86-90

	mai paTu cenni maza kaLiRRu OTai pOl,
	kai punai mukkAz kayan' talait tAza,
	polam cey mazuvoTu vAL aNi koNTa
	n'alam kiLar oN pUN n'anaittarum av vAy
5	kalan'tu kaN n'Okku Ara, kANpu in tukirmEl
	polam punai cempAkam pOr koNTu imaippa,
	kaTi araNam pAyA n'in kai punai vEzam,
	toTiyOr maNalin uzakki, aTi Arn'ta
	tErai vAyk kiNkiNi Arppa, iyalum en
10	pOr yAnai, van'tIka, Igku!
	cemmAl! vanappu elAm n'un'taiyai oppinum, n'un'tai
	n'ilaip pAluL otta kuRi en vAyk kETTu otti;
	kanRiya tevvark kaTan'tu kaLam koLLum
	venRimATTu otti, peruma! maRRu ovvAti,
15	'onRinEm yAm' enRu uNarn'tArai, n'un'tai pOl,
	men tOL n'ekiza viTal
	pAl koLal inRi, pakal pOl, muRaikku olkAk
	kOl cemmai otti, peruma! maRRu ovvAti,
	kAl poru pUvin kavin vATa, n'un'taipOl,
20	cAlpu Ayn'tAr cAya viTal
	vItal aRiyA vizup poruL n'acciyArkku
	ItalmATTu otti, peruma! maRRu ovvAti,
	mAtar men n'Okkin makaLirai, n'un'taipOl,
	n'Oy kUra n'OkkAy viTal
	pinnE maRaiya n'inRa talaivanait talaivi kaNTamai
25	Agka
	tiRan alla yAm kazaRa, yArai n'akum, im
	makan allAn peRRa makan?
	maRai n'inRu, tAm manRa van'tIttanar
	talaivan uraiyum, appozutu talaivan mAri>pil pAyn'ta putalvan ceyal kaNTu, talaivi uraittalum
	'AyizAy! tAvAta eRkut tavaRu uNTO? kAvAtu Igku
30	Ittai, ivanai yAm kOTaRku' cIttai; yAm
	kanRi atanaik kaTiyavum, kai n'Ivi,
	kunRa iRu varaik kONmA ivarn'tAgku,
	tan'tai viyal mArpil pAyn'tAn aRan illA
	anpili peRRa makan

'tan'taiyAr oppar makkaL enpatanAl, an'tam il ciRappin makappazittu n'erugkalum' enpatanAl, makanait talaivanai okkalAm kuNanum okkalAkAk kuNanum talaivi kURukinRuzi,maRain'tu pukka talaivan avaL UTal uNarvana colla, makan vAyilAka UTal tIrvAL tannuLLE kURiyatu (21)

	talaivi
	orUu n'I; em kUn'tal koLLal yAm n'innai
	verUutum, kANugkaTai
	talaivan
	teriyizAy! cey tavaRu ilvazi, yAgkuc cinavuvAy,
	mey pirin'tu, annavarmATTu?
	talaivi
5	ETA! n'inakkut tavaRu uNTO? n'I vITu peRRAy;
	imaippin itaz maRaipu AgkE keTuti;
	n'ilaip pAl aRiyinum, n'in n'on'tu n'innaip
	pulappAr uTaiyar, tavaRu
	talaivan
	aNait tOLAy! tIyAraip pOla, tiRan inRu uTaRRuti;
10	kAyum tavaRu ilEn yAn
	tOzi
	mAn n'Okki! n'I aza n'Ittavan AnAtu
	n'ANilan_Ayin, n'alitan'tu avanvayin
	UTutal ennO, ini?
	talaivi n'ejcoTu kURal
	'ini yAtum mIkkURRam yAm ilam' ennum
15	takaiyatu kANTaippAy, n'ejcE! pani AnAp
	pATu il kaN pAyal koLa

parattaiyar cEri cenRamai aRin'tilaL enat talaivimATTuc cenRavanOTu avaL UTi uRazn'tu kURi, tOzi vAyilAka UTal tIrvAL, tan n'ejcoTu kURiyatu

	talaivi
	orUu; koTi iyal n'allAr kural n'ARRattu uRRa
	muTi utir pUn' tAtu moympina Aka,
	toTiya, emakku n'I yArai? periyArkku
	aTiyarO ARRAtavar?
	talaivan
5	kaTiyar tamakku yAr collat takkAr mARRu?
	talaivi
	vinaikkeTTu, vAy allA veNmai uraiyAtu. kURu n'in
	mAyam, maruLvArakattu
	talaivan
	AyizAy! n'in kaN peRin allAl, in uyir vAzkallA
	enkaN evanO, tavaRu?
	talaivi
10	iHtu ottan! puLLik kaLavan punal cEr potukkam pOl,
	vaL ukir pOzn'tanavum, vAL eyiRu uRRanavum,
	oL itaz cOrn'ta n'in kaNNiyum, n'allAr
	ciraRupu cIRac civan'ta n'in mArpum,
	tavaRAtal cAlAvO? kURu
	talaivan
15	'atu takkatu; vERRumai enkaNNO OrAti; tItu inmai
	tERRak kaNTIyAy; teLikku
	talaivi
	init tERREm yAm
	tEr mayagki van'ta teri kOtai am n'allAr
	tAr mayagki van'ta tavaRu ajci, pOr mayagki,
20	n'I uRum poyc cUL aNagku Akin, maRRu ini
	yAr mEl? viLiyumO? kURu

av ARRAl pukka talaivanuTan UTiyum uRazn'tum colli, poyc cUL ajci, UTal tIrn'tatu

	talaivi
	yAr ivan? em kUn'tal koLvAn? ituvum Or
	UrANmaikku otta paTiRu uTaittu; em manai
	vAral; n'I van'tAgkE mARu
	talaivan
	en ivai, Or uyirp puLLin iru talaiyuL onRu
5	pOr etirn'taRRAp pulaval? n'I kURin, en
	Ar uyir n'iRkum ARu yAtu?
	talaivi
	Ee! teLin'tEm yAm; kAyAti ellAm val ellA!
	perug kATTuk koRRikkup pEy n'oTittAgku,
	varun'tal n'in vajcam uraittu
	talaivan
10	marun'tu inRu mannavan cIRin, tavaRu uNTO? n'I n'ayan'ta,
	innakai! tItO ilEn
	talaivi
	mANa maRan'tu uLLA n'ANilikku ip pOr
	puRam cAyn'tu kANTaippAy n'ejcE! uRazn'tu ivanaip
	poyppa viTEem ena n'erugkin, tappinEn
15	enRu aTi cErtalum uNTu!

talaivan 'kAmattin valiyum' enRatanAl ARRAmai vAyilAka valin'tu pukku n'erugkik kUTumiTattu, avanuTan talaivi UTic cila colli, avan ARRAmai kURuvatu kETTu UTal tIrn'tatu

	talaivi
	kaNTEn, n'in mAyam kaLavu Atal; poyn' n'akA,
	maNTAta collit toTAal; toTIiya n'in
	peNTir uLarmannO, Igku?
	talaivan
	oNtoTi! n'I kaNTatu evanO tavaRu?
	talaivi
5	kaNTatu n'Oyum vaTuvum karan'tu, makiz cerukki,
	pATu peyal n'inRa pAnAL iravil
	toTi poli tOLum, mulaiyum, katuppum,
	vaTivu Ar kuzaiyum, izaiyum, poRaiyA
	oTivatu pOlum n'ucuppOTu, aTi taLarA,
10	ArAk kavavin orutti van'tu alkal tan
	cIr Ar jekizam cilampa, civan'tu, n'in
	pOr Ar katavam mitittatu amaiyumO?
	Ayizai Arkkum oli kELA, av etir
	tAzAtu ezun'tu n'I cenRatu amaiyumO?
15	mARAL cinaii, avaL AgkE, n'in mArpil
	n'ARu iNarp pain' tAr parin'tatu amaiyumO?
	'tERu n'I; tIyEn alEn' enRu maRRu avaL
	cIRaTi tOyA iRuttatu amaiyumO?
	kURu ini; kAyEmO, yAm?
	talaivan
20	tERin, piRavum tavaRu ilEn yAn;
	alkal kanavukol n'I kaNTatu?
	talaivi
	'kanai peyal taN tuLi vIcum pozutil kuRi van'tAL
	kaNTa kanavu' ena, 'kANAtu, mARu uRRu
	paNTaiya alla, n'in poyc cUL, n'inakku; ellA!
25	n'inRAy; n'in pukkil pala
	talaivan
	men tOLAy! n'alku, n'in n'al ezil; uNku
	talaivi
	ETA! kuRai uRRu n'I em uraiyal! n'in tImai
	poRai ARREm enRal peRutumO, yAza
30	n'iRai ARRA n'ejcu uTaiyEm?

'pullutal mayakkum pulavikkaNNum' enpatanAl, talaivan pulappaTap parattaiyariTattu ozukAtu maRain'tu ozuki van'tu n'inRavanuTan kAmak kizatti UTic colli, talaimakan ARRAmai kaNTu, tan ARRamaiyum colli, UTal tIrn'tatu

urai

HOME