vaiyaiyil kaTalpOl n'Ir peruki varutal

vaLi poru minnoTu vAn iruL parappi,

viLivu inRu, kiLaiyoTu mEl malai muRRi,

taLi pozi cAral tatar malar tAay;

oLi tikaz utti urukezu n'Akam,

5

akaru, vazai, jemai, Aram, inaiya;

takaramum, jAzalum, tAramum, tAgki,

n'aLi kaTal munniyatu pOlum, tIm n'Ir

vaLi varal vaiyai varavu.

punal varavu kANa makaLir cenRa vakai

'van'tu maturai matil porUum, vAn malar tAay,

10

am taN punal vaiyai yARu' enak kETTu,

min avir oLi izai vEyumOrum,

pon aTarp pUm punai tiruttuvOrum,

akilkezu cAn'tam mARRi ARRap

pukaikezu cAn'tam pUcuvOrum,

15

kAr koL kUn'tal katuppu amaippOrum,

vEr piNi pal malar vEyumOrum,

puTTakam porun'tuva punaikuvOrum,

kaTTiya kayil aNi kAz koLvOrum;

vAca n'aRu n'ey ATi, vAn tukaL

20

mAcu aRak kaNNaTi vayakki, vaNNamum

tEcum oLiyum tikaza n'Okki,

vAca maNat tuvar vAyk koLvOrum;

iTu puNar vaLaiyoTu toTu tOLvaLaiyar,

kaTTu vaTak kazalinar, maTTu mAlaiyar,

25

Ocanai kamazum vAca mEniyar,

maTa mA micaiyOr,

piTimEl annap perum paTai anaiyOr

n'Ir varavu kANac cenRa main'tar ceyal

kaTu mA kaTavuvOrum, kaLiRumEl koLvOrum,

vaTi maNi n'eTun' tEr mA muL pAykkun'arum,

30

viraipu viraipu mikai mikai INTi,

ATal talaittalai ciRappa, kUTal

uraitara van'tanRu, vaiyai n'Ir; vaiyaik

karai tara van'tanRu, kANpavar ITTam;

n'ivan'tatu, n'Ittam karaimElA; n'Ittam

35

kavarn'tatu pOlum, kANpavar kAtal.

kaNTavar kANa varuvArkku agkE tAm kaNTavaRRaik kURal
kUTinOr mozikaL muRRum kETkappaTAmaikkuk kAraNam uraittal

mun tuRai n'iRai aNi n'inRavar mozi mozi

onRu ala, palapala uTan ezun'tanRu; avai

ellAm teriyak kETkun'ar yAr? avai

killA; kELvi kETTana cilacila:

40

otta kuzalin oli eza; muzavu imiz,

mattari, taTAri, taNNumai, makuLi,

ottu aLan'tu; cIr tUkki; oruvar piRpaTAr;

n'ittam tikazum n'Er iRai munkaiyAl

at taka arivaiyar aLattal kANmin.

kETTana kURal

45

'n'ANALkol tOzi! &n'ayan il parattaiyin

tOL n'alam uNTu, tuRan'tAn& ena, orutti

yANar mali punal n'Ittattu irum piTi

cENa verin'in ciRan'tAnOTu ERinAL,

n'ANuk kuRaivu ilaL; n'agkai maRRu?' enmarum,

50

'kOTTiyuL kompar kuvi mulai n'OkkuvOn

OTTai manavan; uram ili' enmarum,

'corin'tatUum coRRatUum paRRAL; n'iRam tirin'tAL;

n'ejcattai n'IttAL, n'eRi celvAn pin n'iRai

ajcik kaziyAmO, anpu uRRAl?' enmarum,

55

'pUN Aram n'Okkip puNar mulai pArttAn, uvan.

n'ANAL avanai, in' n'Arikai' enmarum

kaNTavar kANa varuvArkku uvan'tavaRRaik kATTal

amirtu ana n'Okkattu aNagku orutti pArppa,

kamaz kOtai kOlAp puTaittu, tan mArpil

izaiyinaik kai yAttu, iRukiRukki vAgki,

60

'pizaiyinai' enna, pizai onRum kANAn,

tozutu pizai kETkum tUyavanaik kANmin.

'pArttAL, orutti n'inai' ena, 'pArttavaLaip

poyc cULAL enpatu aRiyEn, yAn' enRu iran'tu,

meyc cUL uRuvAnai, mel iyal, 'poyc cUL' enRu,

65

olluva collAtu, urai vazuvac colla;

uRaittum ceRuttum uNarttuvAnaip

pullAtu UTip pulan'tu n'inRavaL

pU ezil vaNNa n'Ir pUritta vaTTu eRiya,

vEl ezil uNkaN eRi n'Okkam paTTa puN

70

pAy kuruti cOra, pakai inRu uLam cOra,

n'illAtu n'Igki n'ilam cOra; allAn'tu

mal Ar akalam vaTu ajci, mammar kUrn'tu,

ellAt tuniyum iRappa, tan kAtalan

n'al Er ezil Akam cErvittal ejjAnRum

75

vallatAl, vaiyaip punal.

ena Agku

mallikai, mauval, maNam kamaz caNpakam,

alli, kazun'Ir, aravin'tam, Ampal,

kullai, vakuLam, kurukkatti, pAtiri,

80

n'al iNar n'Akam, n'aRavam, curapunnai,

ellAm kamazum iru cAr karai kaliza;

tERit teLin'tu, ceRi iruL mAl mAlai;

pARaip parappil paran'ta ciRai n'inRu;

tuRakkattu ezilait tan n'Ir n'izal kATTum:

85

kAr aTu kAlai, kaliz ceg kurutittE

pOr aTu tAnaiyAn yARu.

cuTu n'Ir vinaik kuzaiyin jAlac civan'ta

kaTi malarp piNTi tan kAtil cerIi,

viTu malarp pUg koTi pOla n'uTagki,

90

aTimEl aTimEl otugki, toTi munkaik

kArikai Akat tan kaNNi tiruttinAL,

n'Er iRai munkai n'allavaL; kEL kANmin.

n'Irvizavin ciRappu

tukil cEr malar pOl, maNi n'Ir n'iRain'tanRu;

'punal' ena, mUtUr malin'tanRu, avar urai;

95

uraiyin uyarn'tanRu, kavin.

pOr ERRanRu, n'avinRu; takaram

mArpu azi cAn'tin maNal aLaRu paTTanRu;

tukil poci punalin, karai kAr ERRanRu;

vicumpu kaTi viTTanRu, vizavup punal Agka.

vaiyaiyai vAzttutal

100

inpamum, kavinum, azugkal mUtUr,

n'anpala n'anpala n'anpala vaiyai!

n'in pukaz koLLAtu, im malar talai ulakE.

kArp paruvattu vaiyai n'Ir vizavaNiyil pal vERu vakaippaTTa inpam kURi, 'iv vakaippaTTa inpattai uTaiya n'innaiyum n'inaittilar' ena,vaiyaiyai n'Okki, talaimakan kETpa, tOzi iyaRpazittatu.

n'alvazutiyAr pATTu
n'an'n'AkanAr icai
paNNup pAlaiyAz