN,   

35

alagkiya kAn'taL ilagku n'Ir azuvattu

vEy uRaz paNait tOL, ivaLOTu

Ayiram veLLam vAziya palavE!


tuRai: cen'tuRaip pATAN pATTu

vaNNam: ozuku vaNNam

tUkku: cen'tUkku
peyar: aTu n'ey Avuti   (1)
 

23.  venRic ciRappu

alan'talai unnattu am kavaTu porun'tic
citaTi karaiya, peru vaRam kUrn'tu,
n'ilam paitu aRRa pulam keTu kAlaiyum,
vAgkupu takaitta kalappaiyar AgkaN
manRam pOn'tu, maRuku ciRai pATum    5
vayiriya mAkkaL kaTum paci n'Igka,
pon cey punaiizai olippa, peritu uvan'tu,
n'ejcu mali uvakaiyar uNTu malin'tu ATa,
ciRu makizAnum perug kalam vIcum,
pOr aTu tAnaip polan'tArk kuTTuva!    10
n'in n'ayan'tu varuvEm kaNTanam: pul mikku,
vazagkun'ar aRRena, marugku keTat tUrn'tu,
perug kavin azin'ta ARRa, ERu puNarn'tu
aNNal maraiyA amarn'tu initu uRaiyum
viN uyar vaippina kATu Ayina  n'in    15
main'tu mali perum pukaz aRiyAr malain'ta
pOr etir vEn'tar tAr azin'tu orAlin
marutu imizn'tu Ogkiya n'aLi irum parappin
maNal mali perun' tuRait tatain'ta kAjciyoTu
murukkut tAzpu eziliya n'eruppu uRaz aTaikarai,    20
n'an'tu n'AraiyoTu cev vari ukaLum
kazani vAyiR pazanap paTappai,
azal maruL pUvin tAmarai, vaLai makaL
kuRAatu malarn'ta Ampal,
aRAa yANar avar akantalai n'ATE.    25

tuRai: vajcittuRaip pATAN pATTu
vaNNam: ozuku vaNNam
tUkku: cen'tUkku
peyar: tatain'ta kAjci     (3)

 

24.  mannavan perumaiyum koTaic ciRappum kURi vAzttutal


n'eTu vayin oLiRu minnup paran'tAgku,

puli uRai kazitta pulavu vAy eHkam

Eval ATavar valan uyarttu En'ti,

Ar araN kaTan'ta tAr arun' takaippin

pITu koL mAlaip perum paTait talaiva!   

5

Otal, vETTal, avai piRarc ceytal,

Ital, ERRal, enRu ARu purin'tu ozukum

aRam puri an'taNar vazi mozin'tu ozuki,

jAlam n'invazi ozuka, pATal cAnRu,

n'ATuTan viLagkum n'ATA n'allicait    

10

tirun'tiya iyal mozit tirun'tizai kaNava!

kulai izipu aRiyAc cApattu vayavar

ampu kaLaivu aRiyAt tUgku tuLagku irukkai,

iTAa ENi iyal aRaik kurucil!

n'Ir, n'ilam, tI, vaLi, vicumpOTu, ain'tum   

15

aLan'tu kaTai aRiyinum, aLappu arug kuraiyai! n'in

vaLam vIgku perukkam initu kaNTikumE!

uNmarum, tinmarum, varaikOL aRiyAtu,

kurait toTi mazukiya ulakkai vayintORu

aTaic cEmpu ezun'ta ATuRum maTAvin,   

 20

eHku uRac civan'ta Unattu, yAvarum

kaNTu mati maruLum vATAc conRi

vayagku katir virin'tu vAnakam cuTarvara,

vaRitu vaTakku iRaijciya cIr cAl veLLi

payam kezu pozutOTu An'iyam n'iRpa,   

25

kalizum karuviyoTu kai uRa vaNagki,

man uyir puraiiya valan Erpu iragkum

koNTal taN taLik kamaj cUl mA mazai

kAr etir paruvam maRappinum

pErA yANarttAl; vAzka n'in vaLanE!   

30


tuRai: iyalmozi vAzttu

vaNNam: ozuku vaNNam

tUkku: cen'tUkku

peyar: cIr cAl veLLi    (4)

 

27.  venRic ciRappu


citain'tatu manRa, n'I civan'tanai n'Okkalin

toTarn'ta kuvaLait tU n'eRi aTaicci,

alarn'ta Ampal aka maTivaiyar,

curiyal am cennip pUj cey kaNNi

ariyal Arkaiyar, initu kUTu iyavar,   

5

tuRai n'aNi marutam ERi, teRumAr,

el vaLai makaLir teL viLi icaippin,

pazanak kAvil pacu mayil Alum;

poykai vAyil punal poru putavin,

n'eytal marapin, n'irai kaL, ceRuvin   

10

val vAy uruLi katumena maNTa,

aLLal paTTu, tuLLupu turappa,

n'al erutu muyalum aLaRu pOku vizumattuc

cAkATTALar kampalai allatu,

pUcal aRiyA n'al n'ATTu    

15

yANar aRAak kAmaru kavinE!


tuRai: cen'tuRaip pATAN pATTu

vaNNam: ozuku vaNNam

tUkku: cen'tUkku

peyar: toTarn'ta kuvaLai    (7)

 

28. n'ATu kAttala ciRappu

tiru uTaittu amma  peru viRaR pakaivar
paig kaN yAnaip puNar n'irai tumiya,
uram turan'tu eRin'ta, kaRai aTi, kazaR kAl,
kaTu mA maRavar kataz toTai maRappa,
iLai initu tan'tu, viLaivu muTTuRAtu,  5
pulampA uRaiyuL n'I tozil ARRalin.
viTu n'ilak karampai viTar aLai n'iRaiya
kOTai n'ITa, kunRam pullena,
aruvi aRRa peru vaRaR kAlaiyum;
n'ivan'tu karai izitarum n'anan' talaip pEriyARRuc   10
cIruTai viyan pulam  vAy paran'tu mikIiyar,
uvalai cUTi uruttu varu malir n'iRaic
cen' n'Irp pUcal allatu,
vemmai aritu, n'in akan talai n'ATE.


tuRai: n'ATu vAzttu

vaNNamum tUkkum: atu

peyar: uruttu varu malir n'iRai    (8)

 

29.  venRic ciRappu


aval eRi ulakkai vAzaic cErtti,

vaLaik kai makaLir vaLLai koyyum,

muTan'tai n'ellin viLaivayal paran'ta

taTan' tAL n'Arai iriya; ayiraik

kozu mIn Arkaiya maramtoRum kuzAalin,   

5

veN kai makaLir veN kuruku Oppum,

aziyA vizavin, iziyAt tivavin,

vayiriya mAkkaL paN amaittu ezIi,

manRam n'aNNi, maRuku ciRai pATum

akan kaN vaippin n'ATu  man aLiya!    

10

viravu vERu kUlamoTu kuruti vETTa

mayir putai mAk kaN kaTiya kazaRa,

amar kOL n'Er ikan'tu, Ar eyil kaTakkum

perum pal yAnaik kuTTuvan

Avarampu il tAnai paravA AgkE.   

15


tuRai: vajcittuRaip pATAN pATTu

vaNNamum tUkkum: atu

peyar: veN kai makaLir   (9)

 

30.  venRic ciRappu


iNar tatai jAzal karai kezu perun' tuRai,

maNikkalattanna mA itaz n'eytal

pAcaTaip panik kazi tuzaii, punnai

vAl iNarp paTu cinaik kuruku iRai koLLum

alkuRu kAnal, Ogku maNal aTaikarai,   

5

tAz aTumpu malain'ta puNari vaLai jarala,

ilagku n'Ir muttamoTu vAr tukir eTukkum

taN kaTaR paTappai menpAlanavum;

kAn'taL am kaNNi, kolai vil, vETTuvar

ceg kOTTu AmAn UnoTu, kATTa   

10

matanuTai vEzattu veN kOTu koNTu,

ponnuTai n'iyamattup pizi n'oTai koTukkum

kunRu talaimaNan'ta pun pula vaippum;

kAlam anRiyum karumpu aRuttu oziyAtu,

ari kAl avittu, pala pU vizavin    

15

tEm pAy marutam mutal paTak konRu,

veN talaic cem punal paran'tu vAy mikukkum

pala cUz patappar pariya, veLLattuc

ciRai koL pUcalin pukanRa Ayam

muzavu imiz mUtUr vizavuk kANUup peyarum   

20

cezum pal vaippin  pazanap pAlum;

Enal uzavar varakumItu iTTa

kAn miku kuLaviya vanpu cEr irukkai,

men tinai n'uvaNai muRaimuRai pakukkum

punpulam tazIiya, puRavu aNi vaippum;    

25

pal pUj cemmaR kATu payam mARi,

arakkattanna n'uN maNaR kOTu koNTu,

oN n'utal makaLir kazaloTu maRukum

viN uyarn'tu Ogkiya kaTaRRavum; piRavum;

paNai kezu vEn'tarum vELirum, onRu mozin'tu,   

30

kaTalavum kATTavum araN valiyAr n'aTugka,

muraN miku kaTug kural vicumpu aTaipu atira,

kaTuj cinam kaTAay, muzagkum man'tirattu

arun' tiRal marapin kaTavuL pENiyar,

uyarn'tOn En'tiya arum peRal piNTam   

35

karug kaN pEymakaL kai puTaiyUu n'aTugka,

n'eyttOr tUuya n'iRai makiz irum pali,

eRumpum mUcA iRumpUtu marapin,

karug kaN kAkkaiyoTu parun'tu irun'tu Ara;

OTAp pUTkai, oN poRik kazal kAl,   

40

peruj camam tatain'ta, cerup pukal, maRavar

urumu n'ilan atirkkum kuraloTu, koLai puNarn'tu,

peruj cORu ukuttaRku, eRiyum

kaTuj cina vEn'tE!  n'in tazagku kural muracE.

tuRai: perujcORRu n'ilai
vaNNamum tUkkum: atu
peyar: pukanRa Ayam   (10)


31. mannaRku uriya mATcimaiyellAm eTuttu orugkE pukaztal

kunRu talaimaNan'tu, kuzUuk kaTal uTutta
maN kezu jAlattu, mAn'tar orAgkuk
kai cuman'tu alaRum pUcal, mAtirattu
n'Al vERu n'anan' talai, orugku ezun'tu olippa,
teL uyar vaTi maNi eRiyun'ar kallena,    5
uNNAp paijjilam panit tuRai maNNi,
vaNTu Utu poli tAr, tiru jemar akalattu,
kaN poru tikiri, kamaz kural tuzAay
alagkal, celvan cEvaTi paravi,
n'ejcu mali uvakaiyar tujcu patip peyara     10
maNi n'iRa mai iruL akala, n'ilA viripu,
kOTu kUTu matiyam iyaluRRAgku,
tuLagku kuTi vizut tiNai tirutti, muracu koNTu,
AN kaTan iRutta n'in pUN kiLar viyal mArpu,
karuvi vAnam taN taLi talaiiya,     15
vaTa teRku vilagki, vilaku talaittu eziliya,
pani vAr viNTu viRal varaiyaRRE;
kaTavuL ajci vAnattu izaitta
tUgku eyil katavam kAval koNTa
ezUu n'ivan'tanna, parEr eRuz muzavut tOL;    20
veN tirai mun'n'Ir vaLaiiya ulakattu,
vaN pukaz n'iRutta vakai cAl celvattu
vaNTan anaiyaiman n'IyE; vaNTu paTa
olin'ta kUn'tal, aRam cAl kaRpin,
kuzaikku viLakku Akiya oL n'utal, ponnin    25
izaikku viLakku Akiya av vAgku un'ti,
vicumpu vazagku makaLiruLLum ciRan'ta
cemmIn anaiyaL, n'in tol n'akarc celvi;
n'ilan atirpu iragkala Aki, valan Erpu,
viyan paNai muzagkum vEl mUcu azuvattu,    30
aTagkiya puTaiyal, polag kazal n'On tAL,
oTugkAt tevvar Ukku aRak kaTaii,
puRakkoTai eRiyAr, n'in maRap paTai koLLun'ar;
n'akaivarkku araNam Aki, pakaivarkkuc
cUr n'ikazn'taRRu, n'in tAnai;     35
pOr miku kurucil! n'I mANTanai palavE.


tuRai: cen'tuRaip pATANpATTu

vaNNam: ozuku vaNNam

tUkku: cen'tUkku

peyar: kamaz kural tuzAy    (1)

 

32.  mannanin pala kuNagkaLaiyum uTan eNNi, avaRRuL poRaiyuTaimaiyai mikuttup pukaztal

mANTanai palavE, pOr miku kurucil! n'I
mAtiram viLakkum cAlpum, cemmaiyum;
muttuTai maruppin maza kaLiRu piLiRa,
mikku ezu kaTun' tAr tuyttalaic cenRu,
tupput tuvar pOka, perug kiLai uvappa,    5
Ittu AnRu AnA iTanuTai vaLanum;
tuLagku kuTi tiruttiya valampaTu venRiyum;
ellAm eNNin, iTu kazagku tapun'a.
kon onRu maruNTanen, aTu pOrk koRRava!
n'eTumiTal cAya, koTu miTal tumiya,     10
peru malai yAnaiyoTu pulam keTa iRuttu,
taTan' tAL n'Arai paTin'tu irai kavarum,
muTan'tai n'ellin kazai amal, kazani,
pizaiyA viLaiyuL n'ATu akappaTuttu,
vaiyA mAlaiyar vacaiyun'ark kaRutta    15
pakaivar tEettu Ayinum
cinavAy Akutal iRumpUtAl peritE!

ituvum atu
peyar: kazai amal kazani   (2)

 

33.  venRic ciRappu

iRumpUtAl peritE, koTit tEr aNNal!
vaTi maNi aNaitta paNai maruL n'On tAL,
kaTi marattAn, kaLiRu aNaittu;
n'eTu n'Ira tuRai kalagka,
mUzttu iRutta viyan tAnaiyoTu    5
pulam keTa n'eritarum varampu il veLLam,
vAL matilAka, vEl miLai uyarttu,
vil vicai umizn'ta vaim muL ampin,
cev vAy eHkam vaLaiiya akazin,
kAr iTi urumin uraRu muracin,    10
kAl vazagku Ar eyil karutin
pOr etir vEn'tar orUupa, n'innE.

tuRai: vajcittuRaip pATAN pATTu
vaNNam: ozuku vaNNam
tUkku: cen'tUkkum vajcittUkkum
peyar: varampu il veLLam    (3)

 

34.  venRic ciRappu

orUupa n'innai  oru peru vEn'tE!
OTAp pUTkai, oN poRik kazaR kAl,
iru n'ilam tOyum virin'Ul aRuvaiyar:
cev uLaiya mA Urn'tu,
n'eTug koTiya tEr micaiyum,    5
OTai viLagkum uru kezu pukar n'utal
pon aNi yAnai muraN cEr eruttinum,
man n'ilattu amain'ta ... ... ...
mARA main'tar mARu n'ilai tEya,
muraicuTaip peruj camam tataiya, Arppu eza,    10
araicu paTak kaTakkum ARRal
purai cAl main'ta!  n'I Ompal mARE.


tuRai: tumpai aravam

vaNNamum tUkkum: atu

peyar: oN poRik kazaR kAl    (4)

 

35.  venRic ciRappu

purai cAl main'ta! n'I Ompal mARE,
urai cAnRanavAl, perumai n'in venRi!
irug kaLiRRu yAnai ilagku vAl maruppoTu
n'eTun' tErt tikiri tAya viyan kaLattu,
aLakuTaic cEval kiLai pukA Ara,    5
talai tumin'tu ejciya mey ATu paRan'talai,
an'ti mAlai vicumpu kaNTanna
cej cuTar koNTa kuruti manRattu,
pEey ATum velpOr
vIyA yANar n'invayinAnE.    10

tuRai: vAkaittuRaip pATAN pATTu
vaNNam: atu
tUkku: cen'tUkku
peyar: mey ATu paRan'talai    (5)

 

36.  venRic ciRappu

vIyA yANar n'invayinAnE
tAvAtAkum, mali peRu vayavE;
mallal uLLamoTu vampu amark kaTan'tu,
ceru miku munpin maRavaroTu talaiccenRu,
panai taTi punattin, kai taTipu, pala uTan    5
yAnai paTTa vAL mayagku kaTun' tAr,
mAvum mAkkaLum paTu piNam uNIiyar,
poRitta pOlum puLLi eruttin
pun puRa eruvaip peTai puNar cEval
kuTumi ezAloTu koNTu, kizakku iziya;    10
n'ilam izi n'ivappin n'IL n'irai pala cuman'tu,
uru ezu kULiyar uNTu makizn'tu ATa;
kurutic cem punal ozuka;
cerup pala ceykuvai: vAzka, n'in vaLanE!


tuRai: kaLavazi

vaNNamum tUkkum: atu

peyar: vAL mayagku kaTun' tAr  (6)

 

37. mannan kuNagkaLaip pukazn'tu, avanaiyum avan celvattaiyum vAzttutal

vAzka, n'in vaLanE n'innuTai vAzkkai,
vAymozi vAyar n'in pukaz Etta!
pakaivar Arap pazagkaN aruLi,
n'akaivar Ara n'an kalam citaRi,
AnRu, avin'tu, aTagkiya, ceyir tIr, cemmAl! 5
vAn tOy n'al icai ulakamoTu uyirppa,
tuLagku kuTi tiruttiya valam paTu venRiyum;
mA irum puTaiyal, mAk kazal, punain'tu,
man eyil eRin'tu maRavart tarIi,
tol n'ilaic ciRappin n'in n'izal vAzn'arkkuk 10
kOTu aRa vaitta kOTAk koLkaiyum;
n'anRu peritu uTaiyaiyAl n'IyE,
ven'tiRal vEn'tE!  iv ulakattOrkkE.

tuRai: cen'tuRaip pATAN pATTu
vaNNamum tUkkum: atu
peyar: valam paTu venRi   (7)

 

38.  koTaic ciRappu

ulakattOrE palarman celvar;
ellAruLLum n'in n'al icai mikumE
vaLam talaimayagkiya paitiram tiruttiya
kaLagkAyk kaNNi n'Ar muTic cEral!
eyil mukam citaiyat tOTTi Evalin,    5
tOTTi tan'ta toTi maruppu yAnai,
cev uLaik kalimA, Ikai vAn kazal,
ceyal amai kaNNic cEralar vEn'tE!
paricilar veRukkai! pANar n'AL avai!
vANutal kaNava! maLLar ERE!     10
mai aRa viLagkiya, vaTu vAz mArpin,
vacai il celva! vAnavarampa!
'iniyavai peRinE tanittani n'ukarkEm,
taruka' ena vizaiyAt tA il n'ejcattu,
pakuttUN tokutta ANmai,    15
piRarkku ena vAzti n'I AkanmARE.

ituvum atu
peyar: paricilar veRukkai    (8)

 

39.  koTaic ciRappum venRic ciRappum

piRarkku ena vAzti n'I Akan mARE,
emakku 'il' ennAr, n'in maRam kURu kuzAttar
tupput tuRaipOkiya veppuTait tumpai,
kaRutta tevvar kaTi munai alaRa,
eTuttu eRin'tu iragkum Eval viyan paNai    5
urum ena atirpaTTu muzagki, ceru mikku,
aTagkAr Ar araN vATac cellum,
kAlan anaiya, kaTuj cina munpa!
vAlitin, n'Ulin izaiyA n'uN mayir izaiya
poRitta pOlum puLLi eruttin     10
pun puRap puRavin kaNa n'irai alaRa,
alan'talai vElattu ulavaiam cinai
cilampi kOliya alagkal pOrvaiyin,
ilagku maNi miTain'ta pacum pon paTalattu
avir izai taii, min umizpu ilagkac    15
cIr miku muttam taiiya
n'ArmuTic cEral! n'in pOr n'izal pukanRE.

tuRai: vAkai
vaNNamum tUkkum: atu
peyar: Eval viyan paNai   (9)

 

40.  koTaic ciRappu

pOr n'izal pukanRa cuRRamoTu Urmukattu
iRAaliyarO, peruma! n'in tAnai!
in icai imiz muracu iyampak kaTippu ikUu,
puN tOL ATavar pOrmukattu iRuppa,
kAytta karan'tai mAk koTi viLai vayal    5
van'tu iRaikoNTanRu, tAnai: 'an'til,
kaLain'ar yAr inip piRar?' enap pENi,
man eyil maRavar oli avin'tu aTagka,
onnAr tEya, pU malain'tu uraii,
veN tOTu n'iraiiya vEn'tuTai aruj camam    10
konRu puRampeRRu, manpatai n'irappi,
venRi ATiya toTit tOL mI kai,
ezumuTi kezIiya tiru jemar akalattu,
pon am kaNNi, polan' tEr n'annan
cuTar vI vAkaik kaTi mutal taTin'ta    15
tAr miku main'tin, n'Ar muTic cEral!
pun kAl unnam cAya, teN kaN
vaRitu kUTTu ariyal iravalart taTuppa,
tAn tara uNTa n'anai n'aRavu makizn'tu,
n'Ir imiz cilampin n'EriyOnE:     20
cellAyOtil, cil vaLai viRali!
malarn'ta vEgkaiyin vayagku izai aNin'tu,
mel iyal makaLir ezil n'alam ciRappa,
pANar paim pU malaiya, iLaiyar
in kaLi vazAa men col amarn'tu,    25
n'ejcu mali uvakaiyar viyan kaLam vAztta,
tOTTi n'IvAtu, toTi cErpu n'inRu,
pAkar Evalin, oN poRi picira,
kATu talaik koNTa n'ATu kAN avir cuTar
azal viTupu, marIiya main'tin,    30
tozil pukal yAnai n'alkuvan, palavE.

tuRai: viRali ARRuppaTai
vaNNamum tUkkum: atu
peyar: n'ATu kAN avir cuTar  (10)


41. venRic ciRappu

puNar puri n'arampin tIm toTai pazuniya
vaNar amai n'al yAz iLaiyar poRuppa;
paN amai muzavum, patalaiyum, piRavum,
kaN aRuttu iyaRRiya tUmpoTu curukki,
kAvil takaitta tuRai kUTu kalappaiyar    5
kai val iLaiyar kaTavuL pazicca;
maRap pulik kuzUuk kural cettu, vayak kaLiRu
varai cErpu ezun'ta cuTar vI vEgkaip
pUvuTai peruj cinai vAgkip piLan'tu, tan
mA iruj cenni aNipeRa milaicci,    10
cEer uRRa celpaTai maRavar,
taNTuTai valattar, pOr etirn'tAgku,
vazai amal viyan kATu cilampap piLiRum
mazai peyal mARiya kazai tiragku attam
onRu iraNTu ala, pala kazin'tu, tiN tEr    15
vacai il n'eTun'takai kANku van'ticinE:
tAval uyyumO maRRE   tAvAtu
vajcinam muTitta onRumozi maRavar
muracuTaip peruj camattu aracu paTak kaTan'tu,
vevvar Occam peruka, tevvar,    20
miLaku eRi ulakkaiyin, irun' talai, iTittu,
vaiku Arppu ezun'ta mai paTu parappin
eTuttERu Eya kaTippuTai viyankaN
valam paTu cIrtti orugkuTan iyain'tu
kAl uLaik kaTum picir uTaiya, vAl uLaik    25
kaTum parip puravi Urn'ta n'in,
paTum tiraip panik kaTal, uzan'ta tALE!

tuRai: kATci vAzttu
vaNNam: ozuku vaNNam
tUkku: cen'tUkku
peyar: cuTar vI vEgkai  (1)

 

42.  koTaic ciRappum venRic ciRappum

irum panampuTaiyal, Ikai vAn kazal,
mIn tEr koTpin panik kayam mUzkic
ciral peyarn'tanna n'eTu veL Uci
n'eTu vaci paran'ta vaTu vAz mArpin,
ampu cEr uTampinarc cErn'tOr allatu    5
tumpai cUTAtu malain'ta mATci,
annOr peruma! n'annutal kaNava!
aNNal yAnai aTupOrk kuTTuva!
main'tuTai n'al amark kaTan'tu, valam tarIi;
ijci vI virAya pain' tAr pUTTi,     10
cAn'tu puRattu eRin'ta tacumpu tuLagkuirukkai,
tIm cERu viLain'ta maNi n'iRa maTTam
OmpA Ikaiyin vaN makiz curan'tu;
kOTiyar perug kiLai vAza, ATu iyal
uLai avir kalimAp pozin'tavai eNNin     15
manpatai maruLa, aracu paTak kaTan'tu,
mun'tu vinai etir varap peRutal kANiyar,
oLiRu n'ilai uyar maruppu En'tiya kaLiRu Urn'tu
mAna main'taroTu mannar Etta, n'in
tEroTu cuRRam ulaku uTan mUya,     20
mA irun' teN kaTal mali tiraip pauvattu,
veN talaik kurUup picir uTaiya,
taN pala varUum puNariyin palavE.

tuRai: cen'tuRaip pATAN pATTu
vaNNamum tUkkum: atu
peyar: tacumpu tuLagku irukkai    (2)

 

43.  mannanin celva makizcci

kavari mucci, kAr viri kUn'tal,
Ucal mEval, cEyizai makaLir
ural pOl perug kAl, ilagku vAL maruppin,
perug kai, matamAp pukutarin, avaRRuL
virun'tin vIz piTi eNNu muRai peRAa:    5
kaTavuL n'ilaiya kal Ogku n'eTu varai
vaTa ticai ellai imayam Aka,
ten am kumariyoTu AyiTai aracar
muracuTaip peruj camam tataiya, Arppu eza,
col pala n'ATTait tol kavin azitta    10
pOr aTu tAnaip polan'tArk kuTTuva!
irum paNai tiragkap peru peyal oLippa,
kunRu vaRam kUrac cuTar cinam tikaza,
aruvi aRRa peru vaRaR kAlaiyum,
aruj celal pEr ARRu irug karai uTaittu,   15
kaTi Er pUTTun'ar kaTukkai malaiya,
varaivu il atircilai muzagki, peyal ciRan'tu,
Ar kali vAnam taLi corin'tAagku,
uRuvar Ara OmpAtu uNTu,
n'akaivar Ara n'an kalam citaRi,     20
'ATu ciRai aRutta n'arampu cEr in kural
pATu viRaliyar pal piTi peRuka!
tuy vI vAkai, n'uN koTi uzijai,
venRi mEval, uru kezu ciRappin,
koNTi maLLar kol kaLiRu peRuka!    25
manRam paTarn'tu, maRuku ciRaip pukku,
kaNTi n'uN kOl koNTu, kaLam vAzttum
akavalan peRuka, mAvE!' enRum,
ikal vinai mEvalai Akalin, pakaivarum
tAgkAtu pukazn'ta, tUgku koLai muzavin,    30
tolaiyAk, kaRpa!   n'in n'ilai kaNTikumE!
n'iNam cuTu pukaiyoTu kanal cinam tavirAtu,
n'irampu akalpu aRiyA ERA ENi,
n'iRain'tu n'eTitu irAt tacumpin, vayiriyar
uNTenat tavAak kaLLin     35
vaN kai vEn'tE! n'in kali makizAnE.

tuRai: iyalmozi vAzttu
vaNNamum tUkkum: atu
peyar: ERA ENi  (3)

 

44. mannanai 'n'eTug kAlam vAzka' ena vAzttutal

n'ilam puTaippanna ArppoTu, vicumpu tuTaiyU,
vAn tOy vel koTi tEr micai n'uTagka,
periya Ayinum amar kaTan'tu peRRa
ariya ennAtu OmpAtu vIci,
kalam celac curattal allatu, kanavinum,    5
'kaLaika' ena aRiyAk kacaTu il n'ejcattu,
ATu n'aTai aNNal! n'in pATu makaL kANiyar
kANiliyarO  n'iR pukazn'ta yAkkai
muzu vali tujcum n'Oy tapu n'On toTai:
n'uN koTi uzijai vel pOr aRukai    10
cENan Ayinum, 'kEL' ena mozin'tu,
pulam peyarn'tu oLitta kaLaiyAp pUcaRku,
araNkaL tAvuRIi, aNagku n'ikazn'tanna
mOkUr mannan muracam koNTu,
n'eTumozi paNittu, avan vEmpu mutal taTin'tu,    15
muracu ceya muracci, kaLiRu pala pUTTi,
ozukai uyttOy! kozu il pain' tuNi
vaittalai maRan'ta tuyt talaik kUkai
kavalai kavaRRum kurAl am paRan'talai,
muracuTait tAyattu aracu pala OTTi,    20
tuLagku n'Ir viyalakam ANTu, initu kazin'ta
mannar maRaitta tAzi,
vanni manRattu viLagkiya kATE.

tuRai: cen'tuRaip pATAN pATTu
vaNNamum tUkkum: atu
peyar: n'Oy tapu n'On toTai    (4)

 

45.  venRic ciRappu

polam pUn' tumpai, poRi kiLar tUNi,
puRRu aTagku aravin oTugkiya ampin,
ocivuTai villin, ociyA n'ejcin,
kaLiRu eRin'tu murin'ta katuvAy eHkin,
vizumiyOr tuvanRiya akal kaN n'ATpin,    5
ezumuTi mArpin eytiya cEral!
kuNTu kaN akaziya matil pala kaTan'tu,
paNTum paNTum tAm uL azittu uNTa
n'ATu kezu tAyattu n'anan' talai aruppattuk
katavam kAkkum kaNai ezu anna,    10
n'ilam peRu tiNi tOL uyara Occi,
piNam piRagku azuvattu, tuNagkai ATi,
cORu vERu ennA Un tuvai aTicil
OTAp pITar uL vazi iRuttu,
muL iTupu aRiyA ENi, tevvar    15
cilai vicai aTakkiya mUri veN tOl,
anaiya paNpin tAnai mannar
ini yAr uLarO, munnum illai
mazai koLak kuRaiyAtu, punal puka n'iRaiyAtu,
vilagku vaLi kaTavum tuLagku irug kamaj cUl,    20
vayagku maNi imaippin vEl iTupu,
muzagku tiraip panik kaTal maRutticinOrE?

ituvum atu
peyar: Un tuvai aTicil   (5)

 

46.  koTaic ciRappu

izaiyar, kuzaiyar, n'aRun' taN mAlaiyar,
cuTar n'imir avir toTi ceRitta munkai,
tiRal viTu tirumaNi ilagku mArpin
vaNTu paTu kUn'tal muTi punai makaLir
toTai paTu pEriyAz pAlai paNNi,    5
paNiyA marapin uzijai pATa,
initu puRan'tan'tu, avarkku in makiz curattalin
curam pala kaTavum karai vAyp paruti
Ur pATTu eN il pain' talai tumiya,
pal ceruk kaTan'ta kol kaLiRRu yAnai,    10
kOTu n'aral pauvam kalagka vEl iTTu
uTai tiraip parappin paTu kaTal OTTiya
vel pukazk kuTTuvan kaNTOr
celkuvam ennAr, pATupu peyarn'tE.

ituvum atu
peyar: karai vAyp paruti  (6)

 

47.  koTaiyinaiyum ak koTaikku varuvAyAkiya pakaivaraik kORalaiyum uTan kURutal

aTTu AnAnE kuTTuvan; aTutoRum,
peRRu AnArE, paricilar kaLiRE;
varai micai izitarum aruviyin, mATattu
vaLi munai avirvarum koTi n'uTagku teruvil,
cori curai kavarum n'ey vazipu urAlin,    5
pANTil viLakkup parUuc cuTar azala,
n'al n'utal viRaliyar ATum
tol n'akar varaippin avan urai AnAvE.

ituvum atu
peyar: n'al n'utal viRaliyar  (7)

 

48. mannanai 'n'ITu vAzka' ena vAzttutal

paim pon tAmarai pANarc cUTTi,
oL n'utal viRaliyarkku Aram pUTTi,
keTal arum pal pukaz n'ilaii, n'Ir pukku,
kaTaloTu uzan'ta panit tuRaip paratava!
'ANTu n'Irp peRRa tAram, INTu, ivar    5
koLLAp pATaRku eLitinin Iyum
kallA vAymaiyan ivan, enat tattam
kai val iLaiyar n'Er kai n'iraippa,
vaNagkiya cAyal, vaNagkA ANmai,
munai cuTu kanai eri erittalin, peritum  10
itaz kavin azin'ta mAlaiyoTu, cAn'tu pular
pal poRi mArpa! n'in peyar vAziyarO
n'in malaip piRan'tu, n'in kaTal maNTum
mali punal n'ikaztarum tIm n'Ir vizavin,
pozil vati vEnil pEr ezil vAzkkai,    15
mEvaru cuRRamOTu uNTu, initu n'ukarum,
tIm punal, Ayam ATum,
kAjciam perun' tuRai maNalinum palavE!

tuRai: iyalmozi vAzttu
vaNNamum tUkkum: atu
peyar: pEr ezil vAzkkai  (8)

 

49.  mannavanatu varaiyA Ikai

yAmum cERukam; n'Iyirum vammin,
tuyalum kOtait tuLagku iyal viRaliyar!
koLai val vAzkkai n'um kiLai initu uNIiyar!
kaLiRu paran'tu iyala, kaTu mA tAgka,
oLiRu koTi n'uTagkat tEr tirin'tu koTpa;    5
eHku turan'tu ezutarum kai kavar kaTun' tAr,
vel pOr vEn'tarum vELirum onRumozin'tu,
moy vaLam cerukki, mocin'tu varu mOkUr
valam paTu kuzUu n'ilai atira maNTi,
n'eyttOr toTTa ceg kai maRavar    10
n'iRam paTu kuruti n'ilam paTarn'tu OTi,
mazai n'AL punalin aval paran'tu ozuka,
paTu piNam piRagka, pAz pala ceytu,
paTu kaN muracam n'aTuvaN cilaippa,
vaLan aRa, n'ikazn'tu vAzun'ar palar paTa,    15
karuj cinai viRal vEmpu aRutta
peruj cinak kuTTuvan kaNTanam varaRkE.

tuRai: viRali ARRuppaTai
vaNNamum tUkkum: atu
peyar: ceg kai maRavar   (9)

 

52.  mannavan kaivaNmaiyOTum venRiyOTum paTuttu avan kAma  inpac ciRappuk kURutal

koTi n'uTagku n'ilaiya kol kaLiRu miTain'tu,
vaTi maNi n'eTun' tEr vERu pulam parappi,
arug kalam tarIiyar, n'Ir micai n'ivakkum
perug kali vagkam ticai tirin'tAgku,
mai aNin'tu ezutaru mA irum pal tOl    5
mey putai araNam eNNAtu, eHku cuman'tu,
mun camattu ezutarum vankaN ATavar
tolaiyAt tumpai tevvazi viLagka,
uyarn'ilai ulakam eytinar, palar paTa,
n'al amark kaTan'ta n'in cel uRaz taTak kai    10
irappOrkkuk kavital allatai, iraiiya
malarpu aRiyA enak kETTikum: iniyE,
cuTarum pANTil tiru n'ARu viLakkattu,
muzA imiz tuNagkaikkut tazUup puNai Aka,
cilaippu val ERRin talaik kai tan'tu, n'I    15
n'aLin'tanai varutal, uTanRanaL Aki;
uyalum kOtai, Ural am titti,
Ir itaz mazaikkaN, pEr iyal arivai
oL itaz avizakam kaTukkum cIRaTi,
pal cila kiNkiNi ciRu paraTu alaippa,    20
kol punal taLirin n'aTugkuvanaL n'inRu, n'in
eRiyar Okkiya ciRu ceg kuvaLai,
'I' ena irappavum, ollAL; n'I emakku
yAraiyO?' enap peyarvOL kaiyatai:
katumena urutta n'OkkamoTu, atu n'I    25
pAal vallAy Ayinai pAal
yAgku vallun'aiyO- vAzka, n'in kaNNi!-
akal iru vicumpil pakal iTam tarIiyar;
teRu katir tikaztarum uru kezu jAyiRRu
urupu kiLar vaNNam koNTa    30
vAn tOy veNkuTai vEn'tartam eyilE?


tuRai: kuravai n'ilai

vaNNam: ozuku vaNNam

tUkku: cen'tUkku

peyar: ciRu ceg kuvaLai   (2)

 

53.  aTain'tavarkku aruLaloTu paTuttu, mannavana
venRic ciRappuk  kURutal

venRu kalam tarIiyar vENTu pulattu iRuttu, avar
vATA yANar n'ATu tiRai koTuppa,
'n'alkinai Akumati, em' enRu; aruLi,
kal piRagku vaippin kaTaRu arai yAtta n'in
tol pukaz mUtUrc celkuvai Ayin,    5
cempoRic cilampoTu aNit tazai tUgkum
en'tirat takaippin ampuTai vAyil,
kOL val mutalaiya kuNTu kaN akazi,
vAn uRa Ogkiya vaLain'tu cey puricai,
onnAt tevvar munai keTa vilagki,    10
n'innin tan'ta man eyil allatu,
munnum pinnum n'in munnOr Ompiya
eyil mukappaTuttal yAvatu? vaLaiyinum,
piRitu ARu cenmati, cinam kezu kurucil!-
ezUup puRan'tarIi, pon piNip palakaik    15
kuzUu n'ilaip putavin katavu mey kANin,
tEm pAy kaTAttoTu kAz kai n'Ivi,
vEgkai venRa poRi kiLar pukar n'utal
En'tu kai curuTTi, tOTTi n'Ivi,
mEmpaTu vel koTi n'uTagka,    20
tAgkal AkA, Agku n'in kaLiRE.

tuRai: cen'tuRaip pATAN pATTu
vaNNamum tUkkum: atu
peyar: kuNTu kaN akazi   (3)

 

54.  mannavan koTaic ciRappum tan kuRaiyum
kURi, vAzttutal

vaLLiyai enRalin, kANku van'ticinE,
uLLiyatu muTitti; vAzka n'in kaNNi!
vIgku iRait taTaiiya amai maruL paNait tOL,
En'tu ezil mazaikkaN, vanain'tu varal iLa mulai,
pUn' tukil alkul, tEm pAy kUn'tal,    5
min izai, viRaliyar n'in maRam pATa;
iravalar punkaN tIra, n'AL toRum,
urai cAl n'an kalam varaivu ila vIci,
anaiyai AkanmARE, enaiyatUum
uyar n'ilai ulakattuc cellAtu, ivaN n'inRu,    10
iru n'ila marugkin n'eTitu manniyarO!-
n'ilam tapa iTUum ENip pulam paTarn'tu,
paTu kaN muracam n'aTuvaN cilaippa,
tOmara valattar n'Amam ceymmAr,
Eval viyagkoNTu, iLaiyaroTu ezutarum    15
ollAr yAnai kANin,
n'illAt tAnai iRai kizavOyE!

tuRai: kATci vAzttu
vaNNamum tUkkum: atu
peyar: n'illAt tAnai   (4)

 

55.  mannavan ulaku purattalum tan kuRaiyum kURi, vAzttutal

AnROL kaNava! cAnROr puravala!
n'in n'ayan'tu van'tanan, aTu pOrk koRRava!
in icaip puNari iragkum pauvattu,
n'an kala veRukkai tujcum pan'tar,
kamazum tAzaik kAnal am perun' tuRai,    5
taN kaTal paTappai n'al n'ATTup porun'a!
cev Un tOnRA, veN tuvai mutirai,
vAl Un valci mazavar meymmaRai!
kuTavar kOvE! koTit tEr aNNal!
vArAr Ayinum iravalar, vENTi,     10
tErin tan'tu, avarkku Ar patan n'alkum
n'acai cAl vAymozi icai cAl tOnRal!-
vENTuva aLavaiyuL yANTu pala kaziya,
peytu puRan'tan'tu, pogkal ATi,
viNTuc cErn'ta veN mazai pOlac     15
cenRAliyarO peruma alkalum
n'anan' talai vEn'tar tAr azin'tu alaRa,
n'ITu varai aTukkatta n'ATu kaikkoNTu,
porutu cinam taNin'ta cerup pukal ANmai,
tAgkun'art takaitta oL vAL,     20
Ogkal uLLattuk kurucil! n'in n'ALE.

tuRai: cen'tuRaip pATAN pATTu
vaNNamum tUkkum: atu
peyar: tujcum pan'tar   (5)

 

56.  venRic ciRappu

vizavu vIRRirun'ta viyaluL AgkaN,
kOTiyar muzavin munnar, ATal
vallAn allan; vAzka avan, kaNNi!-
valam paTu muracam tuvaippa, vAL uyarttu,
ilagkum pUNan, polag koTi uzijaiyan,   5
maTam perumaiyin uTanRu mEl van'ta
vEn'tu meymmaRan'ta vAzcci
vIn'tu uku pOrkkaLattu ATum kOvE.

tuRai: oL vAL amalai
vaNNamum tUkkum: atu
peyar: vEn'tu meymmaRan'ta vAzcci    (6)

 

57.  venRic ciRappoTu koTaic ciRappum uTan kURutal

OTAp pUTkai maRavar miTal tapa,
irum panam puTaiyaloTu vAn kazal civappa,
kuruti paniRRum pulavuk kaLattOnE,
tuNagkai ATiya valam paTu kOmAn:
melliya vakun'til cIRaTi otugkic    5
cellAmOtil- cil vaLai viRali!-
pANar kaiyatu paNi toTai n'arampin
viral kavar pEriyAz pAlai paNNi,
kural puNar in icait tazijci pATi;
iLan' tuNaip putalvar n'al vaLam payan'ta,    10
vaLam kezu kuTaiccUl, aTagkiya koLkai,
AnRa aRivin tOnRiya n'al icai,
oL n'utal makaLir tunitta kaNNinum,
iravalar punkaN ajcum
puravu etirkoLvanaik kaNTanam varaRkE?    15


tuRai: viRali ARRuppaTai

vaNNamum tUkkum: atu

peyar: cil vaLai viRali   (7)

 

58.  mannavan n'ATTuc celvamum ataRkERRa avanatu koTaiyum kURutal

ATuka, viRaliyar! pATuka, paricilar!-
veN tOTTu acaitta oN pUg kuvaLaiyar,
vAL mukam poRitta mAN vari yAkkaiyar,
cel uRaz maRavar tam kolpaTait tarIiyar,
'inRu initu n'ukarn'tanam Ayin, n'ALai    5
maN punai ijci matil kaTan'tallatu
uNkuvam allEm, pukA' enak kURi,
kaNNi kaNNiya vayavar perumakan;
poy paTupu aRiyA vayagku cen' n'Avin,
eyil eRi val vil, E viLagku taTak kai,    10
En'tu ezil Akattuc cAnROr meymmaRai;
vAnavarampan enpa- kAnattuk
kaRagku icaic citaTi pori araip porun'tiya
ciRiyilai vElam periya tOnRum
punpulam vittum van kai vinaijar     15
cIruTaip pal pakaTu olippap pUTTi,
n'Ajcil ATiya kozu vazi marugkin
alagku katirt tiru maNi peRUum,
akan kaN vaippin n'ATu kizavOnE.

tuRai: cen'tuRaip pATAN pATTu
vaNNamum tUkkum: atu
peyar: E viLagku taTakkai    (8)

 

59.  venRic ciRappu

pakal n'ITu AkAtu, iravuppozutu peruki,
mAci n'inRa mA kUr tigkaL,
panic curam paTarum pANmakan uvappa,
pul iruL viTiya, pulampu cEN akala,
pAy iruL n'Igka, pal katir parappi,    5
jAyiRu kuNamutal tOnRiyAagku,
iraval mAkkaL ciRukuTi peruka,
ulakam tAgkiya mEmpaTu kaRpin
villOr meymmaRai! vIRRu irug koRRattuc
celvar celva! cErn'tOrkku araNam!-    10
aRiyAtu etirn'tu, tuppil kuRaiyuRRu,
paNin'tu tiRai tarupa, n'in pakaivar, Ayin;
cinam celat taNiyumO? vAzka, n'in kaNNi!-
pal vERu vakaiya n'anan' talai INTiya
malaiyavum kaTalavum paNNiyam pakukkum    15
ARu muTTuRAatu, aRam purin'tu ozukum
n'ATal cAnRa tuppin paNait tOL,
pATu cAl n'an kalam tarUum
n'ATu puRan'tarutal n'inakkumAr kaTanE.

ituvum atu
peyar: mA kUr tigkaL (9)

 

60.  mannavan koTaic ciRappoTu venRic ciRappum kURutal

kolai vinai mEvaRRut tAnai; tAnE
ikal vinai mEvalan; taNTAtu vIcum:
cellAmOtil, pANmakaL! kANiyar-
mijiRu puRam mUcavum tIm cuvai tiriyAtu,
aram pOzkallA maram paTu tIm kani    5
am cERu amain'ta muNTai viLai pazam
ARu cel mAkkaTku Oy takai taTukkum,
maRAa viLaiyuL aRAa yANar,
toTai maTi kaLain'ta cilaiyuTai maRavar
pogku picirp puNari magkuloTu mayagki,   10
varum kaTal Utaiyin panikkum,
tuvvA n'aRavin cAy inattAnE.

tuRai: viRali ARRuppaTai
vaNNamum tUkkum: atu
peyar: maram paTu tIm kani    (10)


61. venRic ciRappoTu paTuttu, avan koTaic ciRappuk kURutal

'palAam pazutta pacum puN ariyal
vATai tUkkum n'ATu kezu peruviRal,
Ovattu anna vinai punai n'al il,
pAvai anna n'allOL kaNavan,
ponnin anna pUvin, ciRiyilai,     5
pun kAl, unnattup pakaivan, em kO,
pularn'ta cAn'tin, pularA Ikai,
malarn'ta mArpin, mA vaN pAri
muzavu maN pulara, iravalar inaiya,
vArAc cEN pulam paTarn'tOn; aLikka' ena,   10
irakku vArEn; ejcik kUREn;
'Ittatu iragkAn; IttoRum makizAn;
IttoRum mA vaLLiyan' ena n'uvalum n'in
n'al icai tara van'ticinE   oL vAL
uravuk kaLiRRup pulAam pAcaRai,    15
n'ilavin anna veL vEl pATini
muzavil pOkkiya veL kai
vizavin anna, n'in kali makizAnE.


tuRai: kATci vAzttu

vaNNam: ozuku vaNNam

tUkku: cen'tUkku

peyar: pulAam pAcaRai   (1)

 

62.  venRic ciRappu

izai aNin'tu ezutarum pal kaLiRRut tozutiyoTu,
mazai ena maruLum mA irum pal tOl,
eHku paTai aRutta koy cuval puraviyoTu
main'tuTai Ar eyil puTai paTa vaLaii,
van'tu, puRattu iRukkum   pacum picir oL azal    5
jAyiRu palkiya mAyamoTu cuTar tikazpu,
ollA mayaloTu pATu imizpu uzitarum
maTagkal vaNNam koNTa kaTun' tiRal,
tupput tuRai pOkiya koRRa vEn'tE!
punal poru kiTagkin, varaipOl ijci,    10
aNagkuTait taTak kaiyar tOTTi ceppi,
paNin'tu tiRai tarupa, n'in pakaivar, Ayin,
pulluTai viyan pulam pal A parappi,
vaLanuTaic ceRuvin viLain'tavai utirn'ta
kaLan aRu kuppai kAjcic cErtti,     15
ariyal Arkai van kai vinain'ar,
aruvi Ampal malain'ta cenniyar,
ATu ciRai vari vaNTu Oppum
pATal cAnRa, avar akan talai n'ATE.

tuRai: cen'tuRaip pATAN pATTu
vaNNamum tUkkum: atu
peyar: varaipOl ijci    (2)

 

63.  mannavanatu pala kuNagkaLaiyum orugku kURi vAzttutal

pArppArkku allatu paNipu aRiyalaiyE;
paNiyA uLLamoTu aNi varak kezIi,
n'aTTOrkku allatu kaN ajcalaiyE,
vaNagku cilai poruta n'in maNam kamaz akalam
makaLirkku allatu malarppu aRiyalaiyE;    5
n'ilam tiRam peyarum kAlaiAyinum,
kiLan'ta col n'I poyppu aRiyalaiyE;
ciRiyilai uzijait teriyal cUTi,
koNTi mikaipaTat taN tamiz ceRittu,
kunRu n'ilai taLarkkum urumin cIRi,    10
oru muRRu iruvar OTTiya oL vAL
ceru miku tAnai vel pOrOyE;
ATu peRRu azin'ta maLLar mARi,
'n'I kaNTanaiyEm' enRanar: n'Iyum
n'um n'ukam koNTu inum venROy: atanAl,    15
celvak kOvE! cEralar maruka!
kAl tirai eTutta muzagku kural vEli
n'anan' talai ulakam ceyta n'anRu uNTu enin,
aTai aTuppu aRiyA aruvi Ampal
Ayira veLLa Uzi   20
vAzi, Ata! vAziya, palavE!

ituvum atu
peyar: aruvi Ampal   (3)

 

64.  mannavan koTaic ciRappinai venRic ciRappoTu paTuttuk kURutal

valam paTu muracin vAy vAL koRRattup
polam pUN vEn'tar palartil; amma!
aRam karain'tu vayagkiya n'Avin, piRagkiya
uraicAl vELvi muTitta kELvi,
an'taNar arug kalam ERpa, n'Ir paTTu,    5
iruj cERu ATiya maNal mali muRRattu,
kaLiRu n'ilai muNaiiya tAr arun' takaippin,
puRaj ciRai vayiriyark kANin, 'vallE
eHku paTai aRutta koy cuval puravi,
alagkum pANTil, izai aNin'tu Im' ena,    10
AnAk koLkaiyai Atalin, av vayin
mA iru vicumpil pal mIn oLi keTa
jAyiRu tOnRiyAgku, mARRAr
uRu muraN citaitta n'in n'On tAL vAztti,
kANku van'ticin   kazal toTi aNNal!    15
mai paTu malark kazi malarn'ta n'eytal
itaz vanappu uRRa tORRamoTu, uyarn'ta
mazaiyinum perum payam poziti; atanAl
paciyuTai okkalai orIiya
icai mEm tOnRal! n'in pAcaRaiyAnE.    20

tuRai: kATci vAzttu
vaNNamum tUkkum: atu
peyar: uraicAl vELvi    (4)

 

65. Olakka vinOtattoTu paTuttu, mannavanatu celvac ciRappuk kURutal

eRi piNam iTaRiya cem maRuk kuLampin
pariyuTai n'al mA viri uLai cUTTi,
malaitta tevvar maRam tapak kaTan'ta
kAjci cAnRa vayavar peruma!
villOr meymmaRai! cErn'tOr celva!    5
pUN aNin'tu eziliya vanain'tuvaral iLa mulai,
mAN vari alkul, malarn'ta n'Okkin,
vEy puraipu eziliya viLagku iRaip paNait tOL,
kAmar kaTavuLum ALum kaRpin,
cEN n'ARu n'aRu n'utal, cEyizai kaNava!    10
pANar puravala! paricilar veRukkai!
pUN aNin'tu viLagkiya pukaz cAl mArpa! n'in
n'AL makiz irukkai initu kaNTikumE
tIm toTai n'arampin pAlai vallOn
paiyuL uRuppin paNNup peyarttAgku,    15
cERu cey mAriyin, aLikkum n'in
cARu paTu tiruvin n'anai makizAnE.

tuRai: pariciltuRaip pATAN pATTu
vaNNamum tUkkum: atu
peyar: n'AL makiz irukkai    (5)

 

66.  venRic ciRappuTan paTuttu, koTaic ciRappuk kURutal

vAgku iru maruppin tIm toTai pazuniya
iTanuTaip pEriyAz pAlai paNNi,
paTarn'tanai cellum mutuvAy iravala!
'iTi icai muracamoTu onRumozin'tu, onnAr
vEluTaik kuzUuc camam tataiya n'URi,    5
konRu puRam peRRa piNam payil azuvattu,
tonRu tiRai tan'ta kaLiRRoTu, n'ellin
ampaNa aLavai virin'tu uRai pOkiya
Ar patam n'alkum' enpa   kaRuttOr
uRu muraN tAgkiya tAr arun' takaippin,    10
n'AL mazaik kuzUuc cimai kaTukkum tOnRal
tOl micaittu ezutarum virin'tu ilagku eHkin,
tAr purin'tanna vALuTai vizavin,
pOr paTu maLLar pOn'toTu toTutta
kaTavuL vAkait tuy vI Eyppa,     15
pUtta mullaip putal cUz paRavai
kaTattiTaip piTavin toTaik kulaic cEkkum,
vAn paLigku viraiiya, cem paral murampin,
ilagku katirt tiru maNi peRUum
akan kaN vaippin n'ATu kizavOnE.    20

tuRai: cen'tuRaip pATAN pATTu
vaNNamum tUkkum: atu
peyar: putal cUz paRavai   (6)

 

67.  koTaic ciRappu

koTumaNam paTTa n'eTumozi okkaloTu
pan'tarp peyariya pEr icai mUtUr,
kaTan aRi marapin kai val pANa!
ten kaTal muttamoTu n'an kalam peRukuvai
kol paTai teriya, vel koTi n'uTagka,    5
vayagku katir vayiroTu valampuri Arppa,
pal kaLiRRu ina n'irai pulam peyarn'tu iyalvara,
amarkkaN amain'ta avir n'iNap parappin
kuzUuc ciRai eruvai kuruti Ara,
talai tumin'tu ejciya AN mali yUpamoTu    10
uru il pEy makaL kavalai kavaRRa,
n'ATuTan n'aTugka, pal ceruk konRu;
n'ARu iNark konRai veN pOzk kaNNiyar,
vAL mukam poRitta mAN vari yAkkaiyar,
n'eRi paTu maruppin irug kaN mUriyoTu    15
vaLai talai mAtta tAz karum pAcavar
eHku ATu Unam kaTuppa, mey citain'tu;
cAn'tu ezil maRaitta cAnROr perumakan
malarn'ta kAn'taL mARAtu Utiya
kaTum paRait tumpi cUr n'acait tAay,    20
paRai paN aziyum pATu cAl n'eTu varaik
kal uyar n'Erip porun'an,
celvak kOmAn pATinai celinE.

tuRai: pANARRuppaTai
vaNNamum tUkkum: atu
peyar: veN pOzk kaNNi    (7)

 

68. kAma vETkaiyin OTAta mannavan venRi vETkaic ciRappu

kAl kaTippu Akak kaTal olittAgku,
vERu pulattu iRutta kaTTUr n'AppaN,
kaTuj cilai kaTavum tazagku kural muracam
akal iru vicumpin Akattu atira,
vev vari n'ilaiiya eyil eRin'tu allatu    5
uNNAtu aTukkiya pozutu pala kaziya,
n'ejcu pukal Ukkattar, mey tayagku uyakkattu
innAr uRaiyuL tAm peRin allatu,
vEn'tu Ur yAnai veN kOTu koNTu,
kaL koTi n'uTagkum AvaNam pukku uTan,    10
arug kaL n'oTaimai tIrn'ta pin, makiz ciRan'tu,
n'Amam aRiyA Ema vAzkkai
vaTa pula vAzn'arin peritu amarn'tu, alkalum
in n'akai mEya pal uRai peRupakol
pAyal inmaiyin pAcizai jekiza,    15
n'eTu maN ijci n'IL n'akar varaippin,
Ovu uRaz n'eTuj cuvar n'AL pala ezutic
cev viral civan'ta av varik kuTaiccUl,
aNagku ezil arivaiyarp piNikkum
maNam kamaz mArpa! n'in tAL n'izalOrE?    20

tuRai: cen'tuRaip pATAN pATTu
vaNNamum tUkkum: atu
peyar: Ema vAzkkai   (8)

 

70.  venRic ciRappoTu piRa ciRappukkaLaiyum kURi, vAzttutal

kaLiRu kaTaiiya tAL,
mA uTaRRiya vaTimpu,
camam tatain'ta vEl,
kal alaitta tOL,
vil alaitta n'al valattu,   5
vaNTu icai kaTAvAt taN panam pOn'taik
kuvi mukiz Uci veN tOTu koNTu,
tIm cunai n'Ir malar malain'tu, matam cerukki,
uTai n'ilai n'al amar kaTan'tu, maRam keTuttu,
kaTuj cina vEn'tar cemmal tolaitta    10
valam paTu vAn kazal vayavar peruma!
n'akaiyinum poyyA vAymai, pakaivar
puRajcol kELAp purai tIr oNmai,
peNmai cAnRu peru maTam n'ilaiik,
kaRpu iRai koNTa kamazum cuTar n'utal    15
puraiyOL kaNava! pUN kiLar mArpa!
tolaiyAk koLkaic cuRRam cuRRa,
vELviyil kaTavuL aruttinai; kELvi
uyarn'ilai ulakattu aiyar inpuRuttinai;
vaNagkiya cAyal, vaNagkA ANmai,    20
iLan' tuNaip putalvarin mutiyarp pENi,
tol kaTan iRutta vel pOr aNNal!
mATOr uRaiyum ulakamum kETpa
izumena izitarum paRaik kural aruvi
muzumutal micaiya kOTutoRum tuvanRum    25
ayirai n'eTu varai pOla,
tolaiyAtAka, n'I vAzum n'ALE!

tuRai: cen'tuRaip pATAN pATTu
vaNNam: ozuku vaNNam
tUkku: cen'tUkkum vajcittUkkum
peyar: paRaik kural aruvi    (10)

 

72.  mannavanatu cUzcciyuTaimaiyum venRic ciRappum


ikal perumaiyin paTai kOL ajcAr,

cUzAtu tuNital allatu, vaRitu uTan

kAval etirAr, kaRuttOr, n'ATu; n'in

mun tiNai mutalvarkku Ompinar uRain'tu,

manpatai kAppa aRivu valiyuRuttum   

5

n'anRu aRi uLLattuc cAnROr anna, n'in

paNpu n'anku aRiyAr, maTam perumaiyin;

tujcal uRUum pakal puku mAlai,

n'ilam poRai orAa n'Ir jemara van'tu INTi,

uravut tirai kaTukiya uruttu ezu veLLam   

10

varaiyA mAtirattu iruL cErpu paran'tu,

jAyiRu paTTa akanRu varu kUTTattu

am cARu puraiyum n'in tozil ozittu,

pogku picir n'uTakkiya cej cuTar n'ikazvin

maTagkal tIyin anaiyai,  

15

cinam kezu kurucil! n'in uTaRRicinOrkkE.


tuRai: cen'tuRaip pATAN pATTu

vaNNam: ozuku vaNNam

tUkku: cen'tUkku

peyar: uruttu ezu veLLam    (2)

 

73.  venRic ciRappu


uravOr eNNinum, maTavOr eNNinum,

piRarkku n'I vAyin allatu, n'inakkup

piRar uvamam AkA oru peru vEn'tE!

.... kUn'tal oL n'utal polin'ta

n'iRam tikaz pAcizai uyartiNai makaLirum   

5

teyvam tarUu n'ejcattu AnROr

.... .... .... .... ...  ... ...

marutam cAnRa malartalai viLai vayal

ceyyuL n'Arai oyyum makaLir

iravum pakalum pAcizai kaLaiyAr,   

10

kuRum pal yANark kuravai ayarum

kAviri maNTiya cEy viri vanappin

pukAarc celva! pUziyar meymmaRai!

kazai virin'tu ezutaru mazai tavaz n'eTug kOTTuk

kollip porun'a! koTit tErp poRaiya! 'n'in   

15

vaLanum ANmaiyum kaivaNmaiyum

mAn'tar aLavu iRan'tana' enap pal n'AL

yAn cenRu uraippavum tERAr; 'piRarum

cAnROr uraippat teLikuvarkol?' ena,

Agkum mati maruLak kANkuval;    

20

'yAgku uraippEn?' ena varun'tuval, yAnE.


ituvum atu
peyar: n'iRam tikaz pAcizai    (3)

 

74.  n'allozukkamum ataRku ERRa n'allaRivuTaimaiyum eTuttuk kURutal


kELvi kETTup paTivam oTiyAtu,

vELvi vETTanai, uyarn'tOr uvappa;

cAy aRal kaTukkum tAz irug kUn'tal,

vERu paTu tiruvin n'in vazi vAziyar,

koTumaNam paTTa vinai mAN arug kalam,   

5

pan'tarp payan'ta palar pukaz muttam,

varaiyakam n'aNNi, kuRumpoRai n'ATi,

teriyun'ar koNTa ciraRuTaip paim poRi,

kavai maram kaTukkum kavalaiya maruppin,

puLLi iralait tOl Un utirttut   

10

tItu kaLain'tu ejciya tikaz viTu pANTil

paruti pOkiya puTai kiLai kaTTi,

eHkuTai irumpin uL amaittu, vallOn

cUTu n'ilai uRRuc cuTar viTu tORRam

vicumpu ATu marapin parun'tu URu aLappa,   

15

n'alam peRu tiru maNi kUTTum n'al tOL,

oTugku Ir Oti, oNNutal karuvil

eN iyal muRRi, Ir aRivu purin'tu,

cAlpum cemmaiyum uLappaTap piRavum

kAvaRku amain'ta aracu tuRai pOkiya   

20

vIRu cAl putalvan peRRanai, ivaNarkku

arug kaTan iRutta cerup pukal munpa!

annavai maruNTanen allEn; n'in vayin

muzutu uNarn'tu ozukkum n'arai mUtALanai,

'vaNmaiyum, mANpum, vaLanum, eccamum,   

25

teyvamum, yAvatum, tavam uTaiyOrkku' ena,

vERu paTu n'anan' talaip peyarak

kURinai, peruma! n'in paTimaiyAnE.


ituvum atu

peyar: n'alam peRu tirumaNi    (4)

 

75.  venRic ciRappu


irum puli konRu, perug kaLiRu aTUum,

arum poRi vaya mAn anaiyai  pal vEl,

polan' tAr yAnai, iyal tErp poRaiya!

vEn'tarum vELirum piRarum kIzp paNin'tu,

n'in vazip paTAar Ayin, n'el mikku,   

5

aRai uRu karumpin tIm cERRu yANar,

varun'ar varaiyA vaLam vIgku irukkai,

van pulam tazIi menpAl tORum

arum paRai vinaijar pul ikal paTuttu,

kaLLuTai n'iyamattu oL vilai koTukkum   

10

veL varaku uzuta koLLuTaik karampaic

cen'n'el valci aRiyAr, tamtam

pATal cAnRa vaippin

n'ATu uTan ALtal yAvaNatu, avarkkE?


ituvum atu

peyar: tIm cERRu yANar    (5)

 

76.  venRic ciRappum koTaic ciRappum


kaLiRuTaip peruj camam tataiya, eHku uyarttu,

oLiRu vAL mannar tutai n'ilai konRu,

muracu kaTippu aTaiya arun' tuRai pOki,

perug kaTal n'In'tiya maram valiyuRukkum

paNNiya vilaijar pOla, puN orIi,   

5

perug kait tozutiyin van tuyar kazippi,

iran'tOr vAza n'alki, irappOrkku

Ital taNTA mA citaRu irukkai

kaNTanen celku van'tanen  kAlkoNTu,

karuvi vAnam taN taLi corin'tena,   

10

pal vitai uzavin cil ErALar

panit tuRaip pakanRaip pAgkuTait teriyal,

kazuvuRu kaligkam kaTuppa, cUTi,

ilagku katirt tirumaNi peRUum

akan kaN vaippin n'ATu kizavOyE!   

15


ituvum atu

peyar: mA citaRu irukkai   (6)

 

77. paTaip perumaic ciRappu


'enaip perum paTaiyanO, cinap pOrp poRaiyan?'

enRanir Ayin   ARu cel vampalir!

manpatai peyara, aracu kaLattu oziya,

konRu tOL Occiya venRu ATu tuNagkai

mI piNattu uruNTa tEyA Aziyin,   

5

paN amai tErum, mAvum, mAkkaLum,

eNNaRku arumaiyin eNNinRO ilanE;

kan'tu kOLIyAtu, kAz pala murukki,

ukakkum parun'tin n'ilattu n'izal cATi,

cEN paral murampin Irm paTaik kogkar   

10

A paran'tanna celavin, pal

yAnai kANpal, avan tAnaiyAnE.


tuRai: uzijai aravam

vaNNamum tUkkum: atu

peyar: venRu ATu tuNagkai    (7)

 

78.  venRic ciRappu


valam paTu muracin ilagkuvana vizUum

av veL aruvi uv varaiyatuvE

cil vaLai viRali! celkuvai Ayin,

vaL itazt tAmarai n'eytaloTu arin'tu,

melliyal makaLir olkuvanar iyali,    

5

kiLi kaTi mEvalar puRavutoRum n'uvala,

pal payan n'ilaiiya kaTaRuTai vaippin,

velpOr ATavar maRam purin'tu kAkkum

vil payil iRumpin, takaTUr n'URi,

pEe manRa piRaza n'Okku iyavar    

10

OTuRu kaTu muraN tumiyac cenRu,

vem munai taputta kAlai, tam n'ATTu

yATu paran'tanna mAvin,

A paran'tanna yAnaiyOn kunRE.


tuRai: viRali ARRuppaTai

vaNNamum tUkkum: atu

peyar: piRaza n'Okku iyavar    (8)

 

79.  mannavanatu pala kuNagkaLaiyum orugku pukazn'tu, vAzttutal


uyir pORRalaiyE, ceruvattAnE;

koTai pORRalaiyE, iravalar n'aTuvaN;

periyOrp pENi, ciRiyOrai aLitti;

n'invayin pirin'ta n'al icai kanavinum

piRar n'acai aRiyA  vayagku cen' n'Avin,   

5

paTiyOrt tEytta ANmai, toTiyOr

tOLiTaik kuzain'ta kOtai mArpa!

anaiya aLappu arugkuraiyai: atanAl,

n'innoTu vArAr tam n'ilattu ozin'tu,

kol kaLiRRu yAnai eruttam pullena,   

10

vil kulai aRuttu, kOlin vArA

vel pOr vEn'tar muracu kaN pOzn'tu, avar

aracu uvA azaippak kOTu aRuttu iyaRRiya

aNagku uTai marapin kaTTilmEl irun'tu,

tumpai cAnRa mey tayagku uyakkattu,   

15

n'iRam paTu kuruti puRampaTin allatu,

maTai etirkoLLA ajcuvaru marapin

kaTavuL ayiraiyin n'ilaii,

kETu ilavAka, peruma! n'in pukazE!


tuRai: cen'tuRaip pATAN pATTu

vaNNamum tUkkum: atu

peyar: n'iRam paTu kuruti   (9)

 

80.  mannavan koTaic ciRappoTu paTuttu, venRic ciRappuk kURutal


vAl maruppin kaLiRRu yAnai

mA malaiyin kaNam koNTu, avar

eTuttu eRin'ta viRal muracam

kAr mazaiyin kaTitu muzagka;

cAn'tu pularn'ta viyal mArpin,   

5

toTi cuTar varum vali mun kai,

puNNuTai eRuzt tOL, puTaiyal am kazal kAl,

piRakku aTi otugkAp pUTkai, oL vAL,

oTivu il tevvar etir n'inRu, uraii,

'iTuka tiRaiyE, puravu etirn'tORku' ena,   

10

ampuTai valattar uyarn'tOr parava,

anaiyai AkanmARE, pakaivar

kAl kiLarn'tanna kataz parip puravik

kaTum pari n'eTun' tEr mImicai n'uTagku koTi,

pula varait tOnRal yAvatu  cinap pOr,   

15

n'ilavarai n'iRIiya n'al icai,

tolaiyAk kaRpa!  n'in temmunaiyAnE?


tuRai: vajcittuRaip pATAN pATTu

vaNNam: ozuku vaNNam

tUkku: cen'tUkkum vajcittUkkum

peyar: puNNuTai eRuzt tOL    (10)


81. kAma vETkaiyil cellAta mannavan venRi vETkaic ciRappuk  kURutal


ulakam purakkum uru kezu ciRappin,

vaNNak karuviya, vaLam kezu, kamaj cUl

akal iru vicumpin atir cinam ciRan'tu,

kaTuj cilai kazaRi, vicumpu aTaiyU n'ivan'tu,

kAlai icaikkum pozutoTu pulampu koLa,   

5

kaLiRu pAyn'tu iyala, kaTu mA tAgka,

oLiRu koTi n'uTagkat tEr tirin'tu koTpa,

aracu puRattu iRuppinum atirvilar tirin'tu,

vAyil koLLA main'tinar vayavar,

mA irug kagkulum, vizut toTi cuTar varat   

10

tOL piNi mIkaiyar, pukal ciRan'tu, n'ALum

muTital vETkaiyar, n'eTiya moziyUu,

keTAa n'al icait tam kuTi n'iRumAr,

iTAa ENi viyal aRaik koTpa,

n'ATu aTippaTuttalin, koLLai mARRi;   

15

azal vinai amain'ta n'izal viTu kaTTi,

kaTTaLai valippa, n'in tAnai utavi,

vERu pulattu iRutta velpOr aNNal!

muzavin amain'ta perum pazam micain'tu,

cARu ayarn'tanna, kAr aNi yANart   

20

tUmpu akam pazuniya tIm pizi mAn'ti,

kAn'taL am kaNNic cezug kuTic celvar,

kali makiz mEvalar, iravalarkku Iyum,

curumpu Ar cOlaip perum peyal kollip

peru vAy malaroTu pacumpiTi makizn'tu,   

25

min umizn'tanna cuTarizai Ayattu,

tan n'iRam karan'ta vaNTu paTu katuppin

oTugku Ir Oti oNNutal aNi koLa,

koTug kuzaikku amartta n'Okkin, n'ayavarap

perun' takaikku amarn'ta men col tirumukattu   

30

mAN izai arivai kANiya, oru n'AL,

pUNka mALa, n'in puravi n'eTun' tEr!

munai kaiviTTu munnilaic cellAtu,

tU etirn'tu peRAat tA il maLLaroTu

tol marugku aRuttal ajci, araN koNTu,   

35

tujcA vEn'tarum tujcuka!

virun'tum Aka, n'in perun' tOTkE!


tuRai: mullai

vaNNam: ozuku vaNNam

tUkku: cen'tUkku

peyar: n'izal viTu kaTTi   (1)

 

83. paTaic ciRappu


kAr mazai munpin kai parin'tu ezutarum

vAn paRaik kurukin n'eTu vari poRpa,

kol kaLiRu miTain'ta pal tOl tozutiyoTu

n'eTun' tEr n'uTagku koTi avirvarap polin'tu,

celavu peritu initu, n'iR kANumOrkkE:   

5

innAtu amma atu tAnE pal mA

n'ATu keTa erukki, n'an kalam tarUum n'in

pOr arug kaTuj cinam etirn'tu,

mARu koL vEn'tar pAcaRaiyOrkkE.


tuRai: tumpai aravam

vaNNam: ozuku vaNNam

tUkku: cen'tUkku

peyar: pal tOl tozuti    (3)

 

84.  venRic ciRappu


eTuttERu Eya kaTippuTai atirum

pOrppu uRu muracam kaN atirn'tAgku,

kAr mazai muzakkinum, veLil piNi n'Ivi,

n'utal aNan'tu ezutarUum tozil n'avil yAnai,

pArval pAcaRait tarUum pal vEl,   

5

pUziyar kOvE! polan' tErp poRaiya,

manpatai cavaTTum kURRa munpa!

koTi n'uTagku Ar eyil eNNu varampu aRiyA;

pal mA paran'ta pulam onRu enRu eNNAtu,

valiyai Atal n'aRku aRin'tanar Ayinum,   

10

vAr mukil muzakkin maza kaLiRu mikIi, tan

kAl muLai mUgkil kavar kiLai pOla,

uytal yAvatu n'in uTaRRiyOrE,

vaNagkal aRiyAr, uTanRu ezun'tu uraii?

pOrppuRu taNNumai Arppu ezun'tu n'uvala,   

15

n'Oyt tozil malain'ta vEl INTu azuvattu,

munai pukal pukalvin mARA main'taroTu,

urum eRi varaiyin kaLiRu n'ilam cEra,

kAjci cAnRa cerup pala ceytu, n'in

kuvavuk kurai irukkai initu kaNTikumE   

20

kAlai, mAri peytu, tozil ARRi,

viNTu munniya puyal n'eTug kAlai,

kal cErpu mA mazai talaii,

pal kural puLLin oli ezun'tAgkE!


tuRai: vAkai

vaNNamum tUkkum: atu

peyar: tozil n'avil yAnai    (4)

 

85.  munnOruTaiya koTaic ciRappoTu paTuttu, venRic ciRappuk kURutal


n'al maram tuvanRiya n'ATu pala tarIi,

'pon avir punaiceyal ilagkum perum pUN,

onnAp pUTkaic cenniyar perumAn'

iTTa veL vEl'muttait tam' ena,

mun tiNai mutalvar pOla n'inRu,   

5

tIm cunai n'ilaiiya tiru mA marugkin

kOTu pala virin'ta n'ATu kAN n'eTu varai,

cUTA n'aRavin n'AL makiz irukkai,

aracavai paNiya, aRam purin'tu vayagkiya

maRam puri koLkai, vayagku cen' n'Avin,   

10

uvalai kUrAk kavalai il n'ejcin,

n'anavil pATiya n'al icaik

kapilan peRRa Urinum palavE.


tuRai: cen'tuRaip pATAN pATTu

vaNNamum tUkkum: atu

peyar: n'ATu kAN n'eTu varai    (5)

 

86.  mannavanatu vanmai menmaic ciRappuk kURutal


'uRal uRu kurutic cerukkaLam pulavak

konRu, amark kaTan'ta ven' tiRal taTak kai

ven vEl poRaiyan' enRalin, veruvara,

veppuTai ATUuc cettanen, man yAn:

n'al icai n'ilaiiya, n'anan' talai ulakattu,   

5

illOr punkaN tIra n'alkum

n'ATal cAnRa n'ayanuTai n'ejcin,

pATun'ar puravalan, ATu n'aTai aNNal,

kazai n'ilai peRAak kuTTattuAyinum,

punal pAy makaLir ATa, ozin'ta   

10

pon cey pUg kuzai mImicait tOnRum

cAn'tu varu vAni n'Irinum,

tIm taN cAyalan manRa, tAnE.


ituvum atu

peyar: ven' tiRal taTakkai    (6)

 

87.  mannavan aruT ciRappu


cenmO, pATini! n'an kalam peRukuvai

can'tam pUziloTu pogku n'urai cuman'tu,

teN kaTal munniya veN talaic cem punal

oyyum n'Ir vazik karumpinum

pal vEl poRaiyan vallanAl, aLiyE.    5


tuRai: viRali ARRuppaTai

vaNNamum tUkkum: atu

peyar: veN talaic cem punal    (7)

 

88.  koTaic ciRappum kAma inpac ciRappum uTan kURi, vAzttutal


vaiyakam malarn'ta tozil muRai oziyAtu,

kaTavuL peyariya kAnamoTu kal uyarn'tu,

teN kaTal vaLaiiya malar talai ulakattu,

tam peyar pOkiya onnAr tEya,

tuLagku irug kuTTam tolaiya, vEl iTTu;   

5

aNagkuTaik kaTampin muzumutal taTin'tu;

poru muraN eytiya kazuvuL puRam peRRu;

n'Ama mannar tuNiya n'URi,

kAl val puravi aNTar OTTi,

cuTar vI vAkai n'annaR tEyttu,    

10

kuruti vitirtta kuvavuc cORRuk kunROTu

uru kezu marapin ayirai paraii,

vEn'tarum vELirum pinvan'tu paNiya,

koRRam eytiya periyOr maruka!

viyal uLai arimAn maRam kezu kurucil!   

15

viravup paNai muzagkum, n'irai tOl varaippin,

uravuk kaLiRRu vel koTi n'uTagkum pAcaRai,

Ar eyil alaitta kal kAl kavaNai

n'Ar ari n'aRavin kogkar kOvE!

uTalun'art taputta polan' tErk kurucil!   

20

vaLaikaTal muzavin toNTiyOr porun'a!

n'I n'ITu vAziya, peruma! n'invayin

tuvaitta tumpai n'anavuRRu vinavum

mARRu arun' teyvattuk kUTTam munniya

punal mali pEriyARu izitan'tAgku,   

25

varun'ar varaiyAc cezum pal tAram

koLak koLak kuRaiyAtu talaittalaic ciRappa,

Ovattu anna uru kezu n'eTu n'akar,

pAvai anna makaLir n'AppaN,

pukanRa mAN poRip polin'ta cAn'tamoTu   

30

taN kamaz kOtai cUTi, pUN cuman'tu,

tiruvil kulaiit tirumaNi puraiyum

uru kezu karuviya peru mazai cErn'tu,

vEgkai virin'tu, vicumpuRu cETcimai,

aruvi aru varai anna mArpin   

35

cEN n'ARu n'al icaic cEyizai kaNava!

mAkam cuTara mA vicumpu ukakkum

jAyiRu pOla viLagkuti, pal n'AL!

Igkuk kANku van'tanen, yAnE

uRu kAl eTutta Ogku varal puNari   

40

n'uN maNal aTai karai uTaitarum

taN kaTal paTappai n'ATu kizavOyE!


tuRai: cen'tuRaip pATAN pATTu

vaNNamum tUkkum: atu

peyar: kal kAl kavaNai   (8)

 

89.  mannavanatu n'ATu kAval ciRappuk kURi, vAzttutal


vAnam pozutoTu curappa, kAnam

tOTu uRu maTa mAn ERu puNarn'tu iyala,

puLLum mijiRum mAc cinai Arppa,

pazanum kizagkum micaiyaRavu aRiyAtu,

pal An n'al n'irai pul arun'tu ukaLa,   

5

payam kaTai aRiyA vaLam kezu ciRappin

perum pal yANark kUlam kezuma,

n'an pal Uzi n'aTuvu n'inRu ozuka

pal vEl irum poRai! n'in kOl cemmaiyin,

n'ALin n'ALin n'ATu tozutu Etta,    

10

uyarn'ilai ulakattu uyarn'tOr parava,

araciyal pizaiyAtu, ceru mEn'tOnRi,

n'Oy ilaiAkiyar, n'IyE n'inmATTu

aTagkiya n'ejcam pukarpaTupu aRiyAtu,

kanavinum piriyA uRaiyuLoTu, taNNenat   

15

takaram n'Iviya tuvarAk kUn'tal,

vatuvai makaLir n'Okkinar, peyarn'tu

vAz n'AL aRiyum vayagku cuTar n'Okkattu,

mInoTu puraiyum kaRpin,

vAL n'utal arivaiyoTu kANvarap polin'tE!   

20


tuRai: kAval mullai

vaNNamum tUkkum: atu

peyar: tuvarAk kUn'tal   (9)