ozuku vaNNamum coRcIr vaNNamum

 

14.  mannanuTaiya pala kuNagkaLaiyum ARRalaiyum orugku kURi vAzttutal

n'ilam, n'Ir, vaLi, vicumpu, enRa n'Ankin
aLappu ariyaiyE;
n'AL, kOL, tigkaL, jAyiRu, kanai azal,
ain'tu orugku puNarn'ta viLakkattu anaiyai;
pOr talaimikutta Ir aimpatinmaroTu     5
tupput tuRaipOkiya, tuNivuTai ANmai,
akkuran anaiya kaivaNmaiyaiyE;
amar kaTan'tu malain'ta tumpaip pakaivar
pOr, pITu, azitta cerup pukal munpa!
kURRu vekuNTu varinum, mARRum ARRalaiyE;   10
ezumuTi kezIiya tiru jemar akalattu
n'On purit taTak kaic cAnROr meymmaRai!
vAn uRai makaLir, n'alan, ikal koLLum;
vayagku izai karan'ta, vaNTu paTu katuppin;
oTugku Ir Otik koTugkuzai kaNava!     15
pal kaLiRRut tozutiyoTu velkoTi n'uTagkum
paTai Er uzava! pATini vEn'tE!
ilagkumaNi miTain'ta polag kalat tikirik
kaTalaka varaippin ip pozil muzutu ANTa n'in
mun tiNai mutalvar pOla, n'inRu n'I      20
keTAa n'al icai n'ilaiit
tavAaliyarO, iv ulakamOTu uTanE!

tuRai: cen'tuRaip pATAN pATTu
vaNNam: ozuku vaNNamum coRcIr vaNNamum
tUkku: cen'tUkku
peyar: cAnROr meymmaRai (4)

 

19. aracanatu venRic ciRappum kulamakaLOTu n'ikazn'ta inpac ciRappum

koLLai valcik kavar kAla kULiyar
kalluTai n'eTu n'eRi pOzn'tu, curan aRuppa,
oN poRik kazala kAl mARA vayavar
tiN piNi eHkam puli uRai kazippa,
cegkaLa viruppoTu kUlam muRRiya    5
uruvac cen' tinai kurutiyoTu tUuy,
maNNuRu muracam kaN peyarttu, iyavar,
kaTippuTai valattar, toTit tOL Occa,
vampu kaLaivu aRiyAc cuRRamOTu ampu terin'tu,
av vinai mEvalai: Akalin,     10
ellu n'ani irun'tu, ellip peRRa
aritu peRu pAyala ciRu makizAnum
kanavinuL uRaiyum, peruj cAlpu, oTugkiya
n'ANu mali yAkkai, vAL n'utal arivaikku
yAr kol? aLiyai        15
inam tOTu akala, UruTan ezun'tu;
n'ilam kaN vATa, n'Ajcil kaTin'tu; n'I
vAztal IyA vaLan aRu paitiram
anna Ayina; pazanam tORum
azal mali tAmarai AmpaloTu malarn'tu,    20
n'ellin ceRuvil n'eytal pUppa,
arin'ar koyvAL maTagka, aRain'ar
tIm pizi en'tiram pattal varun'ta,
'inRO anRO; tonRu Or kAlai
n'allaman aLiyatAm!' enac colli,    25
kANun'ar kai puTaittu iragka,
mANA mATciya mANTana palavE!

tuRai: pariciltuRaip pATAN pATTu
vaNNam: ozuku vaNNamum coRcIr vaNNamum
tUkku: cen'tUkku
peyar: vaLan aRu paitiram (9)

 

20. mannanatu kuNagkaLaik kURi vAzttutal

'n'um kO yAr?' ena vinavin, em kO
iru mun'n'Irt turuttiyuL
muraNiyOrt talaic cenRu,
kaTampu mutal taTin'ta kaTuj cina munpin,
n'eTujcEralAtan; vAzka avan kaNNi!    5
vAyppu aRiyalanE, veyil tukaL anaittum,
mARROr tEettu mARiya vinaiyE;
kaNNin uvan'tu, n'ejcu avizpu aRiyA
n'aNNAr tEettum poyppu aRiyalanE,
kanavinum; onnAr tEya, Ogki n'aTan'tu,    10
paTiyOrt tEyttu, vaTi maNi iraTTum
kaTAa yAnaik kaNa n'irai alaRa,
viyal irum parappin mA n'ilam kaTan'tu,
pulavar Etta, Ogku pukaz n'iRIi,
viriuLai mAvum, kaLiRum, tErum,      15
vayiriyar, kaNNuLarkku OmpAtu vIci,
kaTi miLai, kuNTu kiTagkin,
n'eTu matil, n'ilai jAyil,
ampuTai Ar eyil uL azittu uNTa
aTAa aTu pukai, aTTu malar mArpan;    20
emarkkum, piRarkkum, yAvar Ayinum,
paricil mAkkaL vallAr Ayinum,
koTaik kaTan amarn'ta kOTA n'ejcinan;
man uyir aziya, yANTu pala mARi,
taN iyal ezili talaiyAtu Ayinum,    25
vayiRu paci kUra Iyalan;
vayiRu mAcu lIiyar, avan InRa tAyE!

tuRai: iyal mozi vAzttu
vaNNam: ozuku vaNNamum coRcIr vaNNamum
tUkku: cen'tUkkum vajcittUkkum
peyar: aTTu malar mArpan     (10)

 

22.  venRic ciRappu


cinanE, kAmam, kazi kaNNOTTam,

accam, poyc col, anpu mika uTaimai,

teRal kaTumaiyoTu, piRavum, iv ulakattu

aRam teri tikirikku vaziyaTai Akum:

tItu cEN ikan'tu, n'anRu mikap purin'tu,   

5

kaTalum kAnamum pala payam utava;

piRar piRar n'aliyAtu, vERRup poruL veHkAtu,

mai il aRivinar cevvitin n'aTan'tu, tam

amartuNaip piriyAtu, pAttu uNTu, mAkkaL

mUtta yAkkaiyoTu piNi inRu kaziya;   

 10

Uzi uytta uravOr umpal!

pon cey kaNiccit tiN piNi uTaittuc

ciraRu cila URiya n'Ir vAyp pattal,

kayiRu kuRu mukavai mUyina moykkum

A kezu kogkar n'ATu akappaTutta,   

15

vEl kezu tAnai, veruvaru tOnRal!

uLaip polin'ta mA,

izaip polin'ta kaLiRu,

vampu paran'ta tEr,

amarkku etirn'ta pukal maRavaroTu,   

20

tujcumaram tuvanRiya, malar akan paRan'talai,

Ogku n'ilai vAyil tUgkupu takaitta

vil vicai mATTiya vizuc cIr aiyavi,

kaTi miLaik kuNTu kiTagkin,

n'eTu matil n'iraip pataNattu,    

 25

aNNal am perug kOTTu akappA eRin'ta,

pon punai uzijai vel pOrk kuTTuva!

pOrttu eRin'ta paRaiyAl punal ceRukkun'arum,

n'Irttaru pUcalin ampu azikkun'arum,

olit talai vizavin maliyum yANar   

 30

n'ATu kezu taN paNai cIRinai Atalin,

kuTa ticai mAyn'tu, kuNa mutal tOnRi,

pAy iruL akaRRum, payam kezu paNpin,

jAyiRu kOTA n'an pakal amaiyattu,

kavalai veN n'ari kUum muRai payiRRi,   

 35

kazalkaN kUkaik kuzaRu kuraR pANik

karug kaN pEymakaL vazagkum

perum pAz Akumman; aLiya, tAmE!

tuRai: vajcittuRaip pATAN pATTu
vaNNam: ozuku vaNNamum coRcIr vaNNamum
tUkku: cen'tUkkum vajcittUkkum
peyar: kayiRu kuRu mukavai   (2)

 

25.  venRic ciRappu


mA ATiya pulan n'Ajcil ATA;

kaTAam cenniya kaTugkaN yAnai

inam paran'ta pulam vaLam parappu aRiyA;

n'in paTaijar, cErn'ta manRam kazutai pOki,

n'I uTanROr man eyil tOTTi vaiyA;   

5

kaTug kAl oRRalin, cuTar ciRan'tu uruttu,

pacum picir oL azal ATiya marugkin,

ANTalai vazagkum kAn uNagku kaTu n'eRi

munai akan perum pAz Aka manniya

urum uRazpu iragku muracin, peru malai   

10

varai izi aruviyin, oLiRu koTi n'uTagka,

kaTum parik kataz ciRaku akaippa, n'I

n'eTun' tEr OTTiya, piRar akan talai n'ATE.


tuRai: vajcittuRaip pATAN pATTu

vaNNam: ozuku vaNNamum coRcIr vaNNamum

tUkku: cen'tUkkum vajcittUkkum

peyar: kAn uNagku kaTu n'eRi    (5)

 

26.  venRic ciRappu


tEer paran'ta pulam Eer paravA;

kaLiRu ATiya pulam n'Ajcil ATA;

mattu uraRiya manai in iyam imizA;

Agku, paNTu n'aRku aRiyun'ar cezu vaLam n'inaippin

n'OkO yAnE  n'Otaka varumE!   

5

peyal mazai puravu inRuAki, veytuRRu,

'valam inRu amma, kAlaiyatu paNpu!' ena,

kaN pani malir n'iRai tAgki, kaipuTaiyU,

melivuTai n'ejcinar ciRumai kUra,

pIr ivar vElip pAz manai n'erujcik   

10

kATuRu kaTu n'eRi Aka manniya

muruku uTanRu kaRutta kali azi mUtUr,

urumpu il kURRattu anna, n'in

tirun'tu tozil, vayavar cIRiya n'ATE.


ituvum atu

peyar: kATuRu kaTu n'eRi   (6)

 

50.  mannavanatu kAma vETkaiyinum avan pOr vETkaiyai mikuttuk kURutal

mA malai, muzakkin mAn kaNam panippa,
kAl mayagku kataz uRai AliyoTu citaRi,
karumpu amal kazaniya n'ATu vaLam poziya;
vaLam kezu ciRappin ulakam puraii,
cegkuNakku ozukum kaluzi malir n'iRaik    5
kAviri yanRiyum, pU viri punal oru
mUnRu uTan kUTiya kUTal anaiyai!
kolkaLiRRu uravut tirai piRaza, av vil picira,
purai tOl varaippin eHku mIn avirvara,
viravup paNai muzagku oli, verIiya vEn'tarkku   10
araNam Akiya, veruvaru punal tAr
kal micaiyavvum, kaTalavum, piRavum,
aruppam amaiiya amar kaTan'tu, urutta
AL mali marugkin n'ATu akappaTuttu,
n'al icai n'anan' talai iriya, onnAr    15
uruppu aRa n'irappinai: Atalin, cAn'tu pularpu,
vaNNam n'Ivi, vakai vanappuRRa,
vari jimiRu imirum mArpu piNi makaLir
viri men kUn'tal mel aNai vatin'tu,
kol piNi tirukiya mArpu kavar muyakkattu,    20
pozutu koL marapin men piNi aviza,
evan pala kaziyumO   peruma! pal n'AL,
pakai vemmaiyin, pAcaRai marIi,
pATu aritu iyain'ta ciRu tuyil iyalAtu,
kOTu muzagku imiz icai eTuppum    25
pITu kezu celvam marIiya kaNNE?

tuRai: vajcittuRaip pATAN pATTu
vaNNam: ozuku vaNNamum coRcIr vaNNamum
tUkku: cen'tUkku
peyar: veruvaru punal tAr  (10)


51. mannavan vinOtattu menmaiyum ceruvakattuk kaTumaiyum uTan kURutal

tuLagku n'Ir viyalakam kalagkak kAl pora,
viLagku irum puNari urum ena muzagkum
kaTal cEr kAnal kuTa pulam munni,
kUval tuzan'ta taTan' tAL n'Arai
kuvi iNar jAzal mAc cinaic cEkkum,    5
vaNTu iRaikoNTa, taN kaTal parappin
aTumpu amal aTaikarai alavan ATiya
vaTu aTu n'uN ayir Utai ujaRRum,
tU irum pOn'taip pozil, aNip politan'tu,
iyalinaL, olkinaL, ATum maTa makaL    10
veRi uRu n'uTakkam pOlat tOnRi,
peru malai, vayin vayin vilagkum arumaNi
ara vazagkum, perun' teyvattu,
vaLai jaralum panip pauvattu,
kuNa kuTa kaTalOTu AyiTai maNan'ta    15
pan'tar an'taram vEyn'tu,
vaN piNi avizn'ta kaN pOl n'eytal
n'anai uRu n'aRavin n'ATuTan kamaza,
cuTar n'utal, maTa n'Okkin,
vAL n'akai, ilagkueyiRRu,     20
amiztu poti tuvar vAy, acai n'aTai viRaliyar
pATal cAnRu n'ITinai uRaitalin,
'veL vEl aNNal melliyan pOnm!' ena,
uLLuvar kollO, n'in uNarAtOrE?
mazai tavazum perug kunRattu,    25
ceyiruTaiya aravu eRin'tu,
kaTuj cinatta miTal tapukkum
peruj cinap puyal ERu anaiyai;
tAgkun'ar taTak kai yAnait toTik kOTu tumikkum
eHkuTai valattar, n'in paTaivazi vAzn'ar;    30
maRam kezu pOn'tai veN tOTu punain'tu,
n'iRam peyar kaNNip parun'tu URu aLappa,
tUk kaNai kizitta mAk kaN taNNumai
kai val iLaiyar kai alai azugka,
mARRu aruj cIRRattu mA irug kURRam    35
valai virittanna n'Okkalai;
kaTiyaiyAl, n'eTun'takai ceruvattAnE.

tuRai: vajcittuRaip pATAN pATTu
vaNNam: ozuku vaNNamum coRcIr vaNNamum
tUkku: cen'tUkkum vajcittUkkum
peyar: vaTu aTu n'uN ayir    (1)

 

69.  mannavanatu ALvinaic ciRappinai avan kuTi varalARRoTu paTuttuc collutal

malai uRaz yAnai vAn tOy vel koTi,
varaimicai aruviyin vayin vayin n'uTagka,
kaTal pOl tAnaik kaTug kural muracam
kAl uRu kaTalin kaTiya uraRa,
eRin'tu citain'ta vAL,   5
ilai terin'ta vEl,
pAyn'tu Ayn'ta mA,
Ayn'tu terin'ta pukal maRavaroTu
paTupiNam piRagka n'URi, pakaivar
keTu kuTi payiRRiya koRRa vEn'tE!     10
n'inpOl, acaivu il koLkaiyar Akalin, acaiyAtu
ANTOr manRa, im maN kezu jAlam
n'ilam payam poziya, cuTar cinam taNiya,
payam kezu veLLi An'iyam n'iRpa,
vicumpu mey akala, peyal puravu etira,    15
n'Al vERu n'anan'talai OrAgku n'an'ta,
ilagku katirt tikiri n'in mun'ticinOrE.

tuRai: vajcittuRaip pATAN pATTu
vaNNam: ozuku vaNNamum coRcIr vaNNamum
tUkku: cen'tUkkum vajcittUkkum
peyar: maN kezu jAlam   (9)


71. venRic ciRappuk kURi, mannanukkup pakaivarmEl aruL piRappittal


aRAa yANar akan kaN ceRuvin

aruvi Ampal n'eytaloTu arin'tu,

ceRu vinai makaLir malin'ta vekkai,

parUup pakaTu utirtta men cen'n'ellin

ampaNa aLavai uRai kuvittAgku,   

5

kaTun' tERu uRu kiLai mocin'tana tujcum

cezug kUTu kiLaitta iLan'tuNai makAarin,

alan'tanar, peruma! n'in uTaRRiyOrE:

Ur eri kavara, uruttu ezun'tu uraii,

 10

pOr cuTu, kamaz pukai mAtiram maRaippa,   

matilvAyt tOnRal IyAtu tam pazi Ukkun'ar

kuNTu kaN akaziya kuRun' tAL jAyil

Ar eyil tOTTi vauvinai; ERoTu

kanRuTai Ayam tarIip pukal ciRan'tu,

pulavu vil iLaiyar agkai viTuppa,   

15

mattuk kayiRu ATA vaikal pozutu n'inaiyUu,

An payam vAzn'ar kazuvuL talaimaTagka,

pati pAzAka vERu pulam paTarn'tu,

virun'tin vAzkkaiyoTu perun' tiru aRRena,

aruj camattu aru n'ilai tAgkiya pukar n'utal   

20

perug kaLiRRu yAnaiyoTu arug kalam tarAar,

mey pani kUrA, aNagku enap parAvalin,

pali koNTu peyarum pAcam pOla,

tiRai koNTu peyarti; vAzka, n'in Uzi!

uravarum maTavarum aRivu terin'tu eNNi,    25

aRin'tanai aruLAy Ayin,

yAr ivaN, n'eTun' takai! vAzumOrE?


tuRai: cen'tuRaip pATAN pATTu

vaNNam: ozuku vaNNamum coRcIr vaNNamum

tUkku: cen'tUkku

peyar: kuRun' tAL jAyil    (1)

 

82.  venRic ciRappu


pakai perumaiyin, teyvam ceppa,

Ar iRai ajcA veruvaru kaTTUr,

pal koTi n'uTagkum munpin ceRun'ar

cel camam tolaitta vinai n'avil yAnai

kaTAam vArn'tu, kaTuj cinam potti,   

5

vaNTu paTu cenniya piTi puNarn'tu iyala;

maRavar maRala; mAp paTai uRuppa;

tEr koTi n'uTagka; tOl puTai Arppa;

kATukai kAyttiya n'ITu n'AL irukkai

inna vaikal pal n'AL Aka   

10

pATik kANku van'ticin, peruma!

pATun'ar, koLak koLak kuRaiyAc celvattu, ceRROr

kolak kolak kuRaiyAt tAnai, cAnROr

vaNmaiyum, cemmaiyum, cAlpum, maRanum,

pukanRu pukazn'tu, acaiyA n'al icai,   

15

n'ilam taru tiruvin, n'eTiyOy! n'innE.


tuRai: kATci vAzttu

vaNNam: ozuku vaNNamum coRcIr vaNNamum

tUkku: cen'tUkku

peyar: vinai n'avil yAnai    (2)

 

90.  mannavanatu taNNaLiyum, perumaiyum, koTaiyum, cuRRam tazAlum, uTan kURi vAzttutal


mIn vayin n'iRpa, vAnam vAyppa,

accaRRu, Emam Aki, iruL tIrn'tu

inpam perukat tOnRi, tam tuNait

tuRaiyin ejcAmai n'iRaiyak kaRRu,

kazin'tOr uTaRRum kaTun' tU ajcA      

5

oLiRu vAL vaya vEn'tar

kaLiRoTu kalam tan'tu,

tonRu mozin'tu tozil kETpa,

akal vaiyattu pakal ARRi,

mAyAp pal pukaz viyal vicumpu Urtara,    

10

vAL valiyuRuttu, cemmai pUuNTu,

aRan vAztta n'aRku ANTa

viRal mAn'taran viRal maruka!

Iram uTaimaiyin, n'Ir Oranaiyai;

aLappu arumaiyin, iru vicumpu anaiyai;

15

koLak kuRaipaTAmaiyin, mun'n'Ir anaiyai;

pal mIn n'AppaN tigkaL pOla,

pUtta cuRRamoTu polin'tu tOnRalai

uru kezu marapin ayirai paraviyum,

kaTal ikuppa vEl iTTum,         

20

uTalun'ar miTal cAyttum,

malaiyavum n'ilattavum aruppam vauvi,

peRRa perum peyar palar kai irIiya

koRRat tiruvin uravOr umpal!

kaTTip puzukkin kogkar kOvE!      

25

maTTap pukAvin kuTTuvar ERE!

ezAat tuNait tOL pUziyar meymmaRai!

iragku n'Irp parappin maran'taiyOr porun'a!

veN pU vELaiyoTu curai talai mayakkiya

viravu mozik kaTTUr vayavar vEn'tE!    

30

uravuk kaTal anna tAgku arun' tAnaiyoTu,

mAN vinai! cApam mArpuRa vAgki,

jAN pora viLagkiya vali kezu taTak kai,

vArn'tu punain'tanna En'tu kuvavu moympin,

mIn pUttanna viLagku maNip pANTil,   

35

Ay mayirk kavarip pAy mA mElkoNTu,

kAz eHkam piTittu eRin'tu,

vizumattin pukalum peyarA ANmai,

kAjci cAnRa vayavar peruma!

vIgku peruj ciRappin Ogku pukazOyE!   

40

kazani uzavar taNNumai icaippin,

pazana majjai mazai cettu Alum,

taN punal ATun'ar ArppoTu mayagki,

vem pOr maLLar teN kiNai kaRagka,

kUzuTai n'al il ERu mARu cilaippa,      

45

cezum pala irun'ta kozum pal taN paNaik,

kAvirip paTappai n'al n'ATu anna,

vaLam kezu kuTaiccUl, aTagkiya koLkai,

ARiya kaRpin, tERiya n'al icai,

vaNTu Ar kUn'tal, oNtoTi kaNava!   

50

'n'in n'AL tigkaL anaiya Aka! tigkaL

yANTu Oranaiya Aka! yANTE

Uzi anaiya Aka! Uzi

veLLa varampina Aka! ena uLLi,

kANku van'ticin, yAnE ceru mikku    

55

urum ena muzagkum muracin,

peru n'al yAnai, iRai kizavOyE!


tuRai: kATci vAzttu

vaNNam: ozuku vaNNamum coRcIr vaNNamum

tUkku: cen'tUkkum vajcittUkkum

peyar: vali kezu taTak kai    (10)