pula varai aRiyAp pukazoTu polin'tu,

n'ila varai tAgkiya n'ilaimaiyin peyarAt

tolaiyA n'Emi mutal, tol icai amaiyum

pulavar Aypu uraitta punai n'eTug kunRam

5

pala enin, Agku avai palavE: palavinum,

n'ilavarai ARRi, n'iRai payan orugku uTan

n'inRu peRa n'ikazum kunRu avai cilavE:

cilavinum ciRan'tana, teyvam peTpuRum

malar akal mArpin mai paTi kuTumiya

10

kula varai cilavE: kula varai cilavinum

ciRan'tatu kal aRai kaTalum kAnalum pOlavum,

pulliya collum poruLum pOlavum,

ellAm vERu vERu uruvin oru tozil iruvart

tAgkum n'IL n'ilai Ogku irugkunRam.

15

n'ARu iNart tuzAyOn n'alkin allatai

ERutal eLitO, vIRu peRu tuRakkam?

aritin peRu tuRakkam mAlirugkunRam

eLitin peRal urimai Ettukam, cilampa.

arA aNar kayan' talait tammun mArpin

20

marA malart tArin mAN varat tOnRi,

alagkum aruvi Arttu imizpu iziya,

cilampARu aNin'ta, cIr kezu tiruvin

cOlaiyoTu toTar mozi mAlirugkunRam

tAm vIz kAmam vittupu viLaikkum

25

n'Amat tanmai n'ankanam paTi eza,

yAmat tanmai iv ai irugkunRattu,

man punal iLa veyil vaLAva iruL vaLarvena,

pon punai uTukkaiyOn puNarn'tu amar n'ilaiyE

n'inaimin, mAn'tIr! kENmin, kamaz cIr!

30

cunaiyelAm n'Ilam malara, cunai cUz

cinai yelAm ceyalai malara, kAy kani

uRaza, n'anai vEgkai oL iNar malara,

mAyOn otta in n'ilaittE.

cenRu tozukallIr! kaNTu paNiminmE

35

irugkunRu ennum peyar paran'tatuvE

perug kali jAlattut tonRu iyal pukazatu

kaNTu, mayar aRukkum kAmak kaTavuL.

maka muyagku man'ti varaivarai pAya,

mukiz mayagku mullai muRai n'ikazvu kATTa,

40

maNi maruL n'al n'Irc cinai maTa mayil akava,

kuruku ilai utira, kuyilinam kUva,

pakar kuzal pANTil iyampa akavun'ar

n'A n'avil pATal muzavu etirn'tanna,

cilampin cilampu icai OvAtu onnArk

45

kaTan'tu aTTAn kEz irugkunRu.

taiyalavaroTum, tan'tAravaroTum,

kaim makavoTum, kAtalavaroTum,

teyvam pENit ticai tozutanir celmin

puvvat tAmarai puraiyum kaNNan,

50

vauval kAr iruL mayagku maNi mEniyan,

evvayin ulakattum tOnRi, av vayin

manpatu maRukkat tunpam kaLaivOn

anpu atu mEey irugkunRattAn.

kaL aNi pacun' tuLavinavai, karug kunRanaiyavai;

55

oL oLiyavai, oru kuzaiyavai;

puL aNi polag koTiyavai;

vaL aNi vaLai n'Ajcilavai,

calam puri taNTu En'tinavai;

valampuri vaya n'Emiyavai;

60

vari cilai vaya ampinavai;

pukar iNar cUz vaTTattavai; pukar vALavai:

ena Agku

n'alam purIi am cIr n'Ama vAymozi

itu ena uraitta[li]n, em uL amarn'tu icaittu, iRai,

65

'irugkunRattu aTi uRai iyaika!' ena,

perum peyar iruvaraip paravutum, tozutE.

kaTavuL vAzttu
iLamperuvazutiyAr pATTu
maruttuvan n'allaccutanAr icai
paN n'OtiRam

karaiyE kai vaN tOnRal Ikai pOnm ena,

mai paTu cilampin kaRiyoTum, cAn'toTum,

n'ey kuTai tayirin n'uraiyoTum, piRavoTum,

ev vayinAnum mItumItu aziyum.

5

tuRaiyE muttu n'Erpu puNar kAz, mattaka n'ittilam,

polam punai avir izai, kalagkal am punal maNi

valam cuzi un'tiya, tiNai piri putalvar

kayan' talai mucciya mujcamoTu tazIi,

tamtam tuNaiyOTu orugku uTan ATum

10

tattu arik kaNNAr talaitalai varumE.

ceRuvE viTu malar cuman'tu, pU n'Ir n'iRaitalin,

paTu kaN imiz koLai payinRanar ATum,

kaLi n'AL aragkin aNi n'alam puraiyum.

kAvE curumpu imir tAtoTu talaittalai mikUum

15

n'aran'ta n'aRu malar n'anku aLikkummE

karaipu ozuku tIm punaRku etir virun'tu ayarva pOl.

kAn al am kAvum, kayamum, turuttiyum, tEn

tEn uNTu pATat ticaiticaip pU n'alam

pUttanRu vaiyai varavu.

20

curugkaiyin AyattAr cuRRum eRin'tu,

kurumpai mulaip paTTa pU n'Ir tuTaiyAL,

perun' takai mILi varuvAnaik kaNTE,

irun' tukil tAnaiyin oRRi, 'porun'talai;

pUttanaL; n'Igku' enap poy ARRAl, tOziyar

25

tORRam Or otta malar kamaz taN cAn'tin

n'ARRattin pORRi, n'akaiyoTum pOttan'tu,

irug kaTaRku Ugku ivarum yARu enat tagkAn,

makiza, kaLip paTTa tEn tERal mARRi,

kuruti tuTaiyAk kuRuki, maru(va), iniyar,

30

'pUttanaL n'agkai; polika!' ena n'ANutal

vAyttanRAl vaiyai varavu.

malaiyin izi aruvi malku iNarc cArc cArk

karai maram cErn'tu kavini; maTavAr

n'anai cEr katuppinuL taN pOtu, main'tar

35

malar mArpin cOrn'ta malar itaz, tAay;

mIn Aram pUtta viyan kagkai n'an'tiya

vAnam peyarn'ta marugku ottal, ejjAnRum,

tEn imir vaiyaikku iyalpu.

kaLLE punalE pulavi im mUnRinum,

40

oL oLi cEytA oLi kiLar uN kaN keNTai,

pal vari vaNTinam vAy cUz kavinoTum,

cel n'Ir vIvayin tEn cOra, pal n'Ir

aTuttuaTuttu ATuvArp pulla, kuzain'tu

vaTup paTu mAnmatac cAn'tu Ar akalattAn,

45

eTutta vEy ekki n'Ukku uyarpu tAkkat

toTutta tEn cOrum varai pOlum, tORRam

koTit tErAn vaiyaikku iyalpu.

varai Arkkum puyal; karai

tirai Arkkum, it tIm punal;

50

kaNNiyar tArar, kamaz n'aRug kOtaiyar,

paNNiya Ikaip payan koLvAn, ATalAl

n'AL n'AL, uRaiyum, n'aRuj cAn'tum, kOtaiyum,

pUtta pukaiyum, aviyum pularAmai

maRAaRka, vAnam; malitan'tu n'Ittam

55

vaRAaRka, vaiyai! n'inakku.

kAtaR parattaiyuTan punal ATiya talaimakan tOziyai vAyil vENTa,avaL punal ATiyavARu kURi, vAyil maRuttatu.

n'allaziciyAr pATTu
n'allaccutanAr icai
paN n'OtiRam