ti 1. tirumAl

	irun'taiyUr amarn'ta iRaivanatu aTi paravutal
	vAn Ar ezili mazai vaLam n'an'ta,
	tEn Ar cimaiya malaiyin izitan'tu,
	n'An mATak kUTal etirkoLLa, AnA
	marun'tu Akum tIm n'Ir mali tuRai mEya
5	irun'taiyUr amarn'ta celva! n'in
	tirun'tuaTi talai uRap paravutum, tozutu.
	irun'taiyUrin ciRappukaL
	orucAr-aNi malar vEgkai, marAa, makizam,
	piNi n'ekiz piNTi, n'ivan'tu cErpu Ogki,
	maNi n'iRam koNTa malai.
10	orucAr-taN n'aRun' tAmaraip pUvin iTaiiTai
	vaNNa vari itazp pOtinvAy vaNTu Arppa,
	viN vIRRirukkum kaya mIn viri takaiyin
	kaN vIRRirukkum kayam.
	orucAr-cARukoL Otattu icaiyoTu mARu uRRu
15	uzavin Otai payinRu, aRivu izan'tu
	tirin'arum, Arttu n'aTun'arum, INTi,
	tiru n'ayattakka vayal.
	orucAr-aRattoTu vEtam puNar tavam muRRi,
	viRal pukaz n'iRpa, viLagkiya kELvit
20	tiRattin tirivu illA an'taNar INTi,
	aRattin tiriyA, pati.
	Agku orucAr-uNNuva, pUcuva, pUNpa, uTuppavai,
	maNNuva, maNi pon malaiya, kaTala,
	paNNiyam, mAcu aRu payam taru kArukap
25	puNNiya vaNikar punai maRuku orucAr:
	viLaivatai vinai evan men pula van pulak
	kaLamar uzavar kaTi maRuku piRacAr:
	Agka anaiyavai n'alla n'ani kUTum inpam
	iyal koLa n'aNNiyavai.
30	vaNTu porErena eza,
	vaNTu porErena ezum;
	kaTip puku vErik katavamiR ROTTi,
	kaTippu iku kAtil kanam kuzai toTara-
	miLir min vAyn'ta viLagku oLi n'utalAr
35	Ur kaLiRRanna cemmalOrum,
	vAy iruL paniccai vari cilai puruvattu
	oLi izai otugkiya oN n'utalOrum,
	pulattOTu aLaviya pukaz aNin'tOrum,
	n'alattOTu aLaviya n'AN aNin'tOrum,
40	viTaiyOTu ikaliya viRal n'aTaiyOrum,
	n'aTai maTam mEviya n'AN aNin'tOrum,
	kaTal n'irai tiraiyin karu n'araiyOrum,
	cuTar matik katirenat tU n'araiyOrum-
	maTaiyar, kuTaiyar, pukaiyar, pU En'ti,
45	iTai ozivu inRi, aTiyuRaiyAr INTi,
	viLain'tAr vinaiyin vizup payan tuykkum
	tuLagkA vizuc cIrt tuRakkam puraiyum-
	iru kEz utti aNin'ta eruttin
	varai kezu celvan n'akar.
50	vaNToTu tumpiyum vaN toTai yAz Arppa,
	viNTa kaTa kari mEkamoTu atira,
	taNTA aruviyoTu iru muzavu Arppa,
	ari uNTa kaNNAroTu ATavar kUTip
	purivuNTa pATaloTu ATalum tOnRa,
55	cUTu n'aRavoTu tAmam mukiz viriya,
	cUTA n'aRavoTu kAmam virumpa,
	inaiya piRavum, ivai pOlvanavum,
	anaiyavai ellAm iyaiyum-punai izaip
	pU muTi n'Akar n'akar.
60	maNi maruL takai vakai n'eRi ceRi oli poli
	avir n'imir pukaz kUn'tal,
	piNi n'ekiz tuLaiyinai teLi oLi tikaz jekiz teri ari
	matu makizpu ari malar makiz uNkaN, vANutalOr-
	maNi mayil tozil ezil ikal mali tikaz piRitu
65	ikaz kaTug kaTAk kaLiRRu aNNalavarOTu,
	aNi mika van'tu iRaijca, al ikappa, piNi n'Igka,
	n'allavai ellAm iyaitarum-tol cIr
	varai vAy tazuviya kal cEr kiTakkaik
	kuLavAy amarn'tAn n'akar.
70	tikaz oLi mun'n'Ir kaTain'ta ak kAl, veRput
	tikazpu eza vAgkit tam cIrc cirattu ERRi,
	makara maRi kaTal vaittu n'iRuttu,
	pukazcAl ciRappin iru tiRattOrkkum
	amutu kaTaiya, iru vayin n'AN Aki,
75	mikAa iru vaTam AziyAn vAgka,
	ukAa valiyin oru tOzam kAlam
	aRAatu aNin'tArum tAm;
	mikAa maRaliya mE vali ellAm
	pukAa, etir pUNTArum tAm;
80	maNi purai mA malai jARiya jAlam
	aNipOl poRuttArum tAam; paNivu il cIrc
	cel viTaip pAkan tiripuram ceRRuzi,
	kal uyar cenni imaya vil n'AN Akit
	tol pukaz tan'tArum tAm.
85	aNagkuTai arun' talai Ayiram viritta
	kaNagkoL cuRRattu aNNalai vaNagki,
	n'al aTi Etti n'iR paravutum-
	ellEm piriyaRka em cuRRamoTu orugkE.