mai aRa viLagkiya maNi maruL av vAy tan

mey peRA mazalaiyin viLagku pUN n'anaittara,

polam piRaiyuL tAzn'ta punai vinai uruL kalan,

n'alam peRu kamaz cenni, n'akaiyoTu tuyalvara,

5

uru ejcAtu iTai kATTum uTai kazal am tukil

ari poli kiNkiNi Arppu OvA aTi taTpa,

pAlOTu alarn'ta mulai maRan'tu, muRRattuk

kAl val tEr kaiyin iyakki, n'aTai payiRRA,

Al amar celvan aNi cAl peru viRal

10

pOla, varum en uyir!

peruma! virun'toTu kaitUvA emmaiyum uLLAy,

perun' teruvil koNTATi jAyar payiRRa,

tirun'tupu n'I kaRRa coRkaL yAm kETpa,

marun'tu OvA n'ejciRku amiztam ayinRaRRA,

15

perun'takAy! kURu, cila

ellizAy! cEy n'inRu n'Am koNarn'ta pANan citain'tu, AgkE

vAy OTi, 'EnAtippATiyam' enRaRRA,

'n'Oy n'Am taNikkum marun'tu' enap pArATTa,

OvAtu aTuttu aTuttu, 'attattA!' enpAn mANa

20

vEy men tOL vEyttiRam cErttalum, maRRu, ivan

vAyuLLin pOkAn arO

uLLi uzaiyE orugku paTai viTak

kaLLar paTartan'tatu pOla, tAm emmai

eLLumAr van'tArE, Igku

25

EtappATu eNNi, puricai viyal uLLOr

kaLvaraik kANAtu, 'kaNTEm' enpAr pOla,

cEy n'inRu, ceyyAta collic cinaval; n'in

ANai kaTakkiRpAr yAr?

atirvu il paTiRu erukki, van'tu en makanmEl,

30

mutir pUN mulai poruta EtilAL mucci

utir tukaL ukka n'in ATai olippa

etir vaLi n'inRAy; n'I cel

ini, 'ellA! yAm tItilEm' enRu teLippavum, kain'n'Ivi

yAtonRum emkaN maRuttaravu illAyin,

35

mEtakka en'tai peyaranai yAm koLvEm,

tAvA viruppoTu kanRu yAttuzic cellum

A pOl paTar taka, n'Am

jAlam vaRam tIrap peyya, kuNakku Erpu,

kAlattil tOnRiya koNmUp pOl, em mulai

pAloTu vIgkat tava n'eTitAyinai;

puttELir kOTTam valam ceytu ivanoTu

5

pukka vazi ellAm kURu

kURuvEn; mEyAyE pOla vinavi, vazimuRaik

kAyAmai vENTuval, yAn

kAyEm.

tOzi kURRum, talaivi putalvanaik kaTitalum

10

maTak kuRu mAkkaLOTu Orai ayarum

aTakkam il pOztinkaN, tan'tai kAmuRRa

toTakkattut tAyuzaip pukkARku, avaLum

maruppup pUN kaiyuRaiyAka aNin'tu,

'perumAn, n'akaimukam kATTu!' enpAL kaNNIr

15

cori muttam kAz cOrva pOnRana; maRRum,

vazimuRait tAyuzaip pukkARku, avaLum

mayagku n'Oy tAgki, makan etir van'tu,

muyagkinaL muttinaL n'Okki, n'inain'tE,

'n'inakku yAm yArEm Akutum?' enRu,

20

vanappu uRak koLvana n'ATi aNin'tanaL,

AgkE, 'ari matar uNkaN pacappa n'Oy ceyyum

perumAn parattaimai ovvAti' enRAL;

avaTku initAki viTuttanan pOkit

talaik koNTu n'ammoTu kAyum maRRu Itu Or

25

pulat takaip puttEL il pukkAn alaikku oru

kOl tA; n'inakku avaL yAr Akum? ellA!

varun'ti yAm n'Oy kUra, n'un'taiyai enRum

parun'tu eRin'taRRAkak koLLum; koNTAgkE,

toTiyum ukirum paTaiyAka n'un'tai

30

kaTiyuTai mArpin ciRu kaNNum uTkAL,

vaTuvum kuRittAgkE ceyyum. viTu, ini;

anna piRavum, perumAn avaLvayin

tunnutal Ompi, tiRavatu il munni, n'I

aiyam illAtavar il oziya, em pOlak

35

kaiyARu uTaiyavar il allAl cellal;

amain'tatu, ini n'in tozil

perun' tiru n'ilaiiya vIgku cORRu akal manai,

porun'tu n'On katavu oRRip pulampi yAm ulamara,

iLaiyavar tazUu ATum ekkar vAy viyan teruvin

viLaiyATTikkoNTu varaRku enac cenRAy,

5

uLaivu ilai; UTTalen tIm pAl perukum aLavellAm

n'ITTitta kAraNam en?

kETTI

peru maTaR peNNaip piNart tOTTup paig kurumpaik

kuTa vAyk koTip pinnal vAgki, taLarum

10

peru maNit tiN tErk kuRumakkaL n'AppaN,

akal n'akar mILtaruvAnAka, puri jekizpu

n'Ila n'iraip pOtu uRu kARku ulaivana pOl,

cAlakattu olkiya kaNNar, 'uyar cIrtti

Al amar celvan aNi cAl makan vizAk

15

kAlkOL' enRu Ukki, katumena n'Okki,

tirun'tuaTi n'Upuram Arppa iyali, viruppinAl,

'kaNNum, n'utalum, kavuLum, kavaviyArkku

oNmai etiriya am kaiyum, taN enac

ceyvana ciRappin ciRappuc ceytu, iv irA

20

emmoTu cErn'tu cenRIvAyAl; cemmAl!

n'alam putitu uNTu uLLA n'ANili ceyta

pulampu elAm tIrkkuvEm man' enRu iragkupu,

vERRu AnAt tAyar etirkoLLa, mARRAta

kaLvanAl tagkiyatu allAl, katiyAti,

25

oLLizAy! yAn tItu ilEn

eLLalAn, am men paNait tOL n'umar vEyn'ta kaNNiyOTu

em il varutiyO? ellA! n'I tan meykkaN

am tIm col n'allAr aNin'ta kalam kATTi,

mun'tai irun'tu makan ceyta n'Oyttalai

30

ven'ta puN vEl eRin'taRRAl, vaTuvoTu

tan'taiyum van'tu n'ilai

uRu vaLi tUkkum uyar cinai mAvin

n'aRu vaTi Ar iRRavai pOl aziya,

karan'tu yAn arakkavum, kai n'illA vIgkic

curan'ta en mel mulaip pAl pazutAka n'I

5

n'al vAyil pOttan'ta pozutinAn, 'ellA!

kaTavuT kaTi n'akartORum ivanai

valam koLIi vA' ena, cenRAy vilagkinai

Iram ilAta ivan tan'tai peNTiruL

yAr il tavirn'tanai? kURu

10

n'IruL aTai maRai Ay itazp pOtupOl koNTa

kuTain'izal tOnRum n'in cemmalaik kANUu,

'ivan manRa yAn n'Ova uLLam koNTu, uLLA

makan allAn peRRa makan' enRu akaln'akar

vAyil varai iRan'tu pOttan'tu, tAyar

15

teruvil tavirppat tavirn'tanan; maRRu, avar

tamtam kalagkaLuL, 'kaiyuRai' enRu ivaRku,

ottavai ArAyn'tu, aNin'tAr 'piRan peNTir

Ittavai koLvAnAm, iHtu ottan; cIttai,

ceRu takkAn manRa peritu'

20

ciRu paTTi; EtilAr kai, emmai eLLupu n'I toTTa,

mOtiram yAvO? yAm kANku

avaRRuL n'aRA itaz kaNTanna cev viraRku ERpac

cuRA ERu ezutiya mOtiram toTTAL

kuRi aRin'tEn; 'kAman koTi ezuti, enRum

25

ceRiyAp parattai ivan tan'tai mArpil

poRi oRRikkoNTu ALval' enpatu tannai

aRIiya ceyta vinai

annaiyO? iHtu onRu

mun'taiya kaNTum, ezukallAta en munnar,

30

ven'ta puN vEl eRin'taRRA, iHtu onRu

tan'tai iRait toTi maRRu ivan tan kaikkaN

tan'tAr yAr, ellAa! itu?

'iHtu onRu en ottuk kANka, piRarum ivaRku' ennum

tan n'alam pATuvi, tan'tALA n'innai,

35

'itu toTuka' enRavar yAr

ajcAti; n'Iyum tavaRilai; n'in kai itu tan'ta

pU ezil uNkaN avaLum tavaRilaL;

vEniR punal anna n'un'taiyai n'OvAr yAr?

mEl n'inRum eLLi, itu ivan kait tan'tAL

40

tAn yArO? enRu vinaviya n'OyppAlEn

yAnE tavaRuTaiyEn!

kAlavai, cuTu pon vaLaiiya Ir amai cuRRoTu

poTi azaR puRam tan'ta ceyvuRu kiNkiNi

uTuttavai, kaivinaip polin'ta kAcu amai polg kAz; mEl

mai il cen' tukirk kOvai; avaRRin mEl

5

taiiya, pUn' tukil, aitu kazal oru tirai

kaiyatai, alavan kaN peRa aTagkac cuRRiya

pala uRu kaNNuL cila kOl avir toTi

pUNTavai, eRiyA vALum eRRA mazuvum

ceRiyak kaTTi, Ir iTait tAzn'ta,

10

pey pula mUtAyp pukar n'iRat tukirin

mai aRa viLagkiya An ERRu avir pUN

cUTina, irug kaTal muttamum, pal maNi, piRavum, Agku

orugku uTan kOtta uruL amai muk kAz; mEl

curumpu Ar kaNNikkuc cUz n'UlAka,

15

arumpu aviz n'Ilattu Ay itaz n'ANa,

curumpu ARRuppaTutta maNi maruL mAlai

Agka avvum piRavum aNikku aNiyAka, n'in

celvu uRu tiN tErk koTuj cinaik kaippaRRip

paipayat tUgkum n'in mel viraR cIRaTi

20

n'Otalum uNTu; Igku en kai van'tI,

cemmAl! n'in pAl uNNiya

poy pOrttup pAN talai iTTa pala val pulaiyanait

tUNTilA viTTut tuTakki, tAn vENTiyAr

n'ejcam piNittal tozilAt tiritarum

25

n'un'taipAl uNTi, cila

n'un'tai vAy mAyac cUL tERi, mayagku n'Oy kaimika,

pU ezil uNkaN pani parappa, kaN paTA

jAyarpAl uNTi, cila

annaiyO! yAm em makanaip pArATTa, katumenat

30

tAm van'tAr, tam pAlavarOTu; tammai

varuka enRAr, yArkolO, Igku?

en pAl al pArATTu uvan'tOy! kuTi; uNTIttai; en

pArATTaippAlO cila

ceruk kuRittArai uvakaik kUttATTum

35

varicaip perum pATToTu ellAm parukIttai

taNTuven jAyar mATTaip pAl