5. cevvEL

	aRumukap perumAnin veRRic ceyalkaL
	pAy irum panik kaTal pAr tukaL paTap pukku,
	cEy uyar piNimukam Urn'tu, amar uzakki,
	tI azal tuvaippat tiriya viTTeRin'tu,
	n'OyuTai n'uTagku cUr mA mutal taTin'tu,
5	venRiyin makkaLuL orumaiyoTu peyariya
	konRu uNal ajcAk koTu vinaik kol takai
	mAya avuNar marugku aRat taputta vEl,
	n'Aval am taN pozil vaTa pozil AyiTai,
	kurukoTu peyar peRRa mAl varai uTaittu,
10	malai ARRup paTutta mU iru kayan'talai!
	vElanatu veRippATTu
	'mU iru kayan'talai, mun' n'Anku muzavut tOL,
	jAyiRRu Er n'iRat takai! n'aLinattup piRaviyai!
	kAay kaTavuT cEey! cevvEL!
	cAlva! talaiva!' enap pEe vizavinuL,
15	vElan Ettum veRiyum uLavE:
	avai vAyum alla, poyyum alla,
	n'IyE varampiRRu iv ulakam Atalin:
	ciRappOy ciRappu inRip peyarkuvai;
	ciRappinuL uyarvu Akalum,
20	piRappinuL izipu Akalum,
	EnOr n'in valattinatE:
	murukap pirAnin piRappu
	Ati an'taNan aRin'tu pari koLuva,
	vEta mA pUN vaiyat tEr Urn'tu,
	n'Akam n'ANA, malai villAka,
25	mUvakai Ar eyil Or azal ampin muLiya,
	mAtiram azala, eytu amarar vELvip
	pAkam uNTa paig kaT pArppAn
	umaiyoTu puNarn'tu, kAma vatuvaiyuL,
	amaiyAp puNarcci amaiya, n'eRRi
30	imaiyA n'ATTattu oru varam koNTu,
	'vilagku' ena, viNNOr vELvi mutalvan
	viri katir maNip pUNavaRkut tAn Ittatu
	aritu ena mARRAn, vAymaiyan Atalin,
	eri kananRu AnAk kuTAri koNTu avan uruvu
35	tirittiTTOn, iv ulaku Ezum maruLa:
	karup peRRuk koNTOr, kazin'ta cEy yAkkai
	n'ocippin, Ez uRu munivar, n'ani uNarn'tu,
	vacittataik kaNTam Aka mAtavar,
	'manaiviyar, n'iRaivayin, vaci taTi camaippin,
40	cAlAr; tAnE tarikka' ena, avar avi
	uTan peytOrE, azal vETTu: av avit
	taTavu n'imir mut tIp pENiya man eccil,
	vaTavayin, viLagku Al, uRai ezu makaLiruL
	kaTavuL oru mIn cAlini oziya,
45	aRuvar maRRaiyOrum an' n'ilai ayinRanar:
	maRu aRu kaRpin mAtavar manaiviyar
	n'iRaivayin vazAatu n'iR cUlinarE;
	n'ivan'tu Ogku imayattu n'Ilap paij cunaip
	payan'tOr enpa, patumattu pAyal:
50	perum peyar muruka! n'iR payan'ta jAnRE,
	aritu amar ciRappin amararcelvan,
	eri umiz vacciram koNTu, ikan'tu van'tu, eRin'tena,
	aRu vERu tuNiyum aRuvar Aki,
	oruvanai; vAzi, Ogku viRal cEey!
	tEvar cEnaikkut talaivanAtal
55	ArA uTampin n'I amarn'tu viLaiyATiya
	pOrAl vaRug kaikkup puran'taran uTaiya,
	allal il analan tan meyyin pirittu,
	celva vAraNam koTuttOn; vAnattu
	vaLam kezu celvan tan meyyin pirittu,
60	tikaz poRip pIli aNi mayil koTuttOn;
	tirun'tu kOl jaman tan meyyin pirivittu,
	irug kaN veL yATTu ezil maRi koTuttOn;
	Aagku avarum piRarum amarn'tu paTai aLitta
	maRiyum, majjaiyum, vAraNac cEvalum,
65	poRi varic cApamum, maranum, vALum,
	ceRi ilai ITTiyum, kuTAriyum, kaNicciyum,
	teRu katirk kanaliyum, mAlaiyum, maNiyum,
	vERu vERu uruvin iv ARu iru kaik koNTu,
	maRu il tuRakkattu amararcelvantan
70	poRi varik koTTaiyoTu pukaz varampu ikan'tOy.
	murukan tiruvaTi aTaivOrum aTaiyAtOrum
	n'in kuNam etirkoNTOr aRam koNTOr allatai,
	man kuNam uTaiyOr mAtavar vaNagkiyOr allatai
	ceRu tI n'ejcattuc cinam n'ITinOrum,
	cErA aRattuc cIr ilOrum,
75	azi tavap paTivattu ayariyOrum,
	maRu piRappu il enum maTavOrum, cErAr
	n'in n'izal:
	murukap perumAniTam vENTutal
	annOr allatu innOr
	cErvAr Atalin, yAam irappavai
80	poruLum ponnum pOkamum alla; n'inpAl
	aruLum, anpum, aRanum, mUnRum
	uruL iNark kaTampin oli tArOyE!

8. cevvEL

	tirupparagkunRattin amaippum ciRappum
	maNmicai aviztuzAy malartaru celvattup
	puLmicaik koTiyOnum, pugkavam UrvOnum,
	malarmicai mutalvanum, maRRu avaniTait tOnRi
	ulaku iruL akaRRiya patinmarum, iruvarum,
5	marun'tu urai iruvarum, tirun'tu n'Ul eNmarum,
	Atirai mutalvanin kiLan'ta
	n'Atar pannoruvarum, n'an ticai kAppOrum,
	yAvarum, piRarum, amararum, avuNarum,
	mEaru mutumozi vizut tava mutalvarum
10	paRRAkinRu, n'in kAraNamAka;
	paragkunRu imayak kunRam n'ikarkkum.
	imayak kunRinil ciRan'tu
	n'in InRa n'irai itazt tAmarai
	min InRa viLagku iNar UzA
15	orun'ilaip poykaiyOTu okkum n'in kunRin
	aruvi tAz mAlaic cunai.
	mutalva! n'in yAnai muzakkam kETTa
	katiyiRRE kArin kural.
	kural kETTa kOzi kunRu atirak kUva,
20	mata n'ani vAraNam mARumARu atirppa,
	etirkutir AkinRu atirppu, malai muzai.
	kunRattiRkum kUTalukkum iTaiyiluLLa vazi
	Ez puzai aim puzai yAz icai kEzttu anna, inam
	vIz tumpi vaNToTu mijiRu Arppa, cunai malara,
	konRai koTi iNar Uzppa, koTi malar
25	manRala malara, malar kAn'taL vAy n'ARa,
	n'anRu aviz pal malar n'ARa, n'aRai panippa,
	tenRal acaivarUum cemmaRRE amma! n'in
	kunRattAn kUTal varavu.
	kunRattin muzakkam
	kunRam uTaitta oLir vElOy! kUTal
30	manRal kalan'ta maNi muracin Arppu eza,
	kAloTu mayagkiya kaliz kaTalena,
	mAl kaTal kuTikkum mazai kuralena,
	ERu atirkkum in'tiran irum urumena,
	manRal atiratira mARumARu atirkkum n'in
35	kunRam kumuRiya urai.
	talaimakan talaimakaTkuk kunRattin ciRappu kURutal
	'tUtu Eya vaNTin tozuti muralvu avar
	kAtal mUtUr matil kampalaittanRu;
	vaTu vakir venRa kaN, mAn' taLir mEni,
	n'eTu men paNait tOL, kuRun' toTi, makaLir
40	ArAk kAmam, Ar poziR pAyal,
	varaiyakattu, iyaikkum varaiyA n'ukarcci;
	muTiyA n'ukarcci muRRAk kAtal,
	aTiyOr main'tar akalattu akalA
	alar jemal makanRil n'annarp puNarcci,
45	pularA makiz; maRappu aRiyAtu n'alkum
	ciRappiRRE taN paragkunRu.'
	talaimakaL pulan'tu uraittal
	'ini, mannum Etilar n'ARuti; ANTup
	pani malark kaNNArOTu ATa n'akai malar
	mAlaikku mAlai varUum; varai cUL n'il
50	kAlai pOy mAlai varavu.'
	talaimakan cULum talaivi vilakkalum
	'ini maNal vaiyai irum pozilum, kunRap
	pani pozi cAralum pArppArum;...
	tuniyal, malaruNkaN! col vERu; n'ARRam
	kaniyin malarin malir kAl cIppu innatu;
55	tuniyal n'ani' 'n'I n'in cUL.'
	tOzi talaimakanaic cUL vilakkik kURutal
	'en pANi n'il n'il elAa! pANi n'I, n'in cUL:
	cAnRALar InRa takAat takAa makAan!
	InRATku oru peN, ivaL.
	"iruL mai Ir uN kaN ilagku izai InRATku
60	ariyaLO? Avatu aRin'tilEn; ItA;
	varu punal vaiyai maNal toTTEn; taru maNa vEL
	taN paragkunRattu aTi toTTEn" enpAy;
	kELir maNalin kezuvum ituvO?
	Ez ulakum ALi tiru varaimEl anpu aLitO?
65	ennai aruLi aruL muruku cUL cULin,
	n'innai aruL il aNagkAn mey vEl tinnum:
	viRal veyyOn Ur mayil, vEl n'izal, n'Okki;
	aRavar aTi toTinum, Agku avai cULEl:
	kuRavan makaL ANai kURu ElA! kUREl;
70	aiya! cULin, aTi toTu kunRoTu
	vaiyaikkut takka maNal cIr cUL kURal!'
	talaimakanatu urai
	yAr piriya, yAr vara, yAr vinava, yAr ceppu?
	'n'Ir uraicey n'Irmai il cUL enRi,' n'ErizAy!
	kaya vAya n'eytal alar, kamazmukai maNa n'akai
75	n'ayavaru n'aRavu itaz, matar uNkaN; vAL n'utal;
	mukai mullai venRu, ezil muttu Eykkum veN
	pal n'akai cAnRa kanavu anRu; n'anavu anRu n'avinRatai:
	iTu tuni kai ARA en, tuyar kUrac
	cuTum, iRai; ARRicin, aTi cErn'tu! cARRumin
80	mika ERRutum malar, UTTutum avi,
	kETTutum pANi; ezutum kiNai murukan
	tAL tozu taN paragkunRu!
	tOzi talaimakaLin kaRpuTaimai kURutal
	'teri izAy celka!' enRAy; ellA! yAm peRREm,
	oruvarkkum poyyA n'in vAy il cUL vauval;
85	paruvattup pal mAN n'I cERalin kANTai
	erumai irun' tOTTi eLLIyum kALai
	ceruvam ceyaRku ennai munnai, tan cenni,
	aruLvayinAn, tUgku maNi kaiyAl tAkki,
	n'iraivaLai ARRu, iruj cUL.
	talaimakaLiratu ceyti
90	vaLi poru cEN cimai varaiyakattAl
	taLi perukum taN cinaiya
	pozil koLak kuRaiyA malara,
	kuLir poykai aLaRu n'iRaiya,
	marutam n'aLi maNal jemarn'ta
95	n'ani malarp peru vazi,
	cIRaTiyavar cARu koLa ezun'tu;
	vERupaTu cAn'tamum, vIRupaTu pukaiyum,
	ARu cel vaLiyin aviyA viLakkamum,
	n'ARu kamaz vIyum, kURum icai muzavamum,
100	maNiyum, kayiRum, mayilum, kuTAriyum,
	piNimukam, uLappaTap piRavum, En'ti;
	aru varaic cErAt tozun'ar,
	'kanavin toTTatu kai pizaiyAkAtu
	n'anavin cEeppa n'in n'aLi punal vaiyai
105	varu punal aNika' ena varam koLvOrum,
	'karu vayiRu uRuka' enak kaTampaTuvOrum,
	'cey poruL vAykka' enac cevi cArttuvOrum,
	'ai amar aTuka' ena aruccippOrum,
	pATuvAr pANic cIrum, ATuvAr aragkat tALamum,
110	majcu ATu malai muzakkum,
	tujcAk kampalai
	paij cunaip pAay ezu pAvaiyar
	Ay itaz uNkaN alar mukat tAmarai,
	tAT tAmarai, tOT tamaniyak kaya malar,
115	em kaip patumam, kogkaik kaya mukai,
	cev vAy Ampal cel n'Irt tAmarai,
	punaR tAmaraiyoTu, pulam vERupATuRAk
	kUr eyiRRAr kuvimulaip pUNoTu,
	mAran oppAr mArpu aNi kalavi;
120	arivaiyar amirta pAnam
	urimai mAkkaL uvakai amirtu uyppa;
	main'tar mArvam vazi van'ta,
	cen' taLir mEniyAr, cellal tIrppa;
	paragkunRai vAzttal
	ena Agku,
125	uTam puNar kAtalarum allArum kUTi,
	kaTampu amar celvan kaTi n'akar pENa
	maRu miTaRRu aNNaRku mAcilOL tan'ta
	n'eRi n'Ir aruvi acumpu uRu celvam,
	maN pariya vAnam vaRappinum, mannukamA,
130	taN paragkunRam! n'inakku.

9. cevvEL

	murukavELai vAzttutal
	iru n'ilam tuLagkAmai vaTavayin n'ivan'tu Ogki,
	aru n'ilai uyar teyvattu aNagkucAl talai kAkkum,
	urumuc cUz cEN cimai uyarn'tavar uTampaTa
	eri malart tAmarai iRai vIztta peru vAri
5	viri caTaip poRai Uzttu, vizu n'ikar malar Eyppa,
	taNivuRat tAgkiya tani n'ilaic calatAri
	maNi miTaRRu aNNaRku, mati Aral piRan'tOy! n'I.
	mai iru n'URRu imai uNkaN mAn maRitOL maNan'ta jAnRu
	ai irun'URRu meyn' n'ayanattavan makaL malar uNkaN,
10	maNi mazai talaiiyena, mA vEnil kAr ERRu,
	taNi mazai talaiyinRu, taN paragkunRu.
	tamizatu ciRappiRkuk kAraNam
	n'AnmaRai virittu, n'al icai viLakkum
	vAymozip pulavIr! kENmin, ciRan'tatu:
	kAtaR kAmam, kAmattuc ciRan'tatu;
15	viruppOr ottu meyyuRu puNarcci:
	pulattalin ciRan'tatu, kaRpE; atu tAn
	irattalum Italum ivai uLLITAp
	parattai uLLatuvE: paNpuRu kazaRal,
	tOL putitu uNTa parattai il civappuRa
20	n'AL aNin'tu, uvakkum cuNagkaRaiyatuvE;
	kEL aNagkuRa manaik kiLan'tuLa, cuNagkaRai;
	cuNagkaRaip payanum UTal uLLatuvE.
	atanAl, akaRal aRiyA aNi izai n'allAr
	ikal talaikkoNTu tunikkum tavaRu ilar; it
25	taLLAp poruL iyalpin taN tamiz Ayvan'tilAr
	koLLAr, ik kunRu payan.
	vaLLiyum murukanum ciRan'tavARu
	Uz Arattu Oy karai n'Ukki, punal tan'ta
	kAz Arattu am pukai cuRRiya tAr mArpin,
	kEz Aram poRpa varuvAnait tozAa,
30	'vAziya, mAyA! n'in tavaRu ilai; em pOlum
	kEz ilAr mAN n'alam uNkO, tiru uTaiyAr
	men tOLmEl alki n'alkalum inRu?
	vai eyiRRu eyyA makaLir tiRam inip
	peyya uzakkum, mazaik kA; maRRu aiya!'
35	karaiyA ven' n'OkkattAn kai cuTTi, peNTin
	ikalin ikan'tALai, av vEL talaik kaNNi
	tirun'tu aTi tOyat tiRai koTuppAnai,
	'varun'tal' ena, avaRku mArpu aLippALai,
	'kuRukal' enRu oLLizai kOtai kOlAka
40	iRukiRuka yAttup puTaippa;
	oruvar mayil oruvar oN mayilOTu Ela,
	iruvar vAn kiLi ERpil mazalai,
	ceRi koNTaimEl vaNTu cenRu pAyn'tanRE,
	veRi koNTAn kunRattu vaNTu.
	vaLLiyin pAgkiyarum tEvacEnaiyin pAgkiyarum ikalutal
45	tAr tAr piNakkuvAr; kaNNi Occit taTumARuvAr;
	mArpu aNi kogkai vAr mattikaiyAp puTaippAr;
	kOtai varip pan'tu koNTu eRivAr
	pEtai maTa n'Okkam piRitAka, Uta
	n'uTagku n'oci n'ucuppAr n'Uzil talaikkoLLa:
50	kayampaTu kamaz cennik kaLiRRu iyal kaimmARuvAr;
	vayampaTu parip puravi mArkkam varuvAr;
	tEr aNi maNi kayiRu teripu varuvAr;
	vari cilai vaLaiya mArpu uRa vAgkuvAr;
	vALi vALikaL n'ilaipeRa maRaluvAr;
55	tOL vaLai Azi cuzaRRuvAr
	men cIr mayil iyalavar.
	vAL miku vaya moympin
	varai akalattavanai vAnavan makaL
	mAN ezil malar uNkaN
60	maTa moziyavar uTan cuRRi,
	kaTi cunaiyuL kuLittu ATun'arum,
	aRai aNin'ta aruj cunaiyAn
	n'aRavu uN vaNTAy n'arampu uLarn'arum,
	cikai mayilAyt tOkai virittu ATun'arum;
65	kOkulamAyk kUvun'arum,
	Akulam Akun'arum
	kuRijcik kunRavar maRam kezu vaLLi tamar
	vittakat tumpai viLaittalAn, ven vElARku
	ottanRu, taN paragkunRu.
	vAztti vENTal
70	kaTuj cUr mA mutal taTin'tu aRutta vEl
	aTum pOrALa! n'in kunRinmicai
	ATal n'avinROr avar pOr ceRuppavum,
	pATal payinROraip pANar ceRuppavum,
	vallArai vallAr ceRuppavum,
75	allArai allAr ceRuppavum, Or collAy,
	cemmaip putup punal
	taTAkam ERRa taN cunaip pAgkar,
	paTAkai n'inRanRu;
	mEe eHkinavai;
80	venRu uyartta koTi viRal cAnRavai;
	kaRpu iNai n'eRiyUTu aRpu iNaik kizamai
	n'ayat taku marapin viyat taku kumara!
	vAzttinEm, paravutum, tAzttut talai, n'inai yAm
	n'ayattalin ciRan'ta em aTiyuRai,
85	payattalin ciRakka, n'ALtoRum polin'tE.

14. cevvEL

	murukanatu kunRil kArkAlat tanmai mikutal
	kAr mali kataz peyal talaii, ERRa
	n'Ir mali n'iRai cunai pU malarn'tanavE;
	taN n'aRug kaTampin kamaz tAtu Utum
	vaNNa vaNTu imir kural paNNai pOnRanavE;
5	aTiyuRaimakaLir ATum tOLE,
	n'eTu varai aTukkattu vEy, pOnRanavE;
	vAkai oN pUp puraiyum mucciya
	tOkai Ar kural, maNan'tu taNan'tOrai,
	'n'ITanmin vArum' enpavar col pOnRanavE;
10	n'AL malark konRaiyum polan' tAr pOnRana;
	mel iNar vEgkai viyal aRait tAyina,
	azukai makaLirkku uzuvai ceppa;
	n'Ir ayal kalitta n'eri mukaik kAn'taL
	vAr kulai avizn'ta vaL itaz n'iraitoRum,
15	viTu koTip piRan'ta men takait tOnRip
	pavazattu anna cem pUt tAay,
	kAr malin'tanRu, n'in kunRu.
	murukanaip pukazn'tu pORRutal
	pOr malin'tu,
	cUr marugku aRutta cuTar paTaiyOyE!
20	kaRai il kAr mazai pogki anna
	n'aRaiyin n'aRum pukai n'ani amarn'tOyE!
	aRu mukattu ARu iru tOLAl venRi
	n'aRu malar vaLLip pU n'ayan'tOyE!
	kezIik kELir cuRRa, n'innai
25	ezIip pATum pATTu amarn'tOyE!
	piRan'ta jAnRE, n'innai uTkic
	ciRan'tOr ajciya cIr uTaiyOyE!
	iru piRappu, iru peyar, Ira n'ejcattu,
	oru peyar, an'taNar aRan amarn'tOyE!
	viNNappam
30	annai Akalin, amarn'tu yAm n'innai,
	tunnit tunni, vazipaTuvatan payam
	innum innum avai Akuka
	ton mutir marapin n'in pukazinum palavE!

17. cevvEL

	mAlaitORum paragkunRaip paravi uRaipavar
	tEm paTu malar, kuzai, pUn' tukil, vaTi maNi,
	En'tu ilai cuman'tu; cAn'tam viraii,
	viTai arai acaitta, vElan, kaTimaram
	paravinar uraiyoTu paNNiya icaiyinar,
5	virimalar matuvin maram n'anai kunRattu
	kOl eri, koLai, n'aRai, pukai, koTi, orugku eza
	mAlai mAlai, aTi uRai, iyain'ar,
	mElOr uRaiyuLum vENTun'ar yAar?
	mARumARu ezum palvERu OcaikaLai uTaiyatu paragkunRam
	orutiRam, pANar yAzin tIg kural eza,
10	orutiRam, yANar vaNTin imir icai eza,
	orutiRam, kaN Ar kuzalin karaipu eza,
	orutiRam, paN Ar tumpi paran'tu icai Uta,
	orutiRam, maN Ar muzavin icai eza,
	orutiRam, aNNal n'eTu varai aruvi n'Ir tatumpa,
15	orutiRam, pATal n'al viRaliyar olkupu n'uTagka,
	orutiRam, vATai uLarvayin pUg koTi n'uTagka,
	orutiRam, pATini muralum pAlai am kuralin
	n'ITukiLar kizamai n'iRai kuRai tOnRa,
	orutiRam, ATu cIr majjai ari kural tOnRa,
20	mARumARu uRRana pOl mARu etir kOTal
	mARu aTTAn kunRam uTaittu.
	paragkunRiRkum kUTalukkum iTaippaTTa n'ilam
	pATal cAnRu pal pukaz muRRiya
	kUTaloTu paragkunRin iTai,
	kamaz n'aRuj cAn'tin avaravar tiLaippa,
25	n'aNin'aNittu Ayinum, cEeyc cEyttu;
	makiz miku tEem kOtaiyar kUn'tal kujciyin
	cOrn'tu aviz itazin iyagkum ARu inRu.
	vacai n'Igkiya vAymaiyAl, vELviyAl,
	ticai n'ARiya kunRu amarn'tu, ANTuANTu
30	Avi uNNum akil kezu kamaz pukai
	vAyvAy mI pOy, umpar imaipu iRappa;
	tEyA maNTilam kANumARu inRu.
	paragkunRin alagkAram
	vaLai mun kai vaNagku iRaiyAr,
	aNai men tOL acaipu ottAr
35	tAr mArpin takai iyalAr,
	Ira mAlai iyal aNiyAr,
	manam makiz tUgkun'ar pAypu uTan ATa,
	cunai malart tAtu Utum vaNTu Utal eytA:
	anaiya, paragkunRin aNi.
	teyva vizavum virun'tayarvum
40	kIzOr vayal parakkum, vAr veL aruvi paran'tu AnAtu
	arO;mElOr iyagkutalAl, vIz maNi n'Ilam ceRu
	uzakkum arO;teyva vizavum, tirun'tu virun'tu ayarvum,
	av veL aruvi aNi parag kunRiRkum,
	toyyA vizuc cIr vaLam kezu vaiyaikkum,
45	koy uLai mAn tErk koTit tErAn kUTaRkum,
	kai Uz taTumARRam n'anRu.
	murukanai etir mukamAkki vAzttutal
	ena Agku,
	maNi n'iRa majjai Ogkiya puT koTi,
	piNimukam Urn'ta vel pOr, iRaiva!
50	paNi orIi, n'in pukaz Etti,
	aNi n'eTug kunRam pATutum; tozutum;
	avai yAmum em cuRRamum paravutum
	Ema vaikal peRuka, yAm enavE.

18. cevvEL

	imayattoTu n'ikarkkum kunRu
	pOr etirn'tu ERRAr matukai matam tapa,
	kAr etirn'tu ERRa kamaj cUl ezilipOl,
	n'Ir n'iran'tu ERRa n'ilam tAgku azuvattu,
	cUr, n'iran'tu cuRRiya, mA taputta vElOy! n'in
5	cIr n'iran'tu En'tiya kunRoTu n'Er n'iran'tu,
	ERumARu ERkum ik kunRu.
	talaimakan UTal uNarppikkum tiRam
	oL oLi maNip poRi Al majjai n'Okkit tan
	uLLattu n'inaippAnaik kaNTanaL, tiru n'utalum:
	'uLLiyatu uNarn'tEn; aHtu urai; ini, n'I emmai
10	eLLutal maRaittal Ompu' enpALaip peyarttu,
	avan 'kAtalAy! n'in iyal kaLavu eNNik kaLi makiz
	pEtuRRa itanaik kaNTu, yAn n'Okka, n'I emmai
	EtilA n'Okkuti' enRu, Agku uNarppittal
	Ay tErAn kunRa iyalpu.
	pANanukkut talaimakanatu parattaimai paRRik kURum talaimakaLin kURRu
15	ai vaLam pUtta aNi tikaz kunRinmEl,
	mai vaLam pUtta malar Er mazaik kaNNAr,
	kai vaLam pUtta vaTuvoTu, kANAy n'I?
	moy vaLam pUtta muyakkam, yAm kaippaTuttEm:
	mey vaLam pUtta vizai taku pon aNi
20	n'ai vaLam pUtta n'arampu iyai cIrp poy vaLama
	pUttana pANA! n'in pATTu.
	paragkunRattiluLLa ampalam
	taN taLir tarup paTuttu, eTuttu uraii,
	magkul mazai muzagkiya viRal varaiyAl,
	kaN porupu cuTarn'tu, aTarn'tu, iTan'tu,
25	iruL pOzum koTi minnAl
	veN cuTar vEl vEL! virai mayil mEl jAyiRu! n'in
	oN cuTar OTaik kaLiRu Eykkum n'in kunRattu,
	ezutu ezil ampalam kAmavEL ampin
	tozil vIRRirun'ta n'akar.
	kunRattuk kATcikaL
30	Ar tatumpum ayil ampu n'iRai n'Azi
	cUr tatumpu varaiya kAvAl,
	kAr tatumpu n'Ir tatumpuvana cunai,
	Er tatumpuvana pU aNi ceRivu.
	pOr tORRuk kaTTuNTAr kai pOlva kAr tORRum
35	kAn'taL, ceRin'ta kavin,
	kavin mukai, kaTTu avizppa, tumpi; kaTTu yAzin
	puri n'ekizppAr pOnRana kai.
	accirakkAl Arttu aNi mazai kOlinRE,
	vaccirattAn vAna villu.
	kunRattin ciRappu
40	villuc cori pakaziyin men malar tAyina
	vallup pOr vallAy! malaimEl maram.
	vaTTu uruTTu vallAy! malaiya n'eTTuruTTuc
	cIr tatumpum aravamuTan ciRan'tu,
	pOr tatumpum aravam pOla,
45	karuvi Arppa, karuvi n'inRana kunRam.
	aruvi Arppa, muttu aNin'tana, varai;
	kuruvi Arppa, kural kuvin'tana, tinai;
	eruvai kOppa, ezil aNi tiruvil
	vAnil aNitta, vari Utum pal malarAl,
50	kUni vaLaitta cunai.
	murukavELai vAzttutal
	puri uRu n'arampum iyalum puNarn'tu,
	curutiyum pUvum cuTarum kUTi,
	eri uruku akilOTu Aramum kamazum,
	ceru vER tAnaic celva! n'in aTi uRai,
55	uritinin uRai patic cErn'tAgku,
	piriyAtu irukka em cuRRamOTu uTanE!

19. cevvEL

	vaLLiyai murukan vatuvai koNTatu
	n'ila varai azuvattAn vAn uRai pukal tan'tu,
	pula varai aRiyAta pukaz pUtta kaTampu amarn'tu,
	'aru muni marapin AnRavar n'ukarcci man
	iru n'ilattOrum iyaika!' ena, Itta n'in
5	taN paragkunRattu, iyal aNi, n'in marugku
	cARu koL tuRakkattavaLoTu
	mARu koLvatu pOlum, mayiRkoTi vatuvai.
	kUTalAr paragkunRai n'Okki viTiyalil yAttirai ceykinRa vazi
	pulattinum pOrinum pOr tOlAk kUTal,
	kalappOTu iyain'ta iravut tIr ellai,
10	aRam peritu ARRi, atan payan koNmAr,
	ciRan'tOr ulakam paTarun'ar pOla,
	uri mAN punai kalam oN tukil tAgki,
	puri mAN puraviyar, pOkku amai tErar,
	teri malart tArar, teru iruL cIppa, n'in
15	kunRoTu kUTal iTaiyellAm onRupu
	n'Er pU n'iRai peytu iru n'ilam pUTTiya
	tAr pOlum, mAlait talai n'iRaiyAl taN maNal
	Ar vElai yAttirai cel yARu.
	pANTiyan tan parivAragkaLuTan paragkunRai valam varum kATci
	cuTaroTu cUzvaru tArakai mErup
20	puTai varu cUzal pulam mAN vazuti
	maTa mayil Orum manaiyavarOTum,
	kaTan aRi kAriyak kaNNavarOTum n'in
	cUr uRai kunRin taTa varai ERi mEl
	pATu valam tiri paNpin paza matic
25	cUTi acaiyum cuvalmicait tAnaiyin,
	pATiya n'Avin, paran'ta uvakaiyin,
	n'ATum n'akarum aTaiya aTain'tanaittE,
	paTu maNi yAnai n'eTiyAy! n'I mEya
	kaTi n'akar cUz n'uvalugkAl.
	kunRin kIzuLLa iTai n'ilam pAcaRaiyai ottu viLagkiyamai
30	tumpi toTar katuppa tumpi toTar ATTi,
	vampu aNi pUg kayiRRu vAgki, maran acaippAr
	vaN tArp puravi vazi n'Igka vAgkuvAr;
	tiN tEr vaziyin cela n'iRuppAr kaNTak
	karumpu kavazam maTuppAr; n'iran'tu
35	pari n'imir tAnaiyAn pAcaRai n'IrttE,
	kuruku eRi vElOy! n'in kunRak kIz n'inRa
	iTai n'ilam: yAm Ettum ARu!
	malaic ciRappu vazutiyuTan ERiyOr kaNTavai
	kuragku arun'tu paNNiyam koTuppOrum,
	karumpu karumukak kaNakku aLippOrum,
40	teyvap piramam ceykuvOrum,
	kai vaittu imirpu kuzal kANkuvOrum,
	yAzin iLi kural camam koLvOrum,
	vELviyin azaku iyal viLampuvOrum;
	kUra n'AN kural kommena olippa,
45	Uz uRa muracin oli ceyvOrum;
	enRUz uRa varum iru cuTar n'Emi
	onRiya cuTarn'ilai uLpaTuvOrum,
	'irati kAman, ivaL ivan' enAa,
	virakiyar vinava, vinA iRuppOrum;
50	'in'tiran, pUcai: ivaL akalikai; ivan
	cenRa kavutaman; cinan uRak kal uru
	onRiya paTi itu' enRu uraiceyvOrum:
	inna palapala ezuttu n'ilai maNTapam,
	tunnun'ar cuTTavum, cuTTu aRivuRuttavum,
55	n'Er varai viri aRai viyal iTattu izaikkac
	cOpana n'ilaiyatu tuNi paragkunRattu
	mAal marukan mATa marugku.
	kunRil cuRRattArai viTTup pirin'ta ciRumi
	piRan'ta tamarin peyarn'tu, oru pEtai,
	piRagkal iTaiiTaip pukkup piRazn'tu, 'yAn
60	van'ta n'eRiyum maRan'tEn; ciRan'tavar
	Ee, Oo!' ena viLi ERpikka,
	'Ee, Oo!' enRu ElA av viLi
	av icai muzai ERRu azaippa, azaittuzic
	celkuvaL Agkut tamark kANAmai
65	mITciyum, kUuk kUu mEvum maTamaittE
	vAzttu uvappAn kunRin vakai.
	iLa makaLirin maruTci
	n'ani n'uni n'ayavaru cAyppin n'ARu iNarc
	cinai pOz pallavam tIm cunai utirppa,
	utirtta cunaiyin eTutta talaiya
70	alar mukiz uRa, avai kiTappa,
	'teri malar, n'anai, uRuva,
	ain' talai avir poRi aravam; mUtta
	main'tan; aruku onRu maRRu iLam pArppu' ena
	Agku iLa makaLir maruLa
	kunRam viTiyal vAnam pOlap polital pAgkar,
75	pacumpiTi iLa mukiz, n'ekizn'ta vAy Ampal,
	kaipOl pUtta kamaz kulaik kAn'taL,
	eruvai n'aRun' tOTu, eri iNar vEgkai,
	uruvam miku tOnRi, Uz iNar n'aRavam,
	paruvam il kOgkam, pakai malar ilavam;
80	n'iNan'tavai, kOttavai, n'eytavai, tUkka
	maNan'tavai, pOla, varai malai ellAm
	n'iRain'tum, uRazn'tum, n'imirn'tum, toTarn'tum;
	viTiyal viyal vAnam pOlap poliyum
	n'eTiyAy! n'in kunRinmicai.
	kannimai kanin'tArum maNamAna makaLirum tAm ceyyum pUcaiyil yAnaiyin miccilai uNNutal
85	n'ina yAnaic cenni n'iRam kugkumattAl
	punaiyA, pU n'Ir UTTi, punai kavari cArttA,
	poR pavazap pUg kAmpin poRkuTai ERRi,
	malivuTai uLLattAn van'tu cey vELviyuL,
	pal maNam mannu pin irug kUn'talar,
90	kannimai kanin'ta kAlattAr, n'in
	koTi ERRu vAraNam koL kavaza miccil
	maRu aRRa main'tar tOL eytAr; maNan'tAr
	muRuval talaiyaLi eytAr n'in kunRam
	kuRukic ciRappu uNAkkAl.
	murukap perumAnai vAzttutal
95	kuRap piNAk koTiyaik kUTiyOy! vAzttuc
	ciRappu uNAk kETTi cevi.
	uTaiyum oliyalum ceyyai; maRRu AgkE
	paTaiyum pavazak koTi n'iRam koLLum;
	uruvum uruvat tI otti; mukanum
100	viri katir muRRA viri cuTar otti;
	evvattu ovvA mA mutal taTin'tu,
	tevvuk kunRattut tirun'tu vEl azutti,
	av varai uTaittOy! n'I iv varai marugkil
	kaTampu amar aNi n'ilai pakarn'tEm;
105	uTagku amar AyamoTu Ettinam, tozutE!

21. cevvEL

	paragkunRattup perumAnaip paravutal
	Urn'tatai eri purai OTai iTai imaikkum cenni,
	poru camam kaTan'ta pukaz cAl, vEzam.
	toTTatai taippu amai carumattin, tAL iyai tAmarai
	tuppu amai tuvar n'Irt tuRai maRai azuttiya,
5	verin'at tOloTu, muzu mayir miTain'ta,
	vari mali ara uri vaLpu kaNTanna,
	puri men pIlip pOz punai aTaiyal.
	kaiyatai koLLAt tevvar koL mA mutal taTin'tu,
	puLLoTu peyariya poruppup puTai tiRan'ta vEl;
10	pUNTatai curuLuTai vaLLi iTai iTupu izaitta
	uruL iNark kaTampin onRupaTu kamaz tAr.
	amarn'tatai puraiyOr n'Avil pukaz n'alam muRRi,
	n'irai Ez aTukkiya n'IL ilaip pAlai
	arai varai mEkalai, aNi n'Irc cUzi,
15	tarai vicumpu ukan'ta taN paragkunRam.
	'kunRattu aTi uRai iyaika!' enap paravutum
	venRik koTi aNi celva! n'iR tozutu.
	paragkunRinmEl Oviyattin azaku pOnRa kATcikaL
	cuTu pon jekizattu muttu ari cenRu Arppa,
	tuTiyin aTi peyarttu, tOL acaittut tUkki,
20	aTu n'aRA makiz taTpa ATuvAL takaimaiyin,
	n'unai ilagku eHkenac civan'ta n'OkkamoTu
	tuNai aNai kELvanait tunippavaL n'ilaiyum;
	n'izal kAN maNTilam n'Okki,
	azal punai avir izai tiruttuvAL kuRippum;
25	potirtta mulaiyiTaip pUcic can'tanam
	utirttu, pin uRa UTTuvAL viruppum;
	pal Uz ivai ivai n'inaippin, vallOn
	Ovattu ezutu ezil pOlum mA taTin'
	tiTTOy! n'in kunRinmicai.
	kunRattil vERupaTTa pala olikaL orugku icaittal
30	micai paTu cAn'tARRi pOla, ezili
	icai paTu pakkam, iru pAlum kOli,
	viTu poRi majjai peyarpu uTan ATa;
	viral ceRi tUmpin viTu tuLaikku ERpa,
	mural kuraR tumpi aviz malar Uta;
35	yANar vaNTinam yAz icai piRakka;
	pANi muzavu icai aruvi n'Ir tatumpa;
	orugku paran'tavai ellAm olikkum
	iragku muracinAn kunRu.
	cunai n'Iril pAyn'tu ATiya kAtalar
	tAz n'Ir imiz cunai n'AppaN kuLittu, avaN
40	mI n'Ir n'ivan'ta viRalizai, 'kELvanai
	vEy n'Ir azun'tu tan kaiyin viTuka' ena,
	pU n'Ir pey vaTTam eRiya, puNai peRAtu
	aru n'ilai n'Irin avaL tuyar kaNTu,
	kozun'an makiz tUgki, koy pUm punal vIzn'tu,
45	tazuvum takai vakaittu taN paragkunRu.
	kunRattil palavakai maNattuTan varum kARRukaL
	vaNTu Ar piRagkal main'tar n'Iviya
	taN kamaz cAn'tam taiiya vaLiyum,
	kayal purai kaNNiyar kamaz tukaL utirtta
	puyal purai katuppakam uLariya vaLiyum,
50	uruL iNark kaTampin n'eTuvETku eTutta
	muruku kamaz pukai n'uzain'ta vaLiyum,
	acumpum aruvi aru viTarp paran'ta
	pacum pUN cEey! n'in kunRam n'anku uTaittu.
	cIrkku icaiya ATupavaLatu mEniyazakum kaNNazakum
	kaN oLir tikaz aTar, iTucuTar paTar koTi minnup pOl
55	oN n'akai takai vakai n'eRipeRa iTaiiTai izaittu yAtta
	ceNNikaik kOtai katuppOTu iyala,
	maNi maruL tEn makiz taTpa, olkip
	piNi n'ekizap pain' tukil, n'Okkam civappu Ura,
	pUg koTi pOla n'uTagkuvAL, Agkut tan
60	cIrtaku kELvan uruTTum tuTic cIrAn,
	kOTu aNin'ta muttu Aram olka ocipavaL Er
	ATai acaiya, aNi acaiya, tAn acaiyum
	vATai uLar kompar pOnm.
	vALi puraLpavai pOlum, tuTic cIrkkut
65	tOL Uz peyarppavaL kaN.
	murukavELai vAzttutal
	mARu amar aTTavai maRa vEl peyarppavai;
	ARu iru tOLavai; aRu mukam virittavai;
	n'anRu amar AyamOTu orugku, 'n'in aTi uRai
	inRu pOl iyaika!' enap paravutum
70	onRArt tEytta celva! n'iR tozutE.