106.kAtalaruTan Aycciyar kuravai ATutal

	ERu kOTal
	kazuvoTu cuTu paTai curukkiya tORkaN,
	imiz icai maNTai uRiyoTu, tUkki,
	ozukiya konRait tIm kuzal muraRciyar,
	vazUuc coR kOvalar, tattam ina n'irai
5	pozutoTu tOnRiya kAr n'anai viyan pulattAr
	avvazi,
	n'IRu eTuppavai, n'ilam cATupavai,
	mARu ERRuc cilaippavai, maNTip pAypavaiyAy
	tuLagku imil n'al ERRinam pala kaLam pukum
10	maLLar vanappu ottana
	tAkkupu tammuL peyarttu oRRi, ev vAyum,
	vai vAy maruppinAn mARAtu kuttalin,
	mey vAr kurutiya, ERu ellAm pey kAlaik
	koNTal n'irai ottana
15	av ERRai,
	pirivu koNTu, iTaip pOkki, inattOTu punattu ERRi,
	iru tiRanA n'Ikkum potuvar
	uru kezu mA n'ilam iyaRRuvAn,
	viri tirai n'IkkuvAn, viyan kuRippu ottanar
20	avarai, kazala uzakki, etir cenRu cATi,
	azal vAy maruppinAl kutti, uzalai
	marattaip pOl toTTana ERu
	toTTa tam, puN vAr kurutiyAl kai picain'tu, mey timiri,
	tagkAr potuvar kaTaluL paratavar
25	ampi Urn'tAgku, Urn'tAr, ERu
	ERu tam, kOlam cey maruppinAl tONTiya varik kuTar
	jAlam koNTu ezUum parun'tin vAy vazIi,
	Alum kaTampum aNimAr vilagkiTTa
	mAlai pOl, tUgkum cinai
	kuravai ATutal
30	Agku,
	tam pula ERu parattara uytta tam
	anpu uRu kAtalar kai piNain'tu, Aycciyar
	inpuRRu ayarvar, tazUu
	muyagkip potivEm; muyagkip potivEm;
35	mulai vEtin oRRi, muyagkip potivEm
	kolai ERu cATiya puNNai em kELE!
	pal Uz tayir kaTaiyat tAaya puLLi mEl
	kol ERu koNTAn kuruti mayakkuRap
	pullal em tOLiRku aNiyO? em kELE!
40	Agku, pOr ERRu arun' talai ajcalum, Aycciyar
	kArikait tOL kAmuRutalum, iv iraNTum
	OrAgkuc cERal ilavO? em kELE!
	'kol ERu koNTAn, ivaL kELvan' enRu, UrAr
	collum col kELA, aLai mARi yAm varum
45	celvam em kELvan tarumO? em kELE
	'tennan vAzka!' enak kAnattaip pATutal
	Agka,
	arun' talai ERRoTu kAtalarp pENi,
	curumpu imir kAnam n'Am pATinam paravutum;
50	ERRavar pulam keTat tiRai koNTu,
	mARRAraik kaTakka, em maRam kezu kOvE!

107.tOzi kURRu

	talaivi
	ellA! iHtu onRu kURu kuRumpu ivar
	pullinattArkkum, kuTam cuTTavarkkum, 'em
	kol ERu kOTal kuRai' ena, kOvinattAr
	pal ERu peytAr tozUu
5	tozuvattu,
	cillaic cevi maRaik koNTavan cennik kuvi mullaik
	kOTTam kAz kOTTin eTuttukkoNTu, ATTiya
	Ezai irum pukar pogka, ap pU van'tu en
	kUzaiyuL vIzn'tanRu man
10	atanai, keTuttatu peRRAr pOl, koNTu yAn muTittatu
	kETTanaL, enpavO, yAy?
	tOzi
	kETTAl, evan ceyya vENTumO? maRRu, ikA!
	avan kaNNi anRO, atu?
	talaivi
	'pey pOtu aRiyAt tan kUzaiyuL EtilAn
15	kai punai kaNNi muTittAL, enRu, yAy kETpin,
	ceyvatu ilAkumO maRRu?
	tOzi
	ellAt tavaRum aRum
	talaivi
	Oo! aHtu aRumARu?
	tOzi tavaRu anRAmARu kURalum talaivi patilum
	'Ayar makan Ayin, Aya makaL n'I Ayin,
20	n'in veyyan Ayin, avan veyyai n'I Ayin,
	annai n'OtakkatO illaiman' 'n'in n'ejcam,
	annai n'ejcu, Akap peRin'
	tOzi
	annaiyO?
	Ayar makanaiyum kAtalai, kaimmika
25	jAyaiyum ajcutiAyin, arituarO
	n'I uRRa n'Oykku marun'tu
	talaivi
	marun'tu inRu yAn uRRa tuyar Ayin ellA!
	varun'tuvEn allanO, yAn?
	tOzi
	varun'tAti
30	maNNi mAcu aRRa n'in kUzaiyuL ERa avan
	kaNNi tan'tiTTatu enak kETTu, 'tiNNitA,
	teyva mAl, kATTiRRu ivaTku' ena, n'innai ap
	poy il potuvaRku aTai cUzn'tAr tan'taiyOTu
	aiyanmAr ellAm orugku

108.akappuRat talaivan talaiviyar kURRu

	talaivan
	ikal vEn'tan cEnai iRutta vAy pOla
	akal alkul, tOL, kaN, ena mUvazip peruki,
	n'utal, aTi, n'ucuppu, ena mUvazic ciRuki,
	kavalaiyAl kAmanum paTai viTu vanappinOTu,
5	akalAgkaN aLai mARi, alaman'tu, peyarugkAl,
	'n'akai vallEn yAn' enRu en uyirOTu paTai toTTa
	ikalATTi! n'innai evan pizaittEn, ellA! yAn?
	talaivi
	aHtu avalam anRu mana
	Ayar emar AnAl, AyttiyEm yAm, mika;
10	kAyAmpUg kaNNik karun' tuvar ATaiyai,
	mEyum n'irai munnark kOl UnRi n'inRAy, Or
	Ayanai allai; piRavO amararuL
	jAyiRRup puttEL makan?
	talaivan
	atanAl vAyvALEn:
15	'mullai mukaiyum murun'tum n'iraittanna
	pallum paNait tOLum, pEr amar uNkaNNum,
	n'allEn, yAn' enRu, n'alattakai n'ampiya
	collATTi! n'innoTu col ARRukiRpAr yAr?
	talaivi
	collAti
	'pOkAmal unnai vilakkinEn' enRa talaivanukkut talaivi
20	'n'innait takaittanen,' 'allal kANman
	maNTAta kURi, maza kuzakku AkinRE,
	kaNTa pozutE kaTavaraip pOla, n'I
	paNTam vinAya paTiRRAl toTIiya, n'iR
	koNTatu evan ellA! yAn?'
	talaivan
25	koNTatu:
	aLai mARip peyartaruvAy! aRitiyO? aj jAnRu,
	taLava malar tatain'tatu Or kAnac ciRRARRu ayal,
	iLa mAgkAy pOzn'tanna kaNNinAl, en n'ejcam
	kaLamAk koNTu ANTAy; Or kaLviyai allaiyO?
	talaivi
30	n'in n'ejcam kaLamAkkoNTu yAm ALa, emakku evan eLitAkum?
	punattuLAn ennaikkup pukA uyttuk koTuppatO?
	inattuLAn en'taikkuk kalattoTu celvatO?
	tinaik kAluL yAy viTTa kanRu mEykkiRpatO?
	talaivan
	anaittu Aka
35	veNNeyt tezi kETkum aNmaiyAl, cEyttu anRi,
	aNNaNittu Ur Ayin, n'aNpakal pOztu Ayin,
	kaN n'Okku ozikkum kavin peRu peN n'Irmai
	mayil eruttu vaNNattu mAyOy! maRRu inna
	veyiloTu, evan, virain'tu cERi? utukkAN:
40	piTi tujcu anna aRai mEla, n'ugkin
	taTi kaN puraiyum kuRuj cunai ATi,
	panip pUn' taLavoTu mullai paRittu,
	tani, kAyAn' taN pozil, emmoTu vaiki,
	panip paTac celvAy, n'um Urkku
	talaivi
45	inic celvEm, yAm
	mA maruNTanna mazaik kaN ciRRAyttiyar
	n'I maruTTum coRkaN maruLvArkku urai, avai:
	A muniyA ERu pOl, vaikal, patinmaraik
	kAmuRRuc celvAy; Or kaTkuttik kaLvanai;
50	n'I evan ceyti, piRarkku?
	yAm evan ceytum, n'inakku?
	talaivan
	kolai uNkaN, kUr eyiRRu, koy taLir mEni,
	inai vanappin, mAyOy! n'innin ciRan'tAr
	n'ila ulakattu inmai teLi; n'I varuti;
55	malaiyoTu mArpu amain'ta celvan aTiyait
	talaiyinAl toTTu uRREn, cUL
	talaivi
	Agku uNarAr n'Erpa; atu poyppAy n'I; Ayin
	tEm koL poruppan ciRukuTi em Ayar
	vEn'tu UTTu aravattu, n'in peNTir kANAmai,
60	kAjcit tAtu ukkanna tAtu eru manRattut
	tUgkum kuravaiyuL n'in peNTir kELAmai,
	AmpaR kuzalAl payir payir em paTappaik
	kAjcikkIzc ceytEm kuRi

109.vinai vala pAgkin talaivan kURRu

	kAr Arap peyta kaTi koL viyan pulattup
	pErAtu cenRu, perum patavap pul mAn'ti,
	n'Ir Ar n'izala kuTamcuTTu inattuLLum,
	pOr ArA ERRin, poru n'Aku, iLam pANTil
5	tEr Ura, cemmAn'tatu pOl, mataiinaL
	pEr Urum ciRRUrum kauvai eTuppavaL pOl,
	mOrOTu van'tAL takai kaNTai; yArOTum
	colliyAL anRE vanappu
	paNNit tamar tan'tu, oru puRam taiiya
10	kaNNi eTukkallAk kOTu En'tu akal alkul
	puN illAr puNNAka n'Okkum; muzu meyyum
	kaNNaLO? Ayar makaL
	ivaLtAn tiruttAc cumaTTinaL, Enait tOL vIci,
	varik kUza vaTTi tazIi, arik kuzai
15	ATal takaiyaL; kazuttinum vAlitu
	n'uNNitAt tOnRum, n'ucuppu
	iTai teriyA Eer iruvarum tattam
	uTai vanappu ellAm ivaTku IttArkollO?
	paTai iTuvAnman kaNTIr, kAman maTai aTum
20	pAloTu kOTTam pukin
	ivaL tAn, varun'ta n'Oy ceytu iRappin allAl, marun'tu allaL
	'yArkkum aNagkAtal cAnRAL' enRu, Urp peNTir,
	'mAgkAy n'aRug kATi kUTTuvEm; yAgkum
	ezu n'in kiLaiyoTu pOka' enRu tattam
25	kozun'araip pOkAmal kAttu, muzu n'ALum,
	vAyil aTaippa, varum

110.vinaivala pAgkin talaivan talaiviyar kURRu

	'emmai eLiyamAk karutinaiyO?' enRa talaiviyai n'Okkit talaivan uraittal
	'kaTi koL irug kAppil pullinattu Ayar
	kuTitoRum n'allArai vENTuti ellA!
	iTu tEL marun'tO, n'in vETkai? toTutarat
	tunni, tan'tAgkE, n'akai kuRittu, emmait
5	tiLaittaRku eLiyamAk kaNTai; "aLaikku eLiyAL
	veNNeykkum annaL" enak koNTAy' oNNutAl!
	Agku n'I kURin, anaittAka; n'Igkuka
	accattAn mARi, acaivinAn pOttan'tu,
	n'iccam taTumARum mel iyal AymakaL!
10	mattam piNitta kayiRu pOl, n'in n'alam
	cuRRic cuzalum en n'ejcu
	viTin'ta pozutinum ilvayin pOkAtu,
	koTun' tozuvinuL paTTa kanRiRkuc cUzum
	kaTujcUl A n'Aku pOl, n'iR kaNTu, n'ALum,
15	n'aTugku ajar uRRatu en n'ejcu
	evvam mikutara, em tiRattu, ejjAnRum,
	n'ey kaTai pAlin payan yAtum inRAki,
	kai tOyal mAttirai allatu, ceyti
	aRiyAtu aLittu en uyir'
	talaivi
20	annaiyO? manRattuk kaNTAgkE, 'cAnRAr makaLirai
	inRi amaiyEn' enRu, innavum colluvAy;
	n'inRAy; n'I cenRI; emar kANpar; n'ALaiyum
	kanRoTu cERum, pulattu