iru n'ilam tuLagkAmai vaTavayin n'ivan'tu Ogki,

aru n'ilai uyar teyvattu aNagkucAl talai kAkkum,

urumuc cUz cEN cimai uyarn'tavar uTampaTa

eri malart tAmarai iRai vIztta peru vAri

5

viri caTaip poRai Uzttu, vizu n'ikar malar Eyppa,

taNivuRat tAgkiya tani n'ilaic calatAri

maNi miTaRRu aNNaRku, mati Aral piRan'tOy! n'I.

mai iru n'URRu imai uNkaN mAn maRitOL maNan'ta jAnRu

ai irun'URRu meyn' n'ayanattavan makaL malar uNkaN,

15

maNi mazai talaiiyena, mA vEnil kAr ERRu,

taNi mazai talaiyinRu, taN paragkunRu.

n'AnmaRai virittu, n'al icai viLakkum

vAymozip pulavIr! kENmin, ciRan'tatu:

kAtaR kAmam, kAmattuc ciRan'tatu;

15

viruppOr ottu meyyuRu puNarcci:

pulattalin ciRan'tatu, kaRpE; atu tAn

irattalum Italum ivai uLLITAp

parattai uLLatuvE: paNpuRu kazaRal,

tOL putitu uNTa parattai il civappuRa

20

n'AL aNin'tu, uvakkum cuNagkaRaiyatuvE;

kEL aNagkuRa manaik kiLan'tuLa, cuNagkaRai;

cuNagkaRaip payanum UTal uLLatuvE.

atanAl, akaRal aRiyA aNi izai n'allAr

ikal talaikkoNTu tunikkum tavaRu ilar; it

25

taLLAp poruL iyalpin taN tamiz Ayvan'tilAr

koLLAr, ik kunRu payan.

Uz Arattu Oy karai n'Ukki, punal tan'ta

kAz Arattu am pukai cuRRiya tAr mArpin,

kEz Aram poRpa varuvAnait tozAa,

30

'vAziya, mAyA! n'in tavaRu ilai; em pOlum

kEz ilAr mAN n'alam uNkO, tiru uTaiyAr

men tOLmEl alki n'alkalum inRu?

vai eyiRRu eyyA makaLir tiRam inip

peyya uzakkum, mazaik kA; maRRu aiya!'

35

karaiyA ven' n'OkkattAn kai cuTTi, peNTin

ikalin ikan'tALai, av vEL talaik kaNNi

tirun'tu aTi tOyat tiRai koTuppAnai,

'varun'tal' ena, avaRku mArpu aLippALai,

'kuRukal' enRu oLLizai kOtai kOlAka

40

iRukiRuka yAttup puTaippa;

oruvar mayil oruvar oN mayilOTu Ela,

iruvar vAn kiLi ERpil mazalai,

ceRi koNTaimEl vaNTu cenRu pAyn'tanRE,

veRi koNTAn kunRattu vaNTu.

45

tAr tAr piNakkuvAr; kaNNi Occit taTumARuvAr;

mArpu aNi kogkai vAr mattikaiyAp puTaippAr;

kOtai varip pan'tu koNTu eRivAr

pEtai maTa n'Okkam piRitAka, Uta

n'uTagku n'oci n'ucuppAr n'Uzil talaikkoLLa:

50

kayampaTu kamaz cennik kaLiRRu iyal kaimmARuvAr;

vayampaTu parip puravi mArkkam varuvAr;

tEr aNi maNi kayiRu teripu varuvAr;

vari cilai vaLaiya mArpu uRa vAgkuvAr;

vALi vALikaL n'ilaipeRa maRaluvAr;

55

tOL vaLai Azi cuzaRRuvAr

men cIr mayil iyalavar.

vAL miku vaya moympin

varai akalattavanai vAnavan makaL

mAN ezil malar uNkaN

60

maTa moziyavar uTan cuRRi,

kaTi cunaiyuL kuLittu ATun'arum,

aRai aNin'ta aruj cunaiyAn

n'aRavu uN vaNTAy n'arampu uLarn'arum,

cikai mayilAyt tOkai virittu ATun'arum;

65

kOkulamAyk kUvun'arum,

Akulam Akun'arum

kuRijcik kunRavar maRam kezu vaLLi tamar

vittakat tumpai viLaittalAn, ven vElARku

ottanRu, taN paragkunRu.

70

kaTuj cUr mA mutal taTin'tu aRutta vEl

aTum pOrALa! n'in kunRinmicai

ATal n'avinROr avar pOr ceRuppavum,

pATal payinROraip pANar ceRuppavum,

vallArai vallAr ceRuppavum,

75

allArai allAr ceRuppavum, Or collAy,

cemmaip putup punal

taTAkam ERRa taN cunaip pAgkar,

paTAkai n'inRanRu;

mEe eHkinavai;

80

venRu uyartta koTi viRal cAnRavai;

kaRpu iNai n'eRiyUTu aRpu iNaik kizamai

n'ayat taku marapin viyat taku kumara!

vAzttinEm, paravutum, tAzttut talai, n'inai yAm

n'ayattalin ciRan'ta em aTiyuRai,

85

payattalin ciRakka, n'ALtoRum polin'tE.

kaTavuL vAzttu
kunRampUtanAr pATTu
maruttuvan n'allaccutanAr icai
paNNup palaiyAz

malaivarai mAlai azi peyal kAlai,

cela varai kANAk kaTaltalaik kUTa

n'ila varai allal n'izatta, virin'ta

palavuRu pOrvaip paru maNal mUuy,

5

vari ari ANu mukiz viri cinaiya

mAn' tIm taLiroTu vAzaiyilai mayakki,

Ayn'tu aLavA Ocai aRaiyUu, paRai aRaiyap

pOn'tatu vaiyaip punal.

punal maNTi ATal purivAn, canam maNTi,

10

tALita n'oyn' n'Ul caraNattar, mEkalai

ENippaTukAl iRukiRukat tAL iTIi,

n'eyttOr n'iRa arakkin n'Irekki yAvaiyum

muttu n'Irc cAn'tu aTain'ta mUuyt tatti;

puka arum pogkuuLaip puL iyal mAvum,

15

mika varinum mItu iniya vEzap piNavum,

akavarum pANTiyum, attiriyum, Ay mAc

cakaTamum, taNTu Ar civikaiyum, paNNi;

vakai vakai Uz Uz katazpu mUzttu ERi;

mutiyar, iLaiyar: mukaip paruvattar,

20

vati maNa vampu alar vAy avizn'tannAr

iru tiRa mAn'tarum inniniyOrum

viravu n'araiyOrum veRu n'araiyOrum

pativata mAtar, parattaiyar; pAgkar;

atir kural vittakar Akkiya tALa

25

viti kUTTiya iya men n'aTai pOla,

pati etir cenRu, parUuk karai n'aNNi

n'Ir aNi kANpOr; n'irai mATam UrkuvOr;

pEr aNi n'iRpOr; perum pUcal tAkkuvOr;

mA mali UrvOr; vayap piTi un'tuvOr;

30

vI mali kAn yARRin turutti kuRuki,

tAm vIzvAr Akam tazuvuvOr; tazuvu etirAtu,

yAmak kuRai UTal in n'acait tEn n'ukarvOr;

kAmak kaNicciyAl kaiyaRavu vaTTittu,

cEmat tirai vIzttuc cenRu, amaLi cErkuvOr:

35

tAm vENTu kAtaR kaNavar etirppaTa,

pU mEmpATu uRRa punai curumpin, cEma

maTa n'aTaip pATTiyart tappi, taTai iRan'tu,

tAm vENTum paTTinam eytik karai cErum

EmuRu n'AvAy varavu etirkoLvArpOl,

40

yAm vENTum vaiyaip punal etirkoL kUTal

Agka aNi n'ilai mATattu aNi n'inRa pAgkAm

maTap piTi kaNTu, vayak kari mAl uRRu,

n'aTatta n'aTavAtu n'iRpa; maTap piTi,

annam anaiyArOTu AyA n'aTai, karimEl

45

cel manam mAl uRuppa, cenRu; ezil mATattuk

kai punai kiLar vEgkai kANiya veruvuRRu,

mai purai maTap piTi, maTa n'allAr vitirppuRa,

cey tozil koLLAtu, mati cettu, citaitara;

kUm kai mata mAk koTun' tOTTi kain' n'Ivi

50

n'Igkum patattAl, urumup peyarttan'tu

vAgki, muyagki vayap piTi kAlkOttu,

ciRan'tAr n'aTukkam ciRan'tAr kaLaiyal

itaiyum kayiRum piNaiyum iriyac

citaiyum kalattaip payinAn tiruttum

55

ticai aRi n'IkAnum pOnm.

paruk kOTTu yAzp pakkam pATalOTu ATal

aruppam azippa, azin'ta manak kOTTaiyar,

onROTu iraNTA muntERAr, venRiyin,

pal canam n'ANip pataipataippu mannavar

60

taNTam iraNTum talaiit tAkki n'inRavai

onRiyum, uTampATu oli ezutaRku ajci,

n'inRa n'ikazcciyum pOnm.

kAmam kanain'tu eza, kaNNin kaLi eza,

Ur mannum ajci oLippAravar n'ilai

65

kaLLin kaLi ezak kAttAgku, alar ajci,

uLLam uLai eza, UkkattAn uL uL

parappi matar n'aTukkip pAr alar tURRak

karappAr, kaLi matarum pOnm.

kaLLoTu kAmam kalan'tu, karai vAgkum

70

veLLam tarum, ip punal.

punal porutu melin'tAr timil viTa,

kanal poruta akilin Avi kA eza,

n'akil mukaTu mezukiya aLaRu maTai tiRan'tu

tikai muzutu kamaza, mukil akaTu kazi matiyin

75

uRai kazi vaLLattu uRu n'aRavu vAkkun'ar,

aravu ceRi uvavu matiyena agkaiyil tAgki,

eRi makara valayam aNi tikaz n'utaliyar,

mati uN aramakaLena, Ampal vAy maTuppa;

mIppAl veN tukil pOrkkun'ar; pUp pAl

80

veN tukil cUzppak kuzal muRukkun'ar;

ceg kugkumac cezuj cERu,

pagkam cey akil pala paLitam,

maRukupaTa aRai purai aRu kuzaviyin

avi amar azalena araikkun'ar;

85

n'attoTu, n'aLLi, n'aTai iRavu, vaya vALai,

vitti alaiyil, 'viLaika! polika'! enpAr;

illatu n'Okki, iLivaravu kURAmun,

n'allatu veHki, vinai ceyvAr;

maN Ar maNiyin vaNar kural vaNTu Arppa,

90

taN am tuvar pala UTTic calam kuTaivAr;

eNNey kazala izai tukaL picaivAr;

mAlaiyum cAn'tum matamum izaikaLum,

kOlam koLa, n'Irkkuk kUTTuvAr; ap punal

uNNA n'aRavinai UTTuvAr; oN toTiyAr

95

vaNNam teLira, mukamum vaLar mulaik

kaNNum kaziyac civan'tana; anna vakai

ATTu ayarn'tu ari paTum ai virai mAN pakazi

aram tin vAy pOnm pOnm pOnm

pinnum, malark kaN punal.

100

taNTit taNTin tAyc celvArum,

kaNTal taN tAtu tirai n'urai tUvArum,

veyya timilin virai punalOTu oyvArum,

meyyatu uzavin etir punal mARu ATip

paiya viLaiyATuvArum, men pAvaiyar

105

ceyta pUj ciRRaTicil iTTu uNNa ERpAr,

iTuvAr maRuppAr ciRuku iTaiyAr

pan'tum kazagkum pala kaLavu koNTu OTi,

am taN karai n'inRu pAyvArAy, main'tar

oLiRu ilagku eHkoTu vAL mARu uzakki,

110

kaLiRu pOr uRRa kaLampOla, n'ALum

teLivu inRu, tIm n'Irp punal.

mati mAlai mAl iruL kAl cIppa, kUTal

vati mAlai, mARum tozilAn, putu mAlai

n'AL aNi n'Ikki, n'akai mAlaip pU vEyn'tu,

115

tOL aNi, tOTu, cuTar izai, n'ittilam;

pATuvAr pATal, paraval, paziccutal,

ATuvAr ATal, amarn'ta cIrp pANi,

n'alla kamaz tEn aLi vazakkam, ellAmum,

paN toTar vaNTu pariya etir van'tu Uta,

120

koNTiya vaNTu katuppin kural Uta,

ten ticai n'Okkit tiritarvAy; maNTu kAl cArvA,

n'aLir malaip pUgkoTit tagkupu ukakkum

pani vaLar Aviyum pOnm, maNi mATattu

uL n'inRu tUya panin'IruTan kalan'tu,

125

kAl tiriya Arkkum pukai.

ilampaTu pulavar ERRa kai jemarap

polam cori vazutiyin, punal iRai parappi,

ceyyil polam parappum cey vinai OyaRka

varun'tAtu varum punal virun'tu ayar kUTal,

130

arug kaRai aRai icai vayiriyar, urimai

orugku amar AyamoTu, Ettinar tozavE.

paruvam kaNTu vanpuRai etir azin'ta talaimakaLatu ARRAmai kaNTu, tOzi tUtu viTa, cenRa pANan, pAcaRaikkaN, talaimakaRkup paruva varavum, vaiyai n'Ir vizavu aNiyum, Agkup paTTa ceytiyum, kURiyatu.

karumpiLLaip pUtanAr pATTu
maruttuvan n'allaccutanAr icai
paNNup pAlaiyAz