vaiyaip punalin varukai

tirai irum panip pauvam cevvitA aRa mukan'tu,

ura urum uTanRu Arppa, Ur poRai koLLAtu,

karai uTai kuLamenak kazanRu, vAn vayiRu azipu,

varaivarai toTutta vayagku veL aruvi

5

iravu iruL pakalAka, iTam aritu celavu ennAtu,

valan iragku muracin tennavar uLLiya

n'ilan uRa n'imir tAnai n'eTu n'irai n'ivappu anna

peyalAR polin'tu, perum punal pala n'an'ta,

n'alan n'an'ta, n'ATu aNi n'an'ta, pulan n'an'ta,

10

van'tanRu, vaiyaip punal.

punalin ceyal

n'aLi iruj cOlai n'aran'tam tAay,

oLir cinai vEgkai virin'ta iNar utiraloTu,

tuLiyin uzan'ta tOyvu aruj cimaitoRum

vaLi vAgku cinaiya mA maram vEr kINTu,

15

uyarn'tuzi uLLana payampiTaip parappi;

uzavar kaLi tUgka, muzavu paNai murala,

ATal aRiyA arivai pOlavum,

UTal aRiyA uvakaiyaL pOlavum,

vENTu vazi n'aTan'tu, tAgku taTai porutu;

20

viti ARRAn Akkiya meyk kalavai pOlap

potu n'ARRam uL_uL karan'tu, putu n'ARRam

ceykinRE, cem pUm punal.

veLLap perukkaik kaNTa makkaLin ceyal

'kavizn'ta punalin kayam taN kazun'Ir

avizn'ta malar mItuRRena', orucAr;

25

mAtar maTan'allAr, maNalin ezutiya

pAvai citaittatu' ena aza, orucAr;

'akavayal iLa n'el arikAl cUTu

toku punal paran'te'nat tuTi paTa, orucAr;

'Otam cuRRiyatu Ur' ena, orucAr;

30

'kAr tUmpu aRRatu vAn' ena, orucAr;

'pATuvAr pAkkam koNTena,

ATuvAr cEri aTain'tena,

kazani van'tu kAl kOttena,

pazana vALai pALai uNTena,

35

vittu iTu pulam mETu AyiRRena',

uNartta uNarA oL izai mAtaraip

puNarttiya iccattup perukkattin tunain'tu,

cinai vaLar vALaiyin kiLaiyoTu kezIi,

pazana uzavar, pAy punal parattan'tu.

vaiyaip punalin vanappu

40

iRu varai puraiyumARu iru karai Emattu,

varai purai uruvin n'urai pala cuman'tu,

pU vEyn'tu, pozil paran'tu;

tunain'tu ATuvAr Ay kOtaiyar,

alar taN tAravar, kAtil

45

taLir cerIi, kaNNi paRittu;

kai vaLai, Azi, toyyakam, punai tukil,

mEkalai, kAjci, vAkuvalayam,

ellAm kavarum iyalpiRRAy: tennavan

onnAr uTai pulam pukkaRRAl mARu aTTa

50

tAnaiyAn vaiyai vanappu.

tOzi punalaNi inpam kURutal

purin'ta takaiyinAn yARu ATuvAruL

turan'tu punal tUva, tU malark kaNkaL

amain'tana; AgkaN, avaruL orutti,

kai putaiiya vaLai

55

Ekkazuttu n'ANAn karumpin aNai men tOLa

pOkkic ciRaippiTittAL; Or pon am kompu

parin'tu avaLaik kaip piNai n'IkkuvAn pAyvAL;

irumpu Ir vaTi ottu mai viLagkum kaN oLiyAl

cemmaip putup punal cenRu iruLAyiRRE;

60

vaiyaip perukku vaTivu.

tOzi talaimakan kAtanmai kURutal

virumpiya IraNi mey Iram tIra,

curumpu Arkkum cUr n'aRA En'tinAL kaN n'eytal;

pEr makiz ceyyum peru n'aRAp pENiyavE,

kUr n'aRA Arn'tavaL kaN.

65

kaN iyal kaNTu Etti, kArikai n'Ir n'Okkinaipa

pAN Atarittup pala pATa; ap pATTup

pENAtu orutti pEtuRa; AyiTai,

'ennai varuvatu enakku?' enRu, inaiyA,

n'an jemar mArpan n'aTukkuRa, n'aNNi;

70

cikai kiTan'ta UTalin ceg kaN cEppu Ura,

vakai toTarn'ta ATaluL n'allavartammuL

pakai toTarn'tu, kOtai pariyUu, n'ani vekuNTu,

yARu ATu mEni aNi kaNTa tan anpan

cERu ATu mEni tirun'ilattu uyppa, ciram mitittu,

75

tIrvilatAkac ceruvuRRAL cem punal

UruTan ATugkaTai.

tOzi vaiyaiyin n'IraNiyinpam kuRittuk kURutal

puri n'arampu in koLaip pukal pAlai Ezum

ezUup puNar yAzum, icaiyum, kUTa;

kuzal aLan'tu n'iRpa; muzavu ezun'tu Arppa;

80

man makaLir, cenniyar, ATal toTagka;

porutu izi vAr punal poRpu aHtu

urum iTi cErn'ta muzakkam puraiyum

tirumarutamuntuRai cEr punaRkaN tuyppAr

tAmam talai punai pEem n'Ir vaiyai!

85

n'in payam pATi viTivuRRu EmAkka

n'in paTin'tu n'IgkAmai inRu puNarn'tenavE.

talaimakan talaimakaLOTu punal ATinAn enak kETTu inpuRRa cevilittAy,tOziyai, 'n'IgkaL ATiya punalaNi inpam kURuka' enRATku, ap punalaNi inpa mum, palvERu vakaippaTTa inpamum, talaimakan kAtanmaiyum, kURi, 'enRum in'ta n'IraNi inpam peRuka, yAm' enRatu.

maiyOTak kOvanAr pATTu
pittAmattar icai
paNNup pAlaiyAz

tirupparagkunRattin amaippum ciRappum

maNmicai aviztuzAy malartaru celvattup

puLmicaik koTiyOnum, pugkavam UrvOnum,

malarmicai mutalvanum, maRRu avaniTait tOnRi

ulaku iruL akaRRiya patinmarum, iruvarum,

5

marun'tu urai iruvarum, tirun'tu n'Ul eNmarum,

Atirai mutalvanin kiLan'ta

n'Atar pannoruvarum, n'an ticai kAppOrum,

yAvarum, piRarum, amararum, avuNarum,

mEaru mutumozi vizut tava mutalvarum

10

paRRAkinRu, n'in kAraNamAka;

paragkunRu imayak kunRam n'ikarkkum.

imayak kunRinil ciRan'tu

n'in InRa n'irai itazt tAmarai

min InRa viLagku iNar UzA

15

orun'ilaip poykaiyOTu okkum n'in kunRin

aruvi tAz mAlaic cunai.

mutalva! n'in yAnai muzakkam kETTa

katiyiRRE kArin kural.

kural kETTa kOzi kunRu atirak kUva,

20

mata n'ani vAraNam mARumARu atirppa,

etirkutir AkinRu atirppu, malai muzai.

kunRattiRkum kUTalukkum iTaiyiluLLa vazi

Ez puzai aim puzai yAz icai kEzttu anna, inam

vIz tumpi vaNToTu mijiRu Arppa, cunai malara,

konRai koTi iNar Uzppa, koTi malar

25

manRala malara, malar kAn'taL vAy n'ARa,

n'anRu aviz pal malar n'ARa, n'aRai panippa,

tenRal acaivarUum cemmaRRE amma! n'in

kunRattAn kUTal varavu.

kunRattin muzakkam

kunRam uTaitta oLir vElOy! kUTal

30

manRal kalan'ta maNi muracin Arppu eza,

kAloTu mayagkiya kaliz kaTalena,

mAl kaTal kuTikkum mazai kuralena,

ERu atirkkum in'tiran irum urumena,

manRal atiratira mARumARu atirkkum n'in

35

kunRam kumuRiya urai.

talaimakan talaimakaTkuk kunRattin ciRappu kURutal

'tUtu Eya vaNTin tozuti muralvu avar

kAtal mUtUr matil kampalaittanRu;

vaTu vakir venRa kaN, mAn' taLir mEni,

n'eTu men paNait tOL, kuRun' toTi, makaLir

40

ArAk kAmam, Ar poziR pAyal,

varaiyakattu, iyaikkum varaiyA n'ukarcci;

muTiyA n'ukarcci muRRAk kAtal,

aTiyOr main'tar akalattu akalA

alar jemal makanRil n'annarp puNarcci,

45

pularA makiz; maRappu aRiyAtu n'alkum

ciRappiRRE taN paragkunRu.'

talaimakaL pulan'tu uraittal

'ini, mannum Etilar n'ARuti; ANTup

pani malark kaNNArOTu ATa n'akai malar

mAlaikku mAlai varUum; varai cUL n'il

50

kAlai pOy mAlai varavu.'

talaimakan cULum talaivi vilakkalum

'ini maNal vaiyai irum pozilum, kunRap

pani pozi cAralum pArppArum;...

tuniyal, malaruNkaN! col vERu; n'ARRam

kaniyin malarin malir kAl cIppu innatu;

55

tuniyal n'ani' 'n'I n'in cUL.'

tOzi talaimakanaic cUL vilakkik kURutal

'en pANi n'il n'il elAa! pANi n'I, n'in cUL:

cAnRALar InRa takAat takAa makAan!

InRATku oru peN, ivaL.

">iruL mai Ir uN kaN ilagku izai InRATku

60

ariyaLO? Avatu aRin'tilEn; ItA;

varu punal vaiyai maNal toTTEn; taru maNa vEL

taN paragkunRattu aTi toTTEn&enpAy;

kELir maNalin kezuvum ituvO?

Ez ulakum ALi tiru varaimEl anpu aLitO?

65

ennai aruLi aruL muruku cUL cULin,

n'innai aruL il aNagkAn mey vEl tinnum:

viRal veyyOn Ur mayil, vEl n'izal, n'Okki;

aRavar aTi toTinum, Agku avai cULEl:

kuRavan makaL ANai kURu ElA! kUREl;

70

aiya! cULin, aTi toTu kunRoTu

vaiyaikkut takka maNal cIr cUL kURal!'

talaimakanatu urai

yAr piriya, yAr vara, yAr vinava, yAr ceppu?

'n'Ir uraicey n'Irmai il cUL enRi,' n'ErizAy!

kaya vAya n'eytal alar, kamazmukai maNa n'akai

75

n'ayavaru n'aRavu itaz, matar uNkaN; vAL n'utal;

mukai mullai venRu, ezil muttu Eykkum veN

pal n'akai cAnRa kanavu anRu; n'anavu anRu n'avinRatai:

iTu tuni kai ARA en, tuyar kUrac

cuTum, iRai; ARRicin, aTi cErn'tu! cARRumin

80

mika ERRutum malar, UTTutum avi,

kETTutum pANi; ezutum kiNai murukan

tAL tozu taN paragkunRu!

tOzi talaimakaLin kaRpuTaimai kURutal

'teri izAy celka!' enRAy; ellA! yAm peRREm,

oruvarkkum poyyA n'in vAy il cUL vauval;

85

paruvattup pal mAN n'I cERalin kANTai

erumai irun' tOTTi eLLIyum kALai

ceruvam ceyaRku ennai munnai, tan cenni,

aruLvayinAn, tUgku maNi kaiyAl tAkki,

n'iraivaLai ARRu, iruj cUL.

talaimakaLiratu ceyti

90

vaLi poru cEN cimai varaiyakattAl

taLi perukum taN cinaiya

pozil koLak kuRaiyA malara,

kuLir poykai aLaRu n'iRaiya,

marutam n'aLi maNal jemarn'ta

95

n'ani malarp peru vazi,

cIRaTiyavar cARu koLa ezun'tu;

vERupaTu cAn'tamum, vIRupaTu pukaiyum,

ARu cel vaLiyin aviyA viLakkamum,

n'ARu kamaz vIyum, kURum icai muzavamum,

100

maNiyum, kayiRum, mayilum, kuTAriyum,

piNimukam, uLappaTap piRavum, En'ti;

aru varaic cErAt tozun'ar,

'kanavin toTTatu kai pizaiyAkAtu

n'anavin cEeppa n'in n'aLi punal vaiyai

105

varu punal aNika' ena varam koLvOrum,

'karu vayiRu uRuka' enak kaTampaTuvOrum,

'cey poruL vAykka' enac cevi cArttuvOrum,

'ai amar aTuka' ena aruccippOrum,

pATuvAr pANic cIrum, ATuvAr aragkat tALamum,

110

majcu ATu malai muzakkum,

tujcAk kampalai

paij cunaip pAay ezu pAvaiyar

Ay itaz uNkaN alar mukat tAmarai,

tAT tAmarai, tOT tamaniyak kaya malar,

115

em kaip patumam, kogkaik kaya mukai,

cev vAy Ampal cel n'Irt tAmarai,

punaR tAmaraiyoTu, pulam vERupATuRAk

kUr eyiRRAr kuvimulaip pUNoTu,

mAran oppAr mArpu aNi kalavi;

120

arivaiyar amirta pAnam

urimai mAkkaL uvakai amirtu uyppa;

main'tar mArvam vazi van'ta,

cen' taLir mEniyAr, cellal tIrppa;

paragkunRai vAzttal

ena Agku,

125

uTam puNar kAtalarum allArum kUTi,

kaTampu amar celvan kaTi n'akar pENa

maRu miTaRRu aNNaRku mAcilOL tan'ta

n'eRi n'Ir aruvi acumpu uRu celvam,

maN pariya vAnam vaRappinum, mannukamA,

130

taN paragkunRam! n'inakku.

kaTavuL vAzttu
Aciriyan n'allan'tuvanAr pATTu
maruttuvan n'allaccutanAr icai
paNNup pAlaiyAz